Morgunblaðið - 14.09.2002, Qupperneq 15
ÁRBORGARSVÆÐIÐ
MORGUNBLAÐIÐ LAUGARDAGUR 14. SEPTEMBER 2002 15
ÚTVEGSBÆNDAFÉLAG Stokks-
eyrar er í undirbúningi. Níu manna
hópur frá Stokkseyri og Selfossi sem
unnið hefur að stofnun félagsins kom
saman á Stokkseyrarbryggju í góða
veðrinu nýlega og var það fyrsti
formlegi fundur hópsins.
Á þessum bryggjufundi var lagt á
ráðin um framhaldið og þær fram-
kvæmdir sem útvegsbændur vilja
sjá við bryggjuna. Má þar nefna við-
legukant fyrir minni báta en í hópn-
um eru eigendur fjögurra smábáta.
Á bryggjufundinum var meðal ann-
ars rætt um innsiglingarmerkin sem
eru á frystihúsinu og á brimvarnar-
garðinum en mikilvægt er að halda
þessum merkjum við, þannig að þau
megi nota og halda með því við þeirri
þekkingu sem fyrir hendi er meðal
sjómanna varðandi þær tvær inn-
siglingaleiðir sem eru að Stokkseyr-
arhöfn.
Það kom einnig fram að sú merk-
ing sem hópurinn leggur í orðið út-
vegsbóndi á ekki bara við um sjávar-
útveg og útræði. Menn tengja það
hvers konar umsvifum í atvinnu-
rekstri á þessum útgerðar- og fisk-
vinnslustað. „Við skulum hafa „fé-
lagsheimilið í baksýn,“ sagði einn
fundarmanna þegar kom að mynda-
töku og átti við hraðfrystihúsið en
stór hluti þess er ónotaður og kallar
á umsvif af einhverju tagi.
En hvert er þá baráttumál útvegs-
bænda Stokkseyrar? „Kvótann
heim, það er á hreinu,“ sagði einn
fundarmanna og hinir tóku undir það
og hlógu fagnandi. Morgunblaðið/Sigurður Jónsson
Útvegsbændafélag Stokks-
eyrar í burðarliðnum
Stokkseyri
„ÞETTA er einfalt og býður upp á fé-
lagsskap ásamt því að fullnægja sköp-
unarþörfinni fyrir nú utan hvað þetta
er fallegt,“ segir Guðrún Erla Gísla-
dóttir sem stofnaði netverslunina
Bót.is í júlí árið 2000 og hefur síðan
einbeitt sér að því þjónusta konur
sem leggja stund á bútasaum og það
handverk sem er í kringum þann
saumaskap. Guðrún opnaði verslun
með bútasaumsvörumn að Eyravegi
37 á Selfossi árið 2001 og er nýbúin að
opna aðra verslun á Akureyri, að
Brekkugötu 9.
„Bútasaumur er aldagamalt hand-
verk en tiltölulega ungt hér á landi og
nýtur sífellt meiri vinsælda. Það eru
konur á öllum aldri í þessu og við
reynum að mæta þessum áhuga. Við
erum með námskeið í verslununum
einu sinni í viku og svo með stærri
námskeið öðru hverju, eins og nú í
haust á Skógum en þar koma konur
saman tvær helgar og sauma og
skemmta sér frá föstudegi til sunnu-
dags,“ segir Guðrún. Þá segir hún að
vináttuklúbbur sé starfræktur þar
sem ríflega 250 konur séu skráðar alls
staðar að af landinu en þær fá senda
pakka einu sinni í mánuði með efnum
og leiðbeiningum til að sauma eftir.
Til að halda utan um þetta heldur
Guðrún mánaðarlega fundi þar sem
konurnar bera saman bækur sínar,
sýna og sjá hvað verið er að gera.
Morgunblaðið/Sigurður Jónsson
Guðrún Erla í Bót.is og starfs-
stúlkur hennar á Selfossi, þær
Ólöf María og Jónína.
Bútasaum-
ur vinsæll
Selfoss
SYSTURNAR Þórdís og Jóhanna
Þórðardætur ásamt Katrínu Ósk
Þráinsdóttur hafa undanfarin ár
staðið fyrir handverksmörkuðum í
félagsheimilinu Stað á Eyrarbakka.
Hinn 15. september n.k. ætla þær
að efna til markaðar þar.
Þær stefna að því að halda einn
markað í mánuði og tvo í nóvember.
Eins og venjulega hvetja þær
handverksfólk í Árborg til að koma
með verk sín og vera með eins og
undanfarin ár. Á fyrsta markaði árs-
ins nú í september langar þær til að
fólk komi með uppskeru sína, t.d.
grænmeti, kartöflur, blóm og sultur,
auk hins hefðbundna. Eins og venju-
lega verða Húsið og sjóminjasafnið
opin á sama tíma og kaffisala verður
í Rauða húsinu.
Fjórða ár hand-
verksmarkaða
Eyrarbakki
♦ ♦ ♦