Morgunblaðið - 14.09.2002, Qupperneq 19

LANDIÐ
MORGUNBLAÐIÐ LAUGARDAGUR 14. SEPTEMBER 2002 19
Nánari upplýsingar og pantanir
í Hlíðasmára 15, Kópavogi,
í síma 585 4100.
Ferðaávísun Mastercard gi ldir 5.000
Úrvals-Bændaferð/Aðventuferð
til Trier í Þýskalandi 24. nóv. til 1. des. 2002
ÚRVALSBÆNDAFERÐIR ERU FYRIR ALLA LANDSMENN
Trier er elsta borg Þýskalands og bera þar hæst minjar frá dögum Rómverja, en þeir
settust þarna að um kristsburð. Það voru einmitt þeir sem kynntu vínviðinn við
Mósel og síðan hefur Móseldalurinn verið eitt merkasta vínræktarsvæði Norður-
Evrópu. Það er löng hefð fyrir jólamarkaði í Trier og svíkur stemningin þar engan.
Gamli bærinn er tiltölulega lítill og að mestu varðveittur fyrir fótgangandi, sem
gerir hann enn meira aðlaðandi og auðveldan yfirferðar. Hótelið er í göngufæri við
göngusvæðið. Allar helstu verslunarkeðjur Þýskalands eru til staðar, enda þjóna þær
svæði sem búa á um 700 þúsund manns, þó Trier hýsi ekki nema 90 þúsund. Þarna
er hægt á einni viku, frá sunnudegi til sunnudags, að ganga frá öllum
jólainnkaupum án þess að vera með nokkuð stress. Þýskaland er það land, þar sem
hin nýja evra hefur síst orðið til að hækka verðlag.
Innifalið er allt eftirfarandi:
Fyrir utan íslenska fararstjórn eru innifaldir á fjögurra stjörnu lúxus hóteli
ríkulegir morgunverðir (hlaðborð) auk aksturs og flugvallarskatta.
Skoðunarleiðangur um bæinn. Fjórir kvöldverðir með fararstjóra á
margvíslegum veitingastöðum m.a. skoðunarferð til Bernkastel og Enkirch sem
endar hjá vínbónda með tilheyrandi vínsmökkun og kvöldmat, hrein veisla.
Verð í tvíbýli kr. 79.000
Aukagjald fyrir einbýli kr. 17.000
Fararstjórinn
Friðrik G. Friðriksson
(Frissi)
Porta Nigra
UM síðustu helgi voru útskrifaðir
nítján nemendur, sex af ferðamála-
braut og sex af fiskeldisbraut og sjö
af tamningabraut við Hólaskóla.
Skúli Skúlason skólameistari
kvaddi nemendur við þessi tímamót
og þakkaði þeim góð kynni og góða
frammistöðu í námi og starfi. Fram
kom í máli hans að þessir nemar hafi
lagt að baki sumir eins en aðrir
tveggja ára nám í sínu fagi. Sagði
skólameistari ánægjulegt að geta
skýrt frá því að verulega aukin að-
sókn væri að skólanum, og væri hún
jafnvel meiri en menn hefðu þorað að
vænta. Á næsta ári yrðu 70 nemend-
ur í staðarnámi, það er heima á Hól-
um, en milli 20 til 30 í fjarnámi en sá
þáttur verður sífellt vinsælli. Skúli
sagði að aðsókn væri slík í nám á
hestabrautinni að milli þrjátíu og
fjörutíu hefðu sótt um nám, en aðeins
hefðu sautján komist að eftir inn-
tökupróf. Alls væru 92 nemar skráð-
ir til náms á yfirstandandi skólaári.
Vaxandi sókn í
nám við Hólaskóla
Skagafjörður
SLÖKKVILIÐ Húsavíkur setti met
í útkallstíma í fyrrakvöld þegar
það var kallað að húsi við Laug-
arbrekku. Húsráðanda var að von-
um nokkuð brugðið þegar slökkvi-
liðsmenn bönkuðu upp á enda
enginn eldur í húsinu. Slökkviliðið
hafði verið á æfingu í um 200
metra fjarlægð þegar útkallið
barst. Reyk lagði yfir húsið og því
leit út fyrir að kviknað væri í því.
Að sögn Jóns Ásbergs Salómons-
sonar slökkviliðsstjóra var verið að
sýna slökkviliðinu bíl frá fyrirtæk-
inu IB-bílum þegar útkallið barst.
Slökkviliðsmenn höfðu kveikt í
nokkrum brettum og var bíllinn
notaður til að slökkva þann eld.
Neyðarlínu og lögreglu hafði verið
gert viðvart um eldinn en þar sem
tilkynnt var um eld í ákveðnu húsi
við Laugarbrekku var brugðist við
útkallinu.
Æfingin fór fram, eins og áður
segir, í um 200 metra fjarlægð frá
Laugarbrekku og því tók það
slökkviliðið ekki nema rúma mín-
útu að komast á vettvang með
tækjabíl, dælubíl, tankbíl og svo
froðubílinn sem sýndur var fyrr
um kvöldið. Jón Ásberg sagði að þó
viðbragðstími slökkviliðsins væri
ávallt stuttur hefði hann aldrei
verið eins stuttur og í þessu tilviki.
Slökkviliðsmenn settu
met í viðbragðsflýti
Húsavík
Ljósmynd/Hafþór Hreiðarsson
Þessi froðubíll mætti í Laugarbrekkuna en lítið fór fyrir eldinum.
NÚ stendur yfir sýning í Eden
íHveragerði á verkum Guðráðs Jó-
hannssonar listamanns frá Beina-
keldu í A-Húnavatnssýslu. Guðráður
sýnir 30 olíumálverk auk teikninga
og skopmynda sem hann hefur gert
af samferðamönnum í Húnaþingi.
Guðráður Jóhannsson er sjálfmennt-
aður í þessari listgrein en hefur notið
mikillar leiðsagnar Bjarna Jónsson-
ar listmálara. Sýningu Guðráðs sem
jafnframt er sölusýning í lýkur
sunnudaginn 22. september
Myndlistarmað-
ur úr Torfa-
lækjarhreppi
sýnir í Eden
Blönduós
Morgunblaðið/Jón Sigurðsson
Eitt af verkum Guðráðs sem nú
eru á sýningu í Eden.
BÍLFERJAN
Norröna sem
siglt hefur með
farþega og farar-
tæki milli Ís-
lands, Færeyja,
Noregs, Dan-
merkur og Ler-
wick á Hjaltlandi
um hart nær
tveggja áratuga
skeið lagði upp í
síðustu ferð sína
frá Íslandi á
þriðjudaginn var.
Hátíðarstemmn-
ing ríkti um borð
og á hafnarbakkanum, enda brott-
förin viss áfangi í starfsemi Smyril-
line, eiganda skipsins, þar sem ný
þrefalt stærri Norröna tekur við
siglingum á fyrrnefndri leið næsta
vor.
Í tilefni dagsins færðu bæjar-
fulltrúar Seyðisfjarðarkaupstaðar
áhöfninni blóm og þökkuðu fyrir
langt og farsælt starf þar sem
gamla Norröna fór. Viðstaddir
hrópuðu síðan ferfalt húrra fyrir
Norröna. Siðasti maður um borð
var Jónas Hallgrímsson, fram-
kvæmdarstjóri Austfars, umboðs-
aðila Smyril-line á Íslandi. Að lok-
um flautaði Norröna síðasta
þrefalda kveðjuflautið svo undir tók
í fjöllunum í kring og hvarf inn í
þokuna við ljúfa harmónikkutónlist.
Gamla Norröna lýk-
ur Íslandsferðum
Norröna liðast út í Austfjarðaþokuna.
Seyðisfjörður
Ljósmynd/Pétur Kristjánsson
Skólavörðustíg 21, sími 551 4050.
Viskustykki
Til í níu munstrum
Moggabúðin
Derhúfa, aðeins 800 kr.