Morgunblaðið - 14.09.2002, Page 27
ERLENT
MORGUNBLAÐIÐ LAUGARDAGUR 14. SEPTEMBER 2002 27
JANET Reno, fyrrverandi
dómsmálaráðherra Bandaríkj-
anna, virðist hafa beðið lægri
hlut í forkosn-
ingum demó-
krata í Flór-
ída. Þegar
talin höfðu
verið 97,8%
atkvæða hafði
keppinautur
hennar, Bill
McBride,
fengið 45%
þeirra og Reno 43,3%. Búist
var við því í gær, að endanleg
úrslit yrðu tilkynnt þá um
kvöldið. Alls konar vandræði
komu upp í kosningunum í 14 af
65 sýslum ríkisins og var Reno í
gær að velta því fyrir sér hvort
hún ætti að kæra kosningarnar.
Sigurvegarinn mun takast á við
Jeb Bush, núverandi ríkis-
stjóra og bróður George W.
Bush. Skemmst er að minnast
klúðursins í forsetakosningun-
um í Flórída fyrir tveimur ár-
um en síðan hafa kosningakerf-
ið og talningarvélar verið
endurnýjuð fyrir 2,9 milljarða
ísl. kr.
Spenna í
Makedóníu
RÁÐIST var á makedónskan
herflokk skammt frá landa-
mærunum við Kosovo í gær.
Kom það fram í tilkynningu frá
varnarmálaráðuneyti Make-
dóníu, sem sagði, að árásar-
mennirnir hefðu verið einkenn-
isklæddir og hörfað yfir til
Kosovo þegar stjórnarher-
mennirnir svöruðu skothríð-
inni. Þingkosningar eru í
Makedóníu á morgun og mikil
spenna vegna þeirra.
Mannrán í
Moskvu
FORSTJÓRI Lukoil, stærsta
olíufélagsins í Rússlandi, bauð í
gær um 80 millj. ísl. kr. fyrir
upplýsingar um Sergei Kuk-
ura, fjármálastjóra fyrirtækis-
ins, en vopnaðir og grímu-
klæddir menn rændu honum í
Moskvu á fimmtudag. For-
stjórinn, Vagít Alekperov, seg-
ir í yfirlýsingu, að ránið á Kuk-
ura hafi verið mikið áfall fyrir
starfsmenn fyrirtækisins enda
muni ekkert verða sparað til að
koma mannræningjunum á bak
við lás og slá.
Handtökur á
Flórída
LÖGREGLAN á Flórída í
Bandaríkjunum handtók í gær
þrjá menn, sem grunaðir eru
um að hafa ráðgert sprengju-
árás. Lokaði hún jafnframt 130
km löngum kafla fjölfarinnar
hraðbrautar meðan bílar þeirra
voru rannsakaðir. Það var
frammistöðustúlka í Georgíu,
sem skýrði lögreglunni frá því,
að mennirnir, sem eru arabísk-
ir í útliti, hefðu sagt, að Banda-
ríkjamenn fengju brátt annað
harmsefni en 11. september.
Skráði hún hjá sér bílnúmerin
og lýsingu á bílunum og voru
þeir síðan stöðvaðir í Flórída.
Sjónvarpsstöð á Flórída sagði í
gær, að ekkert sprengiefni
hefði fundist í bílunum en aftur
á móti kveikibúnaður.
STUTT
Reno beið
ósigur í
Flórída
Janet Reno
VÍSINDAMENN við háskóla í Perth í Ástralíu
hafa ekki getað fundið skýringu á því að ilm-
andi tár streyma úr augum Maríulíkneskis sem
keypt var í Taílandi fyrir átta árum. Þúsundir
kaþólikka hafa flykkst til kirkjunnar þar sem
styttan er varðveitt en hún er í úthverfi borg-
arinnar Perth.
Patty Powell, sem er 47 ára gömul og einlæg-
ur kaþólikki, keypti á sínum tíma styttuna sem
er úr trefjagleri, fyrir sem svarar rúmlega
7.000 krónum. Hún tók síðar eftir því að tár er
virtust úr olíu og báru rósailm, voru farin að
streyma úr augum hennar. Gerðist þetta í
fyrsta sinn á hátíð heilags Jósefs, síðan aftur
um páskana og sl. mánuð hafa tárin streymt
stöðugt. Trúaðir hafa fyllst von og þakklæti,
sjúkir hafa flykkst í kirkjuna og að sögn séra
Finbarr Walsh, prests við kirkjuna, var hel-
sjúkur prestur smurður með tárum úr líknesk-
inu á miðvikudaginn. „Tveim stundum síðar gat
hann setið uppi í rúminu og leið ágætlega,“
segir séra Walsh.
En aðrir eru fullir grunsemda og telja að
svik séu í tafli. Walsh fékk leyfi eigandans til
að láta sérfræðinga rannsaka Maríustyttuna.
Rob Hart, sérfræðingur í röntgen-tækni við
Curtin-háskóla, sagðist ekki geta fundið nein
merki um holrúm eða vökva inni í styttunni en
sagðist hafa fundið merki um einhvers konar
þéttleika við fætur hennar.
Doug Clarke, efnafræðingur við Murdoch-
háskóla, kannaði sýni úr tárunum og sagði
fréttamönnum að hann teldi að einhver hefði
verið „mjög brögðóttur“ en hann fyndi ekkert
sem benti til að styttan hefði ekki grátið. Tárin
væru úr jurtaolíu, sennilega ólífuolíu sem
blönduð væri rósaolíu. Hægt væri að gera
rannsókn til að ganga úr skugga um það hvort
olía væri inni í styttunni. Hins vegar væru
starfsmenn háskólans of önnum kafnir í vikunni
til að geta gert rannsóknina.
Séra Walsh segir að Powell hafi ákveðið að
leyfa ekki fleiri rannsóknir á styttunni. „Hún er
sátt vegna þess að rannsóknirnar hafa sannað
að styttan er ekki fölsun,“ sagði hann.
Maríulíkneski grætur í Perth
Vísindamönnum hefur
ekki tekist að finna
skýringu á fyrirbærinu
Perth. AFP.