Morgunblaðið - 14.09.2002, Blaðsíða 57

BRÉF TIL BLAÐSINS
MORGUNBLAÐIÐ LAUGARDAGUR 14. SEPTEMBER 2002 57
Nýbýlavegi 12, Kópavogi,
sími 554 4433.
Nýjar vörur
daglega
Guðrún Arnalds, símar 896 2396 og 561 0151 gud.run@mmedia.is
Andartak
í erli dagsins
Tími til að vera, hlaða batteríin, styrkja líkamann, auka
sveigjanleikann og úthaldið og létta á hjartanu.
Mán. og mið. kl. 17.30 á Háaleitisbraut 11. Hefst 9. sept.
Jóga - hreyfing - líföndun - hugleiðsla
Haustdagskrá BR
Spilamennska Bridsfélags
Reykjavíkur byrjar þriðjudaginn 17.
september. Haustdagskráin er hefð-
bundin og tekur mið af síðustu
tveimur árum. Spilað verður í hús-
næði BSÍ, Síðumúla 37 og spila-
mennska byrjar klukkan 19.30. Tek-
ið verður við skráningu í tölvupósti
allt að klukkutíma fyrir spila-
mennsku á tölvupóstfangið keppnis-
stjori@bridgefelag.is Haustdag-
skráin verður sem hér segir:
17. sept., 24. sept., 1. okt.
Þriggja kvölda hausttvímenning-
ur. Hefð er komin fyrir því að byrja
spilaárið á þessari keppni. Spilaform
er Monrad barómeter og fjöldi spila
fer eftir þáttöku.
8. okt., 15. okt., 22. okt.
Board A Match sveitakeppni.
Þetta er þriðja árið í röð sem þessi
keppni er spiluð. BR-félagar hafa
hægt og rólega farið að kunna við
þessa erfiðu og oft vanmetnu keppni.
29. okt., 5. nóv., 12. nóv.
Cavendish-tvímenningur. Sama
spilasnið og á Kauphallarmótinu sál-
uga. Spilaform verður barómeter
nema að þátttaka verði það góð að
spilað verði með Monrad fyrirkomu-
laginu.
19. nóv., 26. nóv., 3. des.
Hraðsveitakeppni. Ein vinsælasta
keppni BR á haustin. Skipt verður í
riðla eftir árangri og hefur verið
mikil keppni um að detta ekki niður
um riðil. Þegar heim er komið er
hægt að skoða butlerinn á
www.bridgefelag.is
17. des.
Jólasveinatvímenningur. Eins
kvölds tvímenningur með jólakon-
fekts- og rauðvíns-verðlaunum. Allir
sem mæta með jólasveinahúfur eiga
möguleika á jóla-rauðvínsflösku.
Lokamót ársins verður Minning-
armót Harðar Þórðarsonar, jólamót
BR og SPRON á milli jóla og nýárs.
Spilamennska byrjar klukkan 17.00.
Spilaðar verða 11 umferðir, 4 spil í
hverri umferð. Fyrirkomulag er
Monrad-barómeter. Spilastaður
verður auglýstur síðar.
BRIDS
Umsjón Arnór G.
Ragnarsson
Bridsfélag Hreyfils
Þrettán pör mættu til leiks í upp-
hitunartvímenningnum hjá bílstjór-
unum sl. mánudagskvöld. Óskar Sig-
urðsson og Sigurður Steingrímsson
sigruðu nokkuð örugglega með 44
yfir meðalskor. Daníel Halldórsson
og Ragnar Björnsson voru með 36,
Róbert Geirsson og Björn Árnason
með 26 og Ómar Óskarsson og Skúli
Sigurðsson með 16.
Spilað er á mánudagskvöldum í
Hreyfilshúsinu.
Bridsfélag Hafnarfjarðar
Spilamennska hefst mánudaginn
16. september kl.19.30 í nýjum og
glæsilegum sal að Flatahrauni 3. All-
ir spilarar, eldri, yngri, byrjendur og
lengra komnir eru velkomnir.
Áhersla verður lögð á að taka vel á
móti þeim er telja sig óvana keppn-
isbrids svo það er ástæðulaust að ótt-
ast.
Fyrstu tvö kvöldin verður upphit-
unar-tvímenningur, þá er alveg kjör-
ið tækifæri fyrir ykkur sem eruð að
hugsa um að spila, komið og athugið
hvernig ykkur líkar.
Í athugun er að spila á erlendri
grund þegar líður að vori. Félagið
mun eftir megni styrkja þá er spila
að staðaldri í vetur.
Það verður gaman að sjá ykkur
sem allra flest, sem allra oftast í vet-
ur.
Í stjórn Bridgefélagsins:
Erla Sigurjónsdóttir s. 565.3050
Njáll Sigurðsson s. 565.5796 / 699.1364
Atli Hjartarson s. 555.1921 / 570.7326
Júlíana Gísladóttir s. 568.2788 / 861.2791
Guðni Ingvarsson s. 555.3580 / 697.4997
Í vetur verður spilað í nýjum,
glæsilegum sal að Flatahrauni 3.
Keppnisstjóri: Björgvin Már Krist-
insson.Yfirleitt verða forgefin spil.
Að venju er spilað á mánudagskvöld-
um kl.19.30, mætið tímanlega.
16. sept. Tvímenningur, upphitun.
23. sept. Tvímenningur, frekari upp-
hitun
30. sept. Barometer tvímenningur
7. okt. Barometer tvímenningur
14. okt. Barometer tvímenningur
21. okt. Hraðsveitakeppni
28. okt. Hraðsveitakeppni
4. nóv. Hraðsveitakeppni
11. nóv. Mitchell tvímenningur
18. nóv. Mitchell tvímenningur
25. nóv. Mitchell tvímenningur
2. des. Aðalsveitakeppni
9. des Aðalsveitakeppni
16. des. Jólasveinagleðimót.
27. des. Jólamót félagsins og
Sparisj. Hafnarfjarðar
Gullsmárabrids
Eldri borgarar spiluðu tvímenn-
ing á tíu borðum að Gullsmára 13
mánudaginn 9. september. Meðal-
skor var 168. Beztum árangri náðu:
NS
Dóra Friðleifsdóttir – Guðjón Ottósson 222
Viðar Jónsson – Sigurþór Halldórsson 192
Karl Gunnarsson – Ernst Backman 179
AV
Þorgerður Sigurgeirsd – Stefán Friðb. 219
Unnur Jónsdóttir – Jónas Jónsson 206
Ingólfur Viktorss. – Jón Páll Ingibergss. 185
Eldri borgarar spiluðu tvímenn-
ing á ellefu borðum að Gullsmára 13
fimmtudaginn 12. september sl.
Miðlungur 220. Efst vóru:
NS
Sigtryggur Ellertss. – Þórarinn Árnas. 283
Sigurjón H. Sigurj. – Gunnar Hjálmarss. 254
Valdimar Lárusson – Einar Elíasson 242
AV
Unnur Jónsdóttir – Jónas Jónsson 270
Kristján Guðm. – Sigurður Jóhannss. 252
Sigurður Pállsson – Einar Karlsson 237
Spilað alla mánu- og fimmtudaga.
Mæting kl. 12.45 á hádegi.
Úrslit í sumarbrids
Úrslit fimmtudagsins 5. sept.
Mitchell, 22 pör, M=216
NS
Hallgrímur Hallgr. – Guðm. Baldurss. 276
Óli Björn Gunnarss. – Guðm. Grétarss. 257
Ísak Örn Sigurðss. – Daníel Már Sig. 248
AV
Páll Valdimarsson – Eiríkur Jónsson 264
Erla Sigurjónsdóttir – María Haraldsd. 240
Alda Guðnad. – Kristján B. Snorrason 235
Úrslit föstudagsins 6. september,
Mitchell, 18 pör, M=216.
NS
Heiðar Sigurjónss. – Þröstur Þorlákss. 251
Jens Jensson – Jón Steinar Ingólfsson 241
Baldur Bjartmarss. – Sævin Bjarnason 233
AV
Gísli Steingrímss. – Sveinn R. Þorvaldss. 272
Anna G. Nielsen – Guðlaugur Nielsen 255
Hermann Friðrikss. – Hlynur Angant. 245
Mánudagurinn 9. sept., Howell,
M=108
Soffía Daníelsd. – Óli Björn Gunnarsson 127
Gróa Guðnad. – Baldur Bjartmarsson 121
Hrund Einarsd. – Dröfn Guðmundsd. 118
Arngunnur Jónsd. – Harpa F. Ingólfsd. 113
Þriðjudagurinn 10. september,
Howell, M=210
Sigurður Steingr. – Hermann Friðrikss. 241
Sigfús Þórðarson – Guðni Ingvarsson 238
Erla Sigurjónsd. – María Haraldsdóttir 233
Halldóra Magnúsd. – Þórir Sigursteinss. 228
Sævin Bjarnas. – Guðmundur Baldurss. 226
Allar nauðsynlegar upplýsingar
um Sumarbrids 2002, lokastöðu
spilakvölda, bronsstigastöðu og
fleira má finna á heimasíðu Brids-
sambands Íslands, www.bridge.is og
á síðu 326 í textavarpi sjónvarpsins.
GEGNUM áratugina, allt frá upp-
hafi beinna samgangna til Brjáns-
lækjar frá Stykkishólmi, norður yf-
ir Breiðafjörð, hefur sýnt sig að ef
skynsamlegt mat er lagt á þátt ör-
yggis íbúa norðan fjarðar til mögu-
leika á samgöngum suður er þetta
sú leið sem alltaf stendur upp úr í
möguleikum hvers tíma. Með ólík-
indum er því andstaða einstakra
manna hér vestra við þróun ferju-
siglinga til og frá Vestfjörðum, um
Breiðafjörð.
Þær „embættismanna-upphróp-
anir“ sem maður verður vitni að eru
óvandaðar. Þar ræður vissulega
ekki rökhyggja ferðinni.
Ég persónulega hef verið með á
hendi umferð hér í gegn allt frá því
farið var að ferja bíla yfir fjörðinn,
1966 (og reyndar löngu áður), og
hef því allra manna besta yfirsýn
yfir þróun þessara mála, til viðbótar
svo verið virkur þátttakandi um allt
er varðar ferðamál sem félagslegan
þátt, frá stofnun þeirra samtaka
þessa svæðis. Þáttur siglinga norð-
ur yfir Breiðafjörð hefur frá upp-
hafi beinna fólksflutninga (ferða-
fólks) hér yfir verið óumdeilanlega
snarasti þátturinn í uppbyggingu
þess sem atvinnu beggja vegna
fjarðar. Það er því með ólíkindum
að menn, sem telja sig ómissandi í
umfjöllun um þessi mál, loki svo
gersamlega augunum fyrir stað-
reyndum málsins og berjist á móti
þróun í ferjusiglingum.
Samgöngur landleiðina hafa stór-
batnað á undanförnum árum og
vissulega er það eðlileg þróun að
bæta vegi jafnt þótt siglt sé yfir
Breiðafjörð.
Ofstækið á móti ferjunni gengur
á köflum alveg út í forheimsku, það
heyrist í þeim herbúðum að ferjan
sé dragbítur á vegagerðina. Hvaða
málflutningur er slíkt? Það sýnir að
mínum dómi ódulda lítilsvirðingu á
skoðunum þeirra sem halda fram
rökum í þessu máli. Fagna ber
vissulega þeirri umræðu sem nú er,
um stærri og hraðskreiðari ferju á
fjörðinn. Vonandi verður því fylgt
eftir af ráðherra samgöngumála,
persónulega vona ég að hann sjái í
gegnum orðhengilshátt þeirra sem
ófrægja og fara rangt með stað-
reyndir í öryggi því sem við, al-
menningur þessa svæðis, höfum af
Breiðafjarðarferju
Ég er alls ekki andstæðingur
lagningu vegar innfyrir Breiðafjörð,
og vanmet á engan hátt kosti hans
okkur til handa. En heilsárstrygg-
ing fyrir okkur í samgöngum verð-
ur hann ALDREI.
Daglegir möguleikar á mokstri á
vetrardegi, – er ekki aðeins of mikil
bjartsýni þar á ferð? Sá eini veg-
arkafli á vestari hluta leiðarinnar
austur í Þorskafjörð, þ.e. Vattar-
fjörður, fullkláraður undir bundið
slitlag, lokaðist nú raunar af snjó,
áður en gránaði á jörð hér í sveit á
síðastliðnu hausti.
Óþarft er að rifja upp þau vand-
kvæði sem urðu þá á að opna hér
austur úr.
En vissulega sýnist barnalegt að
halda fram þeirri firru að dagleg
þjónusta á vegi innfyrir Breiða-
fjörð, sem við höfum með Breiða-
fjarðarferjunni, sé mál sem er í
augsýn nú.
Það þarf engan Sólon Íslandus til
að reikna út yfirburði ferjudæm-
isins á vetrardegi, bæði hvað varðar
kostnað, og ekki síður ferðaöryggi
íbúa svæðisins hér að norðanverðu.
Það sér hver meðalgreindur maður
að fjarlægðir milli byggðra bóla á
leiðinni austur Barðastrandarsýslu
eru slíkar, að öryggis hlýtur að
verða verulega vant á vetrardegi, ef
vetrarfar er á annað borð. Ekki má
láta glepjast um of af snjóléttum
vetrum undangenginna ára. Því
hlýtur niðurstaðan að verða sú að
langmests öryggis er gætt með þró-
un ferjusiglinga yfir Breiðafjörð.
Barnaleg ummæli eins og slík að
mannréttindabrot sé að fólk ráði
ekki sínum brottfarartíma og þá
ferðatíma, vegna ferju í stað vegar,
hljóta að falla um sjálf sig, ef örygg-
issjónarmiðs er gætt.
Ég treysti á Sturlu Böðvarsson
samgönguráðherra að láta óábyrg
orð úrtölumanna ferjusiglinga
dæma sig sjálf ómerk.
RAGNAR GUÐMUNDSSON,
Brjánslæk, 451 Patreksfjörður.
Samgöngur innan
norðvesturkjördæmis
Frá Ragnari Guðmundssyni:
Morgunblaðið/jt
Flóabáturinn Baldur sér um að halda Flatey í sambandi við landið.
HÚSNÆÐISEKLA hefur hundelt
íslenzka vinnuþræla allt frá kreppu-
árunum, og sjaldan verið verri en á
árunum eftir stríð, þegar fólk bjó í
innréttuðum heyhlöðum við Suður-
landsbraut, eða kamars- og vatns-
lausum 25m² hjöllum í Blesugróf, Sel-
ási eða Camp Knox, einu af
braggahverfunum þar sem margir
íbúanna kræktu sér í berkla, astma
eða aðra ævarandi sjúkdóma, hvort
sem um var að kenna texinu, sem
braggarnir voru innréttaðir með, eða
asbestinu, sem ekki er minnst á í end-
ursýndri heimildarmynd í ríkissjón-
varpinu nýverið. Allt er þetta liðin tíð
nema í dag þarf láglaunamaðurinn,
með allt á hreinu, sem ekki hefur ráð
á að greiða húsaleigu, sem slær hátt
upp í mánaðarlaunin hans, að festa
kaup á húsnæði með óendanlegan
skuldahala í eftirdragi. Lífeyrissjóðs-
lán. Þau lækka nefnilega ekki þegar
borgað er af þeim, heldur hækka.
Þetta vita þeir sem hafa 20 ára
reynslu. Þá vil ég víkja orðum að
bygginganefnd, sem reyndar eru
búnar að vera nokkrar í gegnum tíð-
ina. Til að mynda undra ég mig á
hvers vegna ekki má breyta iðnaðar-
húsnæði í íbúðir þegar stórir gluggar
og lofthæð er fyrir hendi.
Ræður fólk því ekki sjálft hvernig
það innréttar sína eign, eða er það
líka bundið af sömu forheimskandi
kvöðunum og þeir íbúðareigendur
sem loksins núna fá að selja húsnæði
sitt á frjálsum markaði? Það vekur
margar spurningar hvað er sam-
þykkt og hvað ekki, af hverju má
stundum byrgja fyrir útsýni fólks í
lágum byggingum með háum fyrir
framan það, eða vegna hvers stund-
um þarf að standa uppi á stól til að sjá
Esjuna gegnum þakglugga. T.d. bjó
ég á 5. hæð í blokk í nokkur ár. Hún
var með þakgluggum, líkt og fleiri
fjölbýlishús í kring og eru enn þann
dag í dag. Í íbúðinni við hliðina á mér
bjó þjóðsagnasafnarinn Einar Guð-
mundsson. Hann var með annan
handlegginn lamaðan svo hann átti
óhægra um vik að stíga upp á stól til
að kíkja út um gluggaboruna. Það
voru til teikningar af kvistgluggum á
þetta fimm hæða hús eftir samþykkt-
an arkitekt. Byggingarnefnd neitaði
breytingu á þeim forsendum, að þá
myndu fleiri búa í þessum íbúðum.
Margir voru með 2–3 börn svo varla
var á bætandi. Í öðru lagi myndi
breytingin hækka blokkina. Hækkar
hús virkilega mjög mikið ef settir eru
á það lóðréttir kvistgluggar? Er ekki
andleg vellíðan fólks meira virði? Síð-
ar bjó ég m.a. í öðru húsnæði mið-
svæðis í borginni. Þar var eitt klósett
í gluggalausum klefa undir stiga á
fyrstu hæð til afnota fyrir eigendur
fjögurra íbúða, neðri og efri hæð.
Með láni frá borginni lét ég skotra
niður handlaug, klósetti og baðkeri í
minni íbúð, sem vitaskuld var ekki vel
séð af bygginganefnd, því þessi bráð-
nauðsynlega hreinlætisaðstaða fyrir
konu og börn átti að minnka göngu-
rými íbúðarinnar, sem reyndar var
ekki heldur nema 40m². Ekki veit ég
hvort klósettklefinn gluggalausi und-
ir stiganum var reiknaður inn í fast-
eigna- eða fermetrafjölda íbúðarinn-
ar á sínum tíma.
Eins og hvert annað þurrkloft,
kjallarageymsla eða útiskúr ku tíðk-
ast í dag hjá þeim „sérfræðingum“
sem sjá um útreikningana í fasteigna-
sölu og fasteignamati. Já. Maður
veltir stundum vöngum yfir því hvað
er samþykkt og hvað ekki þegar rölt
er um Reykjavík.
GUÐRÚN JACOBSEN,
Bergstaðastræti 34, Reykjavík.
Gamlar og nýjar syndir
bygginganefnda
Frá Guðrúnu Jacobsen: