Morgunblaðið - 19.09.2002, Blaðsíða 6
FRÉTTIR
6 FIMMTUDAGUR 19. SEPTEMBER 2002 MORGUNBLAÐIÐ
BÆJARSTJÓRN Hafnarfjarðar
samþykkti á aukafundi bæjarstjórn-
ar í gærkvöldi að rifta samningi Ís-
lensku menntasamtakanna og bæjar-
ins um rekstur Áslandsskóla.
Samþykkt var að rifta samningnum
með sex atkvæðum samfylkingar-
manna gegn fimm atkvæðum sjálf-
stæðismanna. Jafnframt var sam-
þykkt að ráða Erlu Guðjónsdóttur,
matsfulltrúa á Skólaskrifstofu Hafn-
arfjarðar og fyrrverandi skólastjóra,
til að sinna tímabundið stjórn skól-
ans. Fulltrúar Sjálfstæðisflokks sátu
hjá við atkvæðagreiðsluna og ítrek-
uðu jafnframt bókun sína á bæjar-
ráðsfundi frá deginum áður þar sem
mótmælt er harðlega „því gerræði
sem felst í samþykkt tillögu um fyr-
irvaralausa riftun samnings við Ís-
lensku menntasamtökin og er þá sér-
staklega haft í huga að riftunin á sér
ekki nokkra stoð í samningi aðila eða
almennum réttarreglum.“ Í bókun-
inni segir jafnframt m.a. að fulltrúar
D-lista hyggist leita eftir lögmæti
þeirrar ákvörðunar.
ÍMS hafa svarað 1 af 27 fyrir-
spurnum fræðslustjóra
Í bókun Samfylkingar frá í gær
segir að krafan um að Hafnarfjarð-
arbær taki yfir rekstur Áslandsskóla
styðjist einkum við þær röksemdir að
Íslensku menntasamtökin hafi ítrek-
að og með stórfelldum hætti vanefnt
samning við Hafnarfjarðarbæ. For-
sendur samningsins séu brostnar og
uppnám og óvissa sé í skólastarfinu.
„Þann 2. september 2002 ritaði
fræðslustjóri samtökunum bréf og
krafði samtökin um svör við 27
spurningum er vörðuðu skólastarfið
og skyldur samtakanna skv. samn-
ingi aðila. Samkvæmt 5. kafla samn-
ings aðila lýtur framkvæmd samn-
ingsins eftirliti skólayfirvalda í
Hafnarfirði með sama hætti og gerist
við aðra grunnskóla bæjarins. Ís-
lensku menntasamtökin ses. hafa enn
ekki orðið við þeirri kröfu fræðslu-
stjóra um svör við fyrrgreindum
spurningum er varða skólastarfið í
Áslandsskóla, að undanskildu að sl.
mánudag barst svar við 1 atriði af
þeim 27 sem óskað hefur verið svara
við. Þá hafa forsvarsmenn Íslensku
menntasamtakanna ses. í tvígang
hunsað boð skólayfirvalda um að
mæta á fund í því skyni að ræða
framhald skólastarfs og til að svara
þeim spurningum er fyrir samtökin
voru lagðar.“
Í bókuninni segir að með þessu
hafi Íslensku menntasamtökin með
stórfelldum hætti og ítrekað vanefnt
skyldur sínar skv. fyrrgreindum
samningi. Samkvæmt ákvæðum 9.
kafla samnings aðila sé því bænum
rétt og skylt að yfirtaka rekstur Ás-
landsskóla og leysa ÍMS undan
samningi við bæinn. Þá er í bókuninni
á það bent að ÍMS hafi ekki enn skil-
að til skólayfirvalda skýrslu yfir
skólastarf á síðasta ári en skv. samn-
ingi bar ÍMS að skila henni í lok síð-
asta skólaárs.
Markmiðum grunnskólalaga
ekki náð með óbreyttum rekstri
Í bókun Samfylkingar segir enn-
fremur að eftir viðræður fulltrúa
bæjarins við kennara, skólastjórn-
endur og fulltrúa foreldra og nem-
enda við skólann sé ljóst að skólastarf
sé nú í uppnámi og mikil óvissa sé um
framtíð skólans. Ljóst sé, að mati
fulltrúa bæjarins, að miklir sam-
starfsörðugleikar séu á milli kenn-
ara, skólastjórnenda og stjórnenda
ÍMS og hafi það m.a. leitt til þess að
13 kennarar og leiðbeinendur hafi
sagt upp störfum sínum við skólann.
„Vegna þessa er allt skólastarf í
mikilli hættu og telja bæjaryfirvöld
að ekki verði við slíkt ástand unað,
enda geti óbreytt ástand haft mjög
alvarleg áhrif á skólastarf og hags-
muni þeirra fjölda barna er sækja
skólann.“
Segir að lokum að bæjaryfirvöld
telji með vísan til ofangreinds að for-
sendur fyrir samningi við Íslensku
menntasamtökin séu brostnar enda
hafi það verið augljós forsenda af
hálfu bæjarins við samningsgerð að
ÍMS gæti sinnt því verkefni sem
samningurinn kvæði á um og að frið-
ur ríkti um starf skólans. Markmið-
um grunnskólalaga verði hins vegar
ekki náð með óbreyttum rekstri skól-
ans að mati bæjaryfirvalda, að því er
segir í bókun meirihlutans.
Foreldrar munu ræða við
stjórnendur skólans fyrst
Hópur foreldra hlýddi á umræður
um málið í bæjarstjórn í gær og var
viðstaddur afgreiðslu fundarins.
María Gylfadóttir, formaður for-
eldraráðs Áslandsskóla, sagði í sam-
tali við Morgunblaðið að foreldraráð
sæti sömum megin við borðið og
stjórnendur skólans og að eðlilegt
væri að foreldrar myndu, í samstarfi
við stjórnendur, byrja á að marka
sameiginlega sýn á skólastarfið áður
en foreldrarnir tjáðu sig frekar um
málið.
Í Morgunblaðinu í gær var birt
ályktun foreldraráðs Hafnarfjarðar
þar sem harmað er að ekki hafi tekist
að leysa ágreiningsmál í Áslands-
skóla og styður foreldraráðið álykt-
anir foreldra barna í Áslandsskóla
frá 13. september sl. og að áfram
verði byggt á því sem vel hafi tekist
til með í skólahaldinu. Í því felst,
samkvæmt ályktuninni, að áfram
verði skapaðar aðstæður til að vinna
að metnaðarfullu og framsæknu
skólastarfi.
Tilboð borist um að bærinn
yfirtaki allar skuldir ÍMS
Samkvæmt tillögu fræðsluráðs
sem samþykkt var í bæjarstjórn mun
bærinn nú þegar yfirtaka rekstur Ás-
landsskóla sem ÍMS hafa haft með
höndum. Fram kom á fundinum að
óskað yrði eftir fundi, líklega strax í
dag, með forsvarsmönnum samtak-
anna þar sem farið verður yfir með
hvaða hætti bærinn yfirtaki eignir
samtakanna og gengið yrði frá sam-
komulagi um uppgjör við ÍMS. Fram
kom í máli Lúðvíks Geirssonar bæj-
arstjóra að viðræður milli lögmanns
ÍMS og fulltrúa skólaskrifstofu og
bæjaryfirvalda væru hafnar. Þá taldi
bæjarstjóri rétt að upplýsa að tilboð
hefði komið fram af hálfu ÍMS um að
bærinn yfirtæki allar skuldir skólans
upp á tugi milljóna króna.
„Það er rétt að þetta sé upplýst
hér. Vegna þess að fjárhagslegur
grundvöllur og staða samtakanna um
að framfylgja þessum rekstri er síður
en svo glæsileg,“ sagði Lúðvík. Sagð-
ist bæjarstjóri ekki telja rétt að
ganga frá slíku samkomulagi heldur
yrði reynt að ganga frá uppgjöri með
eðlilegum hætti.
Sakar meirihlutann um „vald-
níðslu“ við afgreiðslu málsins
Magnús Gunnarsson, oddviti Sjálf-
stæðisflokks, minnti á að mennta-
málaráðuneytið hefði á sínum tíma
veitt skólanum starfsleyfi til þriggja
ára í tilraunaskyni en að einungis eitt
ár væri nú liðið af þeim tíma.
Hann ítrekaði að bæjarfulltrúar
minnihlutans litu svo á að það hefði
átt að vera unnt að finna leið til að
sætta ólík sjónarmið í málinu áður en
til þess kæmi að rifta samningnum.
Sagði hann að meirihlutinn færi fram
með „valdníðslu“ í afgreiðslu á þessu
máli og að D-listi hefði aldrei sam-
þykkt að málið hefði gengið fram
með þessum hætti væru þeir í meiri-
hluta. Þá benti hann á að samkvæmt
lögum um réttarstöðu starfsmanna
við aðildarskipti að fyrirtækjum væri
ekki hægt að víkja skólastjóra ÍMS
úr starfi nema með sérstökum samn-
ingi þar um. Þá bæri sveitarfélaginu
að virða áfram sömu launakjör og
giltu fyrir breytingar þar til kjara-
samningur rynni út eða annar kjara-
samningur öðlaðist gildi eða kæmi til
framkvæmda.
Magnús benti ennfremur á að með
einhliða riftun samningsins gæti
bærinn átt á hættu að bera kostnað
vegna skaðabóta sem ÍMS kynni að
fara fram á.
Menntastefna skólans
helst óbreytt
Hafrún Dóra Júlíusdóttir, bæjar-
stjórnarfulltrúi Samfylkingar og for-
maður fræðsluráðs, ítrekaði að ekki
væri verið að deila um rekstrarform
eða stefnu skólans í menntamálum
heldur fyrst og fremst vanhæfi
stjórnenda hans. Sagði hún að
menntastefna skólans myndi haldast
óbreytt eftir að bærinn tæki við
rekstri hans.
Valgerður Sigurðardóttir, bæjar-
stjórnarfulltrúi Sjálfstæðisflokks,
sagði að deilur sem staðið hefðu yfir
að undanförnu um málefni Áslands-
skóla hlytu að trufla kennslu og al-
mennt líf barna í skólanum. Benti
hún á að í stefnuskrá Samfylkingar-
innar fyrir sveitarstjórnarkosningar
í vor hefði beinlínis staðið að rekstri
skólans yrði komið í hendur bæjar-
ins.
Bæjarstjóri mótmælti þessu og
sagði að það hefði alla tíð verið yf-
irlýst stefna flokksins að rekstur
grunnskóla væri alfarið í höndum
bæjarins.
Áskilja sér rétt til að skjóta
málinu til æðri stjórnvalda
Gissur Guðmundsson, D-lista,
beindi þeirri fyrirspurn til meirihlut-
ans hvort til stæði að lækka laun
kennara með yfirtökunni og auka
vinnuskyldu. Í svari bæjarstjóra kom
fram að bæjarfélagið myndi taka yfir
starfssamninga en það yrði sam-
komulagsatriði á síðari stigum hvort
einhverjar breytingar yrðu gerðar
þar að lútandi.
Magnús Gunnarsson las einnig
upp á fundinum bréf sem símsent var
til fræðsluráðs og dagsett var 14.
september sl.
Greint var frá efni bréfsins í Morg-
unblaðinu fyrr í vikunni en þar mót-
mæla ÍMS harðlega tillögu fræðslu-
ráðs og segja að hún eigi ekki við
nokkur rök að styðjast. Segir þar
meðal annars að tillaga um riftun
samningsins sé freklegt samnings-
brot af hálfu bæjarins og að samtökin
áskilji sér rétt til að bera slíka máls-
meðferð undir æðri stjórnvöld.
Bæjarstjórn Hafnarfjarðar fjallar um samning við ÍMS um rekstur Áslandsskóla
Morgunblaðið/Árni Sæberg
Samkvæmt tillögunni sem samþykkt var tekur bærinn yfir rekstur Áslandsskóla sem Íslensku menntasamtökin höfðu áður með höndum.
Samningi við Íslensku
menntasamtökin rift
SAMKVÆMT Gallup-könnun sem
gerð var fyrir Íslensku mennta-
samtökin (ÍMS) telja rúmlega 60%
foreldra barna við Áslandsskóla að
bæjarstjóri Hafnarfjarðar hefði átt
að gefa ÍMS meiri tíma til að leysa
deilur innahúss en tæplega 40% voru
því ósammála. Um 62% foreldra
barna í Áslandsskóla töldu að betra
hefði verið að kanna vilja foreldra
og nemenda skólans fyrst, en ríflega
36% að betra hefði verið að breyta
stjórn skólans strax.
Könnunin var gerð dagana 15.–
16. september, eftir að núverandi
deilur komust í hámæli. Í frétta-
tilkynningu frá ÍMS segir að könn-
unin hafi farið þannig fram að
hringt var í 187 foreldra og for-
ráðamenn barna í skólanum. 122
svöruðu spurningum og af þeim áttu
rúmlega 36% fleiri en eitt barn í
skólanum. Svarhlutfallið var 75%.
Yfir 89% þeirra foreldra sem svör-
uðu könnuninni töldu barn sitt hafa
verið ánægt í Áslandsskóla.
Ánægja með kennsluna
Tæplega 69% sögðu að það hefði
verið ánægt með kennsluna. 71%
foreldra var ánægt með andrúms-
loftið í skólanum og um 74% kváðst
almennt ánægð með skólann fyrir
barnið.
Af þeim rúmlega 52% foreldra
sem tóku afstöðu til spurning-
arinnar töldu tæplega 60% að nýjum
stjórnendum myndi takast vel að út-
færa stefnu skólans. Í fréttatilkynn-
ingunni kemur fram að mikill mun-
ur sé á svörum þeirra foreldra sem
voru ekki með börn í Áslandsskóla í
fyrra og þeirra sem voru með börn í
skólanum í fyrra, þannig að 77%
þeirra fyrrnefndu telja að nýjum
stjórnendum muni takast vel að út-
færa stefnuna en aðeins 50% for-
eldra barna sem voru í skólunum í
fyrra töldu voru á þeirri skoðun.
Gallup-könnun um
viðhorf foreldra
barna í Áslandsskóla
60% telja að
ÍMS hefðu
átt að fá
meiri tíma
BÖÐVAR Jónsson, formaður
stjórnar Íslensku menntasam-
takanna, vill fyrir hönd ÍMS
koma því á framfæri að í við-
ræðum bæjaryfirvalda og ÍMS
um yfirtöku bæjarins á rekstri
skólans hafi verið rætt um að
bærinn yfirtæki leigusamninga
á tækjum og tólum skólans. Þá
hafi bæjaryfirvöld boðið ÍMS
skaðabætur vegna riftunar
samningsins en sú fjárhæð hafi
ekki verið nálægt því sem
vænst hafi verið. Hann segir
rangt að ÍMS hafi gert bænum
boð um að yfirtaka skuldir sam-
takanna upp á tugi milljóna
króna eins og fram kom í máli
bæjarstjóra í gærkvöldi.
Þá vill stjórn ÍMS taka það
fram að ÍMS hafi ekki getað
mætt á boðaðan fund fræðslu-
stjóra 13. september sl. þar
sem of stuttur fyrirvari hafi
verið á fundarboðun. Skóla-
stjórnendur hafi jafnframt
reynt að ná sáttum með starfs-
fólki þann dag og óskað hafi
verið eftir því við fræðslustjóra
að skólastjórnendum yrði gef-
inn tími til að leysa þau mál.
Stjórn ÍMS
Boð um
yfirtöku á
skuldum
ekki lagt
fram