Morgunblaðið - 19.09.2002, Blaðsíða 56
ÞEIR voru staddir í lítilli, loftlausri kompu. Gít-
arar, trommur, hljóðkerfi og hljóðnemar lágu
tvist og bast um herbergið og vart varð þverfót-
að fyrir snúrum og tengjum. Fjórmenningarnir
í Leaves voru að æfa sig, eða kannski öllu held-
ur stilla saman strengi, fyrir væntanlega út-
gáfutónleika sína, sem fram fara í kvöld á
NASA. „Við erum að fara að hitta einhvern
Kana sem væntanlegur er til landsins seinna í
dag,“ er blaðamanni tjáð. „Hann mun hugs-
anlega taka upp ný lög með okkur, lög sem yrðu
þá á sérstakri útgáfu af Breathe sem kemur út í
byrjun næsta árs á Bandaríkjamarkaði.“
Það fyrsta sem maður greinir í fasi þessara
hæglátu drengja er að þeir eru greinilega ekk-
ert að kippa sér sérstaklega upp við slíka at-
burðarás, eru með fæturna kirfilega fasta á
jörðinni, hugsa um sína tónlist og láta öðrum,
utanaðkomandi aðilum, eftir að blása þá upp og
mása. Og sannarlega hefur erlenda pressan ver-
ið iðin við blásturinn síðan fyrsta lag sveit-
arinnar, „Breathe“, kom snemma árs, og þá sér-
staklega sú breska sem hefur sýnt Leaves
drjúgan áhuga. Tónlistartímaritið Q birti t.a.m.
viðtal við sveitina undir þeim formerkjum að
hún væri ein þeirra sem gefa ætti gaum, enda
ekki nema von því gagnrýnandi blaðsins gaf ný-
útkominni plötu sveitarinnar Breathe 4 stjörnur
í einkunn af 5 mögulegum, sem er framúrskar-
andi einkunn fyrir fyrstu plötu. Drengjunum
fjórum hefur síðan hvarvetna verið tekið opnum
örmum þar sem þeir hafa leikið á tónlistar-
hátíðum eða á tónleikum með sveitum á borð við
Doves, The Corals og Supergrass.
Gallagher og Martin
meðal tónleikagesta
Hlutirnir hafa þannig gengið ótrúlega hratt
fyrir sig, fyrstu stórtónleikarnir fyrir ári – hálfu
ári eftir að sveitin var stofnuð – útgáfusamn-
ingur við erlend fyrirtæki innsiglaður í kjölfar
þeirra, tónleikaferðir vítt og breitt um heiminn,
óvenjuþroskuð og heilsteypt fyrsta plata og sí-
stækkandi hópur fylgjenda sem telur m.a.
nokkrar vel kunnar stjörnur á borð við Chris
Martin söngvara Coldplay og Noel Gallagher
Oasis-forstjóra. En hvernig hefur árið við-
burðaríka lagst í drengina, hefur það uppfyllt
vonir og væntingar?
„Við vorum að tala um það einmitt í gær að
það sé allt búið að gerast sem við vonuðum að
myndi gerast,“ segir Bjarni Grímsson trommari
og sá síðhærðasti í bandinu, „fá samning, gefa
út plötu, spila á Glastonbury…það hefur allt
gengið upp.“
– Er það ekkert hættulegt?
„Nei, nei. Nú getum við bara sett okkur ný
markmið,“ segir Hallur Már Hallsson bassa-
leikari sallarólegur.
– Hafið þið tekið einhverjum breytingum á
þessu mikla ári?
„Ekki tónlistarlega, nei,“ segir tónlistarstjór-
inn Arnar Guðjónsson. „Það er engin meirihátt-
ar stefnubreyting í gangi, engin hugleiðsluplata
á næsta leiti. Við höldum okkar stefnu sem við
settum okkur í upphafi, að búa til góða tónlist
sem er okkur að skapi.“
– Hvað hefur komið ykkur mest á óvart eftir
að hafa kynnst þessum bransa úti í heimi af eig-
in raun?
„Kannski hvað hann er lítill,“ svarar Bjarni.
„Fyrir leit hann út fyrir að vera risastór og ein-
hvern veginn óviðráðanlegur en eftir að hafa
komist inn þá er hann alls ekkert svo stór. Þetta
er í raun lítill hópur þar sem samgangur er mik-
ill og tiltölulega auðvelt að hafa sig í frammi.
Það sýnir sig t.d. á þeim sveitum sem við höfum
verið að túra með, þetta eru þær sveitir sem við
kunnum hvað best að meta af því sem er að ger-
ast í tónlistinni í dag og við erum að spila með
þeim!“
Alltaf hægt að kvarta
– Er eitthvað sem hefur valdið vonbrigðum?
„Eiginlega ekki, nema kannski það að alltof
margar af þeim sveitum sem við sáum á tónlist-
arhátíðunum, sveitir sem mann hafði alltaf lang-
að til að sjá, voru síðan hundlélegar eftir allt
saman,“ segir Arnar Ólafsson gítarleikari. „Svo
eru rúturnar búnar að vera ömurlegar.“
„Það er náttúrlega hægt að kvarta yfir öllu,“
bætir nafni hans G. inn í, „enda er það sérfag
okkar Íslendinga. Maður kvartaði þegar maður
vann einhverja skítasumarvinnu hér heima og
svo núna þarna úti, í hljómsveit, á tónleikaferð,
að láta drauminn rætast. Auðvitað er þetta
sældarlíf og ekkert annað.“
Það vakti athygli á sínum tíma hversu örugg
sveitin var og fullmótuð þegar hún steig í fyrsta
sinn á svið. Drengirnir eru sammála um að
tvennt hafi þar ráðið mestu um, Arnar G. söngv-
ari, gítarleikari og aðallagasmiður, hafi verið
búinn að vinna það mikla undirbúningsvinnu,
semja góð lög og útsetja þau í þaula og einnig
hafi sveitarmenn náð að spila sig vel saman á
stuttum tíma vegna vinskaparins sem var til
staðar fyrir. „Svo spillir ekki fyrir að við höfum
sömu markmið og hlustum á áþekka tónlist,“
segir Arnar Ó. og bætir við að nafni hans hafi
alltaf verið með það nákvæmlega á hreinu hvað
hann vilji og geti, og sama máli gegni um hina í
bandinu. „Það er gott að þekkja sín takmörk.“
Skítamórall eða Sigur Rós?
Platan Breathe inniheldur 11 lög sem Arnar
G. samdi, eins og áður sagði, flest áður en sveit-
in varð til og hafði meira að segja tekið upp og
útsett að hluta. Platan var tekin upp að mestu í
Thule-hljóðverinu en einnig í hljóðveri í Oxford
sem er í eigu umboðsskrifstofu Radiohead.
Sveitarmenn stjórnuðu sjálfir upptökum ásamt
awayTEAM svokölluðu en hinn annálaði Steve
Osborne hljóðblandaði. Einar sex vikur fóru allt
í allt í upptökurnar, tiltölulega lítill tími, sem
drengirnir þakka góðri undirbúningsvinnu Arn-
ars G.
Platan hefur almennt fengið góðar viðtökur
en drengirnir eru þó á því að þær hafi verið síðri
hjá íslenskum gangrýnendum en kollegum
þeirra ytra. „Það er eins og sumir hér heima
eigi í einhverju basli með að staðsetja okkur,“
segir Arnar G. „Enda hefur það ekki gerst áður
að hljómsveit hafi komist eitthvað áleiðis ytra
sem leikur eins tónlist og við, svona „main-
stream“ rokk. Það er eins og það megi bara
bera á borð eitthvað sem aldrei hefur heyrst áð-
ur, eitthvað einstakt og algjörlega frumlegt. En
við höfum aldrei gefið okkur út fyrir að vera
þannig sveit. Það virðist menn einhvern veginn
eiga erfitt með að höndla.“
– Að íslenskar sveitir verði að gera upp við
sig hvort þær vilji vera ballsveit eins og Skíta-
mórall eða framsækin sveit eins og Sigur Rós?
„Já, það mun greinilega taka einhvern tíma
fyrir fólk hér heima að kaupa það að hægt sé að
búa til aðgengilegt íslenskt rokk sem fellur í
kramið víðar en hér heima,“ segir Hallur.
– Getur verið að það sé sumpartinn að koma
ykkur í koll hér heima hversu vel ykkur hefur
gengið erlendis og því gerðar meiri kröfur?
„Já, að sumu leyti, en við kvörtum ekki því al-
menningur hefur tekið okkur mjög vel og plötu-
salan verið fín,“ segir Arnar Ó.
– Þið vitið að það er hlutverk okkar heima-
manna að halda ykkur niðri á jörðinni,“ áréttar
blaðamaður á léttum nótum, og Laufin jánka til
samþykkis.
Þeir drengir segjast enga hugmynd hafa haft
fyrirfram hverjar viðtökurnar við plötunni yrðu.
„Við áttum þó engan veginn von á að þær yrðu
svona góðar hér heima, miklu betri en við
bjuggumst við,“ segir Arnar G. „Á þeim tón-
leikum, sem við höfum haldið, höfum við fengið
hreint ótrúlega hlýjar móttökur, sérstaklega í
ljósi þess hversu lítið við höfum verið að trana
okkur fram,“ bætir Arnar Ó við.
– Þá út af meikgrýlunni ógurlegu sem Íslend-
ingar halda svo upp á?
„Já, það er ekkert verra en að vera búinn að
meika’ða,“ segir Bjarni með tilþrifum.
Hvað um Coldplay?
– Hvað um allar samlíkingarnar við aðrar
hljómsveitir á borð við Coldplay, Radiohead og
Mansun?
„Þær eru bara fyndnar,“ segir Arnar G., „því
margt af þessu höfum við aldrei hlustað á. Ég
held ég hafi heyrt eitt lag með Mansun til dæm-
is og samlíking við Coldplay er fín, þótt ég skilji
hana reyndar ekki alveg. En flest þessara laga
urðu þó til áður en Coldplay sló í gegn.“
– Eru nýju lögin, sem samin voru eftir út-
komu plötunnar eitthvað frábrugðin að ykkur
finnst?
„Lögin á plötunni voru nær öll samin áður en
hljómsveitin varð til,“ segir Arnar G. „Það er því
skiljanlega nokkuð meiri hljómsveitarbragur yf-
ir nýju lögunum, enda eru lögin nú útsett á æf-
ingum en ekki af mér einum.“
Framundan hjá Leaves er frekara tónleika-
hald, eftir að upptökum lýkur fyrir bandarísku
Breathe. Í október og nóvember stendur fyrir
dyrum stíft tónleikahald í Evrópu og að því
loknu tekur restin af heiminum við. Bandaríkin í
upphafi næsta árs og síðan Asía. Þessi stífa dag-
skrá leggst mætavel í Laufin og þeir segjast
hvergi bangnir við álagið yfirvofandi, þykir bara
leitt að geta ekki snúið sér fyrr að því að taka
upp nýtt efni. En svona er bara bransinn í dag.
Það mátti greina mjög mikla spennu meðal
bandsins vegna útgáfutónleikanna á NASA í
kvöld sem hefjast kl. 21. Um upphitun sér harm-
ónikkuleikarinn bráðefnilegi Matthías Kormáks-
son. Miðaverð er kr. 2000 og miðafjöldi takmark-
aður mjög. „Við vitum í raun ekkert hvað við
ætlum að gera, ætli við tökum þó ekki plötuna í
heild sinni, og hlökkum mjög til að gera það,“
segir Bjarni trommari. Svona er andinn í band-
inu Leaves einmitt nákvæmlega. Þeir eru ekkert
að stressa sig alltof mikið yfir hlutunum, ætla
bara að njóta þess að vera í hljómsveit og fá að
spila fyrir fólk. Svo fer bara sem fer.
Morgunblaðið/Golli
Leaves í íslensku öngstræti: Arnar G., Hallur H., Bjarni G. og Arnar Ó.
Íslenska rokksveitin Leaves
hefur hlotið verðskuldaða at-
hygli bæði heima og heiman
fyrir nýútkomna plötu sína
Breathe. Í kvöld heldur sveitin
útgáfutónleika og af því tilefni
leit Skarphéðinn Guðmunds-
son inn á æfingu.
Svo fer
sem fer
Leaves heldur útgáfutónleika á NASA í kvöld í tilefni af útkomu fyrstu breiðskífu sinnar, Breathe
skarpi@mbl.is
56 FIMMTUDAGUR 19. SEPTEMBER 2002 MORGUNBLAÐIÐ
Fyrir 1250 punkta
færðu bíómiða.
Sýnd kl. 8. B.i. 12 ára.
Kvikmyndir.is
Roger Ebert
DV
Kvikmyndir.com
1/2
SK.RadioX
Sýnd kl. 6. Ísl tal.
SK Radíó X
Sýnd kl. 5.45 og 10.15. Sýnd kl. 8. B.i. 12.
Sýnd kl. 5.45, 8 og 10.15. B.i. 12.
-Kvikmynd eftir-
Baltasar Kormák
Tímamótaverk í
íslenskri
kvikmyndasögu
HJ Mbl
Gunnar og Herdís
leiða
eftirminnilegan
leikarahóp sem á
þátt í að gera
Hafið að einni
bestu íslensku
kvikmyndinni
1/2 HK DV
Rás 2
Sýnd kl. 5.40, og 10.15. B.i. 16. Sýnd kl. 10.30. Enskur texti. B.i. 16.
Sýnd kl. 5.45, og 10.20. B. i. 12.
MBL
1/2
Kvikmyndir.is
1/2
HI.Mbl SK.RadioX
HK DV
Kvikmyndir.com
Gætir þú drepið
besta vin þinn?
Hér kemur ein vinsælasta,
athyglisverðasta, magnaðasta og
umtalaðasta kvikmynd Japana.
Sýnd kl. 5 og 7. Vit 426
Hetja framtíðarinnar er mætt í
frábærri grínmynd!
Sýnd kl. 4, 6, 8 og 10. Vit 432
Sýnd kl. 9. Vit 427
Mathew Perry (Friends) og Elizabeth Hurley fara á
kostum í þessari sprenghlægilegu gamanmynd sem
kemur verulega á óvart.
Það eina sem getur
leitt þau saman er
HEFND
Sýnd kl. 4. Ísl tal. Vit 429
Líf þitt mun
aldrei verða eins!
Kvikmyndir.is
Roger Ebert
DV
Kvikmyndir.com
1/2
SK.RadioX
Sýnd kl. 5.50, 8 og 10.10. Vit 435
1/2
Kvikmyndir.is
Kvikmyndir.is
„Litla bláa geimveran Stitcher
skemmtilegasta persónan sem komið
hefur úr smiðju Disney.“ „Frábær
skemmtun fyrir börn og fullorðna.“
„Stitcher ekkert venjulegt Disneykrútt!“
ÞÞ Fréttablaðið
MBL