Morgunblaðið - 19.09.2002, Blaðsíða 49
MORGUNBLAÐIÐ FIMMTUDAGUR 19. SEPTEMBER 2002 49
Haust 2002
Str. 36-41
Svart/brúnt
6.490
Str. 36-41
Drapp/svart
6.490
Stir. 36-41
Svart
7.990
Str. 36-41
Svart/brúnt
7.990
Str. 36-41
Brúnt/svart
6.990
Str. 36-41
Brúnt/svart
3.990
Kringlan 8-12, sími 568 6211.
Skóhöllin, Firði, Hf, sími 555 4420.
Kæru ættingjar, vinir, vinnufélagar og nágrann-
ar fyrr og síðar. Ég sendi ykkur mínar innileg-
ustu þakkir fyrir einstakan hlýhug á 90 ára af-
mæli mínu 30. ágúst sl. Heimsóknir ykkar, gjaf-
ir, skeyti, blóm, símtöl og kort glöddu og yljuðu
þennan góða dag.
Ég horfi með gleði yfir farinn veg og þakka ykk-
ur öllum góða samfylgd á lífsins leið.
Guð blessi ykkur öll.
Björg Þuríður Guðfinnsdóttir
BRAX
feel good
- ullarbuxur
- tweedbuxur
- flauelsbuxur
- gallabuxur
o.fl. o.fl.
Buxur fyrir
alvöru konur!
Þrjár skálmalengdir
Stærðir 36-46
LAUGAVEGI 53,
s. 551 4884
Í FRÍMERKJAÞÆTTI 29. ágúst
sl. var rætt um nýja aðferð Íslands-
pósts hf. við stimplun póstsendinga.
Verður enn haldið áfram hugleið-
ingum mínum, hvert sú aðferð leið-
ir, ef svo fer fram sem horfir. Var
ég kominn að XII. kafla í Lögum
um póstþjónustu, sem Alþingi sam-
þykkti í marz sl.
Þar segir m. a. þetta: „Á póst-
sendingar sem falla undir alþjón-
ustu skal setja gjaldmerki sem ber
með sér hvert sé gjald fyrir póst-
sendinguna.“ Alþjónusta er skýrt á
þessa leið: „Póstþjónusta sem
landsmenn skulu eiga aðgang að á
jafnræðisgrundvelli.“ Síðan er út-
skýrt nánar, við hvað sé átt með
orðinu gjaldmerki. Það er: „Merki
sem er límt eða stimplað á póst-
sendingar eða fylgibréf þeirra sem
tákn um að greitt hafi verið fyrir
viðkomandi póstþjónustu.“ Frí-
merki er hins vegar: tegund gjald-
merkis fyrir póstþjónustu sem er
ávísun á ákveðna þjónustu. Öll frí-
merki skulu bera áletrunina „ÍS-
LAND“. Fremur er þetta óljóst
orðað, því að ekki verður annað séð
en önnur gjaldmerki beri einnig
nafnið ÍSLAND í stimplum sínum,
sbr. myndir, sem fylgt hafa síðustu
þáttum mínum. Hér held ég hafi yf-
irsézt að taka einnig fram um frí-
merkið: „og auk þess verðgildis-
tölu“.
Nokkur atriði skulu hér rakin,
sem ég tel skipta máli fyrir póstnot-
endur, en virðast eitthvað misskilin
af starfsmönnum Póstsins. Þar seg-
ir svo m. a.: „Gjaldmerki getur
einnig verið í formi ástimplunar á
póstsendingu eða fylgibréf hennar
með frímerkingavél notanda eða
annarri ástimplun af hálfu rekstr-
arleyfishafa. Í stað ástimplunar á
póstsendingu má nota ástimplað
gjaldmerki. Gjaldmerki önnur en
frímerki skulu bera heiti viðkom-
andi rekstrarleyfishafa eða númer
sem Póst- og fjarskiptastofnun út-
hlutar honum.“ (Leturbr. hér.)
Þá segir enn fremur í þessari
grein: „Allar póstsendingar í alþjón-
ustu skulu dagstimplaðar eins fljótt
og hagkvæmlega verður við komið
eftir móttöku þeirra. Ef notaðar eru
frímerkingavélar til ástimplunar
burðargjalds má nota þær til að
dagstimpla samtímis póstsendingar
enda fari dagsetningin saman við
afhendingardag póstsendingarinnar
til rekstrarleyfishafa. Dagstimpill
getur einnig verið hluti gjaldmerkis
sem rekstrarleyfishafi setur sam-
kvæmt ósk sendanda á póstsend-
ingu eftir móttöku.“
Eins og tekið var fram í síðasta
þætti, eru þeir safnarar til, sem
safna auk frímerkja einnig þeim
gjaldmerkjum, sem Póst- og fjar-
skiptastofnunin úthlutar fyrirtækj-
um og stofnunum og bera hvert sitt
númer. Eins og ég minntist þá á,
munu margir hafa hætt þessari sér-
stöku söfnun.
Eftir meðferð Póstsins á þessum
gjaldmerkjum fæ ég ekki betur séð
en hann sé nú einnig endanlega að
ganga að þeirri söfnun dauðri eins
og söfnun notaðra frímerkja. Verð-
ur þá fátt eftir um „fína drætti“ fyr-
ir safnarana. Hver vill eiga þessi
áprentuðu og númeruðu gjaldmerki,
þegar búið er að stimpla yfir þá, oft
með lítt greinanlegum stimpli? Ég
held svarið sé einungis eitt: Enginn.
Ég læt hér fylgja með nokkur sýn-
ishorn til staðfestingar því, sem hér
hefur verið sagt um eyðileggingu
þessa gjaldmerkis sem safngrips.
Ég held mælirinn sé að verða fullur
af hálfu Póstsins gagnvart frí-
merkjasöfnurum.
Mér hefur að vísu verið sagt, að
Pósturinn álíti nauðsynlegt í sam-
ræmi við hin nýju lög, að greini-
legur dagstimpill sjáist á hverri
póstsendingu. Vel má það vera rétt
skilið. En skoðið þau tvö sýnishorn,
sem hér eru birt og komin frá Há-
skóla Íslands. (Spjald I.) Efri vél-
stimpillinn er hreinn og skýr og
eins dagsetning hans. Neðri stimp-
illinn hefur aftur á móti fengið hina
nýju meðferð og um leið verið eyði-
lagður til söfnunar. Og takið nú eft-
ir. Þegar grannt er skoðað, er dag-
setning Háskólastimpilsins hin
sama og á vélstimpli þeim, sem
Pósturinn lætur vaða yfir stimpil
Háskólans! Háskólinn fullnægði
með stimplun sinni þeirri kröfu,
sem nýju lögin ákveða um dagsetn-
ingu póstsendingar. Þannig var
stimplun Póstsins alveg óþörf og
meira en það. Hún eyðilagði Há-
skólastimpilinn sem safngrip. Ég
læt svo fylgja hér með sýnishorn af
eyðileggingu vélstimpils Morgun-
blaðsins. (Spjald II.) Í þriðja lagi er
svo sýnishorn af PP-stimpli. Leyfi
nr. 888. Efra sýnishornið er hreint
og skýrt, en hið neðra er eyðilagt í
meðförum Póstsins. (Spjald III.)
Að lokum er eitt enn, sem ég
þykist taka eftir. Það er stafsetn-
ingin REYKJAVÍK á þeim póst-
stimpli, sem er á neðra PP-merk-
inu. Ég hef skoðað mörg eintök,
sem hafa komið á pósti til mín, og
fæ ekki betur séð en þar standi:
REVKJAVIK, þ.e.a.s. að legginn
vanti niður úr Y, svo að úr verður
V. Síðan er I, en ekki Í í Reykjavík.
Ég játa, að stimpillinn virðist nokk-
uð „loðinn“, svo að þetta er e.t.v.
missýning hjá mér. Ég bið starfs-
menn Póstsins samt að huga að
þessu með sínum augum.
Dagur frímerkisins 9. okt. nk.
og FRÍMSÝN 2002
Miðvikudaginn 9. okt. verður
Dagur frímerkisins haldinn í sam-
vinnu milli Félags frímerkjasafnara
og Póstsins, svo sem venja hefur
verið um fjölmörg ár. Að þessu
sinni minnist stjórn F.F. þess, að 45
ár eru liðin frá stofnun félagsins. Af
því tilefni er boðið upp á afmæl-
iskaffi laugardaginn 12. október.
Þar geta eldri og yngri félagsmenn
hitzt og rabbað saman um áhuga-
mál sín og minnzt liðinna daga yfir
kaffi og meðlæti.
F.F. gefur að vanda út sérstaka
sýningarörk. Á henni verður mynd
af 10 aura frímerki úr seríunni frá
1925. Enn fremur verður gefið út
afmælissöfnunarmerki. Verður það
selt í örk, en einnig á umslagi með
sérstökum afmælisstimpli.
Íslandspóstur hf. gefur svo út að
vanda örk til þess að minnast þessa
dags. Er myndefni hennar nokkuð
sérstætt, því að það er sótt inn fyrir
borgarmörk Reykjavíkur og nefnist
Suðurgata og Keilir. Keilir, sem
blasir vel við frá Suðurgötu, kemur
skemmtilega fram á miðju 250 kr.
frímerkis arkarinnar.
Hönnuður arkarinnar er Hlynur
Ólafsson, en hún er offsetprentuð
hjá The House of Questa í Eng-
landi.
Þennan sama dag koma svo út
tvö frímerki í flokknum Eyjar við
Ísland. Vigur í Ísafjarðardjúpi er á
45 kr. merki og Flatey á Breiðafirði
á 55 kr. merki. Hönnuðir þessara
frímerkja eru Borgar Hjörleifur
Árnason og Haukur Snorrason, en
þau eru offsetprentuð hjá Ríkis-
prentsmiðjunni í Austurríki.
Frímerkjasýningin FRÍMSÝN
2002 verður opnuð á Degi frímerk-
isins í Síðumúla 17, miðvikudaginn
9. okt., kl. 17 og stendur fram á
sunnudag 13. okt. Ekki get ég sagt
frá efni hennar, en hún verður vafa-
laust fyrst og fremst kynningarsýn-
ing, þar sem gestir hennar geta virt
fyrir sér, hvernig og hverju má
safna, svo að menn hafi ánægju af.
Hvet ég því lesendur þessa þáttar
til að fjölmenna á FRÍMSÝN 2002.
Ný íslenzk frímerkjaskrá. Fyrir
skömmu kom út ný íslenzk skrá yfir
íslenzk frímerki frá stofnun lýðveld-
isins 1944 og til ársloka 2001. Stein-
grímur S. Björnsson, varaformaður
Félags íslenzkra frímerkjasafnara,
hefur tekið skrána saman í sam-
vinnu við Kjartan J. Kárason, sem
sá um uppsetningu og tölvuvinnslu.
Hér hefur verið bætt úr brýnni
þörf, enda mun skráin þegar hafa
fengið góðar móttökur meðal safn-
ara. Er hún fáanleg hjá Frímerkja-
sölu Íslandspósts hf. og eins hjá frí-
merkjakaupmönnum. Í næsta þætti
verður væntanlega sagt eitthvað
nánar frá þessu framtaki þeirra fé-
laga.
Hvert leiðir hin nýja að-
ferð Íslandspósts hf. við
stimplun póstsendinga?
Vélstimpill Háskóla Íslands. Vélstimpill Morgunblaðsins.
Áprentaður PP-stimpill, nr. 888.
FRÍMERKI
Jón Aðalsteinn Jónsson