Morgunblaðið - 19.09.2002, Blaðsíða 22
AP
KIM Dae-Jung, forseti Suður-
Kóreu, sagði í gær að sögulegur
fundur leiðtoga Japans og Norð-
ur-Kóreu í fyrradag myndi liðka
fyrir friðarumleitunum á Kóreu-
skaganum, sem nú eru hafnar að
nýju. Var því fagnað mjög í gær
að í dag skuli verða hafist handa
við það báðum megin landamæra
Kóreuríkjanna tveggja að koma
aftur í nothæft form járnbraut-
arlínum sem tengja Norður-Kóreu
og Suður-Kóreu, en sem ekki
hafa verið notaðar í fimmtíu ár.
Samskipti Kóreuríkjanna hafa
verið fjandsamleg um áratuga
skeið. Fyrir tveimur árum virtist
vera komin þíða í samskiptin en
þær friðarumleitanir runnu út í
sandinn. Fundur Junichiros Koiz-
umis, forsætisráðherra Japans,
með Kim Jong-Il, forseta Norður-
Kóreu, í Pyongyang á þriðjudag
virðist hins vegar hafa hleypt
nýju blóði í friðarumleitanirnar.
Jong-Il viðurkenndi á fundinum
í fyrsta sinn að Norður-Kóreu-
menn hefðu rænt 11 japönskum
borgurum á áttunda og níunda
áratugnum og sagði hann að
nokkrir þeirra væru enn á lífi.
Með játningunni ruddi Jong-Il
brautina fyrir eiginlegar við-
ræður Japana og Norður-
Kóreumanna um bætt samskipti
ríkjanna.
Járnbrautarlínur milli
Kóreuríkjanna notaðar á ný
ERLENT
22 FIMMTUDAGUR 19. SEPTEMBER 2002 MORGUNBLAÐIÐ
Stjórntækniskóli Íslands
Bíldshöfða 18
Sími 567 1466
MARKAÐSFRÆÐI
Stjórntækniskóli Íslands
gefur þér kost á beinskeyttu 250 stunda námi í
markaðsfræðum. Náminu er ætlað að koma til móts við
sívaxandi kröfur atvinnulífsins um hæfari starfskrafta.
Námið er ætlað fólki, sem vill bæta við sig þekkingu og fá
innsýn í heim markaðsfræðanna.
Markmið
námsins er meðal annars að þátttakendur tileinki sér
markaðshugsun í íslensku viðskipta- og athafnalífi og nái
þannig betri árangri.
Námið
er í formi fyrirlestra og verkefnavinnu og tekin eru próf í
einstökum greinum.
Kennarar
eru allir háskólamenntaðir og eiga að baki góða reynslu
við kennslu og í viðskiptalífinu.
Námsgreinar:
Markaðsfræði. Stjórnun og sjálfstyrking.
Sölustjórnun og sölutækni. Auglýsingar.
Vöruþróun. Tölvunotkun í áætlanagerð.
Vörustjórnun. Viðskiptasiðferði.
Starfsmenntun. Fjárfesting til framtíðar.
Sími 567 1466. Opið til kl. 22.00.
„Ég mæli
með náminu
fyrir alla þá,
er starfa við
markaðs- og
sölustörf. Ég
hef verið í sölumennsku í
6 ár og námskeiðið hefur
nýst mér vel í starfi.
Fjölbreytt og áhugavert
námskeið.“
Elísabet Ólafsdóttir
Eggert Kristjánsson hf.
„Ég mæli
tvímælalaust
með þessu
námi fyrir
alla þá sem
eitthvað eru
tengdir markaðs-, sölu-,
upplýsinga-, skipulags-
og/eða framleiðslumálum
sinna fyrirtækja.“
Hendricus Bjarnason
Tæknilegur ráðgjafi og umsjónar-
maður markaðstengdra verðbréfa
kerfa ING-bankans í Amsterdam
BANDARÍSKA umhverfisstofn-
unin kynnti um miðjan þennan
mánuð nýjar reglur, sem ætlað
er að draga verulega úr mengun
frá ýmsum farartækjum, sem
hafa hingað til verið undir litlu
sem engu eftirliti hvað þetta
varðar. Er einkum um að ræða
vélsleða, fjórhjól og torfæruvél-
hjól en mengunin frá þeim er
gífurleg að því er fram kemur í
New York Times.
Þegar áhrifa nýju reglugerð-
arinnar verður farið að gæta að
fullu upp úr 2012 mun það jafn-
gilda því, að 15% bandaríska
bílaflotans, 30 millj. bíla, hafi
verið tekin úr umferð.
Í reglunum segir, að árið 2006
eigi að vera búið að draga úr
útblæstri vatnskolefnis og kol-
sýrlings frá vélsleðum um 30%
en það eru tvígengisvélarnar í
þeim og fyrrnefndum tækjum,
sem eru svo skelfilega meng-
andi. Hafa umhverfissinnar
lengi barist fyrir reglum um vél-
sleðana, sem þeir segja verri en
nokkuð annað, og benda þá
meðal annars á rannsóknir, sem
virðast sýna, að vélsleði, sem
gengur í sjö klukkustundir á
fullu blússi, mengi að sumu leyti
jafn mikið og sparneytinn bíll í
160.000 km akstri.
Vilja banna vélarnar
Árið 2012 á að vera búið að
minnka útblásturinn enn frekar
en reglurnar munu einnig ná til
dísilvéla í skemmtibátum, sem
eru 50 hestöfl eða stærri, og til
margra annarra tækja, til dæm-
is gaffallyftara.
Í Bandaríkjunum eru nú um
200 millj. bifreiða en vélsleð-
arnir eru 1,2 millj. Fjölgar þeim
um 150.000 árlega. Fjórhjól og
önnur slík tæki eru 800.000 og
torfæruvélhjólin 200.000.
Nýju reglurnar segja ekkert
um það hvers konar vélar snjó-
sleðaframleiðendur megi nota
og umhverfissinnar eru ekki
ánægðir með það.
„Skítugar, hávaðasamar tví-
gengisvélar eru mestu mengun-
arvaldar á jörðinni og því er það
hneyksli að leyfa þær,“ sagði
Russell Long, talsmaður einna
samtaka umhverfisverndar-
sinna.
Nýjar mengun-
arreglur um
vélsleða
Tvígengisvélar sagðar mestu
mengunarvaldar á jörðinni
GERA má ráð fyrir því að Saddam
Hussein Íraksforseti og nánustu
samstarfsmenn hans muni græða
rúmlega tvo milljarða dollara, um 176
milljarða ísl. króna, á þessu ári með
því að skattleggja ólöglega olíusölu
og skipuleggja smygl í trássi við við-
skiptabann Sameinuðu þjóðanna,
segir í grein í The Washington Post.
Öryggisráð SÞ setti viðskiptabann á
Írak vegna hernáms Kúveits 1990.
Árið 1996 var slakað á banninu og
ákveðið að Írakar mættu selja nokk-
urt magn olíu til að afla bráðnauðsyn-
legs gjaldeyris fyrir mat, lyfjum og
öðrum varningi. Eru tekjurnar af
þessum útflutningi nú um sex millj-
arðar dollara á ári, um 500 milljarðar
króna. En Írakar hafa farið langt
fram úr leyfilegu magni með því að
stunda geysimikið smygl til grann-
landanna og segja sérfræðingar tíma-
ritsins The Economist að þeir flytji
nú út álíka mikið af olíu og þeir gerðu
fyrir 1990. Einnig semja Íraksforseti
og félagar hans við kaupendur lög-
legu olíunnar um sérstök umboðslaun
undir borðið.
Stórveldin hafa ekki reynt að
hamla gegn smyglinu, að sögn vegna
tillits til hagsmuna Sýrlendinga,
Tyrkja og Jórdaníumanna. Tvær síð-
arnefndu þjóðirnar eru mikilvægir
bandamenn vesturveldanna í stríðinu
gegn hryðjuverkum og þessar þjóðir
hagnast allar mjög á ólöglegu við-
skiptunum.
The Washington Post byggir
greinina m.a. á upplýsingum sem
koma fram í skýrslu er óháð stofnun,
Samtök um alþjóðlegt réttlæti, hugð-
ist birta í vikunni. Sagt er að árið 1996
hafi ólöglegur hagnaður Saddams og
félaga hans verið um 471 milljón doll-
ara, rúmir fjörutíu milljarðar króna.
Síðan hafi fjárhæðin vaxið stöðugt og
verið 2,2 milljarðar dollara í fyrra en
gæti orðið 2,5 milljarðar á þessu ári.
Stofnanir SÞ taka ekki saman tölur
um þessi efni en stjórnvöld í Evrópu-
löndum og Bandaríkjunum hafa kom-
ist að svipaðri niðurstöðu. Hörð gagn-
rýni kemur fram í skýrslunni á SÞ og
aðildarríki samtakanna fyrir að loka
augunum fyrir þessum augljósu brot-
um á samþykktum öryggisráðsins.
Hörð gagnrýni á SÞ
„Aðildarríki öryggisráðsins og rík-
isstjórnir á svæðinu hafa fyrir allra
augum stutt stjórnvöld í Bagdad og
mælt með því að viðskiptabanni verði
aflétt en fengið í staðinn loforð um
gróðavænlega viðskiptasamninga í
samræmi við ákvæði SÞ [um viðskipti
Íraka við önnur lönd],“ segir í skýrsl-
unni.
Saddam Hussein hefur notað hluta
teknanna til að kaupa sér hollustu
undirmanna sinna, fjármagna leyni-
legar vopnatilraunir og efla öryggis-
lögregluna. Skýrslan fjallar einnig
um valdabrölt og fjármálavafstur
sona Saddams, Udais og Qusais.
Hlutur Qusais, sem er 36 ára, hefur
vaxið síðustu árin á kostnað Udais
sem er 38 ára gamall. Udai Hussein
er sagður vera taumlaus svallari og
ofbeldisseggur en hann var lengi
stjórnandi fjármálaveldis föðurins, þ.
á m. smyglleiðanna. Qusai stýrir
varnarmálum, leyniþjónustu og ör-
yggismálum.
„Báðir hafa þeir sýnt og sannað að
þeir eru ruddalegir, ósvífnir og mis-
kunnarlausir en stíllinn er ólíkur.
Þeir eru sjaldan sammála og hafa
lengi keppt um völd,“ segir í skýrsl-
unni.
Íraskir ráðamenn raka
saman smyglgróða
Tekjur af umfangsmiklu smygli renna beint í vasa
Saddams Husseins, sona hans og samverkamanna
MAURICE Papon, 92 ára gamall
fyrrverandi ráðherra í Frakklandi
sem dæmdur var fyrir að aðstoða við
gyðingaofsóknir nazista, var látinn
laus úr fangelsi í París í gær.
Ákvörðun fransks dómstóls um að
láta skyldi Papon lausan af heilsufars-
ástæðum var harkalega gagnrýnd af
fólki sem barizt hafði árum saman
fyrir því að fá Papon dæmdan fyrir
hlutverk sitt í að smala saman gyð-
ingum í Bordeaux á árunum 1942–
1944, þar sem hann var lögreglustjóri
á þeim tíma. Francis Vuillemin, einn
lögfræðinga Papons, sagði lausn hans
„mikinn sigur“ en talsmenn gyðinga-
samtaka fordæmdu hana og sögðu
hana geta leitt til uppþota.
Sannað var við réttarhöldin að Pap-
on hefði skrifað undir skipun um að
1.690 gyðingar
skyldu handteknir
og færðir í hendur
þýzkum hernáms-
yfirvöldum. Þeir
dóu í útrýmingar-
búðum nazista í
Auschwitz.
Árið 1998 var
Papon dæmdur í
tíu ára fangelsi
fyrir samsekt í
glæpum gegn mannkyni. Lögfræð-
ingar hans höfðu um hríð sótt fast að
hann fengi af heilsufarsástæðum
heimild til að flytja úr La Sante-fang-
elsinu heim til sín.
Papon átti feril sem stjórnmála-
maður eftir stríð, hann var fjárlaga-
ráðherra á áttunda áratugnum.
Papon látinn laus
Maurice
Papon
París. AFP, AP.