Morgunblaðið - 19.09.2002, Blaðsíða 48
48 FIMMTUDAGUR 19. SEPTEMBER 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ALÞJÓÐASTOFNUNIN Friður
2000 mótmælir harðlega þeim um-
mælum og rógburði á hendur sam-
tökunum Friði 2000 sem Árni
Ragnar Árnason alþingismaður
lætur hafa eftir sér á mbl.is í dag
um vefinn althing.org.
Vefurinn althing.org hýsir ein-
ungis upplýsingar um sérstakt
verkefni – Althing Jerusalem sem
er óhlutdræg tillaga að nýju frið-
arferli í Mið-Austurlöndum, en að
öðru leyti er þar ekki á nokkurn
hátt fjallað um starfsemi Friðar
2000.
Það er með eindæmum að lesa
þau ummæli þingmannsins í fjöl-
miðlum, að hér sé verið að koma
fram áróðri „sem fáir mundu veita
athygli nema vegna þess að nafn
Alþingis er notað sem skálkaskjól“.
Ummæli Árna Ragnars eru lýs-
andi dæmi fyrir þá nesjamennsku
sem því miður hefur einkennt ein-
staka þingmenn á Alþingi samtím-
ans. Það er grátlegt að horfa upp á
þá sveitamennsku sem birtist í
hnotskurn á vefsíðu þingmannsins,
en þar er opnun Saltfiskseturs Ís-
lands í Grindavík efst á baugi á
meðan heimsbyggðin stendur á
öndinni vegna styrjaldaráforma
sem ógna allri framtíð mannkyns
og lífríki jarðar.
Þrátt fyrir að Árni Ragnar Árna-
son hafi um árabil haft tekjur sínar
af setu bandarísks herliðs hér á
landi og sé í framhaldinu einn af
innstu koppum bandarískrar áróð-
ursmaskínu hér á landi, er alveg
óþarfi fyrir íslenskan þingmann að
berja þannig bumburnar fyrir hina
stríðsóðu Bandaríkjastjórn að
rægja óhlutdrægar friðartillögur
sem unnar hafa verið af hugsjón,
alúð og samviskusemi í samstarfi
fjölda aðila bæði í Mið-Austurlönd-
um og annars staðar í heiminum.
Þótt sjóndeildarhringur Árna
Ragnars Árnasonar takmarkist við
saltfisk og undirlægjuhátt við
Bandaríkin er gjörsamlega út í hött
að hald því fram að nafn síðunnar
althing.org sé vísvitandi valið til að
villa á sér heimildir. Að kasta slík-
um fullyrðingum og lygaþvælu í
fjölmiðla er þekkt baráttuaðferð
leyniþjónustu Bandaríkjanna og
Bretlands á stríðstímum þegar
reynt er að grafa undan tiltrú á
andófsmönnum.
Því miður hafa alþingismenn
okkar Íslendinga ekki haft frum-
kvæði til að boða frið um jörðina
þrátt fyrir ítrekaðar áskoranir
Friðar 2000. Ekkert á síðunni alt-
hing.org vísar til þess að efnið sé
útgefið af Alþingi Íslendinga, hins
vegar er á síðunni vandlega rakinn
ferill og þróun þeirrar hugmynda-
fræði sem liggur að baki verkefn-
isins. Althing Jerusalem og þær
áhugaverðu undirtektir sem borist
hafa utan úr heimi voru kynntar
öllum alþingismönnum fyrr á þessu
ári og leitað aðstoðar um að koma
þessu friðarátaki í framkvæmd.
Annaðhvort að slíkt verkefni yrði
unnið í samvinnu við Frið 2000 eða
að hópur þingmanna yfirtæki verk-
efnið.
Friður 2000 vonast til þess að á
hinu háa Alþingi Íslendinga sé að
finna einstaklinga sem láta sig
framtíð mannkyns meira varða en
saltfisk, og að íslenskir þingmenn
taki þetta verðuga verkefni, Alt-
hing-Jerusalem, upp á arma sína
og leiði heimsbyggðina til friðar í
anda þeirra hugsjóna er skópu
stofnun Alþingis fyrir meira en
þúsund árum.
Alþjóðastofnunin
Friður 2000,
ÁSTÞÓR MAGNÚSSON.
Friður 2000 mótmælir
ummælum þingmanns
Frá Ástþóri Magnússyni:
MAÐUR að nafni Eiríkur skrifar bréf
í Fréttablaðið 3/9 og telur það skyldu
Ingibjargar Sólrúnar Gísladóttur að
koma Samfylkingunni til hjálpar.
Tími Össurar er liðinn eftir því og tel-
ur hann það pólitíska skyldu hennar
að verða við kalli þjóðarinnar. Þó það
sé kannski rétt, að það sé það eina
sem getur bjargað Samfylkingunni
þá er það ekki gert fyrir þjóðina. Ef
hún færi í framboð til Alþingis væri
hún að svíkja Reykvíkinga því þeir
kusu hana í þeirri góðu trú að hún
ætlaði að vera út kjörtímabilið og hún
margtók það fram fyrir kosningar að
svo væri. Og hver er svo draumur
þessa manns? Það er að geta farið í
stjórn með framsókn. Merkilegt að
hann talar ekki um vinstri stjórn með
Davíð. Það getur verið að hann ætli að
skipta á Ingibjörgu Sólrúnu og Össuri
og gera hann að borgarstjóra. Það var
alþekkt úti á landi að ráða sveitar-
stjóra, og reyndar í Reykjavík, um
tíma. Samfylkingarmenn sjá fram á
tap í næstu kosningum og vilja að
sjálfsögðu finna leið til bjargar eftir
afburða lélega stjórnarandstöðu á
kjörtímabilinu nema Jóhanna, sem
hefur haldið uppi vörn fyrir þá sem
minnst mega sín. Það er líka orðinn
flótti í liðinu og svo þurfa þeir að finna
leið til að ná stöðu í Reykjavík. Það
getur verið að Ingibjörg Sólrún sé í
Samfylkingunni, ég hef ekki hug-
mynd um það, en hún var kosin á þing
fyrir Kvennalista og fór þaðan í borg-
arstjórn, en það breytir ekki því að
það væru talin svik við þá sem kusu
hana í borgarstjórn ef hún færi eftir
árið. Það er Davíðs-uppskriftin og það
getur verið að hún ætli að taka við af
honum. Eftir hina snarvitlausu kjör-
dæmabreytingu er allt í óvissu í
næstu kosningum og ekki bætir úr
skák að þegar önnur kjördæmi eru
stækkuð er Reykjavík minnkuð. Þar
eru nú tvö í stað eins. Vitleysan ríður
ekki við einteyming eins og sagt var í
mínu ungdæmi. Ef hún fer í framboð
stendur hún ekki við það sem hún
sagði og hefur því verið kosin á fölsk-
um forsendum.
Ingibjörg er afar slyng.
Ekki er bættur skaðinn
ef hún færi inn á þing
en Össur kæmi í staðinn.
GUÐMUNDUR BERGSSON,
Sogavegi 178, Rvk.
Neyðarkall
Samfylkingarinnar
Frá Guðmundi Bergssyni: