Morgunblaðið - 19.09.2002, Blaðsíða 12
FRÉTTIR
12 FIMMTUDAGUR 19. SEPTEMBER 2002 MORGUNBLAÐIÐ
FIMM stofnfjáreigendur í Spron
hafa sent frá sér yfirlýsingu vegna
svara Fjármálaeftirlitsins við erindi
þeirra og Búnaðarbankans og er
hún birt hér í heild en millifyr-
irsagnir eru blaðsins.
„Fjármálaeftirlitið sendi þann 9.
september 2002 bréf til fimm stofn-
fjáreigenda í Sparisjóði Reykjavík-
ur og nágrennis og Búnaðarbanka
Íslands hf., þar sem veitt voru efn-
isleg svör við erindi þessara aðila
frá 25. júní 2002 um samþykki
Fjármálaeftirlitsins um að þeir
eignuðust virkan eignarhlut í
Spron. Í svari sínu kvaðst Fjár-
málaeftirlitið geta fallist á umsókn-
ina „að uppfylltu því skilyrði að
Búnaðarbankinn og aðilar sem
hann framselur stofnfjárhluti til,
skuldbindi sig til að standa að og ná
fram breytingu á Spron í hluta-
félag“.
Erindið samþykkt þar sem
tímamörk voru ekki virt
Af hálfu þeirra sem fengu þetta
samþykki skal eftirfarandi tekið
fram:
1. Í lögum um viðskiptabanka og
sparisjóði er svo ákveðið, að þeir
sem vilji eignast virkan eignarhlut í
viðskiptabanka skuli leita samþykk-
is Fjármálaeftirlitsins fyrirfram.
Þar er svo einnig kveðið á um þau
atriði, sem eftirlitið skuli hafa hlið-
sjón af við mat á hæfi umsækjanda.
Á þessum grundvelli sendu fimm-
menningarnir og Búnaðarbankinn
erindi sitt til Fjármálaeftirlitsins.
Þeir telja að frestur Fjármálaeft-
irlitsins til að svara hafi runnið út
25. júlí 2002. Þetta byggist á svo-
felldu ákvæði laganna: „Ákvörðun
Fjármálaeftirlitsins … skal vera
skrifleg og hafa borist umsækjanda
innan eins mánaðar frá þeim degi
er því bárust fullnægjandi upplýs-
ingar ásamt fylgigögnum. Berist
ákvörðun Fjármálaeftirlitsins um-
sækjanda ekki innan þess tíma telst
það hafa samþykkt umsóknina.“
Í erindinu 25. júní 2002 var
greint frá samningi fimmmenning-
anna við Búnaðarbankann og óskað
eftir samþykki Fjármálaeftirlitsins
við þeim viðskiptum sem í þeim
samningi felast. Jafnframt voru
boðnar fram frekari upplýsingar
og/eða gögn ef eftirlitið óskaði.
Engar slíkar óskir komu fram og
rann fresturinn út. Þar með taldist
erindið samþykkt án fyrirvara.
2. Fram kemur í svari Fjármála-
eftirlitsins 9. september 2002, að
skilyrðið fyrir samþykki erindisins
eigi rót sína að rekja til þess, að
hætta sé á „hagsmunaárekstrum á
fjármálamarkaði“ í skilningi laga-
ákvæðisins sem áskilur samþykki
eftirlitsins. Ekki er lýst nánar í
hverju sá hagsmunaárekstur gæti
falist og hvernig hann myndast við
þær aðstæður að ráðandi aðili sé í
sparisjóði en hverfi ef sparisjóðnum
er breytt í hlutafélag. Þetta sjón-
armið telja umsækjendur ekki
standast. Skal þá haft í huga, að
meðal markmiða laganna er að
greiða fyrir hagræðingu og sam-
runa bankastofnana. Ekkert er því
við það að athuga, að skemur sé
gengið og einn banki hafi yfirráð
yfir öðrum án samruna. Það er auð-
vitað skilyrði, að sá banki, sem við
tekur, fari í einu og öllu að lögum
við sýslan sína, þ.m.t., í tilviki Bún-
aðarbankans og Spron, að Búnaðar-
bankinn gangi ekki á annað eigið fé
Spron en stofnfé, sjálfum sér til
hagsbóta. Búnaðarbankinn hefur
gefið sérstaka yfirlýsingu hér að
lútandi, auk þess sem hann verður
áfram undir eftirliti Fjármálaeftir-
litsins, sem getur gætt vandlega að
því að eftir þessu verði farið. Á það
má benda að hlutafélagið Kaupþing
banki hf. keypti síðastliðið haust
sparisjóð án sérstakra skilyrða
Fjármálaeftirlitsins. Sömuleiðis
keypti Spron sparisjóð á sama tíma.
Samkvæmt framansögðu telja um-
sækjendur skilyrðið ekki standast
að réttum lögum.
Við undirritaðir teljum okkur
geta keypt stofnfé Spron á yfirverði
án nokkurra skilyrða. Á næstu dög-
um munum við til öryggis bera mál-
ið undir kærunefnd sem starfar
samkvæmt lögum um Fjármálaeft-
irlit og óska staðfestingar hennar á
þessum skilningi.“
Telja erindið sam-
þykkt án fyrirvara
Svar Fjármálaeftirlitsins við erindi fimm stofnfjáreigenda og Búnaðarbanka Íslands
STEFÁN Konráðsson sendill hefur
nýlega fest kaup á hjóli sem er
óvenjulegt að því leyti að það er
rafknúið, en það mun vera hið eina
sinnar gerðar hér á landi. Stefán,
sem starfað hefur fyrir Þroskahjálp
og Styrktarfélag vangefinna, ætlar
að nota hjólið í sendiferðir með
pakka og bréf. Stefán starfar hjá
Nýju sendibílastöðinni og gegnir
kallmerkinu 200.
Hann segist ánægður með hjólið.
Og þegar hann er ekki í sendiferð-
um stingur hann því einfaldlega „í
samband“ eins og hverjum öðrum
farsíma.
Morgunblaðið/Sverrir
Sendill á rafmagnshjóli
FRAM kemur í yfirlýsingu stofn-
fjáreigendanna fimm að þeir telji
að Fjármálaeftirlitið hafi ekki virt
tímafrest og þar með teljist erindi
þeirra hafa verið samþykkt án
fyrirvara.
Páll Gunnar Pálsson, forstjóri
Fjármálaeftirlitsins, vísar þessum
fullyrðingum á bug og segir Fjár-
málaeftirlitið hafa farið að réttum
reglum og virt tímamörk. Aðilum
málsins hafi á öllum stigum þess
verið gerð grein fyrir því hvernig
eftirlitið hygðist halda á málinu.
Í svari Fjármálaeftirlitsins seg-
ir að það geti fallist á að stofnfjár-
eigendur og Búnaðarbankinn
eignist virkan hlut í SPRON ef
Búnaðarbankinn og aðilar sem
hann framselji stofnfjárhluti til
„skuldbindi sig til standa að og ná
fram breytingu á SPRON í hluta-
félag“.
Pétur Blöndal, einn stofnfjár-
eigendanna fimm, telur að með
hliðsjón af þessari afstöðu Fjár-
málaeftirlitsins megi álykta að til-
boð Starfsmannasjóðsins fái ekki
staðist þar sem hann hafi ekki
stefnt að því að breyta SPRON í
hlutafélag. „Starfsmannasjóður-
inn verður því væntanlega að
breyta markmiðum sínum og þá
er málið í nákvæmlega sömu
stöðu og gagnvart Búnaðarbank-
anum.“
Spurður um þennan skilning
svarar Páll Gunnar því til að Fjár-
málaeftirlitið muni ekki tjá sig
efnislega um ákvörðun sína.
Fjármálaeftirlitið fór
að réttum reglum
ÞÓRHILDUR Líndal umboðsmað-
urbarna fagnar því að vænta sé
nýrra barnalaga, en Sólveig Péturs-
dóttir dómsmálaráðherra kynnti
frumvarp þess efnis á ríkisstjórnar-
fundi á þriðjudag. Þórhildur á von á
að í frumvarpinu verði að finna ýms-
ar réttarbætur í þágu barna, en hún
hefur ekki séð frumvarpið í endan-
legri gerð.
Hún sendi á sínum tíma sifjalaga-
nefnd, sem samdi frumvarpið, ýmsar
tillögur sínar til breytinga þ.á m.
lagði hún til að sett yrði afdráttar-
laust ákvæði um bann við líkamlegu
ofbeldi foreldra gegn börnum sínum
sem og hverskonar vanvirðingu ann-
arri. „Í sambærilegri löggjöf hinna
Norðurlandanna eru slík ákvæði og
ég vona að frumvarp til nýrra barna-
laga taki á þessu. ,“ segir Þórhildur.
„Vonandi tryggir frumvarpið betur
skyldu foreldra til að hafa stigvax-
andi samráð við barn sitt í málum,
sem það varða, þ.e. að samráðið auk-
ist með hækkandi aldri og auknum
þroska barnsins og að aukið tillit
skuli tekið til sjónarmiða og óska
barnsins miðað við aldur og þroska.
Ég hef lagt áherslu á mikilvægi
þess að sett verði á laggirnar opin-
ber og ekki síst þverfagleg fjöl-
skylduráðgjöf sem hafi það hlutverk
að aðstoða foreldra er hafi í hyggju
að skilja eða slíta sambúð og er
þeirrar skoðunar að það eigi einnig
að veita börnum slíka ráðgjöf. Enn-
fremur hef ég lagt til að hjónum eða
sambúðarfólki sem eiga börn yngri
en 18 ára verði skylt að leita slíkrar
ráðgjafar áður en til skilnaðar geti
komið. Ég tel að þverfagleg fjöl-
skylduráðgjöf af þessu tagi hafi mikil
fyrirbyggjandi áhrif.
Í núgildandi barnalögum er
ákvæði sem mælir fyrir um að skipa
megi barni talsmann til að gæta
hagsmuna þess við úrlausn forsjár-
máls – ef sérstök þörf er á því.
Þessu ákvæði hefur hins vegar
aldrei verið beitt á tíu ára gildistíma
laganna. Vegna þessa hef ég lagt til
að barni verði sjálfkrafa skipaður
talsmaður við þessar aðstæður. Það
á eftir að koma í ljós hvort slíkt
ákvæði er að finna í frumvarpi til
nýrra barnalaga.
Barnalög banni af-
dráttarlaust ofbeldi
foreldra gegn börnum
HRÓLFUR Sigurðsson
listmálari lést þriðjudag-
inn 17. september síðast
liðinn, 79 ára að aldri.
Hann fæddist í Reykjavík
10. desember 1922 en ólst
upp á Sauðárkróki. For-
eldrar Hrólfs voru Sigurð-
ur Sigurðsson frá Vigur,
sýslumaður Skagfirðinga,
og kona hans Stefanía
Arnórsdóttir.
Hrólfur stundaði nám
við Menntaskólann á Ak-
ureyri en eftir það beindist
hugur hans í ríkari mæli til
myndlistar. Hann fluttist
til Reykjavíkur og sótti námskeið í
Handíða- og myndlistarskólanum.
Árið 1946 fluttist Hrólfur til Kaup-
mannahafnar og innritaðist fyrst í
teikniskóla Eriks Clemmensens en
þaðan lá leiðin í Konunglegu lista-
akademíuna þar í borg þar sem
hann lauk námi árið 1950. Á þessum
árum sínum ytra sótti Hrólfur einn-
ig námskeið í Hollandi, Frakklandi,
Ítalíu og Grikklandi. Hann kom
heim til Íslands að námi loknu og
hóf strax vinnu við list sína en
kenndi jafnframt í nokkur ár við
Handíða- og myndlistarskólann í
Reykjavík og Iðnskólann í Hafnar-
firði og í Reykjavík. Þá vann hann
einnig, samhliða
listsköpun, við
garðhönnun eða
landslagsarkitekt-
úr fram til ársins
1980. Eftir það
sneri hann sér
heilshugar að mál-
verkinu.
Hrólfur var einn
þeirra listamanna
sem á miklum um-
brotatímum í
myndlist kaus að
halda tryggð við
landslagsmálverk-
ið. Myndir hans
eru jafnan margslungnar og eru
vitni um djúpa tilfinningu til ís-
lenskrar náttúru.
Hrólfur var í sýningarnefnd Fé-
lags íslenskra myndlistarmanna í
nokkur ár og í safnráði Listasafns
Íslands 1973 til 1980.
Hrólfur hélt þrjár einkasýningar
á verkum sínum. Þá fyrstu í Bogasal
Þjóðminjasafnsins árið 1962, aðra á
Kjarvalsstöðum 1992 en þá síðustu í
Gerðarsafni í Kópavogi 1996. Þá tók
hann þátt í fjölda samsýninga hér á
landi og erlendis.
Eftirlifandi kona Hrólfs er Mar-
grét Árnadóttir og eignuðust þau
tvær dætur.
Andlát
HRÓLFUR
SIGURÐSSON
MAÐURINN sem framdi sjálfsvíg á
gistiheimili í Reykjanesbæ 9. sept-
ember sl. var íranskur, fæddur árið
1964. Staðfesting á þessu fékkst með
því að bera saman fingraför manns-
ins og fingraför sem voru á skrá hjá
dönskum yfirvöldum.
Jóhannes Jensson, yfirmaður
rannsóknardeildar lögreglunnar í
Keflavík, segir að maðurinn hafi tví-
vegis óskað eftir hæli sem pólitískur
flóttamaður í Danmörku. Þar séu
ætíð tekin fingraför af hælisleitend-
um og eingöngu af þeirri ástæðu hafi
þau verið á skrá í Danmörku. Með
samanburði á fingraförum var stað-
fest að maðurinn hafði greint rétt frá
nafni og ríkisfangi þegar hann var
stöðvaður á Keflavíkurflugvelli með
falsað vegabréf. Hann var þá á leið-
inni til Bandaríkjanna.
Samkvæmt upplýsingum sem lög-
reglan í Keflavík hefur fengið frá
Danmörku sótti maðurinn um hæli
þar í landi árið1996 en jafnvel er talið
að hann hafi dvalið um nokkurn tíma
í landinu þegar hann lagði fram um-
sókn. Síðan virðist sem hann hafi
dvalið víðar í Evrópu en hann kom
aftur til Danmerkur í upphafi þessa
árs og endurnýjaði þá umsókn sína
um hæli. Maðurinn á systkini í Íran
en var ókvæntur og barnlaus.
Nafn stað-
fest með
fingra-
förum