Morgunblaðið - 19.09.2002, Blaðsíða 25

LISTIR
fyrir þína fegurð
COLOUR
PLEASURE
Veronika notar
COLOUR PLEASURE
Corail nr 532.
Aldrei fyrr
hafa varir þínar
verið eins mjúkar
og freistandi.
NÝTT!
Nú eru komnir 24
nýir litir sem allir innihalda
nýja verndandi formúlu sem
gerir varir þínar bæði mjúkar
og fallegar.
´
BRESKI rithöfundurinn Ian
McEwan er nú staddur hér á landi
ásamt Jon Cook, bókmenntaprófess-
or við East Anglia-háskólann í Nor-
wich. Þeir munu taka þátt í breskri
bókmenntahátíð sem fram fer í Há-
skólabíói og hefst í kvöld kl. 20 með
upplestri þeirra Ians McEwans og
skáldkonunnar Michele Roberts, en
hún kemur til landsins í dag.
Auk þeirra taka rithöfundarnir
Graham Swift og Bernadine Eva-
risto þátt í hátíðinni.
Í samtali við blaðamann sagði Jon
Cook þá félaga mjög spennta yfir
því að vera komnir til Íslands. Þeir
hafi verið svo lánsamir að geta
ferðast dálítið um landið áður en
bókmenntahátíðin hefst. Þeir fóru í
hálendisferð ásamt umsjónarmönn-
um bókmenntahátíðarinnar, en þeir
hafa stundað reglulega göngur í
Bretlandi.
Ætla að ræða um mjög
áhugaverð efni á hátíðinni
„Við ætlum að ræða um mjög
áhugaverð efni á þessari bók-
menntahátíð. Þar mun gestum í
fyrstu gefast kostur á að hlýða á
upplestra, viðtöl og taka þátt í um-
ræðum við bresku rithöfundana
fjóra sem taka þátt í hátíðinni, en
þeir eru að mínu mati einhverjir
þeir áhugaverðustu sem eru að
störfum í breska bókmenntaheim-
inum í dag. Þessi upplestrarkvöld
verða nokkurs konar undanfari pall-
borðsumræðna sem efnt verður til í
lok hátíðarinnar á laugardag og ég
mun stjórna. Þar munu breskir og
íslenskir rithöfundar spjalla saman
um skáldsöguna í ljósi tungumáls og
þjóðarímyndar. Þannig munum við
ræða um skáldsöguna og hvernig
hún hefur mótast af tungumáli og
þjóðerni höfunda og lesenda. Við
munum kanna það hvernig bók-
menntirnar hafa flætt yfir þessi
mörk með fjölmenningarlegri blönd-
un þjóðfélaga og tvítyngi höfunda og
lesenda. Í tengslum við þetta mun-
um við einnig ræða um þýðingar
bókmennta milli tungmáls- og
menningarheima og verður það um-
ræðuefni ekki síst áhugavert í sam-
ræðu enskumælandi og íslensku-
mælandi höfunda. Við skipulagn-
ingu þessarar hátíðar gættum við
þess að hafa hana sem opnasta, hér
verður ekki um samræður fræði-
manna að ræða, heldur köllum við á
þátttöku sem flestra,“ segir Jon
Cook.
„Þjóðin, sjálfsmyndin
og skáldsagan“
Breska bókmenntahátíðin ber
yfirskriftina „Þjóðin, sjálfsmyndin
og skáldsagan“ og hefur Jon Cook
tekið þátt í mótun og undirbúningi
hennar í samvinnu við Fríðu Björk
Ingvarsdóttur, bókmenntafræðing,
sem jafnframt er forsvarsmaður há-
tíðarinnar.
Graham Swift og Bernadine Eva-
risto munu flytja upplestur og sitja
fyrir svörum á hátíðinni annaðkvöld
kl. 20.
Á laugardaginn verður efnt til
pallborðsumræðna sem rithöfund-
arnir Bragi Ólafsson, Gerður Krist-
ný, Sigurður Pálsson og Steinunn
Sigurðardóttir taka þátt í. Á undan
umræðunum mun Icelandic Take-
Away Theatre flytja á ensku leik-
þáttinn Englar alheimsins. Dag-
skráin hefst kl. 14.
Hátíðin er öllum opin og aðgang-
ur er ókeypis.
Þriggja daga bresk bókmenntahátíð að hefjast í Háskólabíói
Heimsþekktir breskir höf-
undar meðal þátttakenda
Morgunblaðið/Kristinn
Rithöfundurinn Ian McEwan (t.h.) og bókmenntafræðingurinn Jon
Cook gáfu sér tíma til að hitta ljósmyndara Morgunblaðsins áður en þeir
héldu í hálendisferð á þriðjudag. Þeir verða þátttakendur í breskri bók-
menntahátíð sem hefst í Háskólabíói í kvöld og lýkur á laugardag.
FRANSKI píanistinn Jacques
Loussier hefur verið að djassa tón-
list Jóhannesar Sebastians Bachs í
43 ár. Prelúdíur, fúgur og tokkötur
Bachs voru í fyrstu á efnisskránni og
bassaleikari hans var einn fremsti
djassbassaleikari Evrópu, landi hans
Pierre Michelot, sem hafði m.a. verið
bassaleikari Bud Powels. Loussier
er þó ekki djassleikari í orðsins
fyllstu merkingu. Hann er klassískt
menntaður, en lék jafnframt á næt-
urklúbbum; ekki djass heldur síg-
aunatónlist í frönskum stíl þar sem
þurfti að hafa vald á spuna. Það var
ekki fyrr en hann heyrði Módern
djass kvartettinn að hann fór að
hlusta á djass fyrir alvöru. Hann
hafði oft leikið sér að því leika Bach
fyrir félaga sína í klassíkinni krydd-
aðan spunaköflum og þegar hann
heyrði John Lewis lita djass sinn
með barrokki og klassík og fannst
honum einsog að hann sjálfur vildi
verða djassleikari vildi John Lewis
verða klassískur píanisti. Það var að
sjálfsögðu misskilningur. John Lew-
is og félagar hans í Módern djass
kvartettinum notuðu klassísk áhrif
til að skapa magnþrungna tónlist
sem má telja til þess besta sem leikið
var á síðustu öld, en tónlist Louss-
iers er léttdjassaður Bach, skemmti-
legt eyrnakonfekt sem getur jafnt
leitt hlustendur til ekta barokktón-
listar og djass.
Undanfarin ár hefur Loussier
hljóðritað fyrir Telarc-útgáfuna og í
viðbót við barokkið hefur hann hljóð-
ritað impressjónistana Ravels og
Debussys og þann sérstæða Satie,
sem rataði á efnisskrár poppara, svo
og Árstíðirnar fjórar eftir Vivaldi og
Händel-disk þann sem hér er til um-
fjöllunar og er nýjasti Loussiers-
diskurinn.
Barokktónlist fellur flestri tónlist
fyrri alda betur að djassspuna og
allra best tónlist Jóhanns Sebastians
og þykja mér hljóðritanir Loussiers
á verkum hans, sér í lagi orgelverk-
unum, henta honum best allra þeirra
verka er hann hefur glímt við.
Vatnatónlist Händels er ekki eins
leikandi létt og Bach er á bestu
hljóðritunum Louissiers. Sér í lagi er
trommarinn oft í vandræðum eins og
í upphafi verksins og bæði bassa og
trommusólóinn í seinni allegrokafl-
anum heldur marklítil, sömbu og
funktilraunir tríósins lenda á brot-
skeri en adagiokaflinn er afturá móti
sérdeilis fallega leikinn og spuninn
lewisískur. Bláu nóturnar í fyrri
allegrókaflanum og bassaupphafið í
andandekaflanum hitta í mark og
þrátt fyrir að allt gangi ekki upp er
Vantnatónlistin mjög áheyrileg. Það
er aftur á móti ekki hægt segja um
Konunglega fírverkeríið sem í öllum
sínum hátíðleika er einkar óhentug-
ust til djasstúlkunar í þeim anda sem
Loussier hefur tileinkað sér. Aftur á
móti bætir Passacaglian það upp.
Hana leikur tríóið í lok disksins af
mikilli innlifun í þeim anda sem hef-
ur gert tríóið jafn vinsælt og raun
ber vitni.
Tríó Jacques Loussier heldur tón-
leika í Hásólabíói á föstudagskvöld
og það er víst að aðdáendur hans í
nær hálfa öld láta sig ekki vanta.
Hann er sérstaklega skemmtilegur í
tónleikasal eins og þeir vita er fylgd-
ust með hounum í sjónvarpi á hátíð-
arhöldunum miklu er 250 ár voru lið-
in frá dauða hins mikla Bachs.
Loussier glímir
við Händel
DJASS
Geisladiskur
Jacques Loussier píanó, Benoit Dunoyer
de Segonzac bassa og André Arpion
trommur. Hljóðritað í mars til maí 2002 í
París. Telarc Jazz CD-83544. Dreifing: 12
tónar.
TRÍÓ JACQUES LOUSSIER: WATER MUSIC
& ROYAL FIREWORKS
Vernharður Linnet
MORGUNBLAÐIÐ FIMMTUDAGUR 19. SEPTEMBER 2002 25
LJÓSMYNDIR
mbl.is