Morgunblaðið - 19.09.2002, Blaðsíða 10

FRÉTTIR
10 FIMMTUDAGUR 19. SEPTEMBER 2002 MORGUNBLAÐIÐ
STURLA Böðvarsson samgöngu-
ráðherra hefur falið Vegagerðinni að
ganga til samninga við Samskip hf.
um fjölgun ferða Vestmannaeyja-
ferjunnar Herjólfs en Samskip sjá
um daglegan rekstur ferjunnar. Gert
er ráð fyrir að samið verði um fjölg-
un ferða í samræmi við tillögur
starfshóps ráðherra.
Áhugahópur um bættar sam-
göngur milli lands og Eyja hefur
sent frá sér fréttatilkynningu þar
sem hugmyndum samgönguhóps
ráðherra er mótmælt og því lýst yfir
að ,,lítilsháttar fjölgun ferða í vetur
sé hvergi nærri kröfum Vestmanna-
eyinga sem komið hafa fram að und-
anförnu,“ eins og segir í tilkynning-
unni.
Sturla vísar gagnrýninni á bug og
segir að um stórfjölgun á ferðum
Herjólfs sé að ræða. Hann bendir á
að á árinu 2000 fór Herjólfur í 445
ferðir milli lands og Eyja. Ferjan var
boðin út haustið 2000 og tóku Sam-
skip við rekstrinum. Var þá ákveðið
að fjölga ferðunum og voru farnar
455 ferðir á árinu 2001. ,,Nú höfum
við tekið ákvörðun um að fjölga þess-
um ferðum upp í 510 á þessu ári og
með þeirri ákvörðun sem ég hef nú
tekið um að fara að tillögum starfs-
hópsins þá er um að ræða 570 ferðir,
sem er 28% aukning frá því sem var
þegar ferjan var boðin út. Þarna er
því um stóraukningu að ræða. Það er
því ekki með sanngirni hægt að segja
annað en tekið sé myndarlega á ósk-
um Eyjamanna hvað þessa flutn-
ingaþörf áhrærir,“ segir Sturla.
Borgarafundur um samgöngur
í Eyjum annað kvöld
Boðað hefur verið til borgarafund-
ar um Vestmannaeyjar og sam-
göngumál á morgun, föstudag, og við
það tækifæri á að afhenda sam-
gönguráðherra eða fulltrúa hans
undirskriftalista þar sem mótmælt
er ófremdarástandi í samgöngu-
málum Eyjanna, eins og segir í
fréttatilkynningu. Með undirskrifta-
söfnuninni er þess krafist að ríkis-
valdið tryggi að minnsta kosti tvær
ferðir með Herjólfi á dag allt árið og
geri nú þegar ráðstafanir til að fá
nýja og hraðskreiða ferju til lands-
ins. Mótmælalistarnir hafa legið
frammi víða í Vestmannaeyjum und-
anfarna daga og eru undirskriftir nú
um 1.800 talsins, skv. upplýsingum
áhugahópsins.
Staða innanlandsflugsins
allt önnur og betri
Samgönguráðherra bendir á að í
vinnuhópnum hafi átt sæti fulltrúar
heimamanna, ráðuneytisins og Sam-
taka atvinnulífsins. ,,Hópurinn skil-
aði áfangaskýrslu þar sem ákveðnar
tillögur eru settar fram um fjölgun
ferða Herjólfs og ég tók ákvörðun
um að samið yrði við Samskip um að
fara að þeim tillögum. Menn geta svo
komið með einhver yfirboð en við
getum auðvitað ekki hlaupið eftir
því. Þarna er um ábyrgan hóp að
ræða sem hefur farið vandlega yfir
málið í ljósi aðstæðna og þeirrar
flutningaþarfar sem þarna er til
staðar,“ segir Sturla.
Hann bendir einnig á að flugsam-
göngur hafi batnað til muna, m.a.
hafi slitlag verið sett á flugbrautina á
Bakkaflugvelli og létt hafi verið á
innanlandsfluginu í heild sinni með
útboði á flugleiðum sem hafa verið
reknar með tapi. Staða flugfélag-
anna til að tryggja þjónustu í innan-
landsflutningum, þ. á m. til Vest-
mannaeyja, sé allt önnur og betri en
áður var. ,,Það er alveg augljóst að
innanlandsflugið er að rísa úr sínum
vandræðum. Flugfélag Íslands skil-
ar hagnaði og Íslandsflug hefur flug
til Hornafjarðar á næstunni,“ segir
Sturla. ,,Ég horfi fram á miklu betri
tíð með fjölgun ferða Herjólfs, með
styrkari stöðu innanlandsflugsins og
betri aðstöðu á Bakkaflugvelli. Það
er því fjarri öllu lagi að halda því
fram að það sé ófremdarástand í
samgöngumálum,“ segir Sturla.
Samgönguráðherra segir enn-
fremur að næsta verkefni starfs-
hópsins verði að fjalla um framtíð
siglinganna á milli lands og Eyja.
,,Við rjúkum ekki upp til handa og
fóta og pöntum ferju þó einhver ferja
sé til sölu, eins og kom fram í viðtali
við Hjálmar Árnason alþingismann.
Við kaupum ekki ferju nema að und-
angenginni athugun. Fyrir það
fyrsta þarf að velja ferju sem hentar
og í annan stað þarf að bæta og
skapa hafnaraðstöðu fyrir hana.
Hópurinn hefur það verkefni að fara
yfirvegað og fordómalaust yfir fram-
tíðarþörfina til þess að uppfylla
þessa flutningaþörf við Vestmanna-
eyjar,“ segir hann.
Borgarafundur og undirskriftasöfnun í Vestmannaeyjum vegna óánægju með samgöngumál
Ráðherra segir að
ferðum Herjólfs
hafi fjölgað mikið
STJÓRN kjördæmisráðs Sjálf-
stæðisflokksins í norðvesturkjör-
dæmi mun leggja fram tillögu á að-
alfundi kjördæmisráðsins í Snæ-
fellsbæ 28. og 29. september um að
viðhaft verði prófkjör fyrir kom-
andi alþingiskosningar. Þórólfur
Halldórsson, formaður stjórnar
kjördæmisráðsins, staðfesti í sam-
tali við Morgunblaðið í gær að
stjórnin muni leggja fram tillögu
um að prófkjör fari fram 9. nóv-
ember fyrir aðalfund kjördæmis-
ráðsins, en aðalfundarfulltrúar
tækju endanlega ákvörðun um mál-
ið.
Stjórnin boðaði til fjögurra
funda í júní sl. til að kanna hug
manna til þess hvort viðhaft skuli
prófkjör eða uppstilling fyrir kom-
andi alþingiskosningar og varð nið-
urstaðan sú, að fleiri töldu prófkjör
vera vænlegri kost en uppstillingu.
Sjálfstæðismenn
í norðvesturkjördæmi
Tillaga um
prófkjör 9.
nóvember
HÉRAÐSDÓMUR Reykjavíkur
úrskurðaði í gær að réttarhöld yfir
38 ára gamlli konu, sem ákærð er
fyrir manndráp með því að hafa
orðið völd að dauða 9 ára gamallar
dóttur sinnar í vor, skyldu fara
fram fyrir luktum dyrum. Ákæra
ríkissaksóknara var þingfest í hér-
aðsdómi í gær, en ákærða, sem er í
gæsluvarðhaldi á réttargeðdeildinni
að Sogni, var fjarstödd þar sem boð
til fangelsismálayfirvalda um að
færa ætti hana fyrir dóm komust
ekki til skila.
Verjandi ákærðu, sem krafðist
lokaðs þinghalds, sagði að sérstaða
málsins væri slík að opinber um-
fjöllun um málið stríddi gegn vel-
sæmissjónarmiðum og myndi slíkt
valda þeim þjáningum sem í hlut
ættu. Dómarinn í málinu varð við
kröfunni og sagði í úrskurðarorðum
að umfjöllun myndi ekki síst valda
syni ákærðu þungum áhyggjum.
Réttarhöld fara fram
fyrir luktum dyrum
DAVÍÐ Á. Gunnarsson, ráðuneyt-
isstjóri í heilbrigðis- og trygginga-
málaráðuneytinu, var í gær kosinn
í framkvæmda-
stjórn Alþjóða-
heilbrigðismála-
stofnunarinnar
(WHO) á haust-
þingi Evrópu-
deildar stofnun-
arinnar. Fjörutíu
af þeim fjörutíu
og þremur þjóð-
um, sem tóku
þátt í atkvæða-
greiðslunni, greiddu fulltrúa Ís-
lands atkvæði sitt, samkvæmt upp-
lýsingum frá heilbrigðisráðuneyt-
inu.
Auk Davíðs voru fulltrúar
Frakklands og Tékklands kosnir í
framkvæmdastjórnina með þrjátíu
og sex atkvæðum. Fulltrúarnir þrír
sem kosnir voru í dag sitja í fram-
kvæmdastjórn WHO á tímabilinu
2003–2006.
Haustþing Evrópudeildar Al-
þjóða-heilbrigðismálastofnunarinn-
ar (WHO) er haldið í Kaupmanna-
höfn og lýkur í dag. Þingið sækja
fulltrúar frá fimmtíu og einu landi.
Jón Kristjánsson, heilbrigðis- og
tryggingamálaráðherra, fer fyrir
íslensku sendinefndinni og ávarp-
aði hann haustþingið í gær.
Heilbrigðisráðuneytið hefur
unnið að því á liðnum misserum að
tryggja stuðning við framboð og
kosningu fulltrúa Íslands í fram-
kvæmdastjórnina. Það hefur verið
gert í nánu samstarfi við utanrík-
isþjónustuna og hafa fjölmargir
starfsmenn utanríkisráðuneytisins
og sendiráða og fastanefnda Ís-
lands unnið að málinu.
Davíð Á. Gunnarsson
Kjörinn í
stjórn WHO
Davíð Á.
Gunnarsson
MÁL ÞORSTEINS Jónssonar
ættfræðings og Genealogia Is-
landorum hf. gegn Íslenskri
erfðagreiningu ehf. og Friðriki
Skúlasyni ehf., vegna meintra
brota á höfundarrétti, var tekið
fyrir hjá Héraðsdómi Reykjavík-
ur í gær. Ekki hefur verið ákveð-
ið hvenær aðalmeðferð málsins
fer fram. Bótakröfur stefnenda
nema hundruðum milljóna
króna.
Þorsteinn Jónsson og Genea-
logia Islandorum saka Íslenska
erfðagreiningu og Friðrik Skúla-
son um að hafa slegið inn í tölvu í
ábataskyni lögverndaðar upplýs-
ingar úr ættfræðiritum sem Þor-
steinn og aðrir fræðimenn hafi
unnið upp úr frumgögnum. Ís-
lensk erfðagreining hefur á hinn
bóginn haldið því fram að um
staðreyndir sé að ræða sem ekki
njóti verndar höfundarréttar.
Krafist hundraða
milljóna í bætur
FORSETI European Film Promot-
ion hefur sent Tómasi Inga Olrich
menntamálaráðherra bréf, þar sem
vakin er athygli á því mikilvæga
starfi sem Þorfinnur Ómarsson hefur
unnið í þágu íslenskrar kvikmynda-
gerðar. Núverandi ástand er harmað
og vonir bundnar við að það leysist
sem fyrst. Eins og kunnugt er hefur
Þorfinni verið vikið tímabundið úr
embætti framkvæmdastjóra Kvik-
myndasjóðs.
European Film Promotion eru
regnhlífarsamtök 20 evrópskra kvik-
myndastofnana sem kynna kvik-
myndir um allan heim. Bréfið er hér
birt í heild:
„Á allsherjarþingi okkar sem hald-
ið var á alþjóðlegu kvikmyndahátíð-
inni í Toronto hinn 10. september,
komust stjórn og félagar í European
Film Promotion að því að staða Þor-
finns Ómarssonar hjá Kvikmynda-
sjóði hefur verið tekin til endurskoð-
unar.
Þrátt fyrir að málið sé enn óút-
kljáð, viljum við vekja athygli ráðu-
neytisins á því mikilvæga starfi sem
Þorfinnur hefur innt af hendi fyrir ís-
lenska kvikmyndagerð á alþjóðavett-
vangi síðustu árin. Reynsla hans í
faginu og náin tengsl jafnt við alþjóð-
lega fjölmiðla sem kaupendur og
dreifendur kvikmynda, hefur verið
afar mikilvæg við að koma íslenskum
kvikmyndum á framfæri við áhorf-
endur víða um heim. Ekki má van-
meta þá sérhæfni sem hann hefur afl-
að sér. Að koma innlendum kvik-
myndum á framfæri á alþjóðavett-
vangi getur þarfnast áralangrar
þjálfunar og reynslu. Með því að losa
sig við þá fjárfestingu sem lögð hefur
verið í starf Þorfinns er hætta á að
kynning íslenskra kvikmynda verði
erfiðari næstu árin.
Vona að lausn finnist
Þorfinnur Ómarsson hefur ekki að-
eins unnið að eflingu íslenskrar kvik-
myndagerðar heldur einnig tekið
þátt í Norðurlanda- og Evrópusam-
starfi. Þú veist ef til vill að hann hefur
setið í stjórn European Film Promot-
ion síðustu tvö ár. European Film
Promotion eru samevrópsk samtök
sem sjá um að kynna evrópskar
myndir frá 20 þjóðlöndum á alþjóða-
vettvangi. Allir félagar í samtökunum
hafa ávallt getað reitt sig á reynslu
Þorfinns og áhuga hans á evrópskri
kvikmyndagerð. Við vonum að lausn
finnist á þessu vandamáli, ekki aðeins
til hagsbóta fyrir Þorfinn og yfirvöld
kvikmyndagerðar á Íslandi, heldur
líka fyrir íslenska kvikmyndagerð í
heild,“ segir í bréfinu sem er ritað af
Claudiu Landsberger, forseta EFP.
Vekja athygli
á góðu starfi
Þorfinns
Bréf samtaka evrópskra kvikmynda-
stofnana til menntamálaráðherra
LAUFIN skrýðast nú hvert af öðru
haustlitunum og keppast við að
verða sem allra skrautlegust áður
en þau falla til jarðar og taka á sig
aðra og minna spennandi liti. Þar
er þeim mörgum sópað upp og sett í
poka en sum komast undan og fjúka
á haf út eða yfir í aðra garða. Þeim
sem lenda á gangstéttunum er
smalað saman af snyrtilegum borg-
arbúum og kurteislega komið fyrir
annars staðar.
Af greinunum
á gangstéttina
Morgunblaðið/Golli