Morgunblaðið - 10.10.2002, Side 4

FRÉTTIR
4 FIMMTUDAGUR 10. OKTÓBER 2002 MORGUNBLAÐIÐ
73 ÁRA gamall karlmaður var í
gær dæmdur í 18 mánaða fangelsi
fyrir fjársvik, en hann dró sér um
7,9 milljónir króna af eignum há-
aldraðrar og veikrar föðursystur
sinnar þegar hann var lögráða-
maður hennar frá árinu 1992 og
þar til hún lést árið 2000. Hann er
þriðji maðurinn sem er dæmdur
fyrir að draga sér fé úr búi kon-
unnar. Konan dvaldi á sjúkrahúsi
frá 1991 og þar til hún lést. Í vott-
orði læknis kemur fram að hún
hafi verið með mjög lélegt skamm-
tímaminni og gleymdi nær jafn-
óðum því sem við hana var sagt.
Var hún talin ófær um að sjá um
sig sjálf.
Frændi hennar, sem var dæmd-
ur í gær, sagðist hafa verið henni
afar náinn alla tíð. Eitt sinn þegar
hann kom í heimsókn til hennar
árið 1991 hafi hann séð bréf um að
hún ætti 8,9 milljónir í dánarbúi
bróður hennar sem lést í Kanada
ári áður. Í ljós kom að konan hafði
ekki fengið þessa peninga en þeg-
ar hann kannaði málið kom í ljós
að tveir menn á Íslandi höfðu tekið
við þeim. Annar þeirra, hæstarétt-
arlögmaður, var dæmdur í níu
mánaða skilorðsbundið fangelsi og
sviptur lögmannsréttindum í eitt
ár en hinn hlaut 15 mánaða fang-
elsi. Þetta fé og meira til notaði
frændi konunnar síðan í eigin
þágu.
Handskrifað yfirlit með
ólíklegum frádráttarliðum
Eftir að dómur féll fól hann lög-
manni að innheimta féð sem hinir
tveir höfðu dregið sér og náðist að
innheimta 7,1 milljón. Eftir að
konan lést afhenti hann ættingjum
hennar handskrifað bréf um að
hann hefði fengið 8,8 milljónir af
fjármunum hennar í hendur. Féð
var sýnilega lítið ávaxtað og á móti
settir ýmsir kostnaðarliðir sem
ættingjum þótti fjarstæðukenndir.
Aldrei skilaði hann peningunum og
að lokum kærðu ættingjarnir hann
til lögreglunnar.
Maðurinn sagðist hafa ákveðið
að leggja féð ekki inn á verð-
tryggðan bankareikning heldur
hafi hann sjálfur lánað féð og
keypt hlutafé. Hann gat þó ekki
tilgreint hverjum hann lánaði eða
til hve langs tíma og ekkert af
fénu hefur hann greitt til baka.
Hann hélt því einnig fram að
gögnum um útgjöld vegna kon-
unnar hefði verið stolið í innbroti
en engin gögn fundust hjá lög-
reglu um að maðurinn hefði til-
kynnt um innbrot. Hefði maðurinn
lagt féð inn á verðtryggðan banka-
reikning árið 1994 þegar hann tók
við erfðafénu sem áður er getið,
hefði það nú númið 15,7 milljónum
króna. Fram kemur í dómnum að
bú mannsins var tekið til gjald-
þrotaskipta árið 1995. Engar eign-
ir fundust en lýstar kröfur námu
rúmlega 98 milljónum króna. Þá
hefur hann áður verið dæmdur
fyrir fjárdrátt.
Guðmundur L. Jóhannesson,
héraðsdómari miðaði refsingu m.a.
við að brotin stóðu yfir í langan
tíma en virti manninum til máls-
bóta að hann hefði gert gangskör
að því að innheimta bróðurarf kon-
unnar. Refsing var talin hæfileg 18
mánaða fangelsi. Skipaður verj-
andi var Rúnar S. Gíslason en Sig-
ríður Jósefsdóttir saksóknari sótti
málið f.h. ríkissaksóknara.
Sveik 7,9 milljónir út úr
aldraðri og veikri frænku
Þriðji maðurinn
sem er dæmdur
fyrir að draga
sér fé úr
búi konunnar
SLÁTURTÍÐIN er nú að hefjast
og því eflaust setið víða í eldhús-
um landsins, keppir saumaðir,
slátur hrært og falið upp. Kjartan
Ólafsson, þingmaður Sjálfstæð-
isflokksins á Suðurlandi, sem tók
við sæti Árna Johnsen fyrir um
ári, hvatti landsmenn til að taka
slátur í umræðum á Alþingi á
mánudag þar sem þingmenn
ræddu dýrtíð á Íslandi og hátt
matvöruverð. Sagði Kjartan að
margir hverjir væru hættir að
taka slátur, en slátur væri hollur
matur, góður og ódýr.
Ómar Pétursson, svæðisstjóri í
kjötdeildinni í Hagkaupum í
Skeifunni, segir að ummæli þing-
mannsins hafi ekki haft sjáanleg
áhrif á sóknina í slátur, ekki enn
að minnsta kosti. Hann segir að
salan hafi byrjað fyrir helgi. „Það
hefur verið svolítið gott að gera í
þessu og var salan góð í fyrra
líka. Þetta fer hægt af stað en
eykst svo,“ segir Ómar.
Helst sé það eldra fólk sem
kaupi slátur en margt ungt fólk
virðist vera að taka slátur í fyrsta
skipti og spyrji ráða um slát-
urgerðina. Einnig sé algengt að
dætur taki slátur með mæðrum
sínum. „Þetta er rosalega góð bú-
bót. Ég tek slátur sjálfur, finnst
það góður matur.“ Segir Ómar að
þrjú slátur ættu að duga í níu
máltíðir fyrir fjögurra manna
fjölskyldu ef allt hráefnið er not-
að og bæði gerð lifrapylsa og
blóðmör. Þrjú slátur kosti 2.098
krónur og því kosti hver máltíð
233 krónur, að meðlætinu und-
anskildu.
Keppir saumaðir af kappi
Í Reykholtsdal í Borgarfirði
saumuðu þær Unnur Jónsdóttir
frá Deildartungu, Ásta Hansdóttir
frá Hömrum og Helga Guðráðs-
dóttir, Kópareykjum, vambir af
kappi á dögunum. Unnur segir að
þær hafi verið að hjálpa sr. Pétri
Þorsteinssyni að sauma, alls hafi
þær saumað á annað hundrað
keppi fyrir Pétur. „Hann borðar
þetta og gefur foreldrum sínum.
Hann borðar mikið slátur, alltaf
hafragraut og slátur á hverjum
einasta morgni,“ segir Unnur.
Hún hefur tekið slátur frá því
hún var lítil stelpa, þótt hún borði
ekki lengur slátur þar sem slátur
sé þungt í maga fyrir gamalt
fólk. „Ég er úr sveit og það var
alltaf eldað slátur. Það var
stærsta innanhússverkið á haustin
að taka slátur,“ segir hún. Ekki
hafi verið óalgengt að 40 slátur
hafi verið tekin á sveitabæjum, en
úr því hafi komið rúmlega 200
keppir.
Unnur segir að ýmislegt sé
spjallað yfir sláturkeppunum,
þetta sé svolítið eins og að vera í
saumaklúbb. Aðspurð segir hún
að henni finnist lifrarpylsa betri á
bragðið en blóðmörinn og hváir
þegar hún heyrir að blaðamaður
hefur aldrei smakkað súrt slátur.
„Maður setur soðinn keppinn ofan
í ílát með mysu og lætur hann
vera þar í nokkra daga, þá súrn-
ar keppurinn. Súrt slátur er
miklu hollara en ósúrt slátur,“
segir Unnur.
Um ummæli þingmannsins seg-
ir Unnur að það sé rétt hjá Kjart-
ani að slátur sé afar góður matur,
næringarríkur og ódýr, þótt hann
sé ekki endilega svo hollur, nema
súrt slátur.
Margt ungt fólk
virðist vera að taka
slátur í fyrsta skipti
Morgunblaðið/Pétur
Unnur Jónsdóttir í Deildartungu, Helga Guðráðsdóttir frá Kópareykj-
um og Ásta Hansdóttir á Hömrum sauma saman vambir.
Morgunblaðið/Þorkell
Ómar segir að ekki sé óalgengt
að mæðgur taki slátur saman.
Hér skoðar Helga Jónasdóttir
úrvalið en hún ætlar að taka
slátur með Tinnu dóttur sinni.
FLUGFÉLAGIÐ Atlanta hefur
fjölgað flugmönnum að undanförnu
og hefur félagið m.a. annars ráðið
flugmenn sem misstu vinnuna hjá
Flugleiðum.
Atlanta hefur nógu mörgum flug-
mönnum á að skipa sem stendur en
horfur eru á að félagið muni, ef
eitthvað er, fjölga í flugmannaliði
sínu á næstu mánuðum og miss-
erum.
„Við erum með nægan fjölda af
flugmönnum eins og stendur og
höfum raunar stöðugt verið að
fjölga í flugmannahópi okkar þótt
við höfum svo sem ekki farið með
það í fjölmiðla. Við höfum t.d. ráðið
suma af þeim flugmönnum sem
misstu vinnuna hjá Flugleiðum,“
segir Erling Aspelund, upplýsinga-
fulltrúi Atlanta.
Erling segir að flugmenn hér á
landi hafi þó yfirleitt ekki mikla
reynslu af því að fljúga breiðþotum.
„Hinir einu sem hafa reynslu að
gagni af því að fljúga þotum eru
flugmenn Flugleiða, Bláfugls og að
hluta til flugmenn hjá Íslandsflugi.
Flugleiðir hafa verið með
Boeing-757 í rekstri og við getum
notað flugmenn sem flogið hafa
þeim á Boeing-767 með dálítilli
milliþjálfun eða tegundarþjálfun
eins og það er kallað. Þetta er þó
ekki stór hópur. Hæfni, réttindi til
fljúga ákveðnum tegundum og síð-
ast en ekki síst reynsla flugmanna
er vitaskuld misjöfn og það er eins
með flugmenn og annað sérhæft
starfsfólk að reynslan og atvinnu-
saga þess skiptir mjög miklu máli.“
Erling segir að ekki sé vandamál
að fá flugmenn með reynslu til
starfa en sem betur fer gangi þó
ekki margir íslenskir flugmenn með
reynslu atvinnulausir eins og er.
„Við erum með átta Boeing 767-
vélar og margir þeirra sem fljúga
þeim vélum fyrir okkur hafa komið
frá ýmsum flugfélögum, eins og til
að mynda Brittania, Virgin Atlantic
og City Bird, sem lentu í erfiðleik-
um í kjölfar atburðanna 11. sept-
ember. Þá urðu hundruð flugmanna
skyndilega atvinnulaus og við höf-
um ráðið úr þeim hópi.“
Flugmönn-
um hefur
fjölgað
hjá Atlanta
ALÞJÓÐA geðheilbrigðisdagur-
inn er haldinn í sjötta sinn í dag
og er yfirskrift hans að þessu
sinni Áhrif áfalla og ofbeldis á
börn og unglinga.
Í tilefni dagsins er efnt til há-
tíðarsamkomu í Ráðhúsi Reykja-
víkur þar sem flutt verða fram-
söguerindi og fram fara
pallborðsumræður um þema
dagsins.
Að sögn Sveins Magnússonar,
framkvæmdastjóra Geðhjálpar,
er markmiðið í ár að upplýsa al-
menning um áhættuþætti sem
tengjast geðheilbrigði barna og
unglinga og hvernig megi fyrir-
byggja áföll og ofbeldi og/eða af-
leiðingar þess hjá þessum hópi.
Þema dagsins í ár, líkt og fyrri
ár, er ákveðið af alþjóðasamtök-
um um geðheilbrigði, WFMH.
Sveinn segir að þessi málaflokkur
sé stór og því ekki að ófyrirsynju
að menn vilji tileinka daginn geð-
heilbrigði barna og unglinga.
Undanfarin tvö ár hefur dagurinn
verið tileinkaður vinnu og geð-
heilbrigði.
Að geðheilbrigðisdeginum
standa auk Geðhjálpar, barna og
unglingageðdeild Landspítalans,
Barnaheill, Barnaverndarstofa,
Foreldrafélag geðsjúkra barna
og unglinga, Hitt húsið, Rauða-
krosshúsið, umboðsmaður barna
og Umhyggja, félag langveikra
barna.
Í Ráðhúsinu í dag mun Guðjón
E. Ólafsson sérkennslufræðingur
flytja erindi um einelti og for-
varnir.
Margrét Ólafsdóttir sálfræð-
ingur flytur erindi um áföll barna
og ætlar að skilgreina hvað flokk-
ast undir áföll. Þá munu gestir
hlýða á reynslusögu ungs manns
sem segir frá erfiðleikum í eigin
barnæsku.
Að sögn Sveins er sjónum eink-
um beint að heimili og skóla og
ungu fólki. Engu að síður er mik-
ilvægt, að hans mati, að sem
flestir velti geðheilbrigðismálum
fyrir sér í tilefni dagsins.
„Þessi dagur skiptir okkur öll
máli. Líka þá sem búa við góða
geðheilsu og þurfa að viðhalda
henni,“ segir Sveinn Magnússon.
Geðhlaup á laugardag
Á laugardag verður Geðhlaup
Geðhjálpar haldið. Lagt verður af
stað frá Nauthólsvík kl. 13 og
getur fólk hlaupið, hjólað eða
gengið. Farnar verða tvær leiðir,
2 km skemmtiskokk og 10 km
hlaup með tímatöku. Allir þátt-
takendur fá viðurkenningu að
loknu hlaupi. Hægt er að skrá sig
á skrifstofu Geðhjálpar og á net-
fangið gedhjalp@gedhjalp.is.
Samkoma í Ráðhúsinu í tilefni af
alþjóða geðheilbrigðisdeginum
Rætt um áhrif
áfalla og ofbeldis á
börn og unglinga