Morgunblaðið - 15.11.2002, Blaðsíða 11
FRÉTTIR
MORGUNBLAÐIÐ FÖSTUDAGUR 15. NÓVEMBER 2002 11
Bæjarlind 12, Kópavogi, sími 544 2222
Stærðir frá 36-60
Samkvæmisfatnaður
Stuttar og síðar ullarkápur
og Best úlpur verð frá kr. 9.990
Verslun fyrir konur, Mjódd sími 557 5900
Laugavegi 28,
sími 562 6062.
Erum flutt!
á Laugaveg 28
Glæsileg
opnunartilboð
vikuna 15.—22. nóv.
Nýtt kortatímabil
Síðustu móttökudagar
jólapantana
Kays Argos pöntunarlistarnir
Austurhraun 3, Gbæ. s. 555 2866Full búð af vörum
tryggingar fyrir yfirdrættinum og
helst koma honum undir tryggingar
sambankalánsins. Nú þegar félagið
býður fram 1. veðréttartryggingu fyr-
ir yfirdrættinum samhliða sambanka-
láninu kemur Landsbankinn með
kröfu um uppgreiðslu yfirdráttarins
áður en frekari viðræður geta átt sér
stað.
Þetta nýja skilyrði Landsbankans
sýnir betur en nokkuð annað, sem frá
Landsbankanum hefur komið frá því
endurfjármögnunarviðræður hófust,
að Landsbankinn hefur ekki sérstak-
an áhuga á að taka þátt í því að leysa
fjárhagsvanda Norðurljósa með nú-
verandi eigendum.
Landsbankinn verður eins og aðrar
lánastofnanir að horfa á heildarmynd-
ina, heildarskuldir Norðurljósa. Sú
mynd geymir m.a. þá staðreynd að
auk 395 milljóna kröfu Landsbankans
á hendur Norðurljósum eiga lífeyris-
sjóðir og aðrar íslenskar fjármála-
stofnanir hátt í 2 milljarða í ótryggð-
um kröfum á hendur félaginu. Þessir
aðilar hafa lýst sig fúsa til að finna
leiðir til að vernda hagsmuni sína og
annarra lánardrottna félagsins í sam-
starfi við núverandi eigendur, sem
þegar hafa skuldbundið sig til að
leggja fram 600 milljónir í nýju
hlutafé og jafnvel meir, eins og kom
fram í vetur leið.
Í þessu sambandi er þess skemmst
að minnast að forsvarsmenn nokk-
urra lífeyrissjóða, sem eiga um eins
milljarðs kröfu á hendur Norðurljós-
um, hafa viðrað þá hugmynd við
Landsbankann að sjóðirnir væru
reiðubúnir til að greiða 1,5 milljarða
fyrir 34,8% hlutinn í Tali og niður-
skrifa ótryggðar kröfur sínar á hend-
ur Norðurljósum um 300 milljónir,
gegn því að Íslandssími keypti 34,8%
hutinn af lífeyrissjóðunum við sama
verði. Kaupverð yrði greitt með
tvennu móti, í peningum 750 milljónir,
með hlutum í Íslandssíma að verð-
mæti 750 milljónir á sama gengi og
gilti í viðskiptum og Halló og Íslands-
síma.
Landsbankinn virðist ekki hafa
sérstakan áhuga á tillögum lífeyris-
sjóðanna, þótt forsvarsmenn bankans
ættu að hafa hann þó ekki væri nema
vegna þessara þriggja ástæðna aðal-
lega:
(a) í fyrsta lagi vegna þess að sölu-
verð 34,8% hlutarins í Tali hækkar
um liðlegar 80 milljónir króna og
Landsbankinn fær því hærri greiðslu
inn á sambankalánið verði Norður-
ljósum bjargað frá gjaldþroti. Meiri
vafi kann hins vegar að vera um rétt-
arstöðu Landsbankans og annarra
aðila sambankalánsins gagnvart sölu-
verði Tals-hlutarins verði Norðurljós
gjaldþrota.
(b) í öðru lagi vegna þess að minna
lánsfé þarf til að Íslandssími geti
keypt alla hlutina í Tali.
(c) skuldastaða Norðurljósa batnar
um 1.800 milljónir.
Er í raun bæði óskiljanlegt og
óeðlilegt að bankastofnum, sem á jafn
mikið undir og Landsbankinn, bæði
varðandi sameiningu Tals og Íslands-
síma og að Norðurljósum verði bjarg-
að frá gjaldþroti, vilji ekki leita allra
leiða til að fá sem hæst verð fyrir hlut-
inn í Tali, ef það má samtímis verða
liður í lausn á fjárhagsvanda Norður-
ljósa.
Vegna hugleiðinga í bréfi Lands-
bankans um lækkun kostnaðar hjá
Norðurljósum skal sérstaklega tekið
fram að af hálfu stjórnenda Norður-
ljósa hefur mikil vinna verið lögð í að
draga úr öllum kostnaði með marg-
háttuðum aðhalds- og skipulags-
breytingum á þessu ári og hinu síð-
asta. Þessari vinnu er hvergi nærri
lokið og verður í raun aldrei lokið í lif-
andi fyrirtæki, eins og Norðurljósum.
Stjórnendur einstakra sviða og
deilda Norðurljósa leita alltaf hag-
kvæmustu leiða, hvort heldur er varð-
andi kaup á erlendu eða íslensku dag-
skrár- eða afþreyingarefni. Svigrúm
til aðhaldsaðgerða varðandi dag-
skrárefni er þó hvað minnst, þar sem
verð þess ræðst nokkuð af þeirri eft-
irspurn sem er hér á landi. Þannig
hafa Norðurljós orðið að kaupa gott
dagskrárefni við hærra verði en eðli-
legt mætti telja miðað við smæð ís-
lenska markaðarins vegna samkeppi
frá Ríkisútvarpinu og/eða Skjá einum
um sama efni. Dagskrárefni sjón-
varpsstöðva er grundvöllur tekna
þeirra. Sé það ekki gott eða fram-
bærilegt að mati neytenda verður það
ekki keypt. Landsbankinn má treysta
því að stjórnendur Norðurljósa munu
hvorki hér eftir sem hingað til bruðla í
innkaupum eða við eigin framleiðslu á
dagskrár- eða afþreyingarefni.
Að framangreindu sögðu er það
ósk mín fyrir hönd Norðurljósa, eig-
enda félagsins og allra annarra sem
hagsmuna hafa að gæta að stjórnend-
ur Landsbanka Íslands hf. sýni raun-
verulegan vilja til samninga um end-
urfjármögnun félagsins.
Vænti ég skriflegs svars við erindi
þessu hið fyrsta.
Undir bréfið ritar Sigurður G.
Guðjónsson forstjóri.
Í gær, 14. nóvember,
svarar Landsbankinn:
Bankinn hefur móttekið bréf fé-
lagsins dags. 12. nóvember sl. Jafn-
framt vísar bankinn til bréfs hans til
félagsins dags. 25. október og minn-
isblaðs dags. 8. nóvember sl. þar sem
m.a. er farið yfir stöðu lánamála þess
hjá bankanum og hvernig bankinn
metur eðlilegt framhald þeirra. Þar
kemur fram það álit bankans að eftir
þá endurskipulagningu á fjárhag
Norðurljósa samskiptafélags hf., sem
nú sýnist geta orðið, eigi félagið að
geta staðið við fjárhagslegar skuld-
bindingar sínar og að vanti eitthvað
þar á sé eðlilegt að hluthafar leggi fé-
laginu til nýtt eigið fé sem því nemur.
Athygli vekur að forráðamenn
Norðurljósa hf. vilja ganga skemur í
fjárhagslegri endurskipulagningu fé-
lagsins en tillögur Landsbankans
ganga út á. Þannig er það tillaga
Landsbankans að Kaupþing banki hf.
afskrifi sambankalán til Norðurljósa
hf. um sömu fjárhæð og erlendir
bankar afskrifuðu lánið um í bókum
sínum, eða um 1.500 millj. kr. Furðu
vekur að Norðurljós hf. skuli ekki
taka undir þessa tillögu og skv. bréfi
félagsins sætta sig við 500 millj. kr.
lægri afskrift frá Kaupþingi banka hf.
Að mati Landsbankans bendir það
ekki til mikils vilja Norðurljósa hf. til
að ná fram sem hagstæðastri fjár-
hagslegri endurskipulagningu félags-
ins. Kaupþing kann að vera skráður
eigandi sambankalánshluta er áður
var í eigu JPM Chase, NIBC og Staal,
en það útilokar ekki samning milli
Kaupþings og Norðurljósa hf. um að
njóta afskriftanna, enda ósennilegt að
fulltrúar Norðurljósa hf. hefðu ella
verið samningamenn í viðræðum við
bankana.
Sú fullyrðing forstjóra Norðurljósa
hf. að ekkert sé óeðlilegt við þá ósk fé-
lagsins að Landsbankinn afskrifi
stórar upphæðir vegna sambankaláns
á sama tíma og bankanum verði
greiddur tæpur helmingur upphaf-
legrar lánsfjárhæðar kemur á óvart.
Því verður vart trúað að forstjóri fé-
lagsins telji óeðlilegt að bankinn, sem
lánað hefur félaginu háar fjárhæðir,
að hluta til án sérstakra trygginga,
vilji fá þau lán endurgreidd að fullu
með áföllnum vöxtum. Það er a.m.k.
vandséð að það viðhorf endurspegli
traust það sem bankinn sýndi félag-
inu þegar þessi lán voru veitt. Þá hef-
ur komið fram í opinberum yfirlýs-
ingum forstjórans að félagið geti
staðið við allar skuldbindingar sínar.
Í bréfi Norðurljósa hf. frá 12. þ.m.
er ekki minnst á að fyrirhugað sé að
eigendur félagsins leggi því til það
viðbótar eigið fé, sem nauðsynlegt er
til að það verði rekstrarhæft. Fjár-
hagsleg endurskipulagning þess nú
virðist því fyrst og fremst snúast um
að lánardrottnar afskrifi kröfur sínar
að talsverðum hluta án þess að eig-
endur leggi fram neitt til viðbótar.
Forsendur viðræðna við félagið eru
að eigendur þess leggi fram nýtt
hlutafé
sem lið í fjárhagslegri endurskipu-
lagningu þess. Í því sambandi er
minnt á að Landsbankinn hefur talið
1.000 millj. kr. hlutafjárframlag eig-
enda eðlilega viðmiðun.
Í bréfinu er jafnframt fjallað um
hugmyndir nokkurra lífeyrissjóða
sem viðraðar hafi verið við bankann
um aðkomu þeirra að kaupum á hlut
félagsins í Tali. Það er ekki hlutverk
bankans að fjalla um viðskipti með
hluti í Tali við Norðurljós hf. Íslands-
sími hf. er kaupandi hlutanna og við-
semjandi þeirra er Western Wireless.
Þá er það heldur ekki á valdi Lands-
bankans eins og sér að taka afstöðu til
hugmynda lífeyrissjóðanna heldur
sambankalánshópsins í heild sinni. Í
samræmi við það hefur Landsbank-
inn tjáð fulltrúa lífeyrissjóðanna að
hann, fyrir sitt leyti, gerði ekki at-
hugsemdir við að sjóðirnir reyndu á
eigin spýtur að ná einhverjum samn-
ingum við Íslandssíma.
Tillögur Landsbankans að fjár-
hagslegri endurskipulagninu félags-
ins sem fram koma í minnisblaði hans
dags. 8. nóv. sl. eru enn í fullu gildi.
Gangi þær eftir telur Landsbankinn
að Norðurljós hf. eigi að geta staðið
við skuldbindingar sínar í framhald-
inu.
Virðingarfyllst f.h. Landsbanka Ís-
lands hf.
Brynjólfur Helgason
Davíð Björnsson
SIGURÐUR G. Guðjónsson, for-
stjóri Norðurljósa, segir ekki hafa
verið ákveðið hvort dóminum verði
áfrýjað til Hæstaréttar, en mestu
máli skipti að ná samkomulagi við
Landsbankann um greiðslu skuldar-
innar. „Þessi dómur mun engin áhrif
hafa á rekstur félagsins því við vitum
að við höfum skuldað Landsbankan-
um yfir 200 milljónir króna á yfir-
drættinum,“ segir Sigurður um áhrif
dómsins á rekstur félagins. Hann
segist ekki fella sig fyllilega við þá
upphæð yfirdráttarins sem um ræð-
ir, 265 milljónir króna.
„En við vitum að við skuldum
Landsbankanum peninga á þessum
hlaupareikningi sem við þurfum að
gera upp. Við höfum boðið Lands-
bankanum bæði tryggingu fyrir hon-
um og að gera skuldina upp með
ákveðnum hætti til lengri tíma.“
Hefur engin
áhrif á
rekstur
Norðurljósa