Morgunblaðið - 15.11.2002, Blaðsíða 49

MINNINGAR
MORGUNBLAÐIÐ FÖSTUDAGUR 15. NÓVEMBER 2002 49
✝ Kristján GrétarSigurðsson fædd-
ist í Reykjavík 29.
nóvember 1953.
Hann lést 8. nóvem-
ber síðastliðinn. For-
eldrar Kristjáns eru
Sigurður Ásgeir
Kristjánsson, f.v.
skipstjóri, f. 15.8.
1928, og Erna Guð-
rún Jensdóttir, f. 9.8.
1930. Kristján átti
þrjá bræður. Þeir
eru: Rafn Haraldur,
kvæntur Suzanne
Kay Sigurðsson, Sig-
urður Þór, kvæntur Aðalheiði
Gestsdóttur og Jens Pétur, kvænt-
ur Patriciu Segura
Valdes.
Kristján kvæntist
Brynhildi Ríkey
Björnsdóttur árið
1983. Saman áttu
þau Sigurð Ásgeir, f.
3.12. 1982. Brynhild-
ur átti Hörpu Maríu
Hreinsdóttur frá
fyrra hjónabandi.
Kristján og Bryn-
hildur slitu samvist-
um. Brynhildur lést
árið 2001.
Útför Kristjáns
verður gerð frá Sel-
tjarnarneskiskju í dag og hefst at-
höfnin klukkan 15.
Þegar ég frétti að Stjáni bróðir
hefði orðið bráðkvaddur, leitaði hug-
urinn fyrst til Sigga Geira frænda
míns. Siggi hefur átt öruggt skjól hjá
pabba sínum alla tíð. Það er einungis
liðið ár frá andláti móður hans.
Hvernig má það vera að Siggi skuli
vera skilinn eftir aleinn án foreldra?
Hvaða tilgangi þjónar það spyr mað-
ur sjálfan sig? Ég veit að ég fæ aldrei
svör við þessum spurningum, en
óneitanlega er erfitt fyrir nánustu
ættingja að sættast við skaparann á
slíkum stundum.
Viðbrögð við andlátsfréttinni hjá
vinum og ættingjum voru líka öll á
einn veg. Hvernig má það vera? Hann
Stjáni var svo vel á sig kominn. Hann
stundaði sund, gönguferðir og og
fjallgöngur, svo ekki sé minnst á allar
rjúpnaferðirnar. Hann hugsaði sér-
staklega vel um eigin heilsu. Hann
hafði líka mikilvægu og vandasömu
hlutverki að gegna, sem var uppeldis-
hlutverkið. Hann sinnti því verki á
hverjum degi á þann hátt að eftir því
var tekið.
Það er margt sem leitar á hugann
frá uppvaxtarárunum. Það var nokk-
ur aldursmunur á okkur bræðrum og
Stjáni var oftast að heiman frá 16 ára
aldri. Fyrst á farskipum og síðar á
fiskiskipum. Minnistæðastir eru því
veturnir 1973-1975 þegar hann var í
Stýrimannaskólanum. Hann útskrif-
aðist frá skólanum með farmannapróf
vorið 1975. Árin eftir útskriftina var
hann stýrimaður og afleysingaskip-
stjóri á fiskiskipum frá Stálskipum og
Bæjarútgerð Reykjavíkur. Árið 1980
hóf Stjáni sambúð með Brynhildi
Ríkey Björnsdóttur og þau giftu sig
1983. Brynhildur átti fyrir eina dótt-
ur, Hörpu Maríu. Fyrst bjuggu þau í
Furgrund í Kópavogi en síðar fluttu
þau á Nesveginn. Þar eignuðust þau
Sigga árið 1982.
Þegar sonur Stjána fæddist árið
1982 tók Stjáni þá ákvörðun að koma í
land til að fylgjast með uppvexti son-
arins. Fljótlega vaknaði sá grunur að
Siggi þyrfti sérhæfða þjónustu og að-
stoð umfram aðra og greining á ein-
hverfu í Kjarvalshúsi á Seltjarnarnesi
staðfesti þann grun. Þá var ekki aftur
snúið hjá Stjána og útséð með frekari
sjómennsku. Stjáni og Binna, barns-
móðir Sigga skildu nokkrum árum
síðar. Sameiginlega tóku þau þá
ákvörðun að fela Stjána að sjá um
Sigga litla og mamma hans var til
taks fyrir Sigga alla tíð á meðan að-
stæður leyfðu. Harpa María hefur
haldið góðu sambandi við þá feðga
síðan leiðir skildu.
Eftir að Stjáni kom í land fór hann
fljótlega að vinna hjá Bæjarútgerð
Reykjavíkur við skipaþjónustuna Síð-
ar þegar fyrirtækið hét Grandi, vann
hann við að þjónusta skipin ásamt
öðrum, en sá að mestu sjálfur um alla
víra sem skipin þurftu. Þótt sú vinna
væri erfið líkamlega, var hún líka gef-
andi því á þessum vettvangi þurfti
hann að vera mikið í beinu sambandi
við fyrrverandi starfsfélaga af sjón-
um. Starfstíminn hjá Bæjarútgerð-
inni og Granda spannaði meira en 20
ár.
Fyrir tæpum tveimur árum var af-
ráðið að leggja niður víraverkstæðið
hjá Granda og selja tækin. Kaupend-
urnir buðu Stjána að fylgja með í
kaupunum. Hann ákvað að slá til og
réð sig til Icedan í Hafnarfirði.
Starfsvettvangurinn var sá sami og
áður, að framleiða og afgreiða víra í
öllum stærðum og gerðum. En það
urðu mikil umskipti á hans högum við
þessa breytingu. Stjáni sagði mér oft
frá vinnunni og vinnufélögunum hjá
Icedan og honum fannst mikið til þess
koma að háir sem lágir innan fyrir-
tækisins ræddu saman um viðfangs-
efnin og leystu síðan verkefnin í sam-
einingu. Það var góður starfsandi hjá
Icedan og það sem skipti mestu máli
fyrir Stjána var að starf hans var nú
metið að verðleikum. Stjána er sárt
saknað hjá Icedan og skarðið sem
hann skilur eftir sig þar verður vand-
fyllt.
Þegar ég og fjölskylda mín vorum
að byggja í Stararimanum komu allir
bræður mínir og hjálpuðu okkur við
bygginguna. Það voru ófáar vinnu-
stundirnar sem þeir gáfu okkur fjöl-
skyldunni. Enginn eyddi þó meiri
tíma með mér en Stjáni og stundum
var verið að langt fram á kvöld og
jafnvel heilu næturnar. Bæði ég og
Stjáni vorum komnir í ónáð hjá Sigga
Geira fyrir allan tímann sem hann var
að heiman. Siggi fyrirgaf okkur tíma-
stuldinn síðar. Ég lærði það af Stjána
hvernig hægt er að vinna sér hlutina
eins létt og kostur er og jafnframt að
afkasta miklu. Nokkrum árum síðar
þegar Stjáni fór að standsetja húsið
sitt í Fannafold, gat ég aðeins end-
urgoldið lítið brot af því sem hann
hafði gefið mér og minni fjölskyldu.
Þegar ég stend frammi fyrir því að
kveðja bróður minn í hinsta sinn kem-
ur mikill söknuður upp í hugann en
jafnframt þakklæti fyrir samveru-
stundirnar sem við áttum.
Það sækir líka að manni kvíði fyrir
framtíð Sigga Geira. Hjá honum er
sorgin þyngst og missirinn mestur.
Mamma og pabbi eiga líka erfitt
núna. Þau hafa verið sem klettur og
stutt Stjána jafnt sem okkur hina
bræðurna í gegnum lífið, en þau voru
ekki viðbúin þessu áfalli.
Ég bið góðan Guð að styrkja alla
vini og ættingja Stjána í sorg þeirra
og sérstaklega bið ég Guð að styrkja
Sigga í sinni sorg.
Sigurður Þór.
Elsku pabbi. Við erum búnir að
eiga saman gott heimili. Við vorum
alltaf svo góðir að sækja pizzur sam-
an. En nú ertu því miður farinn frá
mér og þessu heimili.
Ég á eftir að sakna þín.
Guð og englarnir munu vaka yfir
þér.
Guð blessi þig.
Þinn sonur.
Sigurður Ásgeir.
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
(Úr Hávamálum.)
Elsku Stjáni bróðir, þakka þér fyr-
ir að hafa leyft mér að vera samferða
þér á lífsgöngu þinni. Þakka þér fyrir
alla göngutúrana og ferðalögin sem
við fórum saman bæði hérlendis og
erlendis. Hvort túrinn tók fimm daga
eða tvo tíma, hvort sólin skein eða
stormurinn buldi, alltaf varstu jafn-
hress og sagðir. „Tveir tímar úr bíl í
bíl, þessi fer í dagbókina.“ Sögurnar
þínar af veiðitúrunum sem þú fórst
með honum Magga Magg vini þínum
og veiðifélaga eru alveg ógleymanleg-
ar, og er maður spurði um afla, þá var
svarið ávallt eitthvað á þessa leið;
„Átta rjúpur á skipið.“ Honum Sigga
Geira varstu alltaf góður og gerðir
allt sem þú gast fyrir hann, varst
virkur í hans áhugamálum og hvattir
hann áfram. Það er sama hvar ég
drep niður fæti, alltaf ert þú nálægur.
Er ég var ungur að byrja búskap,
nafni þinn á leiðinni í heiminn og við
húsnæðislaus, þá hljópst þú undir
bagga og lánaðir okkur íbúðina þína
sem þú hlakkaðir til að flytja inn í.
En, „ekkert mál“.
Er ég kynntist konunni minni nú-
verandi varst þú aftur hinn mikli ör-
lagavaldur er þú bentir mér á að Úti-
vist væri með ferð yfir Esjuna frá
Meðalfelli. Nú ég sló til, fór með þér
og allir vita nú hvernig það fór.
Þín verður sárt saknað í vestur-
bænum sem og víðar.
Ég vona bara að þegar minn tími
kemur, fái ég að ganga áfram með
þér um þau fjöll og dali sem kunna að
verða á vegi okkar.
Ég bið að Guð haldi verndarhendi
sinni yfir honum Sigga Geira og ég
veit að hann þarf ekkert að óttast því
hann á svo marga góða að.
Hörpu Maríu, stjúpdóttur þinni, og
henni Huldu vinkonu þinni sendi ég
mínar dýpstu samúðarkveðjur
Rafn.
Félagi okkar og vinur Kristján Sig-
urðsson er látinn okkur öllum að
óvörum. Fréttin um ótímabært and-
lát hans síðastliðið föstudagskvöld
var okkur öllum mikið áfall. Kristján
hafði farið heim úr vinnu í eftirmið-
daginn eins og vanalega á föstudög-
um og hélt glaðbeittur af stað inn í
helgina. Engin átti von á að hann
snéri ekki tilbaka til sinna starfa eins
og hans var von og vísa.
Við kynntumst Kristjáni þegar
hann hóf störf hjá fyrirtækinu í maí
2001, í kjölfar kaupa fyrirtæksins á
víraverkstæði Granda hf, en verk-
stæðið hafði verið rekið sem stoðdeild
þess fyrirtækis um áratuga skeið.
Kristján hafði starfað um langt árabil
hjá Granda, bæði sem sjómaður og
svo hin síðari ár á víraverkstæðinu.
Hann hafði því ekki haft marga
vinnustaði á sinni starfsævi, enda má
segja að hann hafi verið fæddur inn í
Bæjarútgerðina sem síðar varð
Grandi, en faðir hans var skipstjóri
og verkstjóri þar til fjölda ára. Krist-
jáni var strax vel tekið á nýjum vinnu-
stað enda er fyrirtækið enn frekar
smátt í sniðum. Kristján kunni strax
vel við nýtt umhverfi. Á sjómanna-
daginn 2001 var svo Kristján skráður
í Íslandsmeistarakeppni í vírasplæs-
ingu og netabætningu. Hann fór, sá
og sigraði í keppninni eins og honum
var lagið. Kristján fékk að launum
ferðavinning sem hann nýtti síðar á
árinu. Kristján var einstaklega vinnu-
samur og kraftmikill starfsmaður,
hann var vel metin af viðskiptamönn-
um okkar.
Kristján var mikill útivistarmaður
og hafði gaman af útiveru og veiðum.
Hann var ótrúlega heilsuhraustur og
vel á sig komin að mati okkar allra
sem vorum í kringum hann daglega.
Því var þetta fráfall hans okkur mikið
áfall. Stutt var í brosið og aldrei neitt
væl.
Kristján unni syni sínum og talaði
oft um hann við vinnufélaga sína.
Við stöndum nú uppi með margar
spurningar í huga á stund sem þess-
ari. Hvernig getur svona gerst að
ungur maður í blóma lífsins sé rifinn
burtu? Hver er tilgangurinn? Við
vottum syni Kristjáns, foreldrum,
systkinum og fjölskyldu, okkar
dýpstu samúð á þessari sorgar-
stundu. Við þökkum Kristjáni
ánægjuleg kynni. Honum er ætlað
annað hlutverk á öðrum stað. Megi
minning um góðan dreng lifa.
Starfsfólk ICEDAN.
KRISTJÁN GRÉTAR
SIGURÐSSON
Elskuleg móðir okkar, tengdamóðir, amma og
langamma,
LAUFEY VALDEMARSDÓTTIR SNÆVARR,
Dalbraut 27,
Reykjavík,
lést laugardaginn 9. nóvember.
Jarðarförin fer fram frá Áskirkju mánudaginn
18. nóvember kl. 15.00.
Birna H. Stefánsdóttir, Jón Bergsteinsson,
Pétur Stefánsson, Hlíf Samúelsdóttir,
Stefanía V. Stefánsdóttir,
Gunnsteinn Stefánsson, Helga Snæbjörnsdóttir,
barnabörn og barnabarnabörn.
Lokað
Vegna jarðarfarar KRISTJÁNS GRÉTARS SIGURÐSSONAR er
lokað hjá ICEDAN ehf. í Hafnarfirði eftir kl. 13.00 í dag, föstudag-
inn 15. nóvember.
ICEDAN ehf.
Hjartans þakkir færum við öllum sem sýndu
okkur samúð og hlýhug við andlát og útför
ástkærrar móður, tengdamóður, ömmu og
langömmu,
SIGRÍÐAR GUÐJÓNSDÓTTUR,
Egilsbraut 9,
Þorlákshöfn.
Sigrún Ágústsdóttir, Magnús Flosi Jónsson,
Jóhann Grétarsson,
Ágúst Örn Grétarsson, Ragnheiður María Hannesdóttir
og langömmubörn.
Innilegar þakkir til allra sem sýndu okkur
samúð og hlýhug við andlát og útför elskulegs
eiginmanns míns, föður, tengdaföður, afa og
langafa,
SIGURÐAR L. TÓMASSONAR,
Hverabakka.
Guð blessi ykkur öll.
Svava Sveinbjarnardóttir,
Anna Sigurðardóttir, Jakob Marinósson,
Þóra Sigurðardóttir,
Sjöfn Sigurðardóttir, Þorleifur Jóhannesson,
barnabörn og langafabarn.
Innilegar þakkir til allra þeirra sem sýndu okkur
samúð og hlýhug við andlát og útför móður
okkar, fósturmóður, tengdamóður og ömmu,
RAGNHILDAR SIGURÐARDÓTTUR,
Flétturima 31,
Reykjavík.
Sigurður Þór Garðarsson, Marín Björk Jónasdóttir,
Birna Elín Þórðardóttir, Úlfar G. Ásmundsson
og barnabörn.
Ástkær eiginmaður minn, faðir okkar, tengda-
faðir, afi og langafi,
RÖGNVALDUR JÓNSSON
frá Marbæli,
Skarðshlíð 14A,
Akureyri,
verður jarðsunginn frá Glerárkirkju mánudag-
inn 18. nóvember kl. 14.00.
Hulda Jónsdóttir,
Anna S. Rögnvaldsdóttir,
Pálmi Rögnvaldsson, Bryndís Óladóttir,
Jón G. Rögnvaldsson, Svanfríður Sigurðardóttir,
Margrét Rögnvaldsdóttir, Árni Ragnarsson,
Rögnvaldur B. Rögnvaldsson, Birna G. Baldursdóttir,
barnabörn og barnabarnabörn.