Morgunblaðið - 22.11.2002, Blaðsíða 2

FRÉTTIR
2 FÖSTUDAGUR 22. NÓVEMBER 2002 MORGUNBLAÐIÐ
UMBREYTING NATO
Leiðtogar aðildarríkja NATO
samþykktu á fundi í Prag í gær að
veita sjö nýjum ríkjum aðild. Um
leið var samþykkt að stofna hraðlið,
sem á meðal annars að beita gegn
hryðjuverkum og einræðisherrum.
Bandalag lýðfrjálsra ríkja
Davíð Oddsson forsætisráðherra
sagði á fundi leiðtoga NATO í Prag
að stækkun bandalagsins væri sigur
þess og sýndi að það væri bandalag
allra lýðfrjálsra ríkja í Evrópu.
Þáttur Íslands í aðgerðum
Ísland hefur skuldbundið sig til að
leggja fram 300 milljónir króna til
leigu á vélum til herflutninga komi
til aðgerða á vegum NATO. Einnig á
að flýta uppbyggingu Íslensku frið-
argæslunnar.
Vítahringur ofbeldis
11 manns létu lífið og rúmlega 40
særðust í sjálfsmorðsárás í Vestur-
Jerúsalem í gær. Búist er við að Ís-
ralear grípi til hefndaraðgerða og
samtökin Hamas hóta að halda
áfram morðum.
Hryðjuverkamaður í haldi
Abd al-Rahim al-Rashiri, einn af
meintum forsprökkum hryðjuverka-
samtakanna al-Queda, er í haldi hjá
Bandaríkjamönnum. Hann náðist í
Kúveit fyrr í mánuðinum.
Sýnir á Tate Modern
Ólafi Elíassyni myndlistarmanni
hefur verið boðið að sýna í túrb-
ínusalnum í Tate Modern í London.
Hann er fjórði listamaðurinn, sem
fær þetta tækifæri.
2002  FÖSTUDAGUR 22. NÓVEMBER BLAÐ C
B L A Ð A L L R A L A N D S M A N N A
ATLI EÐVALDSSON ER EKKI Á ÞEIM BUXUNUM AÐ GEFAST UPP / C2
BJÖRGVIN Þorsteinsson, kylfingur úr GV, lék
ekki vel á fyrsta degi úrtökumótsins fyrir Evr-
ópumótaröð eldri kylfinga á Penina-vellinum í
Portúgal í gær, lauk leik á níu höggum yfir pari.
„Ég byrjaði hræðilega, var kominn sex högg
yfir par eftir sjö holur en síðan náði ég að vinna
þetta aðeins niður og var fjórum yfir eftir fjórtán
holur og í ágætis málum. Ég fór hins vegar hæði-
lega að ráði mínu á fjórum holum, en spilaði ann-
ars ágætlega,“ sagði Björgvin í gær.
Hann sagði völlinn mjög blautan eftir langvar-
andi rigningar. „Það voru vippin hjá mér sem
fóru með þetta, stundum náði ég ekki einu sinni
inn á flatirnar þegar maður átti að vippa alveg
að pinna. Eftir á að hyggja hefði ég gert þetta
betur með annarri,“ sagði Björgvin.
Hann sagðist ekki vita í hvaða sæti hann væri
eftir daginn. „Það er altént ljóst að þetta setur
mig ekki í góða stöðu,“ sagði Björgvin.
Björgvin náði
sér ekki á strik
HOLLENDINGURINN Arno
Pijpers, þjálfari Eistlands í
knattspyrnu, segist vera mjög
ánægður með sína menn og
árangur þeirra á árinu, en
Eistlendingar hafa leikið tíu
leiki á árinu, unnið sex, gert
tvö jafntefli og tapað tveimur.
Tveir síðustu leikir Eista
fyrir viðureignina gegn Ís-
lendingum voru leikir í und-
ankeppni EM landsliða. Þeir
náðu óvæntu jafntefli við Kró-
ata í Króatíu, 0:0, og síðan
urðu þeir að sætta sig við tap
fyrir Belgíumönnum í Tallinn,
1:0. Aðeins Pólverjar höfðu
náð að leggja Eista að velli áð-
ur – í Póllandi, 1:0.
Þjálfari
Eista er
ánægður
ÍSÍ gerði í gær styrktarsamninga við
fimm ungmenni til þess að auðvelda
þeim æfingar og keppni með þátt-
töku á Ólympíuleikunum í framtíð-
inni í huga. Styrkurinn nemur um 1,7
millj. króna sem skiptist jafnt milli
þeirra. Styrkurinn er frá Alþjóða Ól-
ympíusamhjálpinni. Á myndinni að
ofan eru fjögur ungmennanna ásamt
Benedikt Geirssyni, formanni af-
rekssviðs ÍSÍ, þau eru f.v. Sigubjörg
Ólafsdóttir, Andri Jónsson, Íris
Edda Heimisdóttir og Anna Soffia
Víkingsdóttir. Sá fimmti, Kristjáni
Uni Óskarsson, er við nám í Noregi.
Morgunblaðið/Þorkell
Íþróttamenn
styrktir
Þórsarar spila heimaleik sinn ámóti Stjörnunni í 1. deild karla í
handknattleik á Ólafsfirði í kvöld þar
sem íþróttahöllin á Akureyri er upp-
tekin vegna sýningarhalds. Forráða-
menn Þórs eru ekki sáttir við HSÍ
þar sem þeim var synjað um að færa
leikinn fram um einn dag en með því
hefði Þór getað leikið á sínum heima-
velli.
„Okkur var hafnað á þeim for-
semdum að ekki mætti hrófla við
„Esso-bombunni“ svokölluðu en þá
fara tvær umferðir fram á einni
helgi. Það kom til tals að við spil-
uðum í KA-heimilinu við misjafnar
undirtektir en þegar á reyndi var
það upptekið. Við vorum þá reyndar
búnir að ákveða að fara með leikinn
úr bæjarfélaginu og fyrir vinsemd
Ólafsfirðinga fengum við inni hjá
þeim,“ segir Sigurpáll Árni Aðal-
steinsson, þjálfari Þórs.
Sigurpáll segir að HSÍ hafi boðið
Þórsurum að víxla við Stjörnuna og
spila í Garðabæ í kvöld og heimaleik-
inn á Akureyri í febrúar en því boði
hafi ekki verið tekið.
„Okkur bauðst gisting á gólfi
íþróttahússins í Garðabæ þar sem
við eigum að spila í Reykjavík á
sunnudaginn en við tókum það auð-
vitað ekki í mál. Ég reikna með að
stemningin á Ólafsfirði verði góð en
að sjálfsögðu hefðum við kosið að
spila í okkar húsi því við höfum ekki
tapað nema einum leik þar í þessi tvö
tímabil sem ég hef verið með liðið.
Við ætlum samt ekkert að láta þetta
slá okkur út af laginu og við vonumst
eftir öflugum stuðningi frá Ólafsfirð-
ingum sem og frá okkur stuðnings-
mönnum í leiknum við Stjörnuna.“
Að sögn Sigurpáls er þetta ekki í
fyrsta sinn sem íþróttahöllin á Ak-
ureyri er lokuð vegna sýningarhalds.
Rétt fyrir tímabilið var hún lokuð
fyrir æfingar í eina viku og á næsta
fimmtudag og föstudag verður sama
uppi á teningnum, húsið lokað vegna
árshátíðar en Þór á að spila á laug-
ardeginum.
„Þetta er erfitt og ég verð að út-
vega æfingar á öðrum stöðum þessa
daga, kannski í KA-heimilinu eða þá
bara á Ólafsfirði,“ sagði Sigurpáll.
Þórsarar óhressir með HSÍ
Ólafur er 34 ára og á 174 leiki aðbaki í efstu deild á Íslandi með
Keflavík, KA, ÍA og KR. Hann fór frá
Keflavík til Hibern-
ian í Skotlandi sum-
arið 1997. Þar lék
hann í þrjú ár, og var
nú á sínu þriðja tíma-
bili hjá Brentford í Englandi en hefur
ekkert leikið með liðinu í vetur vegna
meiðsla í öxl.
Ólafur sagði í gær að eftir vandlega
íhugun hefði fjölskyldan ákveðið að
láta gott heita í Englandi og flytja
heim. „Ég fór í aðgerð á öxlinni fyrir
þremur mánuðum, er allur að koma
til en á samt 1–2 mánuði enn í að
verða alheill. Mínir kostir voru að
berjast fyrir sæti mínu hjá Brentford,
færa mig um set hér í Englandi eða
fara heim. Síðastnefndi kosturinn
varð niðurstaðan, við erum búin að
eiga mjög góð fimm ár hér og í Skot-
landi, og ég gerði á dögunum sam-
komulag við Brentford um að hætta
hjá félaginu vegna meiðslanna. Öxlin
þoldi ekki álagið sem er gríðarlegt
hérna úti og til marks um það spilaði
ég 57 leiki fyrsta tímabilið mitt hjá
Brentford. Heima eru leikirnir færri,
og auk þess fæ ég betri tíma í vetur til
að verða alheill og mæta til leiks í
mínu besta standi næsta sumar.“
Ólafur kveðst mjög sáttur við feril
sinn erlendis. „Ég fór seint í atvinnu-
mennskuna, 29 ára gamall, og það er
því frábært að hafa náð fimm góðum
árum. Ég tel að ég hafi bætt mig mjög
á þessum tíma, enda ekki gert annað
en að æfa og leika knattspyrnu, og er
viss um að ég á mörg ár eftir í mark-
inu á Íslandi.“
Ólafur sagði að það hefði legið beint
við að ganga til liðs við Grindvíkinga.
„Konan mín er frá Grindavík og móð-
urfjölskyldan mín er þaðan, svo ég á
þar marga ættingja og vini. Það er
ekki síst gott fyrir sjö ára dóttur okk-
ar að koma aftur til Íslands og inn í
svona samfélag. Ég hef verið í góðu
sambandi við Grindvíkinga um langt
skeið en það er skammt síðan það
kom upp í fullri alvöru að ég gengi til
liðs við þá og málið gekk mjög hratt
fyrir sig nú síðustu dagana.
Grindavík heillaði mig sem góður
valkostur í knattspyrnunni, fyrst og
fremst vegna þess hve vel þar er stað-
ið að öllum málum. Félagið hefur náð
ótrúlega langt miðað við stærð bæj-
arfélagsins, það er á leið í Evrópu-
keppni, þar er mikill metnaður fyrir
því að ná langt á Íslandsmótinu og
það eru því mjög spennandi tímar
framundan.“
Ólafur fær auk þess að spila með
liði Grindvíkinga möguleika á að nýta
sér menntun sína hjá félaginu. „Ég er
kominn með próf í einkaþjálfun og
meðferð íþróttameiðsla og mun að-
stoða félagið á þeim sviðum. Enn-
fremur mun ég þjálfa markverði allra
flokka og get því miðlað þeim af minni
reynslu. Ég hlakka mikið til að koma
heim og hefja æfingar með Grindvík-
ingum eftir áramótin.“
Ólafur var boðaður í landsleik Ís-
lands og Eistlands sem fram fór í
Tallinn í fyrrakvöld en varð að af-
þakka boðið vegna meiðslanna. „Ég
er stoltur af því að hafa fengið þetta
kall og vona að ég verði áfram inni í
myndinni hjá Atla. Ég mun leggja
mig allan fram um að vinna mér
landsliðssæti með því að standa mig
vel með Grindvík,“ sagði Ólafur.
Ólafur Gottskálksson semur við Grindvíkinga til þriggja ára
„Grindavík heillaði mig“
ÓLAFUR Gottskálksson knattspyrnumarkvörður hefur ákveðið að
taka tilboði Grindvíkinga um þriggja ára samning og flytja heim á ný
eftir að hafa búið og leikið á Bretlandseyjum í hálft sjötta ár. Ólafur
hefur gengið frá starfslokasamningi við enska félagið Brentford,
þar sem hann var samningsbundinn út þetta tímabil, og er vænt-
anlegur til landsins ásamt fjölskyldu sinni strax eftir áramótin.
Eftir
Víði
Sigurðsson
F Ö S T U D A G U R 2 2 . N Ó V E M B E R 2 0 0 2 B L A Ð B
 FEÐGAR – EYVINDUR OG SYNIRNIR EYJÓLFUR OG ERPUR/2  HAND-
VERK STÓRT OG SMÁTT/4  ÞUNGLYNDI – HUGLEIÐING UM HAND-
BÓK/6  FINGURNIR OG PERSÓNULEIKINN/7  AUÐLESIÐ EFNI/8 
KARLMENN hafa tilskamms tíma veriðsjaldséðir við-skiptavinir á snyrtistof-
um og eru raunar ákaflega kæru-
lausir varðandi húðvernd og hvers
konar líkamssnyrtingu. Þetta er
umhugsunarefni á okkar upplýstu
tímum, þegar almennt er við-
urkennt að húðvernd er nauðsyn-
leg hverjum manni, en ekki bara
lúxus eða pjatt, sem aðeins konum
leyfist að veita sér.
Ýmis teikn
eru þó á
lofti um að
viðhorf
karla
hvað
þetta
snertir
séu að
breytast.
Þær
Kristín
Sif Jón-
ínudóttir
snyrti-
fræð-
ingur og
Sigrún
Jónsdóttir
förð-
unarfræðingur telja sig hafa orðið
varar við viðhorfsbreytingu hjá
karlmönnum á þeim tveimur árum
sem liðin eru síðan þær opnuðu
húðmeðferðarstofuna Dermalog-
ica Húð og Spa. Þróunin er að vísu
hægfara, en þó hægt og sígandi í
áttina, að þeirra sögn. Áður en
þær opnuðu stofuna héldu þær til
Englands, á sérstakt námskeið,
þar sem fjallað var um hvernig
meðhöndla skuli karlmenn í húð-
snyrtingu og hvernig best sé að
bera sig að til að laða þá að stofum
sem bjóða upp á húðsnyrtingu og
húðvernd. „Þess vegna köllum við
stofuna okkar húðmeðferðarstofu,
en ekki snyrtistofu, því karlar
virðast haldnir ákveðinni fælni
gagnvart snyrtistofum og telja
þær vera eingöngu fyrir konur.
Hér er líka allt málað í hlutlausum
litum, hvorki fjólubláir veggir né
bleikar dúllugardínur og engin
pottablóm í gluggum,“ sögðu þær
stöllur og eru sannfærðar um að
þetta hafi virkað enda hafi karl-
mönnum fjölgað hægt og sígandi á
stofunni. „Þeir eru að vísu ekki
nema um það bil fimmtán af
hundraði viðskiptavina enn sem
komið er, en þetta er allt að
koma,“ sagði Kristín Sif og Sigrún
bætti því við að erlendis væri hlut-
fall karla á snyrtistofum mun
hærra. „Íslenskir karlmenn eru
stundum dálítið seinir að taka við
sér, sérstaklega þegar um er að
ræða eitthvað sem þeir telja vera
kvenlegt dekur, sem húðsnyrting
er þó alls ekki. Hún er hverjum
manni nauðsynleg og karlmenn
þurfa virkilega á henni að halda,
ekki síður en konur,“ sagði Sigrún.
„Karlmenn þurfa jafnvel að
hugsa enn betur um húðina en
konur, ekki síst út af stöðugu
áreiti sem raksturinn hefur í för
með sér,“ sagði Kristín Sif. „Og
svo bæta þeir gráu ofan á svart
með því að skella rakspíra fram-
an í sig sem er ákaflega slæmt
fyrir húðina. Og að nota vatn og
sápu er það versta sem hægt er
að gera húðinni. Í stað rakspíra
og sápu eiga menn að nota sápu-
laus gel eða léttar olíur við
raksturinn og rakabindandi
krem á eftir.“
Þær Kristín Sif og Sigrún
voru þó sammála um að karl-
menn væru að vakna til vitundar
um nauðsyn þess að fara vel með
húðina og vinsælustu meðferð-
irnar hjá karlviðskiptavinum sín-
um væru húðhreinsun og fótsnyrt-
ing. Einnig væri aðeins farið að
örla á því að menn létu fjarlægja
líkamshár með sérstakri vaxmeð-
ferð, einkum á öxlum og baki, og
dæmi væru um að líkamsrækt-
armenn létu fjarlægja bringuhár.
Öðruvísi mér áður brá, þegar það
þótti augljósasta tákn karlmennsk-
unnar að vera sem loðnastur á
bringunni.
Burt með
sápuna
og rakspírann
Karlmenn þurfa að hugsa vel um húðina,
ekki síst út af stöðugu áreiti sem raksturinn
hefur í för með sér.
Andlitsnudd er innifalið í
meðferðinni.
Morgunblaðið/Jim Smart
Kristín Sif Jónínudóttir snyrtifræðingur og Sigrún Jónsdóttir förð-
unarfræðingur við vinnu sína á húðmeðferðarstofunni Dermalogica.
Húðsnyrting karla færist í vöxt
Morgunblaðið/Jim Smart
Y f i r l i t
Kynningar – Morgunblaðinu í dag
fylgir blaðið Slökkviliðsmaðurinn frá
Landssambandi slökkviliðs- og
sjúkraflutningamanna. Blaðinu er
dreift um allt land. Blaðinu í dag fylgir
einnig auglýsingablað frá 1001 nótt.
Blaðinu er dreift um allt land.
Í dag
Sigmund 8 Minningar 46/52
Viðskipti 16/18 Staksteinar 68
Erlent 20/24 Myndasögur 70
Höfuðborgin 26 Bréf 70/71
Akureyri 28 Dagbók 72/73
Suðurnes 30 Brids 73
Landið 33 Leikhús 74
Listir 34/40 Fólk 75/81
Forystugrein 42 Bíó 78/81
Peningamarkaður
44/45
Ljósvakamiðlar 82
Viðhorf 46 Veður 83
* * *
FRJÁLSI fjárfestingarbankinn hf. er orðinn einn
stærsti lóðarhafi og íbúðaeigandi í Reykjavík, en
bankinn á 284 íbúðir í Grafarholti. Þetta upplýstu
borgarfulltrúar Sjálfstæðisflokks á fundi borgar-
stjórnar í gær þar sem úthlutun lóða í Grafarholti í
lok þessa árs og byrjun næsta árs var samþykkt.
Sögðu þeir að það væri einsdæmi í allri bygginga-
sögu borgarinnar að lánardrottinn hafi eignast
lóðir og íbúðir verktaka til að forða þeim frá gjald-
þroti og greiddu því atkvæði gegn útboðinu. Lóða-
og útboðsstefnu borgarinnar væri um að kenna að
verktakar væru í vandræðum. Borgarstjóri vísaði
þessari gagnrýni á bug og sagði að bankinn tæki
veð fyrir fjármögnun sinni með þessum hætti.
Björn Bjarnason, oddviti Sjálfstæðisflokksins,
sagði að neikvæðar afleiðingar útboðsstefnunnar
sæjust alls staðar. Íbúum borgarinnar hafi fækk-
að, um leið og fjölgaði í öðrum bæjarfélögum, mik-
ill húsnæðisskortur væri í borginni og leiguverð
hefði rokið upp úr öllu valdi. Óskynsamleg skilyrði
um íbúðastærð í Grafarholti og uppboðsleiðin hafi
valdið þeim sem hafi keypt byggingarrétt stór-
vandræðum.
„Þessi vandi birtist hvað skýrast í þeirri stað-
reynd, að Frjálsi fjárfestingarbankinn hf. er nú
orðinn einn stærsti lóðarhafi og íbúðareigandi í
Reykjavík með eignarhald á 284 íbúðum í Graf-
arholti. Í skjóli bankans vinna fjárvana verktakar
að því að reisa og smíða íbúðir, sem þeir ætluðu
sjálfir að selja. Til að forða þeim frá greiðsluþroti
hefur bankinn fengið lóðir þeirra framseldar með
samþykki meirihluta borgarráðs,“ sagði Björn.
Sjálfstæðismenn vilji að horfið verði af þessari
braut og tekin upp skynsamlegri vinnubrögð.
Bankinn tekur veð
Ingibjörg Sólrún Gísladóttir borgarstjóri sagði
að það væri rangt að lóðaverð væri hærra í
Reykjavík en í nágrannasveitarfélögunum og að
útboð hafi gert lóðahafa gjaldþrota. „Enginn
þeirra sem nú eru lóðahafar hefur orðið gjald-
þrota. Einn lítill verktaki sem fékk raðhúsalóð árið
2001 og stóð ekki í skilum var sviptur lóðunum og
er orðinn gjaldþrota.“
Frjálsi fjárfestingarbankinn sé lánveitandi í
þessum byggingarframkvæmdum til tíu verktaka-
fyrirtækja á svæðinu. „Það er ekki svo að bankinn
hafi með þessum aðgerðum verið að forða fyrir-
tækjunum frá greiðsluþroti, hann er einfaldlega
að fjármagna framkvæmdir þessara fyrirtækja
þar til lán fást sem fyrirtækin hafa aðgang að í
Íbúðalánasjóði og tekur veð með þessum hætti,“
sagði Ingibjörg Sólrún. Hún hefði beðið skrif-
stofustjóra borgarverkfræðings að skoða þetta
sérstaklega.
Borgarstjóri sagði að það verði ekki séð að lóðir
í Reykjavík séu dýrari en í nágrannasveitarfélög-
unum. Í útboði í apríl í vor hafi lóðaverð á íbúð í
fjölbýli verið rúm milljón króna, sem sé svipað því
verði sem Kópavogur taki fyrir sambærilegar lóð-
ir í Vatnsendalandi, en þar sé lóðum úthlutað. Þá
hafi borgarbúum fjölgað á umliðnum árum en ekki
fækkað.
70% byggingarréttarins endurúthlutað
Vilhjálmur Þ. Vilhjálmsson, borgarfulltrúi
Sjálfstæðisflokks, sagði útboðsmálin öll komin í
mesta óefni. „Þetta er ekki í fyrsta sinn sem bank-
ar veita lán til byggingafyrirtækja, en þetta er í
fyrsta sinn sem bankinn sér sig knúinn til að þing-
lýsa öllum þessum eignum á sig til að verja sína
hagsmuni, vegna þess að þessi fyrirtæki eru
greinilega það illa stödd að hætta er á að einhverj-
ir aðrir komi og hrifsi til sín þau verðmæti sem
þessi fyrirtæki eru að byggja,“ sagði Vilhjálmur.
Eftir áramót yrði 300 íbúðum ráðstafað og þar
sé um að ræða endurúthlutun á rúmlega 70%
byggingarréttarins. „Í raun er verið að bjóða upp
aftur íbúðir sem hafa verið seldar eða ráðstafað, en
skilað vegna þess að dæmið hefur ekki gengið
upp.“ 83 íbúðir í raðhúsi eða parhúsi og 123 íbúðir í
fjölbýli yrðu boðnar út aftur eftir áramótin, eða
rúmlega 200 íbúðir af 300.
Ingibjörg benti á að lausar lóðir í Grafarholti
væru fyrir 270–302 íbúðir. „Ef menn eru að skila
inn lóðum bendir það nú ekki til þess að það sé
lóðaskortur á svæðinu,“ sagði Ingibjörg.
Frjálsi fjárfestingarbankinn stærsti lóðarhafinn í Grafarholti og á 284 íbúðir
Segir fjárvana verktaka
smíða íbúðir í skjóli bankans
EDMUND Joensen, forseti fær-
eyska lögþingsins, og Daniel Skifte,
forseti grænlenska landsþingsins,
funda með Halldóri Blöndal, forseta
Alþingis, hér á landi um helgina.
Þingforsetarnir verða hér á landi
ásamt embættismönnum dagana 22.
til 25. nóvember í boði forseta Al-
þingis og hyggjast þeir ræða sam-
starf þinganna og landanna al-
mennt.
Auk fundarhalda munu þingfor-
setarnir ferðast um Fjarðabyggð og
Mjóafjörð í þeim tilgangi að kynna
sér atvinnuhætti og mannlíf á Aust-
fjörðum.
Fundur hjá þingforsetum
FIMM fjölskyldur í Kópavogi standa
allt í einu frammi fyrir því að verða
íbúar Reykjavíkur án þess að hafa
nokkuð um það að segja.
Bæjarráð Kópavogs samþykkti í
gær fyrir sitt leyti samkomulag um
breytingu á lögsögumörkum Kópa-
vogs og Reykjavíkur, en nái sam-
komulagið fram að ganga munu
fimm hús í Kópavogi tilheyra
Reykjavík í framtíðinni.
Íbúum á svæðinu var sagt á fundi í
vikubyrjun að breytingin stæði til.
„Ég hef búið lengi í Kópavogi og
vildi helst vera þar áfram, ekki síst
vegna þess að ég þekki orðið karl-
ana í kerfinu,“ segir Jón Eiríksson,
sem hefur búið á svæðinu síðan
1975. „Við breytum engu og þetta
verður sjálfsagt ágætt nema hvað ég
missi Bláhornið, verslunina okkar,
vegna vegaframkvæmdanna og ég
er ekki sáttur við það.“
Íbúarnir benda á að þeir séu ekki
endilega ósáttir við að verða Reyk-
víkingar, enda notið þjónustu frá
Reykjavík að sumu leyti, heldur fari
fyrirhugaðar vegaframkvæmdir,
sem tengjast mislægum gatnamót-
um við Smiðjuveg og Stekkjar-
bakka, mest fyrir brjóstið á þeim,
því þær komi til með að þrengja að
lóðunum og umferð aukist til muna.
„Þetta er stórt mál, ekki síst flutn-
ingurinn á okkur milli kjördæma,“
segir María Dungal, sem flutti með
foreldrum sínum í hverfið 1978 og í
eigið húsnæði með fjölskyldu sinni á
svæðinu 1996. Hún segir að verði
staðið rétt að málum sé þetta já-
kvætt skref, en mikilvægt sé að um-
ferð verði ekki hleypt í gegnum
hverfið heldur verði Bleikargróf
botnlangi með aðkomu frá Reykja-
vík og hljóðmön Kópavogsmegin.
„Þetta eru hreppaflutningar, en við
samþykkjum aldrei að hleypt verði
umferð á götuna hérna, enda yrði
það fyrir okkur eins og að búa á
hringtorgi, þar sem 20.000 til 30.000
bílar fara um daglega,“ segir Páll
Dungal, faðir hennar. „Það er ekki
stórmál hvort við búum í Kópavogi
eða Reykjavík en ég hef reyndar
heyrt að veðurfarið sé betra í
Reykjavík,“ segir Hákon Árnason.
„Hreppaflutningum“
tekið með brosi á vör
Morgunblaðið/Jim Smart
Íbúar í þremur af fimm húsum við Bleikargróf standa Reykjavíkurmegin
við vegahindrunina á Stjörnugróf, en þeir vilja að vegahindrunin verði
færð að nýjum lögsögumörkum Kópavogs og Reykjavíkur.
KJÖRSTJÓRN í prófkjöri Sjálfstæð-
isflokksins í Norðvesturkjördæmi
hefur ekki viljað gefa upp skiptingu
utankjörfundaratkvæða eftir land-
svæðum. Hún hefur þó gefið upp að
atkvæðin hafi alls verið um 2.100 tals-
ins.
Morgunblaðið aflaði gagna um
skiptingu utankjörfundarat-
kvæðanna í prófkjörinu eftir því sem
tök voru á og telur þau áreiðanleg svo
langt sem þau ná. Áréttað skal að um
180 atkvæði (8%) vantar upp á þau
2.100 atkvæði sem greidd voru utan
kjörfundar. Þá skal tekið fram að á
örfáum stöðum fengust ekki uppgefn-
ar nákvæmar tölur og eins kann að
vera að á einhverjum stöðum vanti ut-
ankjörfundaratkvæði innansveitar-
manna sem áttu langt að sækja á
kjörstað og greiddu atkvæði deginum
áður.
Hlutfallsskipting atkvæðanna er
miðuð við fjölda atkvæða sem upplýs-
ingar fengust um. Tæp 8% utankjör-
fundaratkvæðanna koma úr Húna-
þingi, um 11% úr Skagafirði og einnig
um 11% frá Ísafirði og nágrenni, rúm
12% af Snæfellsnesi og nágrenni og
30% af Akranesi og nágrenni.

 

 




 



  


 

 



  
 
 

   

 
!   

"
# 

  $
%&&   

 #  
'   

  
($%"  
(  
#  
#
  

 
 
   
!  

     

 !

 
)*+,-
./+0-
.*+1-
2+.-
/+2-
/+3-
/+)-
3+,-
)+0-
,+/-
,+3-
,+*-
.+0-
.+,-
.+,-
*+)-
.**-

  % 
Akranes sker sig úr
Skipting utankjörfundaratkvæða
í Norðvesturkjördæmi
 Fimm hús /26