Morgunblaðið - 22.11.2002, Blaðsíða 4

FRÉTTIR
4 FÖSTUDAGUR 22. NÓVEMBER 2002 MORGUNBLAÐIÐ
ÍSAKSSKÓLI fagnar á þessu
skólaári 75 ára afmæli sínu og í
gær kynntu skólayfirvöld sjö
máttarstólpa skólans 2002–2004,
fyrirtæki sem styðja við bakið á
starfsemi hans með fjárfram-
lögum og öðrum hætti næstu árin.
Skóli Ísaks Jónssonar er sjálfs-
eignarstofnun sem rekin er að
hluta með stuðningi frá hinu op-
inbera og að hluta með sjálfsafla-
fé. Skólinn var sá fyrsti sem hér á
landi sem bauð upp á kennslu fyr-
ir fimm ára börn og í dag býður
hann upp á kennslu fyrir fimm til
átta ára börn af öllu höfuðborg-
arsvæðinu.
Edda Huld Sigurðardóttir
skólastjóri segir að frá upphafi
verið lagt kapp á að tryggja að
skólinn væri valkostur fyrir börn
úr öllum þjóðfélagshópum með því
að stilla skólagjöldum í hóf. Með
einsetningu skólans árið 1999 hafi
rekstur hans hins vegar orðið
þyngri í vöfum sem varð þess
valdandi að skólagjöld voru hækk-
uð í fyrra. Ræður þar mestu um að
fækka varð nemendum og sömu-
leiðis hafa fjárframlög frá borg-
inni dregist saman sem varð til
þess að leitað er til máttarstólp-
anna nú.
Fyrirtækin sem styrkja Ísaks-
skóla 2002–2004 eru: Skeljungur,
Síminn, Baugur, Sjóvá, Grandi,
Essó og Spron en fulltrúar fyr-
irtækjanna mættu í skólann í gær,
kynntu sér starfsemina og fylgd-
ust með þegar nýtt skilti var var
afhjúpað í tilefni af 75 ára afmæl-
inu. Auk fyrirtækjanna hefur
fjöldi einstaklinga og annarra fyr-
irtækja ákveðið að styðja skólann
með margvíslegum hætti á næstu
misserum.
Áhersla á sönginn
Meðan beðið var eftir skiltinu í
gær hlýddu gestir á hóp nemenda
úr 8 ára Æ og 6 ára A syngja Allt
fram streymir endalaust og Á ís-
lensku má alltaf finna svar, undir
stjórn kennara sinna. Edda Huld
sagði að ávallt hefði mikil áhersla
verið lögð á að nemendur lærðu
texta og söngva í skólanum og
ekki var annað að sjá en nem-
endur væru vel með á nótunum.
Á næstu dögum verður heima-
síða skólans opnuð á vefslóðinni:
www.isaksskoli.is og hefur Sím-
inn haft veg og vanda af uppsetn-
ingu á nettengingu í skólanum.
Fulltrúar nokkurra af máttarstólpunum sjö og meðlimir í skólanefnd. Frá
vinstri: Gunnar Kvaran, Skeljungi, Jóhannes Helgason, SPRON, Sonja
Backman, skrifstofustjóri í Ísaksskóla, Edda Huld Sigurðardóttir skóla-
stjóri, Árni Pétur Jónsson, Baugi, og formaður skólanefndar, Heiðrún
Jónsdóttir, Símanum, Þorgrímur Þráinsson skólanefnd og Guðrún Ein-
arsdóttir, fulltrúi R-lista í skólanefnd.
Morgunblaðið/RAX
„Allt fram streymir endalaust,“ sungu börnin í Ísaksskóla.
Skólinn
valkost-
ur fyrir
öll börn
Ísaksskóli kynnir sjö máttarstólpa skólans á 75 ára afmæli
Morgunblaðið/RAX
BORIÐ hefur á því að undanförnu
að sérfræðilæknar bjóði sjúkling-
um aðgerðir og aðra þjónustu gegn
því að þeir greiði sjálfir að fullu
fyrir hana. Hafa fyrirspurnir vegna
þessa borist til Tryggingastofnunar
ríkisins, TR. Að sögn sjúklinganna
bera læknarnir því við að „kvóti“
þeirra sé búinn, þ.e. að þeir fái að-
eins hluta endurgreiddan frá TR
og vilji sjúklingurinn fá þjónustuna
strax verði hann að borga fyrir
hana fullu verði.
„Það er orðinn útbreiddur mis-
skilningur að Tryggingastofnun út-
hluti kvóta til lækna,“ sagði Karl
Steinar Guðnason, forstjóri TR, á
blaðamannafundi sem stofnunin
boðaði til í gær. „Það er rangt,
Tryggingastofnun er ekki með
kvótakerfi.“ Karl Steinar benti hins
vegar á að samkvæmt samningi TR
við sérfræðilækna kaupir stofnunin
ákveðið mikla þjónustu af læknum
en fari þeir fram úr þeirri þjónustu
þurfa þeir að veita stofnuninni af-
slátt. Þá eru einnig ákvæði í samn-
ingum um að einstakir læknar veiti
stofnuninni afslátt þegar þeir hafa
fengið ákveðna fjárhæð greidda.
„Ákvæðið er byggt á því að þegar
læknar hafa unnið það mikið að
ætla má að þeir hafi greitt niður
fastan rekstrarkostnað sé eðlilegt
að þeir veiti afslátt af útseldri
vinnu sinni,“ segir í frétt á heima-
síðu TR. Samningurinn byggir á
reynslutölum síðasta árs.
Óheimilt að bjóða þjónustu
gegn því að sjúklingur borgi
Á blaðamannafundinum kom
fram að sérfræðingum er óheimilt
að bjóða þjónustu gegn því að sjúk-
lingur greiði sjálfur samningsbund-
inn hluta TR. Sagði Karl Steinar
frá nýlegu dæmi um sjúkling sem
var boðið að greiða 100 þúsund
krónur fyrir aðgerð hjá lækni ell-
egar bíða og væri það tvímælalaust
brot á samningnum sem læknar
hefðu skuldbundið sig til að veita
þjónustu samkvæmt. Þess má geta
að hámarksaðgerðagjald er sam-
kvæmt gjaldskrá Tryggingastofn-
unar 18 þúsund krónur. Fleiri sjúk-
lingar hafa hringt til
stofnunarinnar undanfarna daga
með svipaða sögu að segja.
„Hjá þeim sérfræðigreinum þar
sem farið er að reyna á afslátt-
armörkin hefur komið í ljós að sér-
fræðingar segjast ekki tilbúnir að
veita þjónustuna, að kvótinn sé bú-
inn en bjóða fólki hins vegar, ef
það vilji komast að strax, að borga
fyrir,“ sagði Kristján Guðjónsson,
forstöðumaður sjúkratrygginga-
sviðs TR. „Ég vil taka það fram að
þarna er um einstaka lækna að
ræða.“ Hann bætti við að með
þessu væru læknarnir að „smeygja
sér undan samningnum og draga fé
af fólki“.
Á heimasíðu TR er bent á að
læknar sem starfa samkvæmt sér-
fræðisamningum hafa ekki nokkra
heimild til að láta sjúkratryggða
sjúklinga greiða hærra gjald en til-
tekið er í reglugerð um hlutdeild
sjúkratryggðra í kostnaði vegna
heilbrigðisþjónustu, nema sjúkling-
arnir óski þess sérstaklega að
halda viðskiptum sínum utan við al-
mannatryggingakerfið.
Læknarnir mega samkvæmt
samningnum heldur ekki hætta að
veita þjónustuna og leggja niður
vinnu þó að þeir séu komnir að eða
yfir afsláttarmörkin. Kristján sagði
að hægt væri að refsa lækni sem
brýtur samninginn með því að rifta
samningnum við hann.
„Læknum sem starfa samkvæmt
samningum við Tryggingastofnun
ber skylda til að starfa eftir þeim í
hvívetna en geta ekki á sama tíma
látið eins og þeir væru utan samn-
inga. Þetta þýðir sem fyrr segir að
þeim er óheimilt að bjóða sjúkling-
um að komast fyrr í aðgerð gegn
því að þeir greiði hana að fullu. Það
er og hefur aldrei verið stefna heil-
brigðisyfirvalda að sjúklingar geti
keypt sig framhjá biðlistum lækna
sem starfa samkvæmt samningi við
Tryggingastofnun,“ segir í frétt á
heimasíðu TR.
Læknar segjast búnir með „kvóta“ og bjóða sjúklingum að greiða aðgerðir úr eigin vasa
Misskilningur að
TR úthluti kvóta
MAÐUR sem lenti í vinnuslysi
þarf að bíða þar til á næsta ári
eftir aðgerð eða borga hana
sjálfur. Lögfræðingur hans tel-
ur að tryggingafélag mannsins
eigi að greiða fyrir aðgerðina
en ekki velta bótaskyldu sinni á
Tryggingastofnun.
Óðinn Elísson, lögfræðingur
hjá Fulltingi, nefnir dæmi um
skjólstæðing sinn sem lenti í
vinnuslysi þar sem trygginga-
félagið er með gilda ábyrgð-
artryggingu vegna slyssins.
„Maðurinn þarf að fara í að-
gerð í kjölfar slyssins og þá
segir tryggingafélagið að sé
hann sjúkratryggður skuli TR
borga. Sjúklingurinn er
óvinnufær og ætti að fá sín
laun greidd hjá trygginga-
félaginu, en dæmi eru um að
þau neiti að greiða þau þegar
ákveðið langur tími er liðinn
frá slysinu.“ Maðurinn hefur
ekki ákveðið hvort hann legg-
ur út fyrir aðgerðinni. „Hann
kann að vera nauðbeygður til
þess og þá er enn óráðið hvort
tryggingafélagið greiðir hana
eða ekki síðar.“
Bótaskylda
ekki til TR
FYRIRHUGAÐAR eru hækkanir
á gjaldskrá leikskóla um næstu
áramót í nokkrum sveitarfélögum
á höfuðborgarsvæðinu í tengslum
við afgreiðslu fjárhagsáætlana fyr-
ir næsta ár. Hjá Kópavogsbæ og
Seltjarnarnessbæ fengust þær
upplýsingar í gær að ekki væru í
undirbúningi breytingar.
Borgarráð Reykjavíkur sam-
þykkti nýlega hækkun leikskóla-
gjalda um 8% frá og með næstu
áramótum.
Þau svör fengust á bæjarskrif-
stofu Hafnarfjarðar í gær að til-
laga væri komin fram um hækkun
gjaldskrár vegna leikskóla á veg-
um bæjarins en ákvörðun hefði þó
ekki verið tekin. Unnið væri að
gerð fjárhagsáætlunar. Ekki feng-
ust upplýsingar um hvað gert er
ráð fyrir mikilli hækkun. Leik-
skólagjöld í Hafnarfirði hafa ekki
hækkað frá því í janúar árið 2001.
7% hækkun í Garðabæ
Gert er ráð fyrir 7% hækkun
leikskólagjalda í Garðabæ í vænt-
anlegu frumvarpi að fjárhagsáætl-
un fyrir næsta ár. Síðast hækkuðu
leikskólagjöld í Garðabæ í sept-
ember 2001.
Hækkanir eru fyrirhugaðar í
Mosfellsbæ en ákvarðanir hafa þó
ekki verið teknar, skv. upplýsing-
um sem fengust á skrifstofu bæj-
arfélagsins. Ekki liggur fyrir
hversu miklar hækkanir eru
áformaðar en gert er ráð fyrir að
gjaldskráin verði sambærileg við
það sem gengur og gerist í ná-
grannasveitarfélögunum.
Engar ákvarðanir hafa verið
teknar um hvort breyting verður
gerð á leikskólagjöldum í Kópa-
vogi um næstu áramót, skv. upp-
lýsingum sem fengust á bæjar-
skrifstofu Kópavogs. Hefur komið
til umræðu hvort ástæða sé til að
breyta gjaldskrá leikskólanna en
engin tillaga um hækkun hefur þó
komið fram. Leikskólagjöld hækk-
uðu síðast í Kópavogi í september
2001.
Ekki eru fyrirhugaðar breyting-
ar á leikskólagjöldum hjá Seltjarn-
arnesbæ og hafa engar hugmyndir
um slíkt komið til umræðu sam-
kvæmt upplýsingum sem fengust á
bæjarskrifstofu Seltjarnarness.
Leikskólagjöld á Seltjarnarnesi
hækkuðu síðast í júní 2001.
Íhuga hækkun
leikskólagjalda
ALÞÝÐUSAMBAND Íslands bregst
illa við yfirvofandi hækkunum á
leikskólagjöldum sveitarfélaga um
næstu áramót. Gylfi Arnbjörnsson,
framkvæmdastjóri ASÍ, segir rök
Reykjavíkurborgar fyrir 8% hækk-
un leikskólagjalda um næstu áramót
vera bull.
Gylfi Arnbjörnsson segir ljóst eft-
ir umræðu ASÍ og sveitarfélaga að
„þau höfðu og hafa mjög mikla hags-
muni af því að tekist hefur að ná tök-
um á verðbólgunni. Sveitarfélögin
eru að horfa á allt aðra og betri
stöðu sinna mála í dag en blasti við
fyrir ári. Það skýtur mjög skökku
við að taka aftur upp og endurnýja
gamlar hækkunarbeiðnir upp á 8%,
eins og ákveðið hefur verið hjá
Reykjavíkurborg,“ segir Gylfi.
Hann bendir á að verðbólgan sé
nú komin í 2,4% og stefni í að verða
minni í desember. „Við sjáum því
ekki með nokkru móti hvaða
geymslurök eigi við um Reykjavík-
urborg eða sveitarfélögin, sem ekki
gilda um aðra í þessu þjóðfélagi.
Sveitarfélögin öxluðu hluta af þeirri
ábyrgð með okkur og við bregðumst
því hart við þessum hækkunum,“
segir hann.
ASÍ gagn-
rýnir hækkun