Morgunblaðið - 22.11.2002, Blaðsíða 71

BRÉF TIL BLAÐSINS
MORGUNBLAÐIÐ FÖSTUDAGUR 22. NÓVEMBER 2002 71
POPPARINN Einar Ágúst, fyrrum
meðlimur hljómsveitarinnar Skíta-
mórals og núverandi söngvari
Engla, er kynnir
hins svokallaða
„Pepsi-vinsælda-
lista“ á sjón-
varpsstöðinni
PoppTíví. Þegar
þetta er skrifað
situr lagið „Má
ég sparka“ flutt
af hiphop-sveit-
inni Bent &
7berg í fjórða
sæti. Eftir fer orðrétt kynning Ein-
ars á laginu:
„Það er gaman frá því að segja
að … uhh ja, gaman frá því að
segja? En það er svolítið skrítið að
íslenskt rapp eða rapp á íslensku er
ekki mjög flott miðað við hvernig
rapp er á útlensku. Og er ekki
svona „professional“, er ekki mjög
svona flott á taktinum og undir-
spilið er ekkert rosalega vel gert og
það er svona mikið verið að … ein-
hvern veginn … í óöryggistilfinn-
ingu verið að dissa allt einhvern
veginn sem mönnum finnst vera að
í staðinn fyrir að reyna að gera
bara betur. Og hér er komið eitt lag
sem þjónar þessum tilgangi, eða
kannski engum tilgangi, að fjalla
um hvað aðrir eru ömurlegir, að
vera svona að hefja sjálfan sig upp
á kostnað annarra. Það sýndi sig nú
best á Quarashi-tónleikunum þegar
að upphitunaratriðin voru búin
hverjir voru bestir á þeim tónleik-
um. Quarashi ber af íslenskum
röppurum og það er alveg á hreinu.
Hér er komið Bent & 7berg og eld-
gamalt lag sem að þeir hafa nú
reyndar ekki samið nýtt lag þeir
hafa tekið eitthvað gamalt og
sett … sem að var áður útgefið og
stolið því. Það hét hérna „Can I
kick it“ og meðal annars Tribe call-
ed Quest voru með þetta lag á sín-
um tíma, en hér er komið Má ég
sparka … “
Fyrir þá sem ekki vita byggist
texti lagsins að mestu á orðaleik
með nöfn íslenskra hljómsveita og
tónlistarmanna og er í því skyni vís-
að vítt og breitt í íslenska popp-
sögu. Af kynningu popparans á lag-
inu má draga þá ályktun að texti
þess hefur farið eitthvað fyrir
brjóstið á honum, væntanlega eft-
irfarandi brot:
„Ég sparka poppurum út af sviðinu þegar
ég byrja að ríma
því annaðhvort eru þær með Skítamóral
eða alltof bjartsýnar“
Látum vera að minnast á hversu
vafasamt (að ekki sé minnst á ófag-
mannlegt!) það er að starfsmaður
sjónvarpsstöðvar láti persónulega
hluti, t.d. að minnst sé á fyrrum
hljómsveit hans í texta lags, hafa
áhrif á starf sitt að því marki sem
kynning hans bar glöggt vitni. Nóg
er að benda á að einungis misskiln-
ingur eða misheyrn Einars sjálfs
veldur því að hann telur sig eða
hljómsveitina Skítamóral „dissaða“
í textanum. Hefði popparinn hlust-
að á lagið áður en hann kvað upp
dóm sinn hefði hann ef til vill gefið
eftirfarandi setningu gaum:
Ekki halda að ég sé að dissa ykkur til
þess að koma mér á framfæri
ég er vanur að vera misskilinn þegar ég
segi eitthvað í kaldhæðni
svo ef þú ætlar að starta beefi út af text-
anum mínum
þá er það paranoia, það er ekkert diss í
þessari rímu
En kynnirinn lætur sér ekki
nægja að tuldra niðrandi orð um
handhafa fjórða sætisins, heldur
fellir hann um leið dóm yfir allri ís-
lenskri hip-hoptónlist og þeim sem
aðhyllast hana. Popparanum finnst
hún ekki nógu „professional“, eins
og hann orðar það svo skemmtilega.
Spyrja má um fagmennsku manns
sem hefur þann starfa að kynna
vinsældalista í sjónvarpi og nýtir
þann vettvang til þess að gera lítið
úr einni vinsælustu tónlistarstefnu
landsins, tónlistarstefnu sem marg-
ir ungir og óreyndir listamenn hafa
valið sér sem hentugan vettvang
sköpunar. Popparinn er þar með að
nota aðstöðu sína til þess að gera
lítið úr samkeppnisaðilum sínum í
tónlist og auka þar með eigin veg.
Er ég sá eini sem man eftir op-
inberum bréfaskiptum Einars við
Dr. Gunna varðandi dóma þess síð-
arnefnda um „September“-plötu
Skítamórals? Hver krafðist fag-
mannlegra vinnubragða við mat á
tónlist þá? Hugsanlega gremst Ein-
ari mest að hið fagmannlega blöðru-
popp sem hann aðhyllist á sér fáa
málsvara nú til dags?
Aðdróttanir Einars þess efnis að
„Má ég sparka“ sé „stolið“ lag eru
ekki svara verðar. Er nóg að benda
á að lögin eru á allan hátt frábrugð-
in (áhugasamir geta hlustað á þau
og sannreynt það), utan orðasam-
bands sem birtist í viðlögum beggja
(þó reyndar á ólíkum tungumálum),
en sú hefð að vísa í verk forvera
sinna (í þessu tilviki hinnar frábæru
sveitar A tribe called quest) og
votta þeim virðingu á þann hátt er
vel þekkt í hip-hoptónlist.
Að lokum vil ég benda aðstand-
endum PoppTíví á að leita að raun-
verulegu hæfileikafólki í stað þess
að láta fræg andlit nægja, þá helst
fólki sem misnotar ekki aðstöðu
sína í sjónvarpi til að koma á fram-
færi persónulegum hefndum fyrir
ímynduð „diss“. Einnig mætti
benda Einari Ágústi á að einbeita
sér að eigin tónsmíðum í staðinn
fyrir að „vera svona að hefja sjálfan
sig upp á kostnað annarra“.
ÁGÚST BENT SIGBERTSSON,
tónlistarmaður.
Fagmannleg
vinnubrögð Engils-
ins Einars
Frá Ágúst Bent Sigbertssyni:
Ágúst Bent
Sigbertsson
Mörkinni 3, sími 588 0640
Opið mán.-fös. kl. 11-18, lau. kl. 11-15
Þú færð jólagjafirnar
fyrir starfsfólkið hjá okkur
Jólagjafir
starfsfólksins
fyrirtaeki.is
Allar nánari upplýsingar um prófkjörið, framkvæmd þess og frambjóðendur er að finna á heimasíðu Sjálfstæðisflokkins www.xd.is
Hótel Saga, Ársalur
(2. hæð, gengið inn að
norðanverðu).
Valhöll, Háaleitisbraut 1.
Hraunbær 102b.
Mjódd, Álfabakka 14a.
Hverafold 1-3.
Fólkvangur, Félagsheimili
Kjalnesinga.
Sjá nánar í Morgunblaðinu á morgun.
Prófkjör Sjálfstæðisflokksins í Reykjavík
22. og 23. nóvember 2002
Hvar og hvenær á að kjósa?
Í dag, föstudaginn 22. nóvember, kl. 12.00 - 21.00
í Valhöll Háaleitisbraut 1. Öll kjörhverfin.
Hverjir mega kjósa?
A. Allir félagsbundnir sjálfstæðismenn
í Reykjavík, sem þar eru búsettir og
náð hafa 16 ára aldri
prófkjörsdagana.
B. Þeir stuðningsmenn
Sjálfstæðisflokksins, sem eiga
munu kosningarrétt í Reykjavík
við alþingiskosningarnar
10. maí 2003 og undirritað hafa
inntökubeiðni í sjálfstæðisfélag
í Reykjavík fyrir lok kjörfundar.
Hvernig á að kjósa?
Athugið! Kjósa skal 10
frambjóðendur, hvorki
fleiri né færri.
Kosið skal með því að setja
tölustafina 1 til 10 fyrir framan
nöfn frambjóðenda.
Þannig skal talan 1 sett fyrir framan
nafn þess frambjóðanda sem óskað er
að hljóti fyrsta sætið í prófkjörinu,
talan 2 fyrir framan nafn þess sem
menn vilja að hljóti annað sætið í
prófkjörinu, talan 3 fyrir framan nafn
þess sem menn vilja að hljóti þriðja
sætið í prófkjörinu og þannig koll af
kolli þar til kosnir hafa verið 10
frambjóðendur.
Í hvaða kjörhverfi skal kjósa?
Kjósa skal á laugardag í því kjörhverfi
sem viðkomandi átti lögheimili þann
30. október 2002.
Hafi kjósandi flutt í kjörhverfið eftir
þann tíma ber honum að staðfesta
það með afriti af staðfestri
aðflutningstilkynningu.
Prófkjörið fer jafnframt fram
á morgun laugardag 23. nóv.
frá kl. 10.00 til 18.00 og verður þá
kosið á eftirtöldum stöðum.