Morgunblaðið - 01.12.2002, Síða 46

46 SUNNUDAGUR 1. DESEMBER 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÁRUM saman hef ég bent bæjaryf-
irvöldum í Hafnarfirði á það mikla
landbrot sem á sér stað á Hvaleyr-
inni, en hún
styttist að jafn-
aði um einn
metra á hverju
ári. Það var mér
því fagnaðarefni
þegar ég las við-
tal sem DV átti
við nokkra hafn-
firska golfara og
birt var á bak-
síðu blaðsins 20.
nóvember sl. um
nauðsyn þess að verja Hvaleyrina
ágangi sjávar. Vonandi verður
þessi DV-frétt til þess að ýta við
bæjaryfirvöldum að gera eitthvað í
málinu.
Áhugaleysi
bæjaryfirvalda
Ég hef ítrekað flutt tillögur í at-
vinnumálanefnd Hafnarfjarðar um
nauðsyn þess að bærinn fari út í
framkvæmdir til varnar meira
landbroti á Hvaleyri og einnig
skrifað nokkrar greinar um það
mál, sem m.a. hafa birtst í Fjarð-
arpóstinum á undanförnum árum.
Þar að auki hef ég alloft á síðustu
12 til 15 árum staðið að tillögu-
flutningi í Verkalýðsfélaginu Hlíf,
þar sem skorað var á bæjaryfirvöld
í Hafnarfirði að hefja framkvæmd-
ir til að verja Hvaleyrina ágangi
sjávar. Tillögurnar voru jafnóðum
sendar bæjarfulltrúum. Hvort þeir
hirtu um að kynna sér þær er svo
önnur saga.
Framkvæmdir strax
Öll skilyrði til að verja Hvaleyr-
ina fyrir ágangi sjávar eru til stað-
ar og ég fullyrði að kostnaður við
þá framkvæmd er ekki mikill og
óverulegur ef hann kemur í veg
fyrir þau náttúruspjöll og land-
rýrnun sem þarna á sér stað. Því
skora ég á núverandi bæjaryfirvöld
að hefja framkvæmdir, ekki seinna
en strax, til varnar Hvaleyrinni,
þessari náttúruperlu okkar Hafn-
firðinga.
Til þess að gefa lesendum og
ekki síst nýlega kjörnum bæjar-
fulltrúum innsýn í hagkvæma lausn
á þessu máli flyt ég þeim meðfylgj-
andi ályktun sem er hliðstæð þeim
sem ég flutti og fékk samþykktar í
atvinnumálanefndinni á sínum
tíma:
Tillaga til úrbóta
Þar sem mjög brýnt er að verja
Hvaleyrina fyrir frekara landbroti
skora ég á bæjaryfirvöld í Hafn-
arfirði að hefja nú þegar fram-
kvæmdir til úrbóta. Hagkvæmasta
og besta lausnin væri sú að leggja
upphækkaðan veg frá Hafnarfirði
meðfram Hvaleyrinni og þaðan eft-
ir ströndinni til Straumsvíkur með
tengivegi við Reykjanesbraut vest-
an Hvaleyrarholts.
Með gerð slíks vegar ynnist
margt, m.a.
a) upphækkaður vegur meðfram
Hvaleyrinni kemur í veg fyrir
áframhaldandi landbrot vegna
ágangs sjávar
b) góð flutningsleið fyrir þunga-
flutninga fengist til og frá Hafn-
arfjarðarhöfn
c) beint vegasamband milli Hafn-
arfjarðarhafnar og Straumsvík-
urhafnar skilar sér í betri nýt-
ingu á húsnæði, tækjum, búnaði
og viðleguplássum í báðum höfn-
unum
d) vegurinn er atvinnuskapandi og
ýtir undir uppbyggingu svæðis-
ins milli Hvaleyrarholts og
Straumsvíkur, en þar er kjörinn
staður fyrir alls konar fyrirtæki
þegar beint vegasamband er
komið við báðar hafnirnar
e) með vel frágenginni sjávarbraut
frá Hafnarfirði til Straumsvíkur
er hægt að taka tillit til tveggja
meginatriða við gerð mann-
virkja, sem er hagkvæmni og
náttúruvernd.
SIGURÐUR T. SIGURÐSSON,
starfsmaður Vlf. Hlífar.
Hafnarfjarðarhöfn
og Hvaleyrin
Frá Sigurði T. Sigurðssyni:
Sigurður T.
Sigurðsson
NÚ er mikið rætt og ritað um að
EES-samningurinn sé að veikjast
og til þess að geta haldið honum sé
Íslendingum boðið upp á að af-
henda ESB fiskimiðin okkar og
fleyta rjómann af íslenskum fjár-
munum með því að greiða margfalt
meira í ESB-sjóðinn til að halda
EES-samningnum í gildi. Hvað
verður þá eftir, þegar ESB leggur
áherslu á að Íslendingar ættu að
draga úr fiskveiðum og helst hætta
þeim? Vilja Íslendingar fara að
lepja slor úr skel, eins og þeir gerðu
á danska einokunartímabilinu?
Íslendingar tala eins og Evr-
ópubúar séu þeir einu í heiminum
sem borða fisk.
Hvernig væri að líta til Banda-
ríkjanna og sjá hvað þeir vilja bjóða
okkur og inn á hvaða markaði við
komumst og hvað það kostar okkur
að fara inn á fríverslunarsvæði
þeirra? Hvað um Austurlönd nær
og fjær? Nei og aftur nei. Við eig-
um að leyfa ESB að segja EES-
samningnum upp. Að öðrum kosti
verður hann okkur dýrkeyptur.
Viljum við láta draga okkur á asna-
eyrunum hægt og rólega inn í
ESB?
Mér sýnist vera betra að standa
utan ESB og vera sjálfstæð þjóð
eins lengi og mögulegt er.
EINAR GÍSLASON,
kennari,
Sigurhæð 14, 210 Garðabæ.
Sjálfstæð þjóð áfram
Frá Einari Gíslasyni: