Morgunblaðið - 07.12.2002, Side 26

HÖFUÐBORGARSVÆÐIÐ
26 LAUGARDAGUR 7. DESEMBER 2002 MORGUNBLAÐIÐ
EFTIRVÆNTING skein úr yfir
100 barnaandlitum í göngugötunni
í Mjóddinni í gærmorgun þegar
von var á tveimur hvítskeggjuðum
bræðrum í heimsókn þangað.
Krakkarnir voru af leikskólunum
Arnarborg, Bakkaborg og Fálka-
borg í Breiðholti og áttu svo sann-
arlega heimsókn þeirra kappa
skilið því undanfarið hafa þau lagt
sig fram um að skreyta jólatré í
Mjóddinni með jólaskrauti sem
þau sjálf bjuggu til.
Ekki sviku jólasveinarnir börnin
heldur stálust til byggða nokkrum
dögum fyrir áætlaðan komudag og
tóku lagið við góðar undirtektir
einlægra aðdáenda. Jólatréð fag-
urskreytta var svo miðpunktur
fyrir hringdans viðstaddra þannig
að óhætt er að segja að sannkall-
aður jólahugur hafi verið í stórum
sem smáum.
Morgunblaðið/Halldór Kolbeins
Stolist til
byggða
Breiðholt
SJÁLFSTÆÐISMENN skoruðu á
meirihluta borgarstjórnar að falla
frá fyrirhuguðum sumarlokunum í
leikskólum borgarinnar á fundi
borgarstjórnar á fimmtudag og
halda óbreyttu kerfi.
Ingibjörg Sólrún Gísladóttir
borgarstjóri sagði þær tólf milljónir
sem gert er ráð fyrir að sparist með
því að loka leikskólunum í fjórar
vikur næsta sumar ekki skipta sköp-
um í þeirri ákvörðun heldur hafi
menn talið að með sumarlokunum
mætti slá tvær flugur í einu höggi.
Spara og kom um leið til móts við
kröfur fagmanna sem telji það já-
kvætt að skólunum verði lokað og
telji að þannig megi tryggja faglegt
starf í skólunum. Lagði hún til að
menn fari yfir málið í leikskólaráði,
ræði við foreldra og faghópa og finni
lausn sem menn geti sætt sig við.
Eftir að Guðlaugur Þór Þórðar-
son, borgarfulltrúi Sjálfstæðis-
flokks, spurði hvort hún væri að
opna fyrir þann möguleika að hætt
yrði við fyrirhugaðar lokanir sagði
borgarstjóri telja að það ætti að
samþykkja starfsáætlun leikskól-
anna sem gerði ráð fyrir sumarlok-
un og 12 milljóna króna sparnaði af
þeim sökum. Ef menn kæmust að
annarri niðurstöðu, eftir rökstudda
umræðu í leikskólaráði, yrði hægt
að skoða málið að nýju.
Vonbrigði að keyra
ætti málið í gegn
Guðlaugur Þór sagði það mikil
vonbrigði að keyra ætti málið í
gegn, vonarneisti hafi kviknað sem
borgarstjóri hafi gert að engu. Ingi-
björg sagði ákveðið svigrúm felast í
rammafjárveitingum og menn geti
fært á milli liða. „Ef leikskólaráð
telur að það sé skynsamlegra að
gera eitthvað annað sé ég enga
ástæðu til að borgarstjórnin setji sig
upp á móti því. En ég er ekki að
leggja til að fjárhagsáætluninni og
starfsáætluninni verði breytt,“ sagði
Ingibjörg Sólrún.
Hanna Birna Kristjánsdóttir,
borgarfulltrúi Sjálfstæðisflokks,
sagði rökin fyrir „þessari undarlegu
ákvörðun“ eitthvað á reiki. Ákvörð-
unin einkennist af miklum hringl-
andahætti, annars vegar sé vísað til
sparnaðar og hins vegar til faglegra
forsendna. „Þessi aðgerð getur í
besta falli talist klaufalegur mis-
skilningur af hálfu meirihlutans en í
versta falli alvarleg svik við þau fyr-
irheit sem kjósendum voru gefin af
þessum sama meirihluta fyrir síð-
ustu kosningar,“ sagði Hanna
Birna.
Ingibjörg Sólrún benti á að leik-
skólum borgarinnar hafi verið lokað
yfir sumarleyfistímann þegar R-list-
inn tók þar við stjórnartaumunum.
Árið 1995 hafi verið ákveðið að hafa
leikskólana opna allt sumarið, þá
eins og nú hafi leikskólakennarar
talið að það væri ekki góð hugmynd
að hafa skólana opna allt sumarið.
Þorlákur Björnsson, formaður
leikskólaráðs, sagði að undanfarin
ár hefði öllum foreldrum verið skylt
að láta börn sín taka fjögurra vikna
samfellt sumarfrí, það væri ekkert
nýtt. Þorlákur sagði að af 74 leik-
skólum sem í rekstri voru síðasta
sumar hafi einungis 27 leikskólar
verið opnir allt sumarið, rétt rúm-
lega þriðjungur. Öllum hinum hafi
verið lokað í tvær til fjórar vikur af
sumrinu, annaðhvort vegna viðhalds
eða vegna þess að allir foreldrar
vildu taka sumarfrí á sama tíma.
Umræður í borgarstjórn
um leikskólamál
Fallið verði frá
sumarlokun
Foreldrar og fagfólk
ræði málið í leikskólaráði
Reykjavík
LAUN 35–40 sumarstarfsmanna á
Leikskólum Reykjavíkur sparast
við áformaðar sumarlokanir leik-
skólanna auk yfirvinnu annarra
starfsmanna. Þetta segir Bergur
Felixson, framkvæmdastjóri Leik-
skóla Reykjavíkur. Samtals er
áætlaður sparnaður vegna þessa
um 12 milljónir króna.
Samkvæmt upplýsingum frá
Bergi er miðað við að sumarstarfs-
mennirnir starfi í tvo mánuði en í
raun hafi dregið úr sumarráðning-
um undanfarið ár vegna þess
hversu aðþrengdir menn hafa verið
með fjármagn fyrir slíkar ráðning-
ar.
„Við höfum verið með sumar-
lokanir þegar stærstur hluti for-
eldra hefur ákveðið einhvern
tíma,“ segir Bergur. „Einnig höf-
um við orðið að loka vegna við-
gerða því þú ert ekki með börnin í
málningarlykt eða í hættulegu um-
hverfi, t.d. þegar verið er að taka
garða í gegn með stórum vélum.
En við höfum alltaf ráðið eitthvað
af sumarfólki.“
Þá bendir hann á að sumarloka-
nir hafi tíðkast í sveitarfélögunum
kringum Reykjavík og nefnir
Hafnarfjörð og Kópavog í því sam-
bandi.
Sumarstarfsmenn 35–40 talsins
RÚMLEGA fjörutíu
jólatré eru sett upp á veg-
um Reykjavíkurborgar í
tilefni hátíðarinnar fram-
undan. Alls setur Orku-
veita Reykjavíkur tæplega
76 þúsund ljósaperur í jóla-
skreytingar víðs vegar um
höfuðborgarsvæðið nú fyr-
ir jólin og er áætluð orku-
notkun vegna þeirra um
315,8 kílówött.
Allir Reykvíkingar
þekkja Oslóartréð, sem ár
hvert er sett upp á Aust-
urvelli auk þess sem tré frá
Hamborg prýðir gamla
hafnarbakkann. Að öðru
leyti eru trén, sem skreyta
borgina að þessu sinni,
ræktuð hér á landi. Þórólf-
ur Jónsson, deildarstjóri
Garðyrkjudeildar Reykja-
víkur, segir þau að mestu
leyti tekin í Öskjuhlíðinni
og upp við Rauðavatn. Ís-
lenskir skógarhöggsmenn
sjá svo um að fella grenið.
„Það eru okkar starfsmenn
á garðyrkjudeildinni og við
erum nokkuð stoltir af því
að geta tekið tré úr skógum
Reykjavíkur. Við þurfum
náttúrulega að taka falleg
tré og þau eru frá 6-7 metr-
um og ég held að stærsta tréð hafi
verið yfir 10 metrar.“
Tveggja vikna skógarhögg
Aðspurður hvort mikill tími fari í
skógarhöggið segir Þórólfur að trén
séu felld á um það bil tveggja vikna
tímabili þótt fyrr sé farið af stað til
að líta eftir þeim og velja úr þau sem
henta.
Hann segir lítið hafa verið gert af
því að fá tré úr görðum fólks til að
skreyta stræti og torg líkt og gert
var í Hafnarfirði í ár. „Það hefur þó
aðeins borið á því en ég ekki viss um
að það hafi farið nokkurt tré í ár.
Það voru reyndar nokkrir sem
hringdu en þeir voru þá bara of sein-
ir því þá vorum við búnir að velja
trén.“
Að sögn Guðbjarts Sigfússonar,
yfirverkfræðings hjá Gatnamála-
stofu, er nokkur hópur manna sem
vinnur við það í nokkra daga á að-
ventunni að setja upp trén. „Ef veðr-
ið er skikkanlegt erum við örfáa
daga að setja þetta upp og það eru
fjórar bækistöðvar Gatnamálastjóra
sem taka þátt í því,“ segir hann.
Trén eru staðsett vítt og breitt um
borgina, í miðbænum, á torgum, í al-
menningsgörðum, við kirkjur og
heilbrigðisstofnanir og aðrar stofn-
anir á vegum borgarinnar.
Upplýstar aspir í miðborginni
Öll þessi herlegheit þarf svo að
lýsa upp í anda jólanna og sam-
kvæmt upplýsingum frá Rúnari
Sveinbjörnssyni, yfirverkstjóra hjá
Orkuveitu Reykjavíkur, duga hvorki
meira né minna en 6.300 stykki af 15
watta ljósaperum til þess. Það er þó
aðeins brot af jólalýsingu á vegum
Orkuveitunnar því fyrir utan greni-
tré í höfuðborginni er lýsingu komið
fyrir í öðrum myndarlegum trjám og
eru glæsilegar aspir í miðborginni
þar fremstar í fararbroddi. Þá eru
ótalin grenitré í nágrannasveitar-
félögum höfuðborgarinnar og ýmsar
aðrar jólaskreytingar á vegum borg-
arinnar.
Samtals eru það því hvorki meira
né minna en 75.931 ljósapera sem
prýðir jólaskreytingar á vegum
Orkuveitunnar og áætluð orkuþörf
vegna þeirra er 315,8 kílówött.
Ekki dugir minna en 6.300 ljósaperur til að
lýsa upp jólatré á vegum borgarinnar um
þessi jól.
76 þúsund
ljósaperur á
aðventunni
Reykjavík