Morgunblaðið - 10.12.2002, Blaðsíða 10
FRÉTTIR
10 ÞRIÐJUDAGUR 10. DESEMBER 2002 MORGUNBLAÐIÐ
Í BÓKINNI Fjandsamleg yfirtaka,
sem er nýkomin út, sakar Bogi Þór
Siguroddsson, fyrrverandi forstjóri
Húsasmiðjunnar, Árna Hauksson og
Hallbjörn Karlsson, kaupendur
meirihluta hlutabréfa í Húsasmiðj-
unni í sumar, um fjandsamlega yfir-
töku og óheiðarleg vinnubrögð.
Bogi Þór segir í bókinni að sl. vor
hafi hann í samstarfi við Árna rætt
við Kaupþing um svokölluð skuldsett
kaup á Húsasmiðjunni. Hann birtir
m.a. tölvupóst sem hann fékk frá
Árna þar sem hann lýsir vangavelt-
um sínum um hugsanleg kaup. Í lok
hans segir: „Gaman væri að fara yfir
þetta með Kaupþingsmönnum.“
Bogi segir einnig frá fundi sem hann
og Árni áttu með Kaupþingsmönn-
um um málið.
Bogi Þór fór í sumarfrí til Spánar í
byrjun júní, en hann segir að þá hafi
málið verið í eðlilegum farvegi hjá
Kaupþingi. Áður en hann fór út seg-
ist hann þó hafa orðið þess áskynja
að Búnaðarbankinn Verðbréf hafi
sýnt því áhuga að hafa milligöngu
um viðskiptin. Bogi Þór segir síðan
frá því að hann hafi fengið símtal til
Spánar um að búið væri að selja
Húsasmiðjuna og kaupendur væru
Árni Hauksson og Hallbjörn Karls-
son, starfsmaður Kaupþings. Kaupin
voru gerð fyrir milligöngu Búnaðar-
bankans.
Símtal til Spánar
Bogi Þór segir í bókinni frá því að
Árni hafi hringt í sig til Spánar og
greint sér frá kaupunum. „Gat verið
að Árni Hauksson væri búinn að
svíkja mig og hafa mig svo rækilega
að fífli? Vitandi um fyrirhugað frí til
útlanda með upplýsingar úr öllum
áttum? Var hann búinn að spila
þennan póker lengi með öll spilin
uppi í erminni? Á þessu augnabliki
gerði ég mér mjög skýra grein fyrir
því að ég yrði að vera yfirvegaður og
að þetta símtal gæti orðið mjög af-
drifaríkt og mikilvægt. Ég yrði að
freista þess að fá sem allra gleggstar
upplýsingar áður en ég sleppti Árna
úr símanum. Ég gekk út úr versl-
uninni og ákvað að reyna að átta mig
á hvað raunverulega hefði gerst.
Eftir á og alla tíð síðan kom það
mér á óvart hvað Árni sagði mér
mikið í þessu símtali. Ég velti því
fyrir mér hvort það hefði verið með-
vituð ákvörðun hjá honum, og jafn-
vel að hann hefði sagt mér eitthvað
sem hentaði honum. Eða kom þetta
bara á óvart? Þeir tveir fundir sem
ég átti eftir að eiga með honum báru
það greinilega með sér að drengur-
inn var í miklu uppnámi þessa dag-
ana. Kaldrifjuð svik og vandlega
undirbúin atburðarás verða hins
vegar ekki aftur tekin, enda Árni að
hrifsa til sín verðmæti sem jafngiltu
hundruðum milljóna króna.
„Gummi í Búnaðarbankanum
hafði samband við mig á föstudag og
bauð mér dílinn. Hann var algjörlega
búinn að pakka honum inn, tryggja
sér bréfin og alla fjármögnun. Þetta
var þvílíkt tilboð að ég gat ekki hafn-
að því. Ég reyndi eins og ég gat að fá
hann til að samþykkja að þú yrðir
með en það var sama hvað ég reyndi,
hann var algjörlega ófáanlegur til
þess. Þeir vilja fá rekstrar- og fjár-
málakall eins og mig í þetta verkefni.
Þú hefur orð á þér fyrir að vera út-
rásar- og markaðsmaður, en það
hentar ekki í þessu tilfelli því það á
að pakka rekstrinum saman.“
Í bókinni hefur höfundur eftir
Árna að sá síðarnefndi hafi sett það
sem skilyrði að hann færi frá málinu
með reisn. „Ég get ekki gert að því
þótt Búnaðarbankamenn vilji ekki
hafa þig með. Ég sagði þér líka að ég
hefði sett skilyrði um að þú færir frá
þessu máli með reisn. Það er allt vit-
laust í bankanum því það var annar
hópur í bankanum sem var að vinna
fyrir manninn sem þú fundaðir með
sumardaginn fyrsta, en við vorum á
undan.
Gesturinn þinn hefði kastað þér
frá borði umyrðalaust. Þú getur ver-
ið þakklátur fyrir að það er ég sem
stýri því hvernig þessi mál verða
gerð upp en ekki hann,“ hefur Bogi
eftir Árna í bókinni.
Bogi Þór segir í bókinni að Árni
hafi upphaflega gefið þá skýringu á
niðurstöðunni að Búnaðarbankinn
hafi krafist þess að hann yrði ekki
með í kaupunum, en bankastjóri
Búnaðarbankans hafi neitað því að
hafa sett fram slíka kröfu. Bogi Þór
segir að Árni Hauksson hafi komið
aftan að sér. Hann bendir á að Árni,
Hallbjörn og Guðmundur Guð-
mundsson hjá Búnaðarbankanum
séu skólabræður og vinir og segir
viðskiptasiðferði þeirra fyrir neðan
allar hellur.
Ekki um meira að tala
Bogi Þór segir að Árni hafi upp-
haflega sagt að hann myndi tryggja
að Bogi gæti farið frá Húsasmiðj-
unni „með reisn“. Þegar á reyndi
hafi hann ekki staðið við þetta.
„Ég sagði honum að við hefðum
ekki um meira að tala. Þannig endaði
síðasta samtalið sem ég átti við Árna
Hauksson. Auðvitað átti ég að hata
hann eins og hann sagði að ég myndi
gera það sem eftir væri ævinnar. En
það voru ekki þær tilfinningar sem
ég hafði gagnvart þessum aumkun-
arverða dreng þegar ég horfði á eftir
honum út. Ég skildi það ekki sjálfur,
en ég vorkenndi honum! Ég vildi svo
sannarlega ekki vera í sporum Árna
Haukssonar fyrir öll auðæfi heims-
ins. Mér fannst sorglegt að þurfa að
kynnast því með svo persónulegum
hætti hvað hann var tilbúinn að
leggjast lágt fyrir peninga.
Þar með var fullreynt að ég gæti
treyst þessum manni framar og von-
in um að Árni Hauksson myndi beita
sér fyrir því að ég kæmist sómasam-
lega frá málinu varð að engu. En
áætlun hans heppnaðist fullkomlega.
Hann var búinn að kaupa sér þann
tíma sem hann þurfti alla vikuna og
mesti óróinn liðinn hjá í Húsasmiðj-
unni. Andrúmsloftið í fyrirtækinu
átti þó eftir að vera sérstakt áfram,
þar sem hvorki Jón Snorrason, sem
starfandi forstjóri og fulltrúi selj-
enda, né Árni Hauksson, vildu
hreyfa við neinum málum meðan
ekki væri búið að ganga formlega frá
kaupunum.
Það var ekki nóg með að Árni
Hauksson sviki mig. Hann sveik
einnig aðra nánustu samstarfsmenn
sína sem hefðu átt þess kost að taka
þátt í kaupunum á Húsasmiðjunni, ef
Kaupþingsverkefnið hefði gengið
eftir. Ég hef mikið hugsað um það
hvernig þessum fyrrverandi sam-
starfsmönnum mínum og félögum í
hópi stjórnenda líður við þessar að-
stæður með Árna Hauksson yfir sér
sem forstjóra,“ segir Bogi Þór í bók-
inni.
Fjandsamleg yfirtaka
GUÐMUNDUR Guðmundsson, for-
stöðumaður fyrirtækjaráðgjafar
Búnaðarbanka Íslands, segir að
fjölmargar rangfærslur séu í bók-
inni, sérstaklega þau atriði er lúta
að meðferð trúnaðarupplýsinga.
„Ýmsar staðhæfingar pirra mann,
þótt þær séu augljóslega út í loftið,
en þegar ég var búinn að loka bók-
inni fannst mér hún fyrst og fremst
sorgleg,“ segir hann. Spurður
hvort hann telji ásakanir í sinn garð
alvarlegar segir Guðmundur: „Ég
hefði tekið þær alvarlega ef þær
hefðu verið settar fram í öðru sam-
hengi og af öðrum manni, en það er
svo margt í bókinni þess eðlis að
ekki er hægt að taka hana trúverð-
uga.“
Í bókinn kemur fram að Guð-
mundur hafi útbúið samninginn um
kaupin á Húsasmiðjunni og ekki
viljað að Bogi Þór kæmi að málum.
Að sögn Guðmundar leitaði Bogi
Þór aldrei til Búnaðarbankans.
„Þetta var aðeins spurning um fjár-
mögnun,“ segir Guðmundur og vís-
ar til þess að haustið 2000 hafi Jón
Snorrason veitt Boga Þór umboð til
að kaupa fyrirtækið eins og fram
komi í bókinni. „Í tvö ár var hann
búinn að leita til ýmissa fjármála-
fyrirtækja til að fjármagna með sér
kaupin án árangurs. Staðreynd
málsins er sú að Boga tókst ekki að
fylkja að baki sér fjárfestum eða
fjármálafyrirtækjum til verksins.“
Bogi Þór hefur eftir Árna Hauks-
syni að Guðmundur sé „arkitektinn
að Húsasmiðjukaupunum og sá sem
pakkaði dílnum inn fyrir félaga
sinn.“ Guðmundur segir að starfs-
menn bankans hafi lagst yfir reikn-
inga félagsins, eins og þeir hafi ver-
ið birtir á Verðbréfaþinginu og við
„töldum okkur sjá þarna tækifæri. Í
bókinni er vísað í að menn hafi haft
óeðlilegar upplýsingar um duldar
eignir en það er einfaldlega rangt.
Þetta kemur allt fram í ársreikn-
ingum, skýringum þeirra og öðru
birtu efni,“ segir Guðmundur.
Guðmundur Guðmundsson
hjá Búnaðarbankanum
„Fjölmargar
rangfærslur“
MORGUNBLAÐINU hefur borist
eftirfarandi yfirlýsing frá Árna
Haukssyni, forstjóra Húsasmiðj-
unnar, og Hallbirni Karlssyni,
framkvæmdastjóra sölusviðs Húsa-
smiðjunnar.
„Á undanförnum dögum hafa
undirritaðir verið spurðir marg-
sinnis um okkar hlið á því máli sem
fyrrverandi forstjóri Húsasmiðj-
unnar, Bogi Þór Siguroddsson, ger-
ir að umtalsefni í nýútkominni bók
sinni. Við höfum vikið okkur undan
því að svara á opinberum vettvangi
um einstök efnisatriði málsins og
leiðrétta bæði rangfærslur og mis-
skilning sem víða gætir í frásögn
forstjórans fyrrverandi. Sú afstaða
okkar að láta kyrrt liggja helgast
einkum af þeirri staðreynd, sem
reyndar er rauður þráður í bókinni
og sömuleiðis í fjölmiðlaspjalli höf-
undarins, að atburðarásin öll ræðst
því miður af erfiðum fjárhagslegum
aðstæðum Boga Þórs undanfarin
tvö ár. Enda þótt bókarhöfundur
segi í formála að eignarhaldsbreyt-
ingar á Húsasmiðjunni hafi verið
rothögg fyrir fjárhag sinn má
glögglega sjá af lestri bókarinnar að
fjárhagsvandi Boga Þórs er ekki af-
leiðing af atburðarásinni heldur or-
sök. Á því tvennu er mikill munur.
Ásakanir Boga Þórs eru margvís-
legar. Þær beinast að okkur, Bún-
aðarbankanum, Jóni Snorrasyni
fyrrverandi stjórnarformanni
Húsasmiðjunnar og nokkrum nafn-
greindum einstaklingum sem öllum
er það sameiginlegt að eiga að hafa
snúið baki við Boga á ögurstundu.
Sömuleiðis gerir höfundur því
skóna að með viðskiptabrellum hafi
undirritaðir hagnast um hundruð
milljóna króna eins og hendi væri
veifað og annars staðar í bókinni
gefur höfundur í skyn að seljendum
hafi verið mismunað, bankastarfs-
maður hafi hagnast óeðlilega og
áfram mætti lengi telja. Ekkert af
þessu á við nokkur rök að styðjast.
Þeir sem best þekkja til taka þó
einnig eftir veigamiklum þáttum
málsins sem ekki eru gerðir að um-
talsefni í bókinni. Þau atriði, rétt
eins og svo margar skýringar og
svör við ásökunum höfundarins, eru
tengd fjárreiðum hans. Einmitt
þess vegna höfum við forðast að
ræða málið í einstökum efnisatrið-
um á opinberum vettvangi. Sú
mynd sem bókarhöfundur dregur
upp, og þau samtöl sem hann marg-
sinnis setur í gæsalappir og telur
sig þannig muna frá orði til orðs, er
að okkar mati óravegu frá þeim
raunveruleika sem við blasir. Í
trausti þess að starfsfólk og við-
skiptavinir Húsasmiðjunnar gjaldi
varhug við þeim fullyrðingaflaumi
sem bókin inniheldur, og með hlið-
sjón af því hve atburðarásin er sam-
ofin persónulegum aðstæðum bók-
arhöfundar, munum við víkja okkur
undan efnislegri umræðu í fjölmiðl-
um eftir því sem kostur er og von-
umst við til þess að þeirri ákvörðun
verði sýndur skilningur.“
Yfirlýsing frá eigendum Húsasmiðjunnar um ásakanir Boga Þórs
Fjarri raun-
veruleikanum
Morgunblaðið/Árni Sæberg
Húsasmiðjan skipti um eigendur í sumar í óþökk fyrrverandi forstjóra.
ÖLLU fé á bænum Njálsstöðum í
Austur-Húnavatnssýslu hefur verið
fargað eftir að riða greindist þar.
Þetta er eina tilfellið af riðu sem hefur
greinst á landinu í haust.
Að sögn Sigurðar Sigurðarsonar,
dýralæknis á Keldum, var það bónd-
inn á bænum sem gerði viðvart um
veikindi og eftir skoðun dýralæknis
kom í ljós að um riðuveiki var að
ræða. „Þegar riðuveiki kemur upp er
öllu fé fargað á viðkomandi bæ og
þetta voru liðlega 170 kindur.“
Aðspurður segir Sigurður þetta
vera eina riðuveikitilfellið sem hafi
greinst á þessu hausti en það sé nokk-
urt áfall að hún skyldi koma upp. „Það
eru líklega 16–17 ár síðan þarna var
riða. Það sýnir bara að menn þurfa að
vera á varðbergi og verða að láta vita
um kindur sem eru laslegar með ein-
kenni frá miðtaugakerfi. Þá mega
menn ekki hýsa fé frá öðrum og eiga
ekki að versla með fé á milli bæja. Það
er stórhættulegt einmitt vegna þess
að riðan getur leynst ennþá.“
Sigurður segir mikinn árangur
hafa náðst í baráttunni við riðuveikina
og nefnir í því sambandi að veikin hafi
greinst á yfir 200 bæjum á landinu
fyrir 16–17 árum en síðustu ár hafi
hins vegar aðeins örfá tilfelli greinst.
Öllu fé á
Njálsstöð-
um fargað
vegna riðu
„ÞETTA horfir mjög vel enda munu
þarna takast á þingið og þjóðin,“
sagði Bjarni Harðarson, upplýsinga-
fulltrúi Kvæðaþingsins á Selfossi,
sem fram fer í kvöld á Hótel Selfossi
klukkan 20.30.
Þar takast á lið Alþingis með þeim
Halldóri Blöndal, forseta Alþingis,
Jóni Kristjánssyni heilbrigðisráð-
herra og Steingrími Sigfússyni al-
þingismanni og lið þjóðarinnar með
Hjálmari Jónssyni dómkirkjupresti,
Flosa Ólafssyni leikara og Hákoni
Aðalsteinssyni, náttúrulífsmanni af
Austurlandi. Ómar Ragnarsson
fréttamaður blæs til leiks klukkan
20.30 og þá mun Guðni Ágústsson
landbúnaðarráðherra kasta fram
stöku og hefja leikinn. Síðan mun
Ómar etja liðunum saman og kynda
undir skáldanáttúru liðanna.
Þingið og
þjóðin kveða
á kvæðaþingi
Selfossi. Morgunblaðið.
♦ ♦ ♦
♦ ♦ ♦
FJÓRIR fyrrverandi starfsmenn
Bónuss á Ísafirði, á aldrinum 18–22
ára, hafa í Héraðsdómi Vestfjarða
verið fundnir sekir um að hafa dreg-
ið sér fé úr sjóðvélum verslunarinnar
á nokkurra mánaða tímabili. Menn-
irnir notuðu starfsmannakort til að
skrá rafrænar peningafærslur í bók-
haldsgögn fyrirtækisins sem skuld-
færðar voru á launareikninga fólks-
ins. Fjárhæðirnar voru skuldfærðar
á fólkið og síðan dregnar af launum
þess við launauppgjör að frádregn-
um starfsmannaafslætti. Samtals
drógu starfsmennirnir sér með þess-
um hætti samtals um 154 þúsund
krónur.
Fram kemur í dómnum að sak-
borningarnir játuðu greiðlega brot
sín sem framin voru frá desember á
síðasta ári fram í mars á þessu ári.
Með tilliti til þess og ungs aldurs
sakborninganna þótti dómnum rétt
að fresta ákvörðun refsingar þeirra
og fellur refsingin niður að tveimur
árum liðnum haldi fólkið almennt
skilorð. Einum sakborningnum var
gert að greiða rúmar 14 þúsund
krónur í skaðabætur.
Drógu sér fé
úr sjóðvélum
Bónuss