Morgunblaðið - 10.12.2002, Blaðsíða 48
48 ÞRIÐJUDAGUR 10. DESEMBER 2002 MORGUNBLAÐIÐ
!
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
MANNRÉTTINDADAGUR
Sameinuðu þjóðanna er 10.
desember. Síðan 1956 hefur
Alþjóðasamband Sorop-
timista valið þennan sama
dag sem alþjóðadag So-
roptimista. Víða í heim-
inum ríkir mikil fátækt og
neyð og hefur forseti al-
þjóðasambandsins árlega
valið verkefni þennan dag til að
hjálpa konum og börnum sem eru í
mjög brýnni þörf fyrir aðstoð. For-
setinn leggur fram beiðni eða ákall
til allra Soroptimista, þar sem sér-
hver Soroptimisti er beðinn að neita
sér um einhvern munað þennan eina
dag og leggja andvirðið af mörkum
til verkefnisins.
Í ár er verkefnið unnið í samvinnu
við samtökin „Læknar án landa-
mæra“ og beinist að alnæmissmit-
uðum í Úkraínu. Á árinu 2001 voru
um 300.000 íbúar Úkraínu HIV-
smitaðir. Alþjóðaforseti Soroptim-
ista biður um að safnað verði í sjóð
til að hægt verði að hjálpa konum í
Úkraínu að komast í læknismeðferð
svo koma megi í veg fyrir að alnæmi
berist frá móður til barns. Til að
stemma stigu við útbreiðslu alnæm-
is leggja „Læknar án landamæra“
áherslu á að hjálpa fólki sem greinst
hefur með vírusinn. Samtökin hafa
verið að vinna í Úkraínu frá 1999 og
fengu þau friðarverðlaun Nóbels
það sama ár. Áætlað framlag
Soroptimista til samtakanna er
200.000 bresk pund.
Auk þess að leggja eitt-
hvað af mörkum til þeirra
sem minnst mega sín 10.
desember ár hvert velur
stjórn Alþjóðasambands
Soroptimista verkefni
fjórða hvert ár sem unn-
ið er sameiginlega að.
Verkefnið 1999–2003 nefn-
ist „Limbs for Life“ en í maí sl.
höfðu þegar safnast 600.000 bresk
pund í þetta fjögurra ára verkefni.
Verkefnið er unnið í samvinnu við
Alþjóðanefnd Rauðakrossins í Genf
(ICRC) og er innt af hendi í
Georgíu, Angóla og Afganistan.
Mikið er af fórnarlömbum jarð-
sprengna í þessum löndum og er
markmiðið að endurheimta mann-
lega reisn þeirra sem misst hafa út-
limi af völdum jarðsprengna með því
að gefa þeim gervilimi og hjálpa
þeim þannig til að eignast nýtt líf og
verða aftur virkir þátttakendur í
þjóðfélaginu. Fórnarlömbin fá bæði
andlega og líkamlega endurhæfingu.
Soroptimistar vinna jafnframt að
ýmsum mannúðarmálum hver í sinni
heimabyggð sem og á landsvísu.
Höfuðmarkmið þeirra er að vinna að
betra mannlífi í hverfulum heimi.
HILDUR
HÁLFDANARDÓTTIR,
upplýsingafulltrúi SI/Í.
Alþjóðadagur Soropt-
imista 10. desember
Frá Hildi Hálfdanardóttur:
JAKOB Frímann Magnússon, tón-
listarmaður og frambjóðandi í próf-
kjöri Samfylkingarinnar í Reykja-
vík á dögunum, ritar grein í
Morgunblaðið 7. desember um
Reykjavíkurbréf blaðsins 17. nóv-
ember. Segir hann bréfið hafa
markað „vatnaskil í áralangri bar-
áttu hins íslenska tónlistar- og vit-
undariðnaðar fyrir því að tilvist
greinarinnar sé yfir höfuð viður-
kennd hér á landi“.
Vill Jakob Frímann lækka skatta
á þennan iðnað og breyta skatt-
heimtu. Þá vill hann opinberan
ferða- og markaðssetningarsjóð og
nefnir til sögunnar útflutnings- og
tónlistarsjóð, sem hann segir lengi
hafa verið á teikniborði viðskipta-
og iðnaðarráðherra en ég hafi veitt
hugmyndinni markvissa og stað-
fasta andstöðu og beri „stærsta
ábyrgð á því að málið er aftur kom-
ið á núllpunkt“.
Hér er hallað réttu máli, eins og
ég hef margsinnis skýrt, en þessi
stjórnmálaandstæðingur minn vill
ekki viðurkenna. Áður en ég kem
að sjóðnum vil ég minna Jakob Frí-
mann og aðra á þá staðreynd varð-
andi skattamálin, að ég beitti mér
fyrir niðurfellingu skemmtana-
skatts, sem hafði um árabil verið
þyrnir í auga tónlistarmanna.
Í tíð minni tilnefndi menntamála-
ráðuneytið fulltrúa í nefnd á vegum
iðnaðar- og viðskiptaráðuneytisins
til að fjalla um sjóðinn, sem Jakobi
Frímanni er svo kær. Frá nefndinni
kom tillaga að frumvarpi. Þegar
fjallað var um frumvarpið á vett-
vangi ríkisstjórnar spurði ég, hvort
þetta málefni félli undir iðnaðar- og
viðskiptaráðuneyti eða mennta-
málaráðuneyti. Forsætisráðuneytið
svaraði spurningunni á þann veg,
að málið félli undir menntamála-
ráðuneytið. Beindi ég málinu þá í
þann farveg, að tekið yrði af skarið
í heildarlöggjöf um tónlistarmálefni,
en vinnu við hana hafði ég ýtt úr
vör.
Rói menn á röng mið fiska þeir
ekki. Þeir, sem treysta leiðsögn
Jakobs Frímanns Magnússonar
vegna þessa frumvarps, róa á röng
mið. Fráleitt er fyrir Jakob Frí-
mann að varpa eigin ábyrgð á mín-
ar herðar.
Að iðnaðar- og viðskiptaráðu-
neytið skuli ekki hafa áttað sig
sjálft á valdmörkum sínum í þessu
máli heldur hafi forsætisráðuneytið
þurft að úrskurða um þau er um-
hugsunarefni fyrir áhugamenn um
stjórnsýslulega hlið málsins. Mál-
flutningur Valgerðar Sverrisdóttur,
iðnaðar- og viðskiptaráðherra, með-
al annars hér í Morgunblaðinu,
vegna andstöðu við raforkulaga-
frumvörp hennar í þingflokkum rík-
isstjórnarinnar, sýnir, að henni er
hvorki tamt né auðvelt að líta í eig-
in barm til að leita að farsælli leið
fyrir frumvörp sín, þegar þeim er
andmælt með skýrum og efnisleg-
um rökum.
BJÖRN BJARNASON,
Alþingi.
Róið á röng mið
Björn Bjarnason skrifar: