Morgunblaðið - 10.12.2002, Blaðsíða 47

FRÉTTIR
MORGUNBLAÐIÐ ÞRIÐJUDAGUR 10. DESEMBER 2002 47
ALLS var tilkynnt um 21
innbrot í Reykjavík um
helgina, í flestum tilvikum
í bifreiðar. Tilkynntir voru
11 þjófnaðir og 23 skemmdarverk.
Nokkrar líkamsárásir voru tilkynnt-
ar í miðborginni um helgina en ekki
hlutust af þeim alvarleg meiðsli.
Á föstudagskvöldið var haldið uppi
sérstöku umferðareftirliti á Kringlu-
mýrarbraut og voru stöðvuð rúmlega
1.400 ökutæki. Ástand almennt gott
en þó nokkrir voru ekki með ökuskír-
teini meðferðis og nokkrir með út-
runnin ökuskírteini, en enginn ölvað-
ur undir stýri. Aðeins voru tveir
ökumenn grunaðir um ölvun.
Tilkynnt var um 48 umferðaróhöpp
og urðu í þrem tilvikum minniháttar
meiðsli á fólki.
Á föstudag féll maður úr 5 metra
stiga í Grafarvogi er hann rann til.
Var hann fluttur á slysadeild í sjúkra-
bifreið en meiðsl hans ekki talin al-
varleg. Þá féll maður fram af þaki í
austurborginni á sunnudag er hann
var að hengja upp jólaskreytingu.
Hann lenti á höfðinu og hlaut áverka
á höfði ásamt því að handleggs-
brotna.
Tilkynnt var um reyk í íbúð í Breið-
holti á föstudag. Þarna hafði matur
gleymst á pönnu og kom af mikill
reykur. Var einn maður fluttur á
slysadeild með reykeitrun.
Sló og sparkaði í lögreglumann
Á föstudagskvöld voru lögreglu-
menn að ræða við ökumann í Þing-
holtunum er kona kom aðvífandi og
sló annan lögreglumanninn í andlitið
og sparkaði í hann. Var konan hand-
tekin og færð á lögreglustöð en hún
var mjög ölvuð. Ekki gat hún gert
grein fyrir háttalagi sínu.
Nokkru seinna veittu lögreglu-
menn á eftirlitsferð athygli þrem
mönnum þar sem þeir brutu rúðu í
verslun í miðborginni. Hlupu menn-
irnir á brott en lögreglumennirnir
náðu einum þeirra og var hann vist-
aður í fangageymslu.
Rúmlega tvítugur maður tók leigu-
bifreið til að komast heim til sín í
austurborgina á laugardagskvöldið.
Er hann var kominn á áfangastað
æstist hann, skemmdi gleraugu leigu-
bílstjórans og skemmdi auk þess
spegil og gjaldmæli bílsins. Móðir
mannsins kom út leigubílstjóranum
til aðstoðar og sat ofaná syni sínum
þar til lögreglan kom á vettvang. Var
maðurinn vistaður í fangageymslu
þar sem móðirin treysti sér ekki til að
taka við honum í þessu ástandi.
Á sunnudag kviknaði í sorp-
geymslu í Grafarvogi. Urðu slökkvi-
liðsmenn að brjóta sér leið inn í
geymsluna en þar logaði í einni tunn-
unni. Talsverður reykur komst inn í
anddyrið og urðu af einhverjar
skemmdir.
Úr dagbók lögreglu – 6. til 9. desember
Aðeins tveir grunaðir
um ölvun við akstur
Kynningarfundur í Norræna hús-
inu Heildstæð sýn á náttúrufar á
hálendi Íslands verður miðvikudag-
inn 11. desember kl. 16.30–18. Á
fundinum í Norræna húsinu verður
greint frá framvindu verkefnisins
og stöðu rannsókna. Þá verður
fjallað um niðurstöður sem nú þeg-
ar hafa komið fram. Erindi flytja
Jón Gunnar Ottósson, Sigurður H.
Magnússon, Guðmundur A. Guð-
mundsson og Borgþór Magnússon.
Verkið var unnið í samvinnu Orku-
stofnunar, Landsvirkjunar og
Náttúrufræðistofnunar og kostað
af þessum aðilum og með framlagi
Orkusjóðs vegna rammaáætlunar.
Á MORGUN
EFTIRFARANDI ályktun hefur
borist Morgunblaðinu frá Félagi há-
skólakennara og Félagi prófessora:
„Stjórnir Félags háskólakennara
og Félags prófessora fordæma um-
mæli stjórnarformanns Landsvirkj-
unar um þrjá nafngreinda prófess-
ora í sjónvarpsviðtölum undanfarna
daga. Þar segir stjórnarformaðurinn
að prófessorarnir þrír hafi fórnað
starfsheiðri sínum í þágu pólitísks
málstaðar.
Félag háskólakennara og Félag
prófessora leggja á það þunga
áherslu að grundvallarmunur er á
því annars vegar að deila um ein-
stakar staðreyndir og hins vegar að
saka vísindamenn um óheiðarleg og
óvísindaleg vinnubrögð. Með um-
mælum sínum vegur stjórnarfor-
maður Landsvirkjunar að starfs-
heiðri viðkomandi einstaklinga
samtímis því sem virst getur að til-
raun sé gerð til að hræða vísinda-
menn frá þátttöku í almennri þjóð-
félagsumræðu. Mikilvægt er að hafa
hugfast að hverjar sem skoðanir
manna á virkjunarframkvæmdum
og áhrifum þeirra á náttúruna eru,
geta deilur um túlkun vísindalegra
gagna aldrei réttlætt að vegið sé að
starfsheiðri manna. Stjórnarformað-
ur Landsvirkjunar væri maður að
meiri drægi hann ummæli sín til
baka.“
Mótmæla orðum
stjórnarformanns
Landsvirkjunar
Tilkynning hafði borist
frá Landspítala
Í frétt af kæru vegna meintra mis-
taka við fæðingaeftirlit á Landspít-
alanum, sem birtist í Morgunblaðinu
föstudaginn 6. desember sl., segir
Haukur Valdimarsson aðstoðarland-
læknir að Landspítalinn hafi ekki
sent tilkynningu vegna atviksins. Við
nánari skoðun hjá embættinu kom í
ljós að tilkynningin hafði borist frá
spítalanum 19. nóvember sl. Emb-
ættið hefur beðið starfsfólk Land-
spítalans afsökunar á þessum mis-
tökum.
LEIÐRÉTT
LÖGREGLAN í Reykjavík lýsir eftir
vitnum að þessum umferðaróhöppum
en í öllum tilvikum fóru þeir sem ollu
tjóninu af vettvangi:
Á tímabilinu frá kl. 16 föstudaginn
6. desember til kl.10 á laugardags-
morgni var ekið utan í græna Ford
Mondeo fólksbifreið, sem lagt var ut-
an við bílskúr merktan húsi nr. 23 í
Logalandi.
Á sunnudaginn var ekið á bifreiðina
VM-199, sem er Nissan Primera,
fólksbifreið, græn að lit, og farið af
vettvangi. Atvikið varð við Iðufell 4, í
Reykjavík, á milli kl. 15:30 og 17.
Ekið var utan í rauða Daihatsu Sir-
ion bifreið sem stóð fyrir utan hús nr.
1 í Hryggjarseli, á tímabilinu frá kl.
18, föstudaginn 6. desember til kl. 12
að morgni laugardags.
7. desember á milli kl. 15:30 og
16:15 var ekið utan í gráa Hyundai
Accent fólksbifreið, sem lagt var í bif-
reiðastæði við Bónus við Selásbraut.
Lýst er eftir vitnum að umferðar-
óhappi er varð í Stigahlíð við Suður-
ver, laugardaginn 7. desember um
kl.17:45. Þarna mun dökkri fólksbif-
reið hafa verið bakkað út frá bifreiða-
stæði við Suðurver og ekið við það ut-
an í svarta BMW fólksbifreið, sem
lagt var við gangstétt í Stigahlíð.
Lýst eftir vitnum
♦ ♦ ♦