Morgunblaðið - 10.12.2002, Blaðsíða 25
SUÐURNES
MORGUNBLAÐIÐ ÞRIÐJUDAGUR 10. DESEMBER 2002 25
HEIMILISLÆKNARNIR á Suð-
urnesjum virðast almennt hafa horf-
ið frá því að ráða sig aftur til starfa á
heilsugæslustöðvunum þar. Þeir
tveir sem búið var að fá til starfa og
áttu að byrja á föstudag og í gær
hættu við. Framkvæmdastjóri stofn-
unarinnar vill halda viðræðum
áfram.
Gunnar Þór Jónsson, einn þeirra
tólf lækna sem létu af störfum 1. nóv-
ember, segir að heimilislæknarnir
hafi rætt saman um helgina um til-
boð Heilbrigðisstofunar Suðurnesja
(HSS) um endurráðningu. Segir
hann að fram hafi komið hjá fram-
kvæmdastjóranum að ekki standi til
að endurráða nema hluta þeirra.
„Við erum reiðir og sárir yfir því og
höfum verulegar áhyggjur fyrir
hönd skjólstæðinga okkar af því
hvers konar þjónustu eigi að bjóða
þeim upp á í framtíðinni,“ segir
Gunnar Þór. Segir hann að rætt sé
um að ráða 7 til 8 lækna en læknar á
Suðurnesjum eigi að vera ellefu til
tólf samkvæmt viðmiðun heilbrigð-
isráðuneytisins um fjölda íbúa á bak
við hvern lækni.
Í tilboði Heilbrigðisstofnunarinn-
ar felst einnig að felld eru niður öll
þau staðbundnu starfskjör sem
læknarnir höfðu áður en þeir sögðu
upp.
Gunnar Þór leggur áherslu á að
læknarnir hafi boðist til að koma til
baka og vinna í þrjá mánuði án nokk-
urra kjarabóta og vonast til að það
myndi fyrnast yfir þau leiðindi sem
skapast hefðu í deilunni. „Við höfum
sem hópur ekki tekið afstöðu til til-
boðs Heilbrigðisstofnunarinnar en
mér virðist menn hafa orðið afhuga
því að fara þangað aftur til vinnu,“
segir Gunnar. Sjálfur segist hann
hafa ákveðið að sækja ekki um vinnu
í Keflavík í bili og hafa gert ráðstaf-
anir til að komast í vinnu annars
staðar og segist vita að þetta sé af-
staða fleiri félaga hans.
Vill halda áfram viðræðum
Sigríður Snæbjörnsdóttir, fram-
kvæmdastjóri HSS, segir ekkert
ákveðið um það hve margir læknar
verði ráðnir. Hún segist hafa verið í
starfinu í viku, hafi komið að heilsu-
gæslunni læknislausri og ekki geti
talist óeðlilegt að hún vilji fara yfir
skipulag stofnunarinnar og hug-
myndir að breytingum á því. Tekur
þó fram að engar slíkar ákvarðanir
hafi verið teknar. Þá vekur hún at-
hygli á því að í viðræðum við
læknana sé aðeins verið að tala um
tímabundna ráðningu, til 1. mars
næstkomandi, en það er sá tími sem
Félag heimilislækna og heilbrigðis-
ráðuneytið gáfu sér til að ræða um
breytt fyrirkomulag.
Tveir heimilislæknar eru nú starf-
andi á heilsugæslustöðinni í Kefla-
vík. Búið var að fá tvo til viðbótar,
annar hóf störf á föstudag og hinn
ætlaði að hefja störf í gær. Þeir
hættu hins vegar við um helgina, að
sögn Sigríðar, og gáfu þær skýring-
ar að þeir treystu sér ekki til að
vinna við þær kringumstæður sem
þar eru nú.
Þegar haft var samband við Sig-
ríði í gær taldi hún sig ekki vera
búna að fá formlegt svar við tilboði
sínu til læknanna og vildi halda
áfram viðræðum við þá.
Heimilislæknarnir farnir að huga að öðrum störfum
Hættu við að hefja
störf um helgina
Keflavík
MEÐ gleðiraust og helgum hljóm
er yfirskrift aðventutónleika
Kvennakórs Suðurnesja og Söng-
sveitarinnar Víkinga sem haldnir
verða næstu daga.
Í dag, þriðjudag, verða tónleikar
í Safnaðarheimilinu í Sandgerði og
á morgun, miðvikudag, í Ytri-
Njarðvíkurkirkju. Tónleikarnir
hefjast kl. 20.30 bæði kvöldin.
Kórarnir flytja jólalög og kirkju-
tónlist frá ýmsum tímum. Sigrún
Ósk Ingadóttir syngur einsöng
með kvennakórnum og Peter
Szklenár leikur á franskt horn.
Stjórnendur kóranna eru þau
Krisztina Szklenár og Sigurður
Sævarsson. Undirleikari er Elín
Davíðsdóttir.
Aðgangseyrir er 1.200 krónur.
Formenn kóranna hvetja Suður-
nesjamenn til að líta upp úr jóla-
undirbúningnum til að njóta tón-
listarinnar.
Með gleðiraust og
helgum hljóm
Sandgerði/Njarðvík
JÓLASTUND fyrir fimm til átta
ára börn í Reykjanesbæ verður
haldin í Duus-húsum dagana 10. til
13. desember. Dagskráin hefst
klukkan 9.30 í dag og hina tvö dag-
ana og stendur í um það bil klukku-
stund.
Fluttur verður leikþátturinn Jóla-
gjöfin hennar Grýlu sem skrifaður
er og leikinn af Jóni Páli Eyjólfssyni
og Ingibjörgu Þórisdóttur. Einnig
verður dansað í kringum jólatré við
undirleik harmóníkuleikara.
Menningar-, íþrótta- og tóm-
stundasvið Reykjanesbæjar býður
börnunum á dagskrána en að henni
standa einnig menningarfulltrúi,
bókasafn og byggðasafn bæjarins.
Börnum boðið á jóla-
stund í Duus-húsum
Reykjanesbær
ALLTAF er hátíðarstund þegar
kveikt er á jólatrénu frá Hirtshals,
vinabæ Grindavíkur í Danmörku.
Um helgina var einnig kveikt á
jólatrénu á Tjarnargötutorgi í
Keflavík en það er gjöf frá Krist-
iansand, norskum vinabæ Reykja-
nesbæjar.
Eftir þessa athöfn eru Grindvík-
ingar almennt komnir í jólaskapið,
skreyta hús sín með jólaljósum og
hefja undirbúning hátíðarinnar
fyrir alvöru.
Einhverjir eru reyndar löngu
byrjaðir og Grindavíkurbær er bú-
inn að setja upp jólaskraut á ljósa-
staurana fyrir nokkru. Ljóst er að
mörg hús eru mikið skreytt og nú
má segja að keppni sé hafin í jóla-
götu bæjarins því ekki er lengur
hægt að velja á milli einstakra
húsa í bænum hvað þetta varðar.
Morgunblaðið/Garðar Páll Vignisson
Jólasveinarnir hjálpuðu til við að kveikja á jólatré bæjarins.
Jólaljós um allan bæ
Grindavík
FJÓLA Jóns hefur opnað sýningu á verkum
sínum í Gallerí Hringlist, Hafnargötu 16 í
Keflavík. Sýningin stendur út mánuðinn.
Á sýningunni eru verk sem Fjóla hefur
unnið að undanfarið ár. Hún hefur stundað
nám í myndlist frá árinu 1993, meðal ann-
ars í Myndlistarskóla Hafnarfjarðar og
Myndlistarskóla Reykjavíkur. Einnig hefur
hún notið leiðsagnar Reynis Katrínar
myndlistarmanns.
Þetta er sjötta einkasýning Fjólu en hún
hefur einnig tekið þátt í fjölda samsýninga.
Fjóla sýnir í
Hringlist
Keflavík
Eitt verka Fjólu.
Við erum komin í jólaskap...
...og bjóðum upp á ilmandi kaffi og piparkökur.
Verið velkomin í jólastemmninguna.
N
O
N
N
I
O
G
M
A
N
N
I
I
Y
D
D
A
/
s
ia
.i
s
/
N
M
0
7
9
4
8