Morgunblaðið - 21.12.2002, Blaðsíða 2

FRÉTTIR
2 LAUGARDAGUR 21. DESEMBER 2002 MORGUNBLAÐIÐ
Ingibjörg verður að velja
Halldór Ásgrímsson, formaður
Framsóknarflokksins, segir að Ingi-
björg Sólrún Gísladóttir borgar-
stjóri verði að velja um hvort hún
vilji vera borgarstjóri áfram eða fara
í framboð til þings.
Sekt fyrir vonda ráðgjöf
Helstu verðbréfafyrirtækin í
Bandaríkjunum hafa samþykkt að
greiða næstum einn milljarð dollara
í sekt til þess að stöðvuð verði rann-
sókn á því hvort þau hafi ráðlagt við-
skiptavinum sínum að kaupa vafa-
söm hlutabréf og hyglað sumum
viðskiptavinum á óeðlilegan máta.
Bush vonsvikinn
George W. Bush Bandaríkja-
forseti kvaðst í gær vonsvikinn yfir
vopnaskýrslu Íraka til Sameinuðu
þjóðanna. Tók hann undir með Colin
Powell utanríkisráðherra er sagði
skýrsluna ekki auka líkur á frið-
samlegri lausn Íraksdeilunnar.
Ræða sameiningu
Stærsta fyrirtæki á Íslandi kann
að vera í burðarliðnum, verði af sam-
einingu SH og SÍF, en stjórnir fyr-
irtækjanna hafa lýst áhuga sínum á
að ræða formlega um sameiningu.
Samkomulag um niðurskurð
Sjávarútvegsráðherrar Evrópu-
sambandsins náðu samkomulagi í
Brussel um 45% niðurskurð þorsk-
afla miðað við kvóta í ár.
Hermenn viðbúnir
Tony Blair, forsætisráðherra
Bretlands, sagði breskum hermönn-
um í gær að þeir skyldu vera við-
búnir því að fara í stríð við Íraka ef
Saddam Hussein Íraksforseti yrði
ekki við kröfu Sameinuðu þjóðanna
um að afvopnast.
Snorri ekki höfundurinn
Guðrún Nordal segir að ekki sé
hægt að líta svo á að Snorri Sturlu-
son sé höfundur þeirrar Egils sögu
Skallagrímssonar sem birtist í nýút-
komnu safni ritverka Snorra. Egils
saga hafi breyst í meðförum kyn-
slóðanna og því erfitt að gefa nú
mynd af þeirri Eglu er til hafi orðið á
þrettándu öld.
L a u g a r d a g u r
21.
d e s e m b e r ˜ 2 0 0 2
2002
LAUGARDAGUR 21. DESEMBER BLAÐ B
B L A Ð A L L R A L A N D S M A N N A
GRINDAVÍK BESTI KOSTURINN FYRIR LEE SHARPE AÐ HEFJA NÝTT LÍF / B4
JULIAN Róbert Duranona hand
knattleiksmaður hefur gert stuttan
samning við þýska úrvalsdeildarliðið
Wetzlar og leikur með því tvo síðustu
leikina á þessu ári áður en hlé verður
gert á deildakeppninni í Þýskaland
vegna heimsmeistaramótsins
Portúgal. Duranona, sem nær ekk
ert hefur leikið handknattleik frá þv
í vor að hann var leystur undan
samningi N-Lübbecke, spilar með
Wetzlar á morgun gegn efsta lið
deildarinnar, Lemgo, og laugardag
inn 28. desember á móti Flensburg.
Nokkuð er um meiðsli í herbúðum
Wetzlar auk þess sem helsta skytta
liðsins, Hvít-Rússinn Gennadi Ka
lepo, er í hálfs árs leikbanni. Dura
nona er ætlað að fylla skarð Hvít
Rússans. Tveir aðrir Íslendingar
leika með liðinu, Sigurður Bjarnason
og Róbert Sighvatsson.
Hvort Duranona leikur áfram með
liðinu eftir HM ræðst nokkuð a
frammistöðu hans í leikjunum tveim
ur,“ sagði Rainer Dotzauer, fram
kvæmdastjóri Wetzlar við Wetzlar
Neue Zeitung í gær. „Ef Duranona
er í góðri æfingu þá er enginn vafi á
að hann getur nýst okkur mjög vel,“
sagði Dotzauer ennfremur.
Á undanförnum tveimur árum hef
ur Duranona glímt við ítrekuð og erf
ið meiðsli í hásin á hægri fæti og m.a
vegna þeirra vildi N-Lübbecke ekk
endurnýja samninginn við hann
vor. Í Wetzlar Neue Zeitung er sagt
að Duranona hafi æft upp á síðkastið
með 2. deildarliðinu Düsseldorf.
Duranona
hjá Wetzl-
ar um jólin
Eigandi Lyn er vellauðugur kaup-sýslumaður, Atle Brynestad, og
boðaði hann Teit á fund sinn í gær þar
sem þeir komust að samkomulagi um
að Íslendingurinn tæki að sér þjálfun
liðsins. Lyn hefur leitað að þjálfara að
undanförnu en liðið endaði í þriðja
sæti deildarinnar í ár og tekur þátt í
UEFA-bikarnum á næsta ári.
Teitur hefur komið víða við sem
þjálfari en hann hóf ferilinn á því sviði
hjá Skövde í Svíþjóð árið 1987. Árið
þar á eftir tók hann við Brann í Nor-
egi, fór þaðan til Lyn 1991. Árið 1993
þjálfaði hann Grei og tók við liði Lille-
ström árið 1994. Teitur þjálfaði lands-
lið Eistlands á tímabilinu 1994–1999
auk þess sem hann þjálfaði félagsliðið
Flora Tallinn á sama tímabili. Árið
2000 tók hann að nýju við Brann.
Á norska vefmiðlinum Nettavisen
er haft eftir nokkrum leikmanna liðs-
ins að þeir séu ekki yfir sig hrifnir af
ráðningu Teits og segir einn þeirra að
betra hefði verið að fá hugmyndir frá
leikmönnum liðsins. Nettavisen
greinir einnig frá því að margir af
leikmönnum Lyn hefðu frekar kosið
að fá hinn enska Stuart Baxter til
liðsins á ný. „Við verðum að bíða og
sjá hvað Teitur gerir í framhaldinu
Það eru fáir sem þekkja hann vel en
hann hlýtur að vera sterkur á svellinu
eftir að hafa þolað ýmislegt í herbúð
um Brann,“ er haft eftir sama leik
manni.
Mikil óreiða var á þjálfaramálum
liðsins á sl. leiktíð. Ungur norskur
þjálfari var ráðinn til starfa, Sture
Fladmark, en leikmenn liðsins ósk
uðu eftir að fá reyndari mann við hlið
hans. Á meðan á leitinni stóð stýrð
Fladmark liðinu í hæstu hæðir og um
hríð var Lyn með 11 stiga forskot á
Rosenborg sem varð síðan meistar
um haustið. Króatinn Hrvoje Braovic
var ráðinn um mitt sumar og eftir
ráðningu hans fór að halla undan
fæti, sem endaði með því að Braovic
car látinn fara frá félaginu.
Teitur til Lyn á ný
TEITUR Þórðarson hefur samið við norska úrvalsdeildarliðið Lyn
um að hann verði þjálfari þess til ársloka 2004. Teitur sagði upp hjá
Brann á þriðjudag en að hans mati hafði stjórn félagsins farið á bak
við hann í endurskipulagningu innra starfs félagsins. Þetta er í ann-
að sinn sem Teitur fer frá Brann og er ráðinn til starfa nánast með
það sama hjá Lyn. Undir hans stjórn varð Lyn í fjórða sæti árið 1991
og 5. sæti árið á eftir.
■ Líst vel á Teit B/4
■ Hugmyndir okkar B/2
KNATTSPYRNUSTJARNAN
gamalkunna frá Brasilíu, Pele, er
einn af ráðgjöfum Alþjóðaknatt-
spyrnusambandsins, FIFA og hef-
ur hann lagt fram hugmynd þess
efnis að í stað gulu spjaldanna
verði leikmenn sendir út af í tíu
mínútur og þeir komi síðan inn á
að nýju þegar sá refsitími er lið-
inn.
Samkvæmt heimildum norska
dagblaðsins VG er hugmyndin
upphaflega frá danska knatt-
spyrnusambandinu og hafa menn
á borð við Pele, Franz Becken-
bauer og Michel Platini tekið vel í
tillöguna. Leikmaður sem bryti af
sér færi þá af velli í stað þess að
fá gult spjald og bryti hann aftur
af sér myndi hann fá rautt spjald
líkt og tíðkast í dag.
Fyrirliði norska liðsins Stabæk,
Martin Andresen, segir að honum
þyki hugmyndin ágæt þar sem
gulu spjöldin þjóni ekki sínum til-
gangi. Oft væri brotið gróflega á
mönnum í upplögðum tækifærum
og gult spjald væri ekki næg refs-
ing í þeim tilvikum.
Terje Hauge, knattspyrnudóm-
ari frá Noregi, segir að skoða beri
málið með opnum huga en til-
lagan veki upp ýmsar nýjar
spurningar.
Pele vill sleppa
gulum spjöldum
Reuters
Svisslendingurinn Didier Defago á fullri ferð í brekku í Val Gardena á Ítalíu, þar sem hann fagnaði sigri í risasvigi í gær.
Samkomulag
Elísabetar og ÍBV
ÍBV Íþróttafélag í Vestmannaeyjum og El-
ísabet Gunnarsdóttir, sem þjálfaði kvennalið
félagsins í knattspyrnu síðasta sumar, hafa
komist að samkomulagi um starfslok hennar
hjá félaginu. Elísabetu var sagt upp störfum
af kvennaráði ÍBV í júlí og hún höfðaði mál á
hendur félaginu í kjölfarið, en hún hefur nú
fellt þá málsókn niður.
Í fréttatilkynningu frá aðalstjórn ÍBV
Íþróttafélags, sem gefin var út í gær, segir
meðal annars að félagið harmi „þau vinnu-
brögð er viðhöfð voru við brottrekstur El-
ísabetar Gunnarsdóttur... og vill koma á
framfæri afsökunarbeiðni varðandi þau um-
mæli sem fráfarandi formaður kvennaráðs
ÍBV lét hafa eftir sár í garð Elísabetar við
hina ýmsu fjölmiðla í kjölfar málsins.“
Yf ir l i t
Í dag
Sigmund 8 Viðhorf 46
Viðskipti 14/16 Minningar 48/53
Erlent 16/22 Menntun 54
Höfuðborgin 26 Kirkjustarf 66/67
Akureyri 30 Staksteinar 68
Suðurnes 31 Staksteinar 68
Árborg 34 Myndasögur 70
Landið 35 Leikhús 74
Listir 35/40 Fólk 74/81
Neytendur 46 Bíó 70/73
Heilsa 47 Ljósvakamiðlar 82
Forystugrein 42 Veður 83
* * *
HÉRAÐSDÓMUR Reykjavíkur dæmdi í gær átta
manns í fangelsi fyrir hlutdeild þeirra í þremur til-
raunum til innflutnings á samtals rúmlega 20 kíló-
um af hassi árið 2000. Hlutur mannanna í afbrot-
unum var afar misjafn. Þyngsti dómurinn var
tveggja ára fangelsi en sá vægasti tveggja mánaða
skilorðsbundið fangelsi. Sá sem hlaut þyngsta dóm-
inn, Sævar Þór Óskarsson, var búsettur í Hollandi á
þessum tíma og sá um að útvega allt hassið þar.
Um var að ræða þrjár smygltilraunir. Í þeirri
fyrstu var burðardýr stöðvað á Keflavíkurflugvelli
með um fimm kíló af hassi.
Í annarri tilraun var háseti á Goðafossi fenginn til
að koma 10 kílóum af hassi fyrir um borð en lög-
regla lagði hald á efnið í Reykjavíkurhöfn. Þá hafði
hásetinn lengi neitað að gefa samverkamönnum
sínum upp hvar í skipinu hann hefði falið hassið og
lögregla hafði leitað að því um borð, bæði í Rotter-
dam og í Reykjavík. Hásetinn var dæmdur í 10
mánaða fangelsi.
Í þriðju tilrauninni tók þáverandi 3. stýrimaður á
Mánafossi að sér að flytja hass til landsins. Ákært
var fyrir innflutning á 10 kílóum en dómurinn taldi
ekki sannað að meira en 5 kílóum hefði verið komið
um borð í skipið. Stýrimaðurinn sá síðan um að
kasta hassinu í sjóinn við Engey og hafði búið svo
um hnútana að hann taldi auðvelt að ná hassinu aft-
ur upp.
Tókst ekki að ná pakkanum
Það reyndist hins vegar þrautin þyngri og þrátt
fyrir ítrekaðar tilraunir til leitar tókst honum og
öðrum sakborningum ekki að ná pakkanum með
hassinu upp. Stýrimaðurinn hlaut eins árs fangelsi
fyrir aðild sína að málinu.
Maður sem hafði frumkvæði að innflutningi á 15
kílóum af hassi og aðstoðaði við að koma því í land
eftir að hingað til lands kom var dæmdur í 20 mán-
aða fangelsi. Annar hlaut 18 mánaða fangelsi fyrir
hlutdeild í smygli á 10 kílóum af hassi. Sú hlutdeild
þótti óveruleg en með þessu broti rauf hann skilorð
átta mánaða dóms. Menn sem einkum þjónaðu hlut-
verki milligöngumanna hlutu annars vegar sex
mánaða fangelsi og hins vegar fjögurra mánaða
skilorðsbundið fangelsi. Atvinnukafari sem kvaðst
aðeins hafa aðstoðað við leitina að nafninu til var
dæmdur í tveggja mánaða fangelsi, skilorðsbundið
til tveggja ára. Samstarfsmaður hans staðfesti að
ekki hefði verið um eiginlega leit að ræða. Taldi hér-
aðsdómur að þó að telja mætti að um hálfkák hefði
verið að ræða hefði hann freistað þess að finna um-
ræddan pakka. Ekki yrði talið með öllu útilokað að
hann fyndi pakkann og því yrði að refsa honum. Jón
Finnbjörnsson dómsformaður kvað upp dóminn
ásamt héraðsdómurunum Benedikt Bogasyni og
Sigurði Halli Stefánssyni. Kolbrún Sævarsdóttir
saksóknari sótti málið f.h. ríkissaksóknara.
Átta sakfelldir en einn
sýknaður í héraðsdómi
Ekki sannað að „sjó-
pakkinn“ hafi verið
þyngri en fimm kíló
ÞAÐ var eftirvænting í lofti þegar allir nemendur og
starfsmenn Salaskóla í Kópavogi snæddu saman jóla-
málsverð í gær en þetta var síðasta samkoman í skól-
anum fyrir jólafríið framundan. Alls sátu 210 manns
að jólasnæðingnum.
Á borðum var hangikjöt og auðvitað rann Ket-
krókur á lyktina og tók þátt í borðhaldinu. „Það var
sko ekta jólasveinn hjá okkur,“ segir Hafsteinn Karls-
son skólastjóri með áherslu. Hann undirstrikar þó að
stundin hafi verið ákaflega hátíðleg.
„Þarna voru allir krakkarnir með, 6–12 ára og svo
voru „virðuleg“ skemmtiatriði eða klassísk jóla-
tónlist, sem flutt var af tónlistarfólki í kennara-
hópnum.“
Eitthvað virðist eftirvæntingin eftir jólunum hafa
verið yfirþyrmandi fyrir hluta matargesta. „Sum fóru
að gráta þegar allt var búið af því að þeim finnst svo
langt þangað til að skólinn byrjar aftur og eiga eftir
að sakna hans,“ segir Hafsteinn hálfhlæjandi en játar
að þetta sé ekki slæm viðurkenning fyrir skólann.
Líklega má þó ætla að sorgin renni fljótt af unga
fólkinu, ekki síst í ljósi hátíðanna framundan.
Morgunblaðið/Sverrir
Ketkrókur rann á hangikjöts-
lyktina í Salaskóla í Kópavogi
HALLDÓR Ásgrímsson, formaður
Framsóknarflokksins, segir alveg
ljóst að fái hann ekki áfram sæti á
Alþingi í næstu þingkosningum
verði flokkur hans ekki aðili að
nokkurri ríkisstjórn. Samkvæmt
skoðanakönnun á fylgi flokkanna
sem DV birti í gær fengi Ingibjörg
Sólrún Gísladóttir sæti á þingi,
tæki hún 5. sæti á lista Samfylk-
ingar í Reykjavíkurkjördæmi norð-
ur, en Framsóknarflokkurinn fengi
engan mann kjörinn í Reykjavík-
urkjördæmunum tveimur og því
dytti Halldór út af þingi.
Í Kastljósi Ríkissjónvarpsins í
gærkvöldi var Halldór Ásgrímsson
spurður hvort hann teldi, eins og
Steingrímur J. Sigfússon, formað-
ur Vinstrihreyfingarinnar – græns
framboðs, að líkur á vinstri stjórn
eftir kosningar til Alþingis næsta
vor hefðu minnkað með ákvörðun
borgarstjóra að bjóða sig fram.
Málin metin
eftir kosningar
Halldór sagðist ekki vilja kalla
það vinstri stjórn en sagði ljóst að
„ef Halldór Ásgrímsson fær ekki
kosningu inn á þing þá verður nú
vart Framsóknarflokkurinn aðili
að nokkurri ríkisstjórn. Þannig að
við verðum að meta málin að lokn-
um kosningum. Við getum ekki
verið að spá í spilin núna. Fjöl-
miðlar í allan dag hafa verið að
reikna þetta út, þótt það muni nú
þarna kannski einu atkvæði. Þá
náttúrlega liggur alveg ljóst fyrir
að ef það er útkoman þá verður
Framsóknarflokkurinn ekki með í
ríkisstjórn,“ sagði Halldór Ás-
grímsson.
Framsókn ekki í
stjórn falli Halldór
EINN af fjórum Pólverjum sem nú
eru í gæsluvarðhaldi vegna gruns
um þátttöku í innbrotum á Suður- og
Vesturlandi er eftirlýstur í Póllandi
fyrir nauðgun, innbrot og bílþjófnaði
o.fl. Tekið er fram að hann sé ofbeld-
isfullur og geti verið hættulegur.
Alþjóðadeild ríkislögreglustjóra
hefur sent pólskum lögregluyfirvöld-
um upplýsingar um að maðurinn sé í
haldi hér á landi en ekki hefur borist
ósk um að hann verði framseldur.
Að sögn Ómars Smára Ármanns-
sonar, aðstoðaryfirlögregluþjóns hjá
lögreglunni í Reykjavík, fundust
munir úr tíu innbrotum, allt frá Jök-
ulsárlóni á Breiðamerkursandi að
Snæfellsnesi, á dvalarstað mann-
anna og í bifreiðinni sem þeir voru í
þegar lögregla stöðvaði þá.
Í varðhaldi til 9. janúar
Þeir sitja allir í gæsluvarðhaldi en
Héraðsdómur Reykjavíkur féllst í
gær á kröfu lögreglunnar um áfram-
haldandi gæsluvarðhald til 9. janúar
yfir einum þeirra. Hann slasaðist
þegar hann kastaði sér út úr bifreið-
inni á flótta undan lögreglu. Menn-
irnir hafa dvalið hér á landi í mis-
langan tíma en hafa ekki dvalar- eða
atvinnuleyfi. Auk rannsóknar á inn-
brotum og þjófnuðum hefur ferill
mannanna verið rannsakaður er-
lendis. Tveir eiga sakaferil þar. Öðr-
um var vísað frá Danmörku á síðasta
ári en hinn er eftirlýstur í Póllandi
m.a. fyrir nauðgun og bílþjófnaði.
Eftir-
lýstur í
Póllandi