Morgunblaðið - 21.12.2002, Blaðsíða 14

VIÐSKIPTI/ATHAFNALÍF
14 LAUGARDAGUR 21. DESEMBER 2002 MORGUNBLAÐIÐ
ALLS bárust 554 umsóknir í 2.000
tonna byggðakvóta sjávarútvegs-
ráðuneytisins sem auglýstur var fyrr
í þessum mánuði en sjávarútvegsráð-
herra kynnti úthlutun kvótans í gær.
Alls fengu 59 umsóknir úthlutun en í
mörgum þeirra stóðu fleiri en einn
aðili að baki umsókninni. Stærsta út-
hlutunin kom þannig í hlut umsóknar
14 aðila á Suðureyri, alls 160 tonn.
Umsóknirnar voru flokkaðar eftir
svæðum, farið yfir þær allar og
metnar í samræmi við ákvæði reglu-
gerðar sem fjallar um byggðakvóta.
Þar segir að á fiskveiðiárinu 2002/
2003 skuli úthluta 2.000 tonnum af
óslægðum botnfiski í þorskígildum
reiknað til stuðnings sjávarbyggð-
um, sem lent hafa í vanda vegna sam-
dráttar í sjávarútvegi. Við mat á um-
sóknum var m.a. horft til stöðu og
horfa í einstökum byggðarlögum
með tilliti til þróunar veiða og
vinnslu. Eins var metið hvort telja
mætti líklegt, m.a. miðað við þær
áætlanir sem fram komu í umsókn
um aflaheimildir, að úthlutunin
styrki sjávarbyggð til lengri tíma. Þá
var lagt mat á hvort um væri að ræða
samstarfsaðila í veiðum og vinnslu
innan byggða eða landsvæða og
hvort aðrar sértækar aðgerðir hefðu
verið gerðar til styrkingar viðkom-
andi sjávarbyggðum.
Úthlutunin er í þorski, ýsu, ufsa og
steinbít. Sérstakt punktakerfi var
notað til að meta hlut hvers land-
svæðis fyrir sig, þar sem tekið var
mið af tekjum, íbúafjölda, fólksfækk-
un, breytingum á aflaheimildum,
lönduðum afla og afla í vinnslu í ein-
stökum sjávarbyggðum.
Samstarf vó þyngst
Árni M. Mathiesen, sjávarútvegs-
ráðherra, sagði að við úthlutunina
hafi mikil áhersla verið lögð á sam-
starf aðila innan tiltekinna byggðar-
laga og svæða. Það væri því einkenn-
andi fyrir úthlutunina að samstarfs-
aðilar fengju mestan kvótann. Þá
hefðu hinar veikari byggðir, sem
byggjast á sjávarútvegi og hafa
minni möguleika til annarra hluta og
samdráttur í sjávarútvegi orðið hvað
mestur, vegið þyngra í mati á um-
sóknum. Árni sagði að byggðakvót-
anum væri ekki aðeins ætlað að
koma til móts við útgerðir á viðkom-
andi stöðum, heldur einnig land-
vinnsluna og landverkafólk. Þó hafi í
sumum tilfellum þurft að bregða frá
reglunum, til dæmis í þeim tilfellum
þar sem landvinnsla sé það veik-
burða að litlir möguleikar séu á sam-
starfi. Ekki hafi þótt rétt að útiloka
einstök byggðarlög vegna þessa.
Árni sagði að umsóknirnar hafi þó
verið afar mismunandi og í sumum
tilfellum hafi þær ekki þótt nægilega
marktækar til að hægt væri að út-
hluta kvóta eftir þeim. Þannig var 75
tonnum af byggðakvóta Húnaflóa
ekki ráðstafað að þessu sinni, 45
tonnum af kvóta Norðausturlands og
50 tonnum af kvóta Mið-Austur-
lands. Sagði Árni að væntanlega
verði leitað eftir samstarfi við sveit-
arstjórnir viðkomandi byggðarlaga
við úthlutun kvótans.
Sveitarstjórnir margra byggðar-
laga hafa haft forystu um samstarf
aðila á svæðunum og í mörgum til-
fellum verið úthlutað kvóta. Árni
sagði jákvætt að sveitarstjórnir
tækju að sér að leiða samstarf aðila
og tillit hafi verið tekið til þess við
mat á umsóknum. Það væri síðan
hlutverk sveitarstjórnanna að ráð-
stafa kvótanum, enda hafi í flestum
tilfellum verið tilgreint í umsóknun-
um með hvaða hætti það verði gert.
Að umsókn Suðureyrar stóðu 14
aðilar og var þeim úthlutað samtals
160 tonnum. Þeir sem stóðu að um-
sókninni eru Fiskvinnslan Íslands-
saga hf., Skræpa ehf., Klofningur
ehf., Krækir ehf., Flugalda ehf., Út-
gerðarfélagið Kristín ehf., Þorsteinn
Guðbjörnsson, Golan ehf., Aðal-
steinn Oddsson, Guðbjartur ehf.,
Percy ehf., Útgerðarfélagið Fimman
ehf. og Guðmundur Ingimundarson.
Næstmest af einstökum aflaheim-
ildum kom í hlut Sandgerðisbæjar,
100 tonn, og hreppsnefnd Hríseyjar
sem einnig fékk úthlutað 100 tonnum
fyrir hönd fjögurra aðila.
Fylgst með nýtingu kvótans
Byggðakvótinn er framseljanleg-
ur, að sögn Árna, til að gefa mögu-
leika á að víxla kvóta einstakra teg-
unda þar sem sérhæfing í vinnslu er
meiri. Hann sagði að við mat á um-
sóknum hafi allar einstakar útgerðir
verið kannaðar og þær útgerðir sem
hafi leigt frá sér kvóta í miklu magni,
verið útilokaðar frá úthlutun. Árni
sagði að ráðuneytið myndi í fram-
haldinu fylgjast með því hvernig
kvótinn verður nýttur; hvar honum
verður landað og hvar hann verður
unninn.
Árni sagði að allir umsækjendur
hafi haft möguleika á úthlutun, bæði
stærri og minni aðilar. Vissulega
væri margt matskennt við úthlut-
unina og eflaust myndi úthlutunin
vekja mismunandi viðbrögð. Að hans
mati hafi hér verið valin sanngjarn-
asta leiðin sem hægt var að fara.
554 umsóknir bárust í tvö þúsund tonna byggðakvóta sjávarútvegsráðuneytisins
Mesta út-
hlutunin til
Suðureyrar


 
   

 
  
   
 !
" #

   











$ 

 $!
%
 $& !
' (
  







 )( 







  *


&
 
     !
#&( 
$
       



)
 
   
$ 
 





STJÓRNIR SH og SÍF hafa báðar
lýst yfir vilja sínum til formlegra
viðræðna um sameiningu félaganna.
Óformlegar viðræður milli félag-
anna hafa átt sér stað að undan-
förnu og telja stjórnir beggja félag-
anna óheppilegt að það dragist á
langinn að finna út hvort samein-
ingu verði eða ekki. Formenn
stjórna beggja félaganna segjast
vonast til þess að af sameiningu
verði.
120 milljarða velta
Sameinað félag yrði hið lang-
stærsta á Íslandi með um 120 millj-
arða króna í ársveltu. Samlegðar-
áhrif gætu orðið veruleg, sparnaður
í rekstri að minnsta kosti hálfur
milljarður og aukinn styrkur á
mörkuðunum.
Stjórn SÍF hf. samþykkti á fundi
sínum í gær eftirfarandi tillögu:
„Stjórn SÍF hf. lýsir yfir vilja sín-
um til formlegra viðræðna við
stjórn SH hf. um sameiningu félag-
anna og óskar eftir svari þar að lút-
andi fyrir 10. janúar 2003.
Með vísan til fyrri bréfaskipta og
umræðna um þetta mál er það skoð-
un stjórnar SÍF hf., að óheppilegt
sé, að það dragist lengi enn að finna
út, hvort af sameiningu þessara fé-
laga geti orðið á næstunni.“
Í kjölfar þess var stjórn SH boð-
uð til fundar var þar eftirfarandi
samþykkt:
„Stjórn SH hf. barst í dag bréf
frá stjórn SÍF hf. um vilja til form-
legra viðræðna um sameiningu fé-
laganna. Í framhaldi af því var
stjórn SH hf. boðuð til fundar. Á
fundinum var eftirfarandi tillaga
samþykkt:
Með tilvísan í bréf stjórnar SÍF
hf. sem barst í dag lýsir stjórn SH
hf. yfir vilja sínum til að ganga til
formlegra viðræðna um sameiningu
félaganna.
Stjórn SH hf. tók einnig undir
það sjónarmið stjórnar SÍF að
óheppilegt væri að málið dragist á
langinn og lýsti sig reiðubúna til að
boða til stjórnar-
fundar SH kring-
um áramótin þar
sem fjallað yrði
nánar um for-
sendur málsins og
kveðið á um fyr-
irkomulag við-
ræðna.“
Sannfæring
mín að félögin
eigi að
sameinast
„Það er eitt og
hálft ár síðan ég
hreyfði þeim hug-
myndum fyrst að rétt væri að
ganga til viðræðna um það hvort
heppilegt væri að sameina félögin.
Ég sagði það á aðalfundi SH í vor
að sparnaður í rekstri vegna sam-
einingarinnar gæti numið um 500
milljónum króna. Ég skrifaði SÍF
einnig bréf í vor og bauð þeim til
viðræðna um sameiningu. Þá fékk
ég bréf til baka, þar sem þeir töldu
það ekki tímabært,“ segir Róbert
Guðfinnson, formaður stjórnar SH.
„Það er því ljóst að það hefur ver-
ið sannfæring mín að félögin eigi að
sameinast. Það yrði styrkur fyrir
þetta félag og eigendur þess og ekki
síður fyrir þá framleiðendur sem fé-
lögin kaupa afurðir af. Ég fagna því
innilega að þeir hjá SÍF skuli nú
taka undir þessar hugmyndir mín-
ar. Þetta er fyrsta
skerfið og það er
mikil vinna framund-
an,“ segir Róbert
Guðfinnsson.
Mikil sam-
legðaráhrif
„Möguleikinn á
sameiningu þessara
félaga hefur verið
lengi í umræðunni,“
segir Friðrik Páls-
son, formaður stjórn-
ar SÍF. „Hann hefur
farið mjög hátt upp á
síðkastið og það má
segja að við höfum verið komin
nokkuð vel á veg með að ákveða að
fara í viðræður fyrir nokkrum vik-
um. Síðan hefur það dregizt, en
óformlegar viðræður hafa haldið
áfram. Vitneskja um þær hefur ver-
ið á mjög margra vitorði. Það er
mjög óþægilegt fyrir félagið, bæði
starfsmenn þess, viðskiptavini og
hluthafa að þess háttar orðrómur sé
stöðugt í gangi án þess að láta á það
reyna hvort því fylgi alvara af
beggja hálfu. Við vorum með reglu-
bundinn stjórnarfund í SÍF í dag og
það var tekin um þetta góð umræða
og niðurstaðan var sú að það væri
mjög áríðandi að það kæmi í ljós á
næstunni hvort svona sameining
væri möguleg og skynsamleg. Ef
ekki, yrði viðræðum hætt og það
gert lýðum ljóst að við værum ekki
á þeirri skoðun að sameinast.
Það er líka rétt að nefna það að
við vorum búnir að kanna það með
óformlegum hætti að mikill meiri-
hluti stærstu hluthafa SÍF og jafn-
vel líka í SH væru þeirrar skoðunar
að rétt væri að láta á þetta reyna.
Stjórnin taldi því rétt að verða við
því.
Ég er bjartsýnn á það að menn
setjist yfir það að miklum heilindum
og áhuga að ræða þessi mál. Það er
ljóst að það er eftir talsvert miklu
að slægjast í samlegðaráhrifum.
Það er líka mjög mikilvægt úti á
mörkuðunum að þessi félög nái að
sameinast. Þau bæta hvort annað
upp að verulegu leyti í mörgu tilliti
og viðskiptavinir okkar eru stöðugt
að renna saman starfsemi sinni og
stækka og eflast. Það skiptir því
meira og meira máli að vera stór
aðili í viðskiptum við aðra stóra að-
ila. Ég hef því fulla ástæðu til þess
að ætla að það komi til sameiningar
nema menn reki sig á einhver þau
ljón í veginum, sem menn sjá ekki
fyrir sér í dag. Þetta hefur verið
lengi í umræðunni og við höfum
ekki hnotið um neina þá annmarka
sem væru það alvarlegir að við teld-
um sameiningu ólíklega. Ella hefð-
um við ekki farið af stað,“ segir
Friðrik Pálsson.
Full ástæða til að ætla að
til sameiningar komi
Stjórnir SÍF og SH lýsa vilja
sínum til formlegra viðræðna
um sameiningu félaganna
● VIÐSKIPTI hófust í gær með
hlutabréf Kaupþings í kauphöllinni
í Stokkhólmi. 405.200 hlutir
skiptu um hendur fyrir andvirði
rúmlega 5,4 milljóna sænskra
króna, eða sem svarar tæplega 51
milljón íslenskra króna. Velta með
bréf Kaupþings í Kauphöll Íslands
var í gær rúmar 422 milljónir
króna. Lokagengi í Stokkhólmi var
13,5 sænskar krónur, eða 126,23
íslenskar krónur. Lokagengi í Kaup-
höll Íslands var 127 krónur.
Viðskipti með Kaup-
þing í Stokkhólmi
● FLUGLEIÐIR seldu í gær eigin bréf
fyrir rúmlega 9,3 milljónir kr. að nafn-
verði til Burðaráss ehf. á verðinu kr.
4,7. Söluverð hlutarins er því tæpar
44 milljónir kr. Burðarás ehf. greiðir
fyrir bréfin með öllum hlutabréfum
sínum í Ferðaskrifstofu Íslands hf.
og er félagið nú að fullu í eigu Flug-
leiða hf. Eignarhlutur Flugleiða hf. í
Flugleiðum hf. var fyrir viðskiptin 229
milljónir að nafnverði en er nú rúmar
219 milljónir kr. Eignarhlutur Burðar-
áss í Flugleiðum hf. eftir viðskiptin
nemur 657 milljónum kr. Burðarás er
stærsti hluthafi í Flugleiðum.
Burðarás eykur hlut
sinn í Flugleiðum
● FJÁRFESTINGARFÉLAGIÐ Straumur
hf. seldi í gær allan hlut sinn,
21,21%, í AcoTæknivali, ATV. Hlut-
urinn var að nafnverði rúmar 93 millj-
ónir kr. og miðað við lokagengi gær-
dagsins, 0,75 kr., er markaðsverð
hlutarins tæpar 70 milljónir kr. Kaup-
þing í Lúxemborg keypti 14% hlutafjár
í ATV í gær, en fyrir átti Kaupþing í Lúx-
emborg ekki hlut í félaginu. Nafnverð
bréfanna var rúm 61 milljón króna og
miðað við lokagengi dagsins er mark-
aðsverð þessa hlutar því um 46 millj-
ónir kr. Í byrjun vikunnar keyptu Baug-
ur ID og Eignarhaldsfélagið Fengur
47,9% hlutafjár í ATV í jöfnum hlut-
föllum, 23,95% hvort félag.
Straumur selur
21% í AcoTæknivali