Morgunblaðið - 21.12.2002, Blaðsíða 6

FRÉTTIR
6 LAUGARDAGUR 21. DESEMBER 2002 MORGUNBLAÐIÐ
Opið til 22.00
...
er
m
eð
a
llt
f
yr
ir
jó
lin
Jólaskemmtun í dag
Birgitta, Sigga, Grétar og jólasveinarnir kl 13.00 og 15.00
Sigga, Grétar og jólasveinarnir kl. 17.00 .
Opið sunnudag 10-22
ÁSTVALDUR Valtýsson, fiskverk-
andi í Kinn í Vestmannaeyjum, er
nú að undirbúa skötuveizlu fyrir
AKÓGES félagsskapinn í Eyjum.
Hann gerir ráð fyrir að um 140
manns mæti í skötuna á Þorláks-
messu. Ástvaldur sér um að verka
skötuna, útvatna og sjóða fyrir
veizluna en hann býður einnig upp
á saltfisk, siginn fisk og kinnar.
„Maður er alinn upp við sköt-
una, þó maður borði hana ekki
eins oft og áður fyrr. Ég komst á
bragðið sem peyi og þarf enn á
því að halda. Það fer eftir hita-
stigi hve lengi skatan er að kæs-
ast, svona 4 til 6 vikur. Það þarf
svo að salta hana líka svo hún
lykti vel. Þetta er alveg ómissandi
þáttur í tilverunni,“ segir Ástvald-
ur og er ánægður með skötuna.
Hann segir að lítið hafi verið
um skötu að undanförnu, enda
stundi enginn beinar skötuveiðar.
Sú skata sem kemur á land er
aukaafli í trollið.
Morgunblaðið/Sigurgeir
Þarf að lykta vel
„ÞAÐ er sameiginlegur áhugi allra
að halda Reykjavíkurlistanum
áfram.“ Þetta segir Ingibjörg Sól-
rún Gísladóttir borgarstjóri um
fund sem oddvitar samstarfsflokk-
anna þriggja í R-listanum og borg-
arstjóri áttu í gærmorgun. „Við
hittumst og töluðum saman, það fór
ágætlega á með okkur, enda fólk
sem er vant að tala saman,“ sagði
Ingibjörg.
Var fundurinn um klukkutíma
langur og segir Árni Þór Sigurðs-
son, forseti borgarstjórnar og odd-
viti Vinstri-grænna, að fundarmenn
hafi sammælst um að tjá sig ekki
um efni fundarins. „Við ætlum að-
eins að fara í okkar bakland og
ræða málin betur saman þar og
hittast svo aftur milli jóla og nýars.
Það var niðurstaðan,“ segir Árni
Þór.
„Þetta var yfirvegað, en nokkuð
ákveðið samt,“ segir Árni Þór um
andrúmsloftið á fundinum. Enn
standi yfirlýsing Framsóknar-
manna og Vinstri-grænna um að
með ákvörðun sinni um að bjóða sig
fram hefði borgarstjóri ákveðið að
hverfa úr stóli borgarstjóra. Að-
spurður segist Árni ekki telja að
borgarfulltrúarnir hafi verið of
fljótir á sér með birtingu yfirlýsing-
arinnar, en á fimmtudag sögðust
borgarfulltrúar Samfylkingar telja
að fljótfærni hafi þar ráðið ferðinni.
Ekki hafi verið rætt um hver gæti
tekið við embætti borgarstjóra færi
svo að nauðsynlegt væri að finna
arftaka fyrir Ingibjörgu.
Alfreð Þorsteinsson, oddviti
Framsóknarmanna, segir andann á
fundinum hafa verið ágætan og að
greinilegur vilji hafi verið til þess
að halda samstarfi R-listans áfram.
Segir hann, eins og Árni Þór, að yf-
irlýsingin standi enn þá og að
fulltrúar Framsóknar séu ekki til-
búnir til að hnika neitt til því áliti
að það væri ósamrýmanlegt að
Ingibjörg sitji áfram sem borgar-
stjóri og fari fram fyrir Samfylk-
inguna.
Stjórnmálamanna
að finna leiðir
Stefán Jón Hafstein, oddviti
Samfylkingar, segir að menn hafi
ítarlega rætt viðhorf sín og sjón-
armið. „Við töluðum um það að
vinna úr stöðunni og tala aftur sam-
an milli jóla og nýárs og ég tel það
skynsamlegt. Ég er mjög sáttur við
þennan fund,“ segir Stefán Jón.
„Það er ljóst að við þurfum að leysa
þetta verkefni fyrir R-listann. Ég
get vel skilið að fólk sjái ekki út úr
þessu en það er nú einu sinni verk-
efni þeirra sem eru í stjórnmálum
að finna leiðir. Það er verkefnið í
dag, ég var sáttur við niðurstöðu
þessa fundar.“ Aðspurður segist
hann bjartsýnn á að hægt verði að
finna niðurstöðu sem allir geti verið
sáttir við.
Krafa um afsögn
borgarstjóra stendur
Aftur fundað um framtíð R-listans milli jóla og nýárs
„MÉR líður vel og heilsan er ótrúlega góð en það er
kraftaverk að við skulum vera á lífi,“ segir Anna
María Friðriksdóttir, sem lenti ásamt þremur börn-
um sínum í alvarlegu umferðarslysi fyrir um þremur
vikum, en fær að fara heim af sjúkrahúsi til reynslu
á morgun.
Anna María, sem er 28 ára, og börnin Jóna Guð-
rún 8 ára, Árni Rúnar 7 ára og Júlía Björk, sem
verður þriggja ára í janúar, voru á leið frá Hvera-
gerði til Reykjavíkur, þegar slysið varð, en bifreið
þeirra lenti á hvolfi í Hólmsá við Suðurlandsveg um
miðjan dag föstudaginn 29. nóvember. Talið er að
Anna María hafi verið á kafi í vatni í nokkrar mín-
útur áður en henni var bjargað og Júlía Björk þurfti
líka að fara á gjörgæsludeild en eldri börnin sluppu
mun betur og slösuðust lítið.
Nærri drukknuð
„Ég var nær drukknuð,“ segir Anna María, sem
var tengd við lungnavél að kvöldi slysdagsins og
segir að það hafi átt stóran þátt í að bjarga lífi sínu.
„Jóna Guðrún lyfti höfðinu á mér upp úr vatninu í
bílnum og hélt því þannig. Það bjargaði mér.“ Jóna
Guðrún segir að það hafi verið erfitt. „Ég sat
frammí en komst ekki út af því að mamma var fyrir
mér. Þegar ég sá að hún var ofan í vatninu reyndi ég
að lyfta henni en það var erfitt því flíspeysan hennar
var full af vatni og þess vegna svo þung.“ Árni Rún-
ar segist hafa farið svipað að með litlu systur. „Ég
bjargaði henni. Ég var eitthvað að þreifa og leita til
að reyna að komast út og tók þá í hausinn á henni.
Þá lyfti ég henni upp úr vatninu.“ Vegfarendur
björguðu fólkinu út úr bifreiðinni skömmu síðar og í
kjölfarið bar að óeinkennisklædda lögreglumenn úr
fíkniefnadeild lögreglunnar í Reykjavík en þeir gátu
veitt aðstoð þar til slökkviliðsmenn komu og tóku
við lífgunaraðgerðum á Önnu Maríu og Júlíu Björk.
„Ég man ekkert eftir þessu,“ segir Anna María.
„Það síðasta sem ég man er þegar við vorum uppi á
Hellisheiði og ég hringdi í mömmu til að láta vita að
við værum á leiðinni.“
Lungnavélin mikilvæg
Baldur Rúnarsson, eiginmaður Önnu Maríu, sem
var í Reykjavík þegar slysið varð, segir að Anna
María hefði sennilega ekki haft það af ef hún hefði
ekki verið flutt af slysadeild í Fossvogi á Landspít-
ala – háskólasjúkrahús við Hringbraut strax um
kvöldið, en þar var henni haldið sofandi í önd-
unarvél til 9. desember. „Hún hefði ekki haft það af
ef hún hefði ekki komist í lungnavélina hérna á
Landspítalanum þarna um kvöldið,“ segir hann og
bætir við að flutningarnir og framkvæmdin hafi ver-
ið óaðfinnanleg. „Þegar ég vaknaði 9. desember sá
ég að ég var inni á sjúkrahúsi en hafði ekki hug-
mynd um hvað hafði gerst,“ segir Anna María.
„Þetta er kraftaverk en það hjálpaðist allt að. Eldri
börnin gátu veitt okkur mæðgunum aðstoð, vegfar-
endur brugðust fljótt og vel við og lögregla og
sjúkrabílar komu nær samstundis á vettvang. En það
hefur líka haft mikið að segja að ég hef aldrei reykt
og fyrir bragðið eru lungun sterkari auk þess sem
ég er ung og hraust.“
Heima um jólin
Anna María fær að vera með fjölskyldunni í
Hveragerði um jólin og vonast síðan eftir að komast
í endurhæfingu á Reykjalundi. „Ég er líkamlega
slöpp eftir þetta og þarf að byggja mig upp en bat-
inn hefur verið mjög hraður og læknarnir segja að
ég sé sérstakt tilfelli. En ég vil nota tækifærið og
koma á framfæri þökkum til allra sem hafa komið að
þessu á einn eða annan þátt. Þeirra hlutur er stór.“
Konan sem lenti í slysinu í Hólmsá á batavegi
Eldri börn-
in björguðu
miklu á
slysstað
Morgunblaðið/Júlíus
Bíllinn á hvolfi í Hólmsá við Suðurlandsveg.
Morgunblaðið/Júlíus
Ljósmyndari Morgunblaðsins gaf fjölskyldunni mynd,
sem hann tók af bílnum í ánni. Hér eru Júlía Björk, Árni
Rúnar og Jóna Guðrún Baldursbörn og Anna María
Friðriksdóttir og Baldur Rúnarsson að skoða myndina.
RÚMLEGA fimm kíló af hassi
fundust í ferðatösku 29 ára gam-
als dansks karlmanns sem toll-
gæslan á Keflavíkurflugvelli
stöðvaði á miðvikudag. Hassið
var falið undir fóðri töskunnar
bæði í loki og botni.
Að sögn Kára Gunnlaugsson-
ar, aðaldeildarstjóra tollgæslunn-
ar bendir allt til að um sé að
ræða enn eitt erlenda „burðar-
dýrið“ og eru þau nú orðin 25 á
síðustu tveimur árum. Flestir
smyglaranna eða 11 koma frá
Danmörku.
Fíkniefnadeild lögreglunnar í
Reykjavík hefur tekið við rann-
sókninni en aðrir hafa ekki verið
handteknir í tengslum við málið.
Miðað við verðkönnun SÁÁ má
gera ráð fyrir að götuverðmæti
efnanna sé 10-12 milljónir króna.
Fimm kíló af hassi
fundust í ferðatösku