Morgunblaðið - 21.12.2002, Qupperneq 34

ÁRBORGARSVÆÐIÐ
34 LAUGARDAGUR 21. DESEMBER 2002 MORGUNBLAÐIÐ
KVÆÐAÞING eða leikar Mjalta-
vélarinnar á Selfossi er mönnum í
fersku minni og svo er um setta
leikdómara og línuverði þingsins
þá Hjört Þórarinsson og Jóhann
Guðmundsson. Þeir hafa nú sent
frá sér dómsorð sitt. Þeir skiptu
liðsmönnum í þrjá flokka, flugu-
vigt, þungavigt og milliþungavigt.
Fyrsti hluti dómsorðsins fjallar
um sr. Hjálmar Jónsson og Jón
Kristjánsson:
Sem fagurkerar fóruð þið á kostum
og fenguð hrós og lófaklapp í senn.
Við öll í salnum innilega brostum
að ykkur, snjöllu fluguvigtarmenn.
Síðan fá þeir Halldór Blöndal
og Flosi Ólafsson sinn úrskurð:
Þéttir tveir í þungavigt á velli,
þingforseti fornyrt stefin kvað.
Á hinum sást ei undanlát né elli
Þótt aðeins kæmi högg við beltisstað
Steingrímur Sigfússon og Há-
kon Aðalsteinsson fengu þennan
úrskurð:
Í milliþungavigt er mikill vandi
og verðlaun eru jafnan mikið happ.
Í Mjaltavélaleik á Suðurlandi
var líf og fjölmennt markaskor og klapp.
Lokaorð dómarans og línuvarð-
arins eru þessi:
Dómsorð skulu dregin fram í stefi
dómsorð skráð af okkur báðum tveim.
Dómsorð skulu birtast rétt í þessu bréfi
og boðsendast með jólakveðju þeim.
Síðan senda þeir frá sér þessi
Eftirmál frá Mjaltavélaleiknum:
Hefja slyngir hagyrðingar
hátt á þingi sína raust (Hj.Þ.)
Óvíst við glingur ekkert þvingar
orðsins kynngi magnað traust.
Lokaorð þeirra á svo Jóhann
Guðmundsson og sendir þessa
kveðju í áttina að Guðna Ágústs-
syni sem átti hugmyndina að
Kvæðaleikum Mjaltavélarinnar:
Á aðförunum allvel sést
enginn munum þræta
það sem Guð vor gerði best
Guðni hyggst að bæta.
Úrslit á kvæðaleikum Mjaltavélarinnar
Það sem Guð vor
gerði best Guðni
hyggst að bæta
Morgunblaðið/Sigurður Jónsson
Dómari og línuvörður; Hjörtur Þórarinsson og Jóhann Guðmundsson.
Selfoss
JÓLAKVÖLDVÖKUNNI og 30 ára
afmælisveislunni var skellt saman
og haldin ein skemmtun, þar sem
öllum gömlum skátum var boðið að
koma og taka þátt. Berglind Hall-
dórsdóttir félagsforingi setti hátíð-
ina og bauð gesti velkomna og
sagði frá því að frammi við jólatréð
væri verið að safna jólapökkum
sem senda á til Rúmeníu til mun-
aðarlausra barna sem haldin eru al-
næmi. Hún, ásamt Guðrúnu Magn-
eu, Sunnu Björk og Evu Rós,
stjórnaði síðan söng og uppá-
komum meðan á kvöldvökunni stóð.
„Að vera skáti rokkar feitt“
Skátar eru þekktir fyrir mikinn
söng og því var mikið sungið, m.a.
nýr texti sem skátafélagi í Fossbú-
um á Selfossi samdi fyrir stuttu við
eitt laga Britney Spears. Í text-
anum kemur m.a. fram „að vera
skáti rokkar feitt“ og einnig „ging
gang og gooli er það sem ég trúi á“
Skátaflokkur 11 ára stúlkna sem
kalla sig Eldbirnur sýndu dans, sem
þær sögðu að ætti að vera asnaleg-
ur. Síðan kom skátaflokkur 12 ára
stúlkna og þær fluttu lag sem þær
kölluðu skátarapp, sem þær höfðu
samið sjálfar. Eins og flestum er
kunnugt klappa skátar ekki heldur
þakka fyrir skemmtiatriðin með því
að senda flytjendum skátahróp.
Sigríður Kristjánsdóttir, fyrrver-
andi félagsforingi Stróks, flutti
ávarp og sagði m.a. frá því að hún
hefði verið í fyrsta hollinu sem
vígðist. Sigríður er búin að vera
starfandi meira og minna í skát-
unum þessi 30 ár og núna er hún
starfandi með St.Georgsgildinu
sem stofnað var hér í Hveragerði
fyrir tveimur árum.
Sigríður er á förum á alheims-
mót skáta í Taílandi, ásamt tveim-
ur 14 ára skátastelpum, þeim Guð-
rúnu Helgu Sigurðardóttur og
Sjöfn Ingvarsdóttur. Þær leggja af
stað frá Íslandi annan í jólum og
koma aftur heim um miðjan jan-
úar. Og eins og Sigríður sagði
réttilega; njótið þess að vera skát-
ar krakkar mínir, maður hættir
nefnilega aldrei að vera skáti.
Í lok kvöldvökunnar afhenti
Berglind félagsforingi þeim Guð-
rúnu Helgu og Sjöfn styrk frá
Skátafélaginu og síðan gáfu allir
þeim eitt gott skátahróp sem hljóð-
ar svona
Skátalíf er hollt, hollt, hollt
Skátalíf er gott, gott, gott
Skátalíf er hreyfing
Og þroskandi fyrir heilann.
Að athöfn lokinni var öllum boðið
í kaffi og meðlæti.
Maður hættir aldrei
að vera skáti
Morgunblaðið/Margrét Ísaksdóttir
Skátar skemmta sér með söng og leikjum og þakka með skátahrópum.
Hveragerði
Jólagleði og afmælishátíð skátanna
HRAFN Jökulsson tefldi fjöltefli
við nemendur 6. til 10. bekkjar í
barnaskóla Eyrarbaka og Stokks-
eyrar í morgun. Teflt var á 27 borð-
um og tefldu sumir tvær skákir.
Arnar Páll Gunnlaugsson náði
einum vinningi og jafntefli, en tvö
lið gerðu einnig jafntefli. Í öðru lið-
inu voru stúlkurnar Karitas og
Rakel, en reyndar voru tvær til við-
bótar í liðinu í upphafi, en entust
ekki alveg til enda. Hitt jafnteflis-
liðið var skipað þeim Pétri, Arnþóri
og Ægi.
Í skólanum er löng hefð fyrir
skákiðkun og eftir afmælisskákmót
BES, sem einnig gekk undir nafn-
inu Mjólkurskákmótið, hefur
skákáhuginn aukist verulega. Það
ánægjulega er að stúlkurnar hafa
ekki síður áhuga en drengirnir.
Hrafn sagði að margir efnilegir
skákmenn væru í skólanum.
Í lokin afhenti Hrafn vinnings-
hafanum og jafnteflisliðunum bóka-
verðlaun. Hrafn hefur farið víða um
landið á vegum Hróksins og Eddu –
miðlunar. Hann hefur farið nú þeg-
ar um Snæfellsnes, verið í Keflavík,
Njarðvík, á Akureyri og Ísafirði og
nágrenni.
Skákvakning er í landinu og
áhugi unga fólksins á skákinni
vaknar strax og þeim gefst tæki-
færi til að kynnast henni. Þetta
átak Hróksins og Eddu – miðlunar
(sem lagt hefur til 5.000 eintök af
bókinni Skák og mát) hefur mælst
ákaflega vel fyrir hvarvetna þar
sem átakið hefur verið kynnt.
Skákin höfðar til allra aldurshópa,
frá 1. til 10. bekkjar.
Að loknu skákmótinu voru afhent
verðlaun vegna átaksins: Vertu
frjáls reyklaus og hlaut þau Sig-
urður Gísli Gunnlaugsson. Svo
fengu nemendur afhentar einkunn-
ir vegna jólaprófa og að því loknu
stigu allir upp í rútu og héldu til
Reykjavíkur í Skautahöllina, enda
hvergi svell að finna úti við í blíð-
unni.
Skákvakning
í skólunum
Ljósmynd/Óskar Magnússon
Hrafn Jökulsson meðal nemenda í skólanum á Eyrarbakka.
Eyrarbakki
JÓLAKÖTTURINN setur svip
sinn á gangstéttina fyrir utan Al-
vörubúðina á Eyrarvegi 3 á Sel-
fossi. Kötturinn er hafður á stétt-
inni til þessa að minna fólk á fyrri
tíma en í versluninni eru í boði ís-
lenska handverksvörur, bækur og
kaffi.
Alda Sigurðardóttir, eigandi
verslunarinnar, er með handverks-
verkstæði innan við sjálfa versl-
unina þar sem hún framleiðir gam-
aldags áteiknað handverk,
vöggusett, dúka, punthandklæði og
fleira í þeim dúr. Hjá henni er og
hægt að fá ísaumsverkefni sem hún
hefur unnið upp úr handritunum.
Einnig er hún með handverk frá
öðru handverksfólki og indverskt
handverk að auki. Þá saumar hún á
verkstæði sínu allt mögulegt eftir
hendinni.
Í alvörubúðinni er allt í alvör-
unni og félagið sem rekur versl-
unina heitir Alvarlega félagið en
sonur Öldu, hann Nökkvi Alexand-
er Jónsson sem er 5 ára sagðist
óhræddur við jólaköttinn, hann
væri ekki alvöruköttur.
Jólakötturinn
kynnir Al-
vörubúðina
Selfoss
Morgunblaðið/Sigurður Jónsson
SUNDFIMI á vaxandi vinsældum
að fagna á Selfossi. Mikil aðsókn er
að þeirri starfsemi sem Elísabet
Kristjánsdóttir íþróttakennari
stendur fyrir í Sundhöll Selfoss og
þjálfar konurnar ásamt Sigrúnu
Hreiðarsdóttur. Á aðventuæfingu á
miðvikudagskvöld fengu konurnar
jólasveininn í heimsókn og fékk hann
það hlutverk að draga í happdrætti.
Mikið líf var í tuskunum og sveinki
greinilega ánægður með að fá þetta
tækifæri að afhenda vinningana.
Konurnar fögnuðu sveinka og fyrr
en varði var hann kominn út í laugina
þótt greinilega væri það ekki ætlan
hans. Það var því ekki um annað að
ræða fyrir hann en velta sér upp á
bakkann og hella úr stígvélunum.
Morgunblaðið/Sigurður Jónsson
Jólasveinninn kveður blautur en
konurnar eru glaðar.
Jólasveinn
í kvenna-
sundi
Selfoss
ÞAÐ var líf og fjör á Vinnustof-
unni við Gagnheiði á dögunum
þegar Árni Johnsen heilsaði upp
á fólkið og tók lagið með við-
stöddum. Sungið var af innlifun
og góð stemmning var hjá starfs-
mönnum Vinnustofunnar sem
kunnu vel að meta heimsóknina.
Söngurinn lífgaði upp á andann
á jólamarkaðnum hjá Vinnustof-
unni en þar eru seldar vörur sem
unnið hefur verið að á undan-
förnum mánuðum. Vörurnar eru
eftirsóttar enda um gott hand-
verk að ræða og munirnir fjöl-
breytilegir.
Sungið af innlifun
á Vinnustofunni
Selfoss
Morgunblaðið/Sigurður Jónsson
Allir tóku undir í söngnum þegar Árni Johnsen heimsótti Vinnustofuna.