Morgunblaðið - 21.12.2002, Blaðsíða 49
MINNINGAR
MORGUNBLAÐIÐ LAUGARDAGUR 21. DESEMBER 2002 49
✝ Kristjana Sess-elja Einarsdóttir
fæddist á Hrjót í
Hjaltastaðarþinghá
3. september 1912.
Hún lést á Sjúkra-
húsinu á Egilsstöð-
um 13. desember síð-
astliðinn. Foreldrar
hennar voru hjónin
Einar Sigurður Guð-
mundsson, f. 31.10.
1879, d. 1922, og
Kristbjörg Krist-
jánsdóttir, f. 8.2.
1884. d. 1960. Systk-
ini Kristjönu eru:
Sveinn, f. 3.12. 1909, d. 2.4.1994,
Stefán, f. 6.9. 1914, d. 15.5. 1986,
Anna Björg, f. 27.3. 1917, og
Kristján, f. 29.10. 1921.
Kristjana ólst upp á Hrjót,
hlaut menntun í barnaskóla og í
Húsmæðraskólanum á Hallorms-
stað. Hún var vinnukona á
Hjaltastað hjá Ara Jónssyni
lækni og konu hans Sigríði Þór-
arinsdóttur og á Kirkjubæ hjá
séra Sigurjóni Jónssyni og Önnu
Sveinsdóttur konu hans.
Eiginmaður Kristjönu var Ein-
ar Bjarnason, f. á Kleppjárns-
stöðum í Hróarstungu 26.9. 1900,
d. 26.7. 1974, sonur hjónanna
Bjarna Bjarnasonar, f. 26.9.
1863, d. 29.3. 1944, og Steinvarar
Guðmundsdóttur, f. 2.6. 1864, d.
4.11. 1914. Krist-
jana og Einar giftu
sig 21. maí 1933 og
fluttu í Stóra-
Steinsvað, keyptu
jörðina og bjuggu
þar allan sinn bú-
skap. Börn þeirra
eru: Þóra, f. 7.6.
1933, maki Björn
Arnarr Ágústsson,
f. 21.12. 1918, d.
20.11. 2001, Bjarni,
f. 19.5. 1935, maki
Þorbjörg Henný Ei-
ríksdóttir, f. 27.10.
1942, Einar Krist-
berg, f. 7.7. 1940, maki Daldís
Ingvarsdóttir, f. 26.7. 1944, Stef-
án Hilmar, f. 9.9. 1946, í sambúð
með Hildi Friðbergsdóttur,
f.19.1. 1946, Ástrún, f. 19.10.
1949, maki Sigurður Óttar Jóns-
son, f. 24.5. 1942, Eysteinn, f.
19.10. 1949, í sambúð með Magn-
eu Herborgu Jónsdóttur, f. 8.5.
1955, Steinvör, f. 21.9. 1952,
maki Svavar Magnús Guðmunds-
son, f. 16.8. 1949, og Sesselja, f.
21.9. 1952, maki Baldur Guð-
mundur Guðlaugsson, f. 23.5.
1951. Eru barnabörn Kristjönu
21, langömmubörn 32 og langa-
langömmubarn eitt.
Útför Kristjönu fer fram frá
Egilsstaðakirkju í dag og hefst
athöfnin klukkan 13.30.
Elsku amma, nú kveð ég þig í
síðasta sinn en það er skrítið að
hugsa til þess að nú sjái ég þig
ekki aftur, en ég veit að þú verður
hjá mér og okkur hinum í anda.
Minningar birtast ein af annarri,
stundirnar á Steinsvaði, þar sem
ég kom oft með mömmu minni og
pabba í sveitina því þar var bróðir
minn hjá þér og Stebba frænda í
sveit. Stundum fékk ég að vera
eftir og gista hjá þér, þá svaf ég á
beddanum í herberginu þínu við
hurðina. Oft lastu fyrir mig Öddu-
bækurnar og líka aðrar skemmti-
legar bækur. Eins man ég hvað þú
varst góð og þolinmóð að kenna
mér að prjóna og hafðir gaman af
því hvað ég var áhugasöm og bý
ég enn að því í dag.
Einnig hafði maður gaman af
ferðunum upp fellið í gullabúið, til
að búa til drullukökur, setja þær í
bakarofninn sem síðan voru
skreyttar með stráum og lyngi.
Ekki kom maður í sveitina án
þess að líta við í rabarbaragarð-
inum þínum sem var stór í augum
okkar krakkanna og þá fengum við
okkur rabarbara og sykur hjá þér.
Ég og krakkarnir mínir komum
nú oft til þín í heimsókn á sjúkra-
húsið og komst þú oft til okkar
líka. Þú varst svo dugleg í hönd-
unum, varst í handavinnu eldri
borgara og gerðir þar margt fal-
legt og ekki var nú langt síðan þú
hættir að prjóna.
Elsku amma, við vitum að þér
líður miklu betur núna og biðjum
guð að passa þig fyrir okkur á
himninum.
Ég lít í anda liðna tíð
sem leynt í hjarta geymi.
Sú ljúfa minning létt og hljótt,
hún læðist til mín dag og nótt,
svo aldrei, aldrei gleymi.
(Halla Eyj. frá Laugabóli.)
Þín
Einrún.
Elsku amma, okkur langar að
setja á blað svolitla kveðju til þín,
nú þegar þú ert farin til afa.
Flestar okkar æskuminningar
eru tengdar þér, þú áttir stóran
þátt í að ala okkur upp. Öll sumur
vorum við að snúast á Steinsvaði í
kringum þig, við vorum að passa
þig og þú okkur. Við vorum frjáls,
máttum synda eða veiða í kílnum
nú eða dunda okkur við gullabúið í
Fellinu, en ef við heyrðum þig
kalla af tröppunum þá var hlaupið
á hæstu þúfu, veifað og kallað á
móti. Þú varst dugleg að lesa fyrir
okkur og við fengum að hjálpa til
við eitt og annað svo sem að
mjólka, gera skyr og hræra slátur.
Þær eru margar minningarnar
og erfitt að taka einhverjar út úr.
Þó er ein sem okkur langar að
rifja upp núna.
Við komum úr Fellinu og báðum
um krukkur því mikið var af berj-
um, fórum aftur og ætluðum að
koma með ber á skyrið, en þegar
við komum í Fellið voru engin ber
sjáanleg. Við vorum ekki par hress
með þetta og tókum til við að
hnýta saman, en þá allt í einu und-
ir tók í klettunum og heyrðist okk-
ur að sussað væri á okkur. Við
vorum fljót heim og sögðum farir
okkar ekki sléttar, en enn í dag
höfum við ekki aðra skýringu
fengið á þessu, en þína, sem var á
þá leið að álfkonan hefði ekki vilj-
að að börnin hennar heyrðu annað
eins orðbragð.
Elsku amma, þú kenndir okkur
svo margt og varst okkur alltaf
svo góð. Minningin um þig mun
alltaf verða umvafin birtu og hlýju
í hugum okkar.
Kristján og Guðrún Ásdís.
Elsku amma mín, nú ertu komin
á stað þar sem þér líður betur.
Mér þykir leiðinlegt að hafa ekki
getað verið hjá þér í veikindum
þínum, en þú varst í huga mínum
og beið ég þess að allt færi vel.
Það mun ekki vera eins að koma
austur og geta ekki heimsótt þig,
það var hluti af því að koma til þín
og eiga stund með þér. En ég mun
samt sem áður alltaf heilsa upp á
þig, amma mín. Ég man þegar ég
var yngri og fékk að fara í heim-
sókn til þín og Ástu á Egilsstöðum
og fékk að gista, það þótti mér svo
gaman. Það er svo margt sem rifj-
ast upp og mun ég geyma allar
minningarnar í hjarta mínu, elsku
amma mín. Þakka ég fyrir allt sem
þú gerðir fyrir mig. Guð geymi
þig. Þín nafna,
Kristjana Einarsdóttir.
Nú ert þú farin, elsku amma
mín. Minningarnar um þig eru
margar og allar ljúfar. Myndirnar
streyma fram í hugann frá Steins-
vaði, Miðgarði og Lagarásnum.
Það var svo gott að koma til þín,
ég fékk alltaf nýja sýn á lífið eftir
að hafa setið hjá þér.
Einu sinni kom ég til þín þegar
þú varst í íbúðinni þinni á
Lagarásnum, þá ætlaði ég að fara
með þér út í Steinsvað og þú ætl-
aðir að vera þar nokkrar nætur.
Ég mætti á mínum nútímahraða
og ætlaði að drífa þig og dótið út í
bíl en þegar ég var búin að raða
dótinu út í bíl þá varstu farin að
baka pönnsur. Það var þetta sem
mér fannst svo gott við þig, þú
varst aldrei að flýta þér. Ég bauð
þér í bíltúr í sumar og við fórum
niður í búð og vorum að skoða þar
íslenskan prjónaskap. Þar rákumst
við á ullarsokka og skemmtum
okkur yfir því hvað þú værir rík ef
þú hefðir selt alla þína sokka, en
það eru ófáar flíkurnar sem eftir
þig liggja.
Minning um þig sem er mér og
börnunum mínum afar kær er þeg-
ar þú komst til okkar í fyrrahaust
og við bökuðum pönnukökur sam-
an. Skemmtum við okkur vel við
þetta og spjölluðum mikið saman.
Elsku amma mín, ég hef alltaf
verið ánægð með að heita í höfuðið
á þér og ég mun ávallt minnast þín
með gleði og hlýju.
Nú kveð ég þig, elsku amma
mín, og þakka þér fyrir allt.
Þín
Sesselja Ásta.
Stundum sækir maður vini með
leyndri þrá eftir að líkjast þeim að
manngildi, stundum fyrir suma
næst árangur, en aðra ekki. Þótt
rætur okkar Kristjönu væru ekki
þéttriðnar saman í starfslundum
okkar, fannst mér gildismatið okk-
ar líkt. Kannski þess vegna skap-
aðist sönn vinátta okkar á milli og
þar var ég þiggjandinn.
Hún var móðir og húsfreyja á
Stóra Steinsvaði í Hjaltastaða-
þinghá, þar var sviðið hennar og
Einars bónda hennar. Þar sá ég
hana fyrst og naut gestrisni henn-
ar og þeirrar birtu og yls sem
fylgdi hverri samverustund sem
við áttum saman, svo stundin varð
önnur og betri en stundin sem var
liðin, og sannaði um leið í hverju
lífsins spori að maður getur verið
manns gaman, en samt notið al-
vöru lífsins.
Hún kunni að finna til og gráta
hvert blóm sem dó og þá sem til
hlés eru settir. Slíkir eru einherj-
ar, gefandinn í samverunni. Bæta
og blíðka og gera okkur kleift að
þola andstreymið.
Þegar ég nú minnist Kristjönu
vinkonu minnar koma mér í hug
stef frá Eyjafjarðarskáldinu Davíð
en stundum lýsir ljós, sem aldrei
var kveikt lengur en hin, sem
kveikjum sínum brenna.
Hún var ein af þessum sérstæðu
boðberum birtu og vinarþels, sem
aldrei þarf að „kveikja“ á, því í
þeirra innra sjálfi er birtan svo
skær að hún lýsir sjálfkrafa upp
allt þeirra umhverfi. Hin fölskva-
lausa góðvild með raunsæju ívafi,
lítillæti og myndugleiki, listrænir
hæfileikar og ábyrgðarkennd,
dugnaður og velvilji, allt í ríkum
mæli, gaf hún sínu umhverfi og
létti göngu samferðamanna um
grýttar götur lífsbaráttunnar. Hún
létti mína göngu er hún og leyfði
dóttir minni Irmu að kynnast sum-
arstörfum í sveit, sem gaf Irmu
gott vegarnesti á hennar vegferð.
Samverustundirnar með henni á
Stóra Steinsvaði voru yndislegar,
gestrisni sem af bar. Þar var hóg-
værð með sannri gleði. Sama var
með þær stundir sem við áttum
saman á Egilsstöðum á heimili
hennar og Ástrúnar. Þær voru
bara alltof fáar.
Að mínu mati var Kristjana
listamaður í öllu handverki, allt
lék í höndum hennar.
Þannig var hún og þannig verð-
ur hún í minningu minni, á mínu
leiksviði lífs og dauða.
Kæra Ástrún og systkini og aðr-
ir aðstandendur, Guð styrki ykkur
og blessi á þessum erfiðu stundum
og um alla framtíð. Megi góður
Guð gefa ykkur frið og gleði á fæð-
ingarhátíð frelsarans sem fram-
undan er. Í okkur öllum er enn
Kristjana, móðir og vinur sem gaf
okkur öllum svo mikið. Megi góður
Guð blessa lifandi og fagra minn-
ingu Kristjönu Einarsdóttur.
Jóhanna Guðnadóttir,
Hafnarfirði.
KRISTJANA S.
EINARSDÓTTIR
Móðir mín,
RUBY GUÐMUNDSSON
fyrrv. foringi í Hjálpræðishernum,
andaðist á hjúkrunarheimili í Thame, Englandi,
þriðjudaginn 26. nóvember síðastliðinn.
Hún var jarðsungin föstudaginn 6. desember.
Evelyn Sherman.
Þökkum af alhug auðsýnda samúð og hlýhug
við andlát og útför hjartkærs eiginmanns míns,
föður okkar, tengdaföður, afa og langafa,
JÓNASAR JÓNASSONAR,
Stóragerði 29,
Reykjavík.
Jóhanna Björnsdóttir,
Jónas Jónasson, Bára Sigfúsdóttir,
Björn Jónasson,
Arnfríður Jónasdóttir,
barnabörn og barnabarnabörn.
Elskuleg móðir okkar, tengdamóðir, amma og
langamma,
REGÍNA STEFÁNSDÓTTIR,
lést á Skjólgarði, Hornafirði, fimmtudaginn
19. desember.
Útförin fer fram frá Hafnarkirkju laugardaginn
28. desember kl. 14.
Kristín Gísladóttir, Hreinn Eiríksson,
Baldur Gíslason, Þórey Aðalsteinsdóttir,
Regína Hreinsdóttir,
Steingerður Hreinsdóttir,
Pálmar Hreinsson,
Stefanía Baldursdóttir,
Gísli Marteinn Baldursson
og langömmubörn.
Elskulegur faðir minn, tengdafaðir og afi,
SVEINN EGILSSON,
Heiðargerði 59,
Reykjavík.
lést á líknardeild Landspítalans Landakoti mið-
vikudaginn 18. desember.
Jakobína Sveinsdóttir, Pétur Á. Óskarsson,
Sveinn Rúnar Eiríksson.
Móðir okkar,
VALGERÐUR ÞORSTEINSDÓTTIR,
áður til heimilis á
Oddagötu 4,
Reykjavík.
er látin.
Þóra, Laufey og Sigrún Steingrímsdætur.
Ástkær móðir okkar, tengdamóðir og amma
AUÐUR BRYNÞÓRA BÖÐVARSDÓTTIR
Eskihlíð 12,
Reykjavík,
lést fimmtudaginn 19. desember.
Bjarnfinnur Hjaltason, Erna Jónsdóttir,
Ingunn Hjaltadóttir, Agnar Friðriksson,
Rannveig Hjaltadóttir, Jónas Ágústsson
og fjölskyldur.