Morgunblaðið - 03.01.2003, Qupperneq 51

FRÉTTIR
MORGUNBLAÐIÐ FÖSTUDAGUR 3. JANÚAR 2003 51
VIÐ athöfn í Vélskóla Íslands
skömmu fyrir jól voru brautskráðir
22 vélstjórar og vélfræðingar. At-
höfnin fór fram í hátíðarsal Sjó-
mannaskólans að viðstöddum gest-
um.
Þrír voru brautskráðir með 1.
stig, þrettán með 2. stig, einn með
3. stig og fimm með 4. stig sem er
grunnurinn undir hæstu starfsrétt-
indi og er það 208 eininga nám. Að
lokinni útskriftarathöfn voru veitt
verðlaun.
Reynir Hjálmarsson brautskráð-
ur af 4. stigi fékk verðlaun fyrir
rafmagnsfræðigreinar sem veitt eru
af Olíufélaginu ESSO. Einnig fékk
hann verðlaun fyrir vélfræðigreinar
og raungreinar. Tveir nemendur
sem voru að ljúka öldunganámi í
kvöldskóla til 2. stigs fengu verð-
laun fyrir almennt góðan náms-
árangur, þeir Grétar Þór Sæþórs-
son og Níels Breiðfjörð Jónsson.
Skerpluútgáfan færði öllum út-
skriftarnemum áritað eintak af
nýju Sjómannaalmanaki Skerplu
fyrir árið 2003.
Í ræðu skólameistara, Björgvins
Þórs Jóhannssonar, kom meðal
annars fram að nú lægi fyrir
ákvörðun um einkavæðingu skólans
næsta haust eða frá og með 1.
ágúst næstkomandi. Í því sambandi
gat hann þess að mikilvægt væri að
tengsl skólans við vélstjóra yrðu
jafngóð í framtíðinni og þau hafi
verið hingað til, allir sem málið
varðaði yrðu að leggjast á eitt og
stuðla áfram að góðri vélstjóra-
menntun við Vélskóla Íslands, það
væri okkar hagur og þjóðarhagur.
Hann minntist þess að hinn 25. nóv-
ember síðastliðinn voru 100 ár liðin
frá því fyrsti fiskibáturinn á Íslandi
var vélvæddur, sexæringurinn
Stanley frá Ísafirði, sem var mjög
merkur áfangi í tæknivæðingu at-
vinnuveganna. Einnig gat hann
þess að fyrir tveim áratugum út-
skrifuðust fyrstu nemendurnir frá
skólanum samkvæmt áfangakerfi
sem var merkur áfangi í þróun-
arsögu Vélskóla Íslands.
Vélskóli Íslands brautskráir 22
Útskriftarnemendur ásamt skólameistara.
VALGARÐUR Magnússon
lenti í lukkupottinum nú á
dögunum þegar hann hlaut
fyrsta vinning í jólahapp-
drætti Lionsklúbbs Njarð-
víkur. Vinningurinn var nýr
Peugeot 206, en hann kom á
miða nr 960.
Að sögn Ingólfs Bárð-
arsonar, formanns fjáröfl-
unarnefndar Lionsklúbbsins,
voru viðbrögð Suðurnesja-
manna góð og fengu færri
miða en vildu því allir miðar
seldust upp. Upplýsingar um
aukavinninga happdrætt-
isins má fá í síma 878-1898.
Fékk nýjan Peugeot 206
Á myndinni má sjá f.v. Ingólf Bárðarson for-
mann fjáröflunarnefndar, Valgarð Magn-
ússon vinningshafa og Árna Brynjólf Hjalta-
son gjaldkera Lionsklúbbsins
Útsalan
byrjar í dag
J akka f ö t
s t a k i r j a kka r
y f i r h a f n i rbo l i rs k y r t u r
o . f l . o f l .
Laugavegi 74 • Sími 551 3033
Laugavegi 46, sími 561 4465
Villtar &
Vandlátar
i í i
Útsalan
er hafin
10-50%
afsláttur