Morgunblaðið - 10.01.2003, Blaðsíða 6

FRÉTTIR
6 FÖSTUDAGUR 10. JANÚAR 2003 MORGUNBLAÐIÐ
VITNI eru ekki á einu máli um máls-
atvik í Hafnarstræti í Reykjavík 25.
maí sl. þegar Magnús Freyr Svein-
björnsson, 22 ára, hlaut áverka í
átökum sem drógu hann til dauða
viku síðar. Nokkur vitnanna báru að
Magnús heitinn hefði ekki verið ógn-
andi í garð þeirra tveggja sem eru
ákærðir fyrir árásina gegn honum
og önnur segjast aldrei hafa séð
hann berja frá sér. Enn önnur vitni
segja hann hafa skipst á hnefahögg-
um við annan ákærðu og þá eru vitni
ekki fyllilega samhljóða um lok átak-
anna.
Við aðalmeðferð málsins sem hélt
áfram í Héraðsdómi Reykjavíkur í
gær kom þetta m.a. fram og enn-
fremur í máli a.m.k. tveggja vitna að
Magnús heitinn hefði beðist vægðar.
Eitt vitni bar að Magnús hefði haft
ákærða undir í upphafi átakanna en
hafi þá fengið spark í kviðinn frá
þriðja aðila með þeim afleiðingum að
ákærði náði yfirhöndinni, settist
klofvega á Magnús og veitti honum
hnefahögg þar sem hann lá í götunni.
Vitnið sagðist þegar hér var komið
sögu hafa gengið á milli en þá hafi
ákærði öskrað á sig og spurt á hvors
bandi hann væri. Í kjölfarið hafi
Magnús staðið upp alblóðugur og illa
áttaður en þá hafi meðákærði spark-
að hann niður með þeim afleiðingum
að hann féll harkalega í götuna.
Segir Magnús hafa
verið yfirbugaðan
Eitt vitni lýsti átökunum þannig
að Magnús hefði verið algjörlega yf-
irbugaður og hefði skollið á hnakk-
ann í götuna undan síðasta sparkinu,
sem meðákærði hefði veitt. Eitt vitni
bar að Magnús hefði að minnsta
kosti fengið 10 þung högg á sig áður
en yfir lauk og nokkur vitni báru að
ákærði hefði svipt jakka Magnúsar
yfir höfuð honum og þannig haldið
honum á meðan hnéspörk voru látin
dynja upp í andlit honum. Flestum
vitnum bar saman um að meðákærði
hefði komið að síðustu og veitt
Magnúsi lokasparkið, en tvö vitni
sögðu ákærða sjálfan hafa sparkað
Magnús niður.
Þeir sem ákærðir eru í málinu eru
21 og 23 ára og hafa sætt gæslu-
varðhaldi undanfarna sjö mánuði.
Líkamsárásin í Hafnarstræti
Vitni ekki á einu
máli um málsatvik
TVEIR sérfróðir matsmenn hafa
komist að þeirri niðurstöðu að tvö
málverk, sem sögð voru eftir Sigurð
Guðmundsson málara og seld á upp-
boði hjá Galleríi Borg árið 1990, séu
ekki eftir Sigurð. Tveir blaðamenn
Pressunnar voru árið 1995 dæmdir í
Hæstarétti fyrir að halda því fram
að málverkin væru ekki eftir Sigurð.
Verður Hæstarétti send umsókn um
að mál blaðamannanna verði tekið
til meðferðar á ný eftir frekari
gagnaöflun.
Kristján Þorvaldsson og Þóra
Kristín Ásgeirsdóttir voru dæmd til
að sæta ómerkingu ummæla vegna
greinar í Pressunni í desember 1990
um málverkin og þeim gert að
greiða fébætur, sektir og málskostn-
að.
Í tilkynningu frá Atla Gíslasyni
lögmanni segir að Hæstiréttur hafi
á sínum tíma talið að ekki hefði ver-
ið leitt í ljós að neinn vafi hafi leikið
á að myndir, kenndar við Sigurð
málara, væru eftir hann. Á þessum
tíma hefðu umrædd málverk ekki
verið aðgengileg blaðamönnum
þannig að unnt væri að ganga úr
skugga um hvort Sigurður hefði
málað þau.
Aðgangur að verkunum
veittur í fyrra
Veittur var aðgangur að málverk-
unum í fyrra og tveir sérfróðir mats-
menn dómkvaddir til að skoða og
meta málverkin og láta í té rökstutt
álit á því hvort þau væru eftir Sig-
urð málara. Niðurstaða matsmann-
anna er eindregin sú að málverkin
séu ekki eftir Sigurð og beri engin
einkenni verka hans varðandi mynd-
byggingu, tækni eða vinnubrögð.
Í greinargerð matsmannanna,
þeirra Ingu Láru Baldvinsdóttur og
Nathalie Jacqueminet, segir m.a.
um verkin að myndefnið sé frá-
brugðið öðrum portrettmálverkum
Sigurðar. Gerð myndanna minni á
skissugerð og ekki séu þekkt dæmi
um að Sigurður hafi gert verk með
þeirri aðferð.
Þá kemur fram að áritunin á mál-
verkunum er ólík áritun Sigurðar á
öðrum þekktum málverkum. Annað
verkið er áritað SG1852 og hitt Sig-
urður Guðmundsson 1852. Segir í
umfjölluninni um síðarnefnda verk-
ið, að ekki séu til dæmi um að Sig-
urður hafi notað þá áritun því hann
notaði Sigurður. Áletrunin hafi verið
gerð löngu eftir að málverkið var
málað.
„Einkenni Sigurðar í öllum verk-
um, hvort sem um er að ræða teikn-
ingar eða málverk, eru örugg og
vönduð vinnubrögð sem skila sér í
fíngerðum og hreinum áritunum.
Hvergi er að finna óskýra og jafn
hroðvirknislega gerða áletrun eins
og í tilviki 2,“ segir síðan.
Fram kemur í fréttatilkynning-
unni að frekari gagnaöflun sé enn í
gangi en að henni lokinni verði
Hæstarétti send umsókn um að mál
Gallerís Borgar hf. og Úlfars Þor-
móðssonar gegn Kristjáni Þorvalds-
syni og Þóru Kristínu Ásgeirsdóttur
verði tekið til meðferðar og dóms-
uppsögu á ný.
Sérfræðingar staðfesta orð blaðamanna Pressunnar
Málverkin ekki eftir
Sigurð Guðmundsson
HJÓLREIÐAMENN eru í hópi
þeirra sem vísast hafa fagnað snjó-
leysinu í vetur. Þótt snjór og krapi
banni þeim hörðustu ekki för alla-
jafna, verður því þó ekki neitað að
það er miklu þægilegra að hjóla í
vinnuna á auðum götum, sem á
ágústkvöldi væri, í 8 stiga hita og
sunnangolu. Það er hins vegar
betra að vera með nægan ljósabún-
að á hjólunum í skammdeginu og
setja upp hjálm til frekara öryggis.
Morgunblaðið/Kristinn
Góð tíð fyrir
hjólreiðamenn
FRESTUR til að skila inn tilnefn-
ingum um vígslubiskupsefni í Hóla-
stifti rennur út síðdegis í dag hjá
Biskupsstofu. Kjörstjórn kemur
saman eftir helgi og fer þá yfir til-
nefningar, sem þurfa að berast frá
hið minnsta 10% kosningabærra
manna til að teljast gildar. Kjör-
seðlar verða sendir út eftir það til
þeirra 62 einstaklinga sem eru á
kjörskrá og niðurstöðu í kjörinu er
að vænta um miðjan febrúarmánuð,
samkvæmt upplýsingum frá Bisk-
upsstofu.
Prestafélag Hólastiftis, sem nær
yfir Norður- og Austurland eftir ný-
lega stækkun til austurs, stóð fyrir
kynningarfundi á Löngumýri í
Skagafirði sl. þriðjudag með þeim
fjórum vígslubiskupsefnum sem
hafa gefið formlega kost á sér. Í
nóvember sl. fór fram svipaður
fundur á Vestmannsvatni en þá
mættu aðeins tvö biskupsefni.
Á Löngumýri héldu erindi þau sr.
Dalla Þórðardóttir, prófastur í
Skagafjarðarprófastsdæmi og
prestur á Miklabæ, sr. Guðni Þór
Ólafsson, prófastur í Húna-
vatnsprófastsdæmi og prestur á
Melstað, sr. Jón A. Baldvinsson,
sem verið hefur sendiráðsprestur í
London, og sr. Kristján Valur Ing-
ólfsson, lektor í guðfræði við Há-
skóla Íslands og fyrrverandi rektor
í Skálholti og prestur á Grenj-
aðarstað í S-Þingeyjarsýslu. Til
fundarins var boðið prestum úr
stiftinu og þeim leikmönnum sem
hafa kosningarétt.
Tvær umferðir líklegar
Til að hljóta kosningu sem vígslu-
biskup þarf a.m.k. helming greiddra
atkvæða en miðað við fjölda bisk-
upsefna er talið líklegt að til ann-
arrar umferðar komi þar sem kjósa
þurfi á milli tveggja efstu úr fyrstu
umferð. Viðmælendur Morgun-
blaðsins telja ómögulegt á þessari
stundu að ráða í hver fyrrnefndra
kandídata telst sigurstranglegur en
þess skal getið að kona hefur ekki
áður gefið formlega kost á sér til
vígslubiskupskjörs hér á landi.
Sr. Bolli Gústavsson er að láta af
störfum vígslubiskups á Hólum í
Hjaltadal en í forföllum hans hefur
forveri hans í embættinu, sr. Sig-
urður Guðmundsson, verið settur
vígslubiskup.
Síðasti dagur til að tilnefna vígslubiskupsefni í Hólastifti
Sr. Guðni Þór
Ólafsson
Sr. Dalla
Þórðardóttir
Sr. Jón A.
Baldvinsson
Sr. Kristján
Valur Ingólfsson
Fjórir prestar hafa þeg-
ar tilkynnt framboð sitt
FORSVARSMENN 35% fyrirtækja
telja eldra starfsfólk verðmætara en
það yngra, samkvæmt könnun Sam-
taka atvinnulífsins á viðhorfum aðild-
arfyrirtækja sinna til eldra starfs-
fólks.
Í könnuninni var spurt hvort eldra
starfsfólk væri talið verðmætara,
jafn verðmætt eða ekki eins verð-
mætt og það yngra. Svarendum var
látið eftir að skilgreina við hvaða ald-
ur þeir miða þegar talað er um
„eldra“ og „yngra“ fólk. Niðurstaðan
var sú að flestir telja eldra starfsfólk-
ið jafn verðmætt og það yngra, eða
tæp 62%, en rúm 35% telja það verð-
mætara. Tæp 3% telja eldra starfs-
fólk hins vegar ekki jafn verðmætt og
það yngra. Hlutfall þeirra sem telja
eldra starfsfólkið verðmætara en það
yngra er hæst í smæstu fyrirtækj-
unum, í fjölda starfsmanna talið, en
fer lækkandi eftir því sem fyrirtækin
stækka. Alls staðar telur þó meiri-
hluti fyrirtækja að eldra starfsfólkið
sé jafn verðmætt því yngra, níutíu
prósent stærstu fyrirtækjanna. Hlut-
fall þeirra sem telja eldra starfsfólk
ekki eins verðmætt og það yngra er
hins vegar nokkuð jafnt, oftast um
þrjú prósent.
Ekki er eins mikill munur milli at-
vinnugreina í þessu sambandi. Hlut-
fall þeirra sem telja eldra starfsfólkið
verðmætara er hæst í ferðaþjónustu
og meðal rafverktaka, um 45%, en
lægst meðal fjármálafyrirtækja, um
21%. Sú mæling tengist þó annarri,
um stærð fyrirtækja í fjölda starfs-
manna talið, enda hátt hlutfall fjár-
málafyrirtækjanna með mikinn
fjölda starfsmanna, öfugt við raf-
verktaka. Hlutfall þeirra sem telja
eldra starfsfólkið ekki eins verðmætt
og það yngra fer hins vegar ekki í
neinni grein hærra en í fjögur pró-
sent.
Í fréttabréfi SA frá því í desember
kemur fram að hér á landi er víða
mikil eftirspurn eftir eldra starfsfólki
á vinnumarkaði. Haft er á orði að
eldra starfsfólkið sé áreiðanlegt,
samviskusamt auk þess að búa að
mikilli þekkingu og reynslu.
Eldra starfsfólk verð-
mætara en það yngra