Morgunblaðið - 10.01.2003, Blaðsíða 18
AKUREYRI
18 FÖSTUDAGUR 10. JANÚAR 2003 MORGUNBLAÐIÐ
www.islandia.is/~heilsuhorn
Ein með öllu
SENDUM Í PÓSTKRÖFU
Multi-vítamin og steinefnablanda
ásamt spirulínu, lecithini,
Aloe vera o.fl. fæðubótarefnum
Glerártorgi, Akureyri, s. 462 1889
fæst m.a. í Lífsinslind í Hagkaupum,
Árnesaptóteki Selfossi og
Yggdrasil Kárastíg 1.
Kaupfélag Eyfirðinga hefur um nokkurt skeið unnið að út-
tekt á endurbyggingu húsanna við Kaupvangsstræti 6 á Ak-
ureyri. Hús þessi eru staðsett neðst í svonefndu Grófargili
og hafa lengstum gengið undir nafninu Bögglageymsluhús-
in eða gamla mjólkur- og sláturhús KEA. Húsin voru fyrstu
iðnaðarhús Kaupfélags Eyfirðinga á sínum tíma og eiga því
merkilega sögu að baki.
Engin ákvörðun hefur verið tekin um framtíðarnotkun hús-
anna en hér með auglýsir KEA eftir aðilum sem kunna að
hafa áhuga á að koma á fót starfsemi í húsinu af einhverj-
um toga, hvort heldur er í hluta húsanna eða að öllu leyti.
Engin skilyrði eru sett varðandi þessa hugmyndavinnu en
nauðsynlegt er að framtíðarhlutverk húsanna falli vel að
hlutverki miðbæjar Akureyrar og ekki síst þeirri listastarf-
semi sem búið er að byggja upp í Grófargili.
Byggingarnar að Kaupvangsstræti 6 eru í fjórum hlutum,
alls um 460 fermetrar. Elsti hluti húsanna er frá árinu
1907.
Í framhaldi af hugmyndavinnu um nýtingu húsanna verður
tekin ákvörðun um endurgerð þeirra og framkvæmdahraða.
Öllum er frjálst að skila inn hugmyndum um framtíðarhlut-
verk húsanna. Skila þarf inn lýsingu á hugmynd til KEA,
annað hvort bréfleiðis merkt Kaupfélag Eyfirðinga,
Hafnarstræti 91-95, 600 Akureyri eða á tölvupósti á net-
fangið kea@kea.is. Samhliða lýsingu á hugmynd þarf að
koma þarf fram nafn og heimilisfang höfundar.
Tillögum skal skila inn sem fyrst.
Lífi hleypt í Kaupvangsstræti 6
- KEA auglýsir eftir hugmyndum um
framtíðarstarfsemi í húsunum í Grófargili
KAUPFÉLAG EYFIRÐINGA
STARFSEMI Atvinnuþróunar-
félags Eyjafjarðar, AFE, hefur ver-
ið til endurskoðunar að undanförnu
í ljósi breytinga á starfsumhverfi fé-
lagsins. Þar er m.a. lagt til að fækk-
að verði í starfsliði félagsins og að
nafni félagsins verði breytt til að
undirstrika breyttar áherslur í
starfseminni. Hólmar Svansson,
framkvæmdastjóri AFE, sagði að
unnið hafi verið að endurskipulagi á
starfsemi félagsins samhliða endur-
skoðun Akureyrarbæjar á þátttöku
í starfi félagsins.
AFE er rekið af sveitarfélögun-
um í Eyjafirði en þar er Akureyr-
arbær langstærsti eigandinn. Hólm-
ar sagði að á meðal eigenda
félagsins hefði komið fram áhugi á
því að stokka upp starfsemina og þá
ekki síst frá Akureyrarbæ. Hann
sagði það dauðadóm yfir félaginu ef
Akureyrarbær hætti aðild, enda
greiðir bærinn um 70% af framlög-
um sveitarfélaganna til rekstursins.
Hólmar sagði að hugmyndin væri
að þrengja starfssvið félagsins og
skerpa áherslur. Því þurfi einhverj-
ir aðrir að taka við hluta af þeim
verkefnum sem þar hafi verið unn-
in. Hólmar sagði lengi hafa verið
uppi hugmyndir um stofnun mark-
aðsskrifstofu í ferðamálum fyrir
Norðurland og ef af verði þurfi að-
komu sveitarfélaga að þeirri starf-
semi. Hann sagði að ef einkaaðili er
tilbúinn að taka ferðamálin upp á
sína arma væri sjálfsagt fyrir AFE
að segja skilið við þau. „Nú, eða að
ríkisvaldið komi frekar að málum,
eins og tilfellið er með Nýsköpunar-
miðstöðina. Við þurfum því að end-
urstaðsetja okkur í þessu um-
hverfi.“
Lagt er til að nýjar áherslur í
starfsemi AFE lúti m.a. að at-
vinnuþróun, sem takmarkist við
nýja markaði eða nýja vöru hjá
starfandi fyrirtækjum. Unnið verði
að því að laða að innlendar og er-
lendar fjárfestingar og að unnið
verði með Byggðastofnun að
byggðaþróunarverkefnum. Þá er
lagt til að AFE leiði verkefni um
samræmda atvinnustefnu sveitarfé-
laganna á Eyjafjarðarsvæðinu til
næstu fimm ára í samvinnu við
sveitarstjórnarmenn, fulltrúa fyrir-
tækja og annarra þátttakenda í at-
vinnulífinu. Þá skal félagið vera
framkvæmdaaðili sveitarstjórna á
verkefnum á sviði atvinnumála og
vinna að þróunar- og markaðsverk-
efnum sem snúa að því að efla svæð-
ið og kynna það sem vænlegt til
fjárfestinga og samstarfs.
Starfsemi Atvinnuþróunarfélags Eyjafjarðar í endurskoðun
Hugmyndin að
þrengja starfssviðið
og skerpa áherslur
UNG kona hefur í Héraðsdómi
Norðurlands eystra verið dæmd í
fjögurra mánaða fangelsi fyrir lík-
amsárás sem átti sér stað á sorp-
haugum Akureyrarbæjar í Glerárdal
haustið 2001. Einnig að greiða 75
þúsund krónur í skaðabætur ásamt
vöxtum og sakarkostnaði.
Konan var ákærð fyrir að veitast
að annarri ungri konu með því að
taka utan um háls hennar, þrýsta
henni að skottloki bifreiðar, slá hana
í andlit svo hún hlaut af bólgur og
hrinda henni þannig að hún féll aftur
fyrir sig og ofan í poll.
Fram kemur í dómnum að tilefni
árásarinnar megi að einhverju leyti
rekja til þess að fáum dögum áður
hafði lögregla haft afskipti af þremur
ungmennum sem voru að sniffa gas í
húsasundi á Oddeyri. Hafði lögregla
tal af einu þeirra, stúlkunni sem fyrir
árásinni varð, en hún greindi þá frá
nöfnum félaga sinna, þ.á m. nafni
stúlkunnar sem síðar réðst að henni.
Með broti sínu rauf konan skilorð,
en hún hafði í mars árið 2001 verið
dæmd í 90 daga fangelsi vegna lík-
amsárásar sem hún ásamt tveimur
öðrum unglingsstúlkum framdi.
Tekið er fram að dómari telur sér
settar skorður á hvernig ákvörðun
refsingar skuli háttað, en svonefnd
samfélagsþjónusta komi ekki til
álita, samkvæmt skilyrðum laga,
þannig að dæma yrði konuna í fang-
elsi. Með undanbragðalausri játn-
ingu og því að hún var ung að aldri á
verknaðarstundu þótti fært að fresta
fullnustu refsingarinnar um þrjú ár,
en frestun er þó bundin því skilyrði
að konan sæti sérstakri umsjón
Fangelsismálastofnunar á skilorðs-
tímanum.
Héraðsdómur Norðurlands eystra
Skilorðsbundið
fangelsi vegna
líkamsárásar
BÆJARRÁÐ Akureyrar fjallaði á
fundi sínum í gær um erindi frá
formönnum stéttarfélaga á Eyja-
fjarðarsvæðinu sem sent var
ráðinu skömmu fyrir jól, en í því
var skorað á bæjarstjórn Akureyr-
ar að taka þátt í að tryggja lága
verðbólgu og stöðugt efnahagslíf á
Íslandi með því að stilla hækk-
unum á gjöldum í hóf.
Á fundinum lagði Oktavía Jó-
hannesdóttir, Samfylkingu, fram
bókun þar sem segir að flokkurinn
taki undir sjónarmið stéttarfélag-
anna og að hann átelji sérstaklega
22,25% meðaltalshækkun á leik-
skólagjöldum vegna barna ein-
stæðra foreldra og námsfólks.
Oddur Helgi Halldórsson, Lista
fólksins, lagði á fundinum einnig
fram bókun þar sem hann bendir á
að a.m.k. 5 af þeim 7 formönnum
sem undir bréfið skrifa séu áhrifa-
menn innan Framsóknarflokksins
á Akureyri, sem sé annar meiri-
hlutaflokkurinn sem stendur að
þessum hækkunum. „Formönnun-
um er bent á að það sé kjörin leið
að hafa áhrif á þessi mál innan
síns flokks,“ segir í bókun Odds
Helga.
Bréf formanna stéttar-
félaganna til bæjarráðs
Kjörin leið að
hafa áhrif inn-
an flokksins
„VEIÐIMENN í útnorðri“ er heiti á
sýningu sem opnuð verður í Ket-
ilhúsinu á Akureyri á morgun, laug-
ardaginn 11. janúar kl. 14.
Sven Ludviksen, sjávarútvegs-
ráðherra Noregs, sem jafnframt er
samstarfsráðherra Norðurlanda í
Noregi, opnar sýninguna.
Sýningin fjallar um löndin þrjú,
Grænland, Ísland og Færeyjar, þar
sem fólk hefur öldum saman búið við
og í veiðimannamenningu og gerir
það enn þrátt fyrir að samfélögin
séu nú nútímaleg hátæknisamfélög.
Sýningin byggist á þremur þáttum,
listum, þjóðfræði og tækni á grund-
velli veiðimannamenningar í lönd-
unum þremur. Kjarni sýningarinnar
er texti eftir prófessor Jóan Pauli
Joensen og er hún hönnuð af lista-
manninum Edvard Fuglo.
Vestnorræna ráðið átti frum-
kvæði að sýningunni en um er að
ræða farandsýningu sem opnuð var í
Færeyjum á liðnu sumri, þaðan var
haldið til Orkneyja, þá til Dyflinnar
og Reykjavíkur, en þaðan kemur
sýningin til Akureyrar með liðsinni
bæjarins. Frá Akureyri fer sýningin
til Grænlands en verður svo að end-
ingu sett upp á Íslandsbryggju í
Kaupmannahöfn.
Sýningin stendur til 9. febrúar
næstkomandi.
Morgunblaðið/Skapti Hallgrímsson
Þessi ísbjörn sem virðist vera í námunda við Akureyrarkirkju er hluti
sýningarinnar um veiðimenn í útnorðri.
Veiðimenn í útnorðri
SÍÐASTI dagur jólatrjáasöfn-
unar á Akureyri er í dag, föstu-
daginn 10. janúar. Starfsmenn
Framkvæmdamiðstöðvar hafa í
vikunni farið um bæinn og safn-
að saman jólatrjám sem sett
hafa verið út á gangstéttir. Auk
þess sem markmið með þessari
söfnun er að auðvelda bæjarbú-
um að losa sig við trén er einnig
horft til þess að minnka úrgang
til urðunar en ætlunin er að
endurnýta trén, þau verða kurl-
uð niður og notuð til ræktunar-
starfa og til stígagerðar.
Þeir sem ekki nýta sér þessa
þjónustu geta farið með tré sín
á gámasvæðið við Réttar-
hvamm.
Jólatrjám safnað