Morgunblaðið - 10.01.2003, Blaðsíða 17
HÖFUÐBORGARSVÆÐIÐ
MORGUNBLAÐIÐ FÖSTUDAGUR 10. JANÚAR 2003 17
Á HVERJUM degi, eða allt að því, mætir Að-
alsteinn Gíslason í bítið í Sundlaug Kópavogs.
Þar situr hann í heita pottinum í dágóða stund
áður en hann syndir 600 metrana í stóru laug-
inni, skellir sér síðan í gufuna og endar á því
að ganga einn hring í kringum laugina. Þá
drífur hann sig í rennibrautina í hvert sinn, í
fimm, tíu eða fimmtán skipti. Þetta væri
kannski ekki fréttnæmt nema fyrir þær sakir
að Aðalsteinn verður níræður á árinu.
Aðalsteinn fluttist í Kópavoginn í kringum
1960 og hefur síðan farið daglega í sund, allt
þar til í fyrra þegar læknarnir neituðu að
gefa honum vottorð upp á sjónina þannig að
hann gat ekki endurnýjað ökuskírteinið sitt.
Því er hann nú háður því að fá far með öðrum
til og frá sundlauginni og það hefur dregið ör-
lítið úr ferðunum þótt enn heimsæki hann
laugina svo til daglega.
„Það er enginn efi að þetta heldur alveg líf-
inu í manni,“ segir hann. „Ég hef verið svo
heppinn að vera hraustur og þakka það því að
ég ef aldrei verið svo frægur að kaupa mér
eina einustu sígarettu. Ég þurfti að liggja á
spítala fyrir nokkru og þeir höfðu orð á því
hvað ég hefði góð lungu þannig að það hjálp-
ar örugglega ákaflega mikið.“
Hefur gengið sem svarar
níu skiptum á Everest
Í febrúar árið 1991 var nýja sundlaugin í
Kópavogi opnuð og seinna sama ár var renni-
brautinni komið þar fyrir sem Aðalsteinn
kann vel að meta. „Það er föst regla hjá mér
að fara a.m.k. fimm ferðir á dag. Stundum fer
ég 10 ferðir og jafnvel 15 og einu sinni fór ég
20 ferðir.“ Hann segir gott að láta fjölda ferð-
anna hlaupa á fimm því þannig gangi betur að
halda utan um það hversu oft hann hafi farið í
rennibrautina í heildina.
„Núna er ég búinn að fara 15 þúsund ferðir
þannig að þetta safnast þegar saman kemur.
Það var eiginlega tilviljun að ég byrjaði á
þessu. Þegar ég var búinn með tuttugu ferðir
dreif ég þær upp í hundrað og svoleiðis gekk
það áfram.“
Hann segist ekki í vafa um ágæti renni-
brautarferðanna fyrir líkama og sál. „Maður
gengur fyrst upp 25 tröppur þannig að í raun
geta allir farið sem geta gengið 25 tröppur
því rennibrautin skilar öllu niður, það er eng-
in hætta á öðru,“ segir hann og skellihlær.
„Ég var nú að reikna það út að ég hef farið
sex, sjö sinnum á Everest bara með því að
ganga upp hjá rennibrautinni.“ Í ljós kemur
að hann hefur gert gott betur en það því
rennibrautin er 5,5 metrar á hæð og með því
að hafa gengið þá hæð 15 þúsund sinnum er
Aðalsteinn búinn að klífa eina 82.500 metra.
Sem kunnugt er er Everest um 8.800 metrar
að hæð og samkvæmt því hefur Aðalsteinn
klifið Everest rúmlega níu sinnum.
Krakkarnir eins og kríurnar
En hvers vegna í ósköpunum er Aðalsteinn
svona hrifinn af rennibrautinni? „Ég veit það
svo sem ekki,“ segir hann. „Ég er nú gamall
barnakennari og hef mjög gaman af að vera
með krökkum. Maður er orðinn barn fyrir
löngu í annað sinn.“
Aðalsteinn var sumsé farkennari í 10 ár
upp úr árinu 1940 og er ekki í nokkrum vafa
um að það sé eitt besta starf sem hægt er að
stunda. „Maður var alltaf á úrvalsheimilum
og ég segi alveg eins og er að ég hafði ekki
hugmynd um hvað óþekkt barn var þegar ég
var farkennari, það bara þekktist ekki.“
Hann segist hins vegar hafa mjög gaman af
krökkunum í dag þótt það séu öllu meiri ærsl í
þeim en krökkunum sem hann kenndi í far-
kennslunni í gamla daga. „Þau garga hvert í
kapp við annað og það minnir mig á kríuvarp-
ið heima þegar kríurnar görguðu og maður
heyrði ekki orða skil,“ segir hann hlæjandi og
það er greinilegt að hann kann vel að meta
þessi læti.
Og Sundlaug Kópavogs fær ekki dónalega
einkunn hjá Aðalsteini. „Ég er ekki í nokkrum
vafa um að þetta er besta sundlaug í heimi. Ég
hef komið í sundlaugina í Crystal Palace í
London og hún stenst engan samanburð við
laugina hérna. Svo hef ég líka synt í Bergen
og í Svíþjóð það er alveg það sama þar,“ segir
hann en bendir þó á að alltaf megi bæta það
sem gott er fyrir. „Það er bara eitt sem ég
óska eftir að væri hérna og það er kaldur
pottur sem maður getur synt í. Ég veit það
færu fáir í hann til þess að gera en það færu
alltaf einhverjir. Og best væri nú ef það gæti
verið sjór í honum.“
Nálgast nírætt og skellir sér í rennibrautina í Sundlaug Kópavogs nær daglega
„Orðinn barn fyrir
löngu í annað sinn“
Morgunblaðið/Árni Sæberg
Aðalsteinn hefur mjög gaman af krökkum enda var hann barnakennari á árum áður. Hann
segir þó meiri ærsl í krökkum nú til dags: „Þau garga hvert í kapp við annað og það minnir
mig á kríuvarpið heima þegar kríurnar görguðu og maður heyrði ekki orðaskil,“ segir hann.
Kópavogur
LOKAÐRI samkeppni um hönnun
hjúkrunarheimilis og þjónustu-
íbúða fyrir aldraða í Sogamýri var
hrundið af stað í gær með því að
hönnunargögn voru afhent kepp-
endum. Sjö hönnuðir voru valdir til
keppninnar úr hópi 35 arkitekta-
stofa sem óskuðu eftir því að taka
þátt. Kostnaðaráætlun vegna verk-
efnisins er 3 milljarðar króna.
Þeir sem standa að framkvæmd-
unum eru sjálfseignarstofnunin
Markarholt, Reykjavíkurborg og
ríkissjóður en áætlað er að í Soga-
mýri verði 96 hjúkrunarrými og 78
þjónustuíbúðir fyrir aldraða í fjöl-
býlishúsum sem þó verða með sér-
býliseinkennum að sögn Eyglóar
Stefánsdóttur, stjórnarformanns
Markarholts.
Þá verður byggð 2.000 fermetra
þjónustukringla þar sem áætlað er
að verði dagvist, deild fyrir heila-
bilaða, heimahjúkrun og göngu-
deild. Eygló segir að þjónustu-
kringlan verði eins konar hjarta
svæðisins en þaðan munu leiðir
liggja út í hjúkrunarheimilið og
íbúðirnar. Alls verða byggingarnar
á svæðinu um 16.300 fermetrar að
stærð.
Samkeppni um hönnun svæðis-
ins var auglýst í byrjun október
síðastliðnum og óskuðu 35 arki-
tektastofur eftir því að taka þátt í
keppninni. Forvalsnefnd hefur nú
valið sjö arkitektastofur til þátt-
töku í keppninni og fengu þær af-
hent hönnunargögn í gær. Þessar
stofur eru Arkibúllan, AT4 arki-
tektar í samstarfi við danska arki-
tektastofu sem heitir KØS, Batt-
eríið, Gláma-Kím, Úti og inni,
Stúdíó Grandi og Yrki.
Að sögn Eyglóar fær hver stofa
700 þúsund krónur auk vsk. fyrir
að skila inn tillögu en ein þeirra
muni svo fá verkið í framhaldinu.
Gert sé ráð fyrir að tillögum verði
skilað 27. mars en niðurstöður
samkeppninnar eigi að liggja fyrir
16. apríl. Í framhaldinu verði geng-
ið til samninga við þá stofu sem
verður hlutskörpust í samkeppn-
inni og er reiknað með að það taki
8–10 vikur að fullgera svokallaðar
bygginganefndarteikningar.
Heildarkostnaður verkefnisins
er áætlaður um 3 milljarðar króna.
Hefur Markarholt gengið til sam-
starfs við Landsbanka Íslands
vegna þeirrar fjármögnunar er
snýr að framkvæmdum félagsins.
Að sögn Eyglóar er reiknað með
að hefja framkvæmdir upp úr
haustinu og raunhæft sé síðan að
áætla að hægt verði að hefja starf-
semina í kringum áramótin 2004/
2005.
Heima er best
„Þetta er eiginlega í fyrsta sinn
sem er hannað frá grunni hvaða
þjónusta á að vera á svona stað og
það er lögð gífurleg áherslu á að
fólkið geti búið heima sem lengst,“
segir Eygló. „Þannig höfum við
unnið út frá þeirri hugmyndafræði
að heima sé best. Hugmyndin er
að fólk geti búið þarna allt til enda
og haldið reisn og virðingu á sínum
heimavelli. Þannig geti það fært
sig í íbúðir meðan það er hresst og
síðan ef eitthvað bjátar á þá þekkir
það svæðið og það sem er þarna í
kring.“
Forveri Markarholts er sjálfs-
eignarstofnunin Réttarholt sem
byggði 60 þjónustuíbúðir í Hæð-
argarði og afhentar voru árið 1991
og 1993. Í félaginu eru nú um 200
félagsmenn sem munu hafa for-
gang að úthlutun íbúða þegar þar
að kemur en úthlutun hjúkrunar-
rýma verður með hefðbundnum
hætti.
Gert er ráð fyrir að um eins kon-
ar búsetakerfi verði að ræða í
íbúðunum. „Það verða ekki eign-
aríbúðir með afsali,“ segir Eygló
en bætir við að ekki sé búið að út-
færa fyllilega með hvaða hætti
íbúðirnar verða leigðar út. „Við er-
um að horfa til þess að létta fólki
daglegan rekstur og viðhald og það
sé auðveldara að færa sig á milli
þjónustu ef eitthvað bjátar á.
Sömuleiðis erum við að hugsa til
þess að fólk geti hugsanlega losað
fjármagn og nýtt það á meðan það
hefur löngun og getu til.“
Samkeppni um hönnun
hjúkrunarheimilis hafin
Morgunblaðið/Árni Sæberg
35 stofur sóttu um að taka þátt í samkeppni um hönnun svæðisins en af
þeim voru sjö valdar til þátttöku. Þeim voru afhent hönnunargögn í gær.
Sogamýri