Morgunblaðið - 10.01.2003, Blaðsíða 40

40 FÖSTUDAGUR 10. JANÚAR 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
JÆJA jæja jæja, nú ætlar frúin í
landspólitíkina. Það er ekki nóg með
að hún gangi á bak orða sinna einu
sinni, þ.e.a.s. í flugvallarkosningun-
um, heldur gerir hún það aftur núna
og enn fylgir fólk henni og kallar
hana drottningu! Hvursu oft fær frú-
in að ganga á bak orða sinna áður en
fólk áttar sig á hvurslags flagð er
undir fögru skinni? Hún tók það
skýrt fram áður en kosið var um
flugvöllinn að það þyrfti ákveðinn
prósentumun milli jákvæðra og nei-
kvæðra svara og að ákveðið margir
Reykvíkingar þyrftu að kjósa svo að
kosningin teldist réttmæt. Ef minnið
svíkur mig ekki munaði u.þ.b. einu
prósenti á jákvæðum og neikvæðum
svörum og miklu minna en helming-
ur borgarbúa greiddi atkvæði. Svo
birtist frúin glaðbeitt á forsíðu DV
með fyrirsögninni: Sigur lýðræðis-
ins! Hver ætli fyrirsögnin hefði orðið
hefði kosningin farið á hinn veginn,
mér er spurn. Nú ætlar frúin sér
meiri frægð og frama. Aftur gengur
hún á bak orða sinna, segist ekki
vera á leið í landspólitíkina því hún
ætli að standa sína plikt sem borg-
arstjóri vor. Og hvað gerist; á síð-
ustu stundu tilkynnir frúin framboð
sitt á þing. Þegar hún svo neyðist til
að segja af sér sem borgarstjóri
heldur hún því blákalt fram í fjöl-
miðlum að sér hafi verið stillt upp við
vegg, hún hafi verið neydd til að
segja af sér! Kjaftæði! Það sér hver
heilvita maður að það stillti henni
enginn upp við vegg, hún sá alfarið
um það sjálf! Það sem mér finnst þó
einna verst við þetta allt saman er
hvursu lítið er gert úr konum þegar
menn halda því fram að frúin eigi
greiða leið inn á þing því allar konur
muni kjósa hana. Hvenær ætlar fólk
að sjá að þetta snýst ekki um kven-
réttindabaráttu heldur um það hver
sé hæfastur! Telur fólk virkilega
manneskju sem er jafn fláráð og
ótrúverðug og frúin hæfa til að eiga
þátt í stjórnun landsins?
ELÍN HEIÐUR
GUNNARSDÓTTIR,
nemi,
Logafold 79.
Flagð undir
fögru skinni!
Frá Elínu Heiði Gunnarsdóttur:
KÆRA Guðríður (og vinkonur).
Eftir að hafa lesið grein þína þá
velti ég því fyrir mér hvort við (í
Sporthúsinu)
værum að veita
lélega þjónustu.
Hingað til hef ég
talið okkur vera
samkeppnishæf
á flestum ef ekki
öllum sviðum
heilsuræktarinn-
ar og þá sérstak-
lega hvað varðar
verðlagningu. En
þannig er nú málum háttað að flestir
samkeppnisaðilar okkar veita ekki
fría prufutíma eins og þú nefnir að sé
svo léleg þjónusta og get ég nefnt
World Class, Hress, Veggsport,
Technosport o.fl. máli mínu til stuðn-
ings. Hins vegar er mjög erfitt fyrir
okkur öll að veita sanngjarna sam-
keppni varðandi verðlagningu á móti
Nautilus eins og þú nefnir í grein
þinni þar sem þeirra fyrirtæki fær
aðstoð fá bæjarsjóði Kópavogs. Ef
við fengjum ódýrt eða allt að frítt
vatn og rafmagn þá hugsa ég að það
væri lítið mál að gefa fría prufutíma
en þetta er því miður kostnaður sem
við þurfum að borga og ekki finnst
mér sanngjarnt að meðlimir okkar
taki á sig aukakostnað til þess að við
getum veitt fría prufutíma.
En þegar maður fer nú að hugsa
um þetta þá er þetta ekki svo vit-
laust, væri ekki alveg kjörið að þetta
væri svona í fleiri atvinnugreinum.
Velti því fyrir mér hvernig það væri
ef mig langaði að fara á fínan veit-
ingastað og ég gæti fengið að
smakka af matseðlinum áður en ég
pantaði eða þá að ég gæti skellt mér í
næsta kvikmyndahús til þess að at-
huga hvernig ein mynd væri áður en
ég keypti mig inn á þá næstu. Það
væri kannski óskandi að Kópavogs-
bær, Hafnarfjarðarbær og Orkuveit-
an mundu nú snúa bökum saman og
stofna kvikmyndahús, matsölustaði
eða eitthvað því um líkt þar sem
maður gæti farið og fengið fría
prufutíma. Nei, þetta er nú senni-
lega fáránlegt og gerist aldrei en er
nú samt það sem við þurfum að lifa
við í okkar samkeppni í dag.
Þegar ég var búinn að hugsa málið
í nokkrar mínútur eftir að hafa lesið
grein þína þá verð ég að segja að ég
er ekki á sama máli og þú því ég tel
okkur veita fyrsta flokks þjónustu.
En það er bara besta mál að við
séum ekki öll sammála um alla hluti
en ég persónulega tel að Sporthúsið
sé að veita eina bestu þjónustuna
sem býðst á markaðnum auk þess að
bjóða upp á eitt lægsta verðið,
þ.e.a.s. miðað við eðlilega sam-
keppni.
Svona um leið og ég óska þér
gæfuríks árs þá langar mig að taka
fram að við bjóðum öllum sem fara í
prufutíma hjá okkur og kaupa sér
síðan kort að fá prufutímann til frá-
dráttar kortinu sínu.
Með kveðju,
SÆVAR PÉTURSSON,
framkvæmdastjóri Sporthússins.
Þjónusta í
Sporthúsinu
Frá Sævari Péturssyni:
Sævar Pétursson