Morgunblaðið - 07.02.2003, Page 26

UMRÆÐAN
26 FÖSTUDAGUR 7. FEBRÚAR 2003 MORGUNBLAÐIÐ
ATVINNU-
AUGLÝSINGAR
I
I
Aðstoðarmaður
tannlæknis
Tannlæknastofa í Hafnarfirði óskar eftir vönum
aðstoðarmanni eða tanntækni í 50% starf, eftir
hádegi. Umsóknir berist fyrir 15. febrúar.
Utanáskrift: Tannlæknastofa, Umsókn,
box 217, 222 Hafnarfjörður.
Prófarkalesari
Félagasamtök í Reykjavík óska eftir að komast
í samband við prófarkalesara. Verkefnið er
lestur fréttabréfs. Gera má ráð fyrir að verkið
taki alls um fjórar stundir í hvert skipti.
Aðeins þrautþjálfaður prófarkalesari kemur
til greina og hann verður að hafa mikla þekk-
ingu á íslensku atvinnulífi. Viðkomandi verður
að hafa netfang.
Áhugasamt fólk er beðið um að senda bréfstúf
til auglýsingadeildar Morgunblaðsins, merkt-
an: „Prófarkalesari“, fyrir 10. febrúar.
TIL LEIGU
Skólavörðustígur
Til leigu er verslunarhúsnæði í nýju húsi
við þann hluta Skólavörðustígs sem hefur verið
gerður upp. Fjölfarnasta ferðamannagata
Reykjavíkur. Sími 897 8910.
TIL SÖLU
Lagerútsala/barnavara
Dagana 7.-9. febrúar höldum við lagerútsölu
í Smiðsbúð 8. Í boði verður mikið úrval af barna-
vöru og barnafatnaði, s.s. bílstólar, skiptiborð,
matarstólar, ömmustólar, ferðarúm, barnavagn-
ar og einnig mikið úrval af vönduðum barna-
fatnaði, m.a. frá Nike og Oshkosh. Einnig mikið
úrval af leikföngum.
Ath.: Allt að 60% afsláttur frá heildsöluverði.
Opnunartími frá kl. 13.00—17.00 föstudag og
kl. 11.00—17.00 laugardag og sunnudag.
Lagerútsala, Smiðsbúð 8, Garðabæ.
TILKYNNINGAR
Hringvegur um Norður-
árdal, Kjálkavegur - Heið-
arsporður, Akrahreppi
Mat á umhverfisáhrifum — athugun
Skipulagsstofnunar
Vegagerðin hefur tilkynnt til athugunar Skipu-
lagsstofnunar matsskýrslu um Hringveg um
Norðurárdal, Kjálkavegur-Heiðarsporður,
Akrahreppi.
Tillaga að ofangreindri framkvæmd og skýrsla
um mat á umhverfisáhrifum hennar liggur
frammi til kynningar frá 7. febrúar til 21.
mars 2003 á eftirtöldum stöðum: Á skrifstofu
Akrahrepps, í Þjóðarbókhlöðunni og hjá Skipu-
lagsstofnun. Matsskýrslan er aðgengileg á
heimasíðu Vegagerðarinnar:
www. vegagerdin.is .
Allir hafa rétt til að kynna sér framkvæmdina
og leggja fram athugasemdir. Athugasemdir
skulu vera skriflegar og berast eigi síðar en
21. mars 2003 til Skipulagsstofnunar, Lauga-
vegi 166, 150 Reykjavík. Þar fást ennfremur
nánari upplýsingar um mat á umhverfisáhrif-
um.
Birt samkvæmt lögum um mat á umhverfisáhrifum, nr. 106/2000.
Skipulagsstofnun.
R A Ð A U G L Ý S I N G A R
Barcelóna — Menorca
Íbúð til leigu í Barcelóna og
á Menorca. Vetrarfrí/sumarfrí.
Uppl. gefur Helen í síma 899 5863.
HÚSNÆÐI ERLENDIS
FRÉTTIR
mbl.is
Í KJÖLFAR blaðaskrifa um
lyfjaverð og lyfjakostnað Landspít-
ala – háskólasjúkrahúss (LSH) var
nýverið haldinn fundur fulltrúa
lyfjaheildsala og stjórnenda spít-
alans. Þar voru ýmis ágreiningsmál
rædd og skipst á upplýsingum.
Skilningur er á nauðsyn þess að
halda lyfjakostnaði LSH sem
lægstum og á góðri samvinnu milli
þessara aðila. Skylt er að geta þess
að lyfjainnflytjendur veita spítalan-
um góða þjónustu, oft í bráðatil-
vikum, sem er metin að verðleik-
um. Hins vegar greinir menn á um
hlut verðlagningar lyfja í hratt
vaxandi lyfjakostnaði spítalans.
Lyfjakostnaður
ræðst af tvennu
Kostnaður við kaup á lyfjum til
spítalans er annar stærsti útgjalda-
liður í rekstri, næst á eftir launum.
Hann nam 2.250 millj. króna árið
2002 sem er 29% rekstrargjalda
eða 9% heildargjalda spítalans og
hækkaði um 13,6% frá 2001 til
2002, meðan vísitala neysluverðs
hækkaði um 4,6%. Reikningurinn
vegna S-merktra lyfja hækkaði á
sama tíma um 28%. Spítalanum er
skylt að ganga úr skugga um að
kostnaðarbreytingar séu skýran-
legar og eðlilegar.
Að gefnu tilefni skal ágreiningi
eytt um orðaval í opinberri umfjöll-
un að undanförnu. Í upphafi um-
fjöllunar um lyfjakostnað LSH
kom fram af hálfu spítalans að verð
S-merktra lyfja hefði hækkað um
28% frá 2001 til 2002. Hið rétta er
að átt var við lyfjakostnað sem
naumast verður misskilið af sam-
hengi fréttarinnar. Mikil hækkun
kostnaðar er tilkomin annars vegar
af verðbreytingum og hins vegar af
notkun nýrra dýrra lyfja. Spítalinn
hefur brugðist við með auknu
gæðaeftirliti, m.a. með gagnrýnu
mati á gagnsemi nýrra lyfja.
Lyfjaheildsalar benda á að lyfja-
verð sé háð ákvörðun lyfjaverð-
snefndar. Þetta er að hluta rétt.
Verð skráðra lyfja er háð reglulegu
eftirliti og heimilar nefndin allt að
15% umfram meðaltal nágranna-
landa okkar. Veigamikill hluti
lyfjainnkaupanna er óskráð lyf þar
sem álagning er frjáls. Eðlilegt er
því að spítalinn leiti upplýsinga frá
nágrannalöndunum til samanburð-
ar við lyfjaverð hér.
Verð skráðra lyfja
Innkaupsverð fjölmargra lyfja í
nágrannalöndum okkar hefur verið
borið saman við verð sömu lyfja í
reikningum LSH. Að jafnaði er
greitt hærra verð fyrir skráð lyf
hér en hjá öðrum Norðurlanda-
þjóðum og munar þar oft verulega,
einkum á dýrustu lyfjunum. Mun-
urinn er það mikill að hann getur
varla stafað eingöngu af flutnings-
kostnaði og smæð markaðarins.
Upplýsingar lyfjaumboðanna um
að lyfjaverð skráðra lyfja á Íslandi
sé sambærilegt og oft lægra en á
hinum Norðurlandanna kemur
spánskt fyrir sjónir. Samkvæmt
upplýsingum dönsku lyfjastofnun-
arinnar um verð 174 skráðra lyfja-
pakkninga sést, að verð á Íslandi
er 11–20% hærra en á Norðurlönd-
um. Finna má dæmi þess að lyf séu
ódýrari hér á landi, en það heyrir
til undantekninga.
Lyfjainnflytjendur benda á að
kostnaður við að halda lyfjum á
skrá hérlendis sé hlutfallslega
meiri vegna smæðar markaðarins.
Á móti kemur að skráningargjöld
hér eru mun lægri en í öðrum lönd-
um. Full ástæða er til að yfirfara
lög og reglugerðir er lúta að skrán-
ingu lyfja sem eingöngu eru ætluð
til notkunar á sjúkrahúsum. Hugs-
anlegt er að aflétta megi íþyngj-
andi og kostnaðarsömum kröfum.
Lyfjastofnun hefur lýst vilja til
samvinnu um málið. Öllum er þó í
mun að slaka ekki á öryggiskröf-
um.
Áréttað er að um óskráð lyf gild-
ir ekkert opinbert verðeftirlit enda
reynist verðmunurinn enn meiri en
á skráðum lyfjum. Engar viðhlít-
andi skýringar hafa fengist á þess-
um verðmun en augljóslega verður
að krefjast skýringa þegar inn-
kaupsverð spítalans á mánaðar-
skammti af tilteknu lyfi er 130.000
kr. hærra á Íslandi en í Noregi og
Svíþjóð.
Samkeppni eða
verðeftirlit?
Því hefur verið haldið fram að
sökum þess að 130 lyfjaframleið-
endur hafi markaðsleyfi fyrir lyf
hér á landi hljóti að ríkja sam-
keppni á markaðnum. Í reynd er
samkeppnin harla lítil. Oft er um
einn framleiðanda að ræða og sam-
keppni því ekki til að dreifa. Ein af
ástæðum þess að útboð á lyfjum
hér á landi hafa skilað minni af-
slætti en hjá hinum Norðurlanda-
þjóðunum kann að liggja í þessu.
Óhjákvæmilegt er að stjórnvöld
hugi að því hvort virk samkeppni
sé á þessum markaði. Ætla verður
að nýta megi betur samkeppnis-
ákvæði evrópska efnahagssvæðis-
ins en nú er.
Óumdeilt er að ný og mikilvirk
lyf hafa bætt horfur fjölda sjúk-
linga og vonandi verður unnt að
veita Íslendingum bestu lyfjameð-
ferð hér eftir sem hingað til. En
benda verður á þá ískyggilegu þró-
un á lyfjakostnaði sem orðið hefur.
Samkvæmt upplýsingum heilbrigð-
is- og tryggingamálaráðuneytis er
stigvaxandi aukning lyfjakostnaðar
frá árinu 1989, en langmest þó síð-
ustu tvö árin. Heildarlyfjakostnað-
ur landsmanna hefur aukist frá
1989 til 2001 um 212% á föstu verð-
lagi, meðan magnaukningin í skil-
greindum dagsskömmtum var um
50%. Hækkun lyfjakostnaðar LSH
verður að hemja með hagkvæmari
innkaupum og/eða frekari tak-
mörkun á notkun dýrustu lyfjanna.
Til að þetta markmið náist verða
heilbrigðisyfirvöld, stjórnendur
spítalans, læknar, innflytjendur og
framleiðendur lyfja að taka hönd-
um saman.
Um lyfjakostnað og
lyfjaverð á LSH
Eftir Magnús
Pétursson og
Jóhannes M.
Gunnarsson
„Verð á Íslandi er 11–
20% hærra en á Norð-
urlöndum.“
Magnús er forstjóri LSH og
Jóhannes lækningaforstjóri LSH.
Magnús
Pétursson
Jóhannes M.
Gunnarsson
STEINAR Berg Ísleifsson ritar
grein í Morgunblaðið 6. febrúar
undir fyrirsögninni: Fáum við nýja
plötu á fóninn? Snýst hún um
nauðsyn þess að stofna opinberan
sjóð til að styðja við bakið á þeirri
starfsemi, sem Steinar Berg hefur
sinnt um árabil, það er þróun og
útgáfu dægurtónlistar. Í grein
sinni setur Steinar Berg gamla og
slitna plötu á fóninn, þegar hann
endurtekur rangfærslur Jakobs
Frímanns Magnússonar og Helga
Péturssonar um afskipti mín sem
menntamálaráðherra af þessu bar-
áttumáli þeirra félaga.
Steinar Berg segir í grein sinni:
„Fulltrúar menntamálaráðuneytis
tóku þátt í störfum nefnda um
þessi mál hérlendis. Ein helsta nið-
urstaðan var að stofnaður yrði sér-
stakur sjóður sem hefði það að
markmiði að efla innviði íslensks
tónlistariðnaðar til útflutnings.
Engu að síður ákvað fyrrum
menntamálaráðherra, Björn
Bjarnason, að stöðva framgang
frumvarps um Þróunarsjóð tónlist-
ar sem iðnaðar- og viðskiptaráðu-
neytið var tilbúið að leggja fram á
vorþingi árið 1999.“
Rétt er, að ég skipaði fulltrúa í
nefndir um þetta mál. Hitt er
rangt, að ég hafi ákveðið að stöðva
framgang frumvarps iðnaðar- og
viðskiptaráðherra um málið. Með
því er mér gefið meira vald en ég
hafði sem menntamálaráðherra.
Að sjálfsögðu var frumvarpið al-
farið á valdi iðnaðar- og viðskipta-
ráðherra, þar til forsætisráðuneyt-
ið úrskurðaði, að svo væri ekki
samkvæmt verkaskiptingu á milli
ráðuneyta á grundvelli reglugerð-
ar um það efni.
Þráhyggjan við að eigna mér
vandræði viðskipta- og iðnaðarráð-
herra vegna þessa máls er greini-
lega af pólitískum rótum runnin.
Frá mönnum, sem halda að upp-
hefð í stjórnmálum snúist um að
segja ósatt um andstæðinga sína.
Greinar þeirra sýna, að undanfarin
ár hafa þeir verið á röngu róli
vegna þessa baráttumáls síns. Þeir
hafa enn rangt fyrir sér, þegar
þeir hefja sögu- og lagaskýringar.
Hvernig væri, að þeir settu nýja
plötu á fóninn? Hún er orðin of
slitin þessi.
Slitin plata
Eftir Björn
Bjarnason
Höfundur er alþingismaður
og borgarfulltrúi.
„Hvernig
væri, að þeir
settu nýja
plötu á fón-
inn? Hún er
orðin of slitin þessi.“