Morgunblaðið - 14.02.2003, Blaðsíða 11

FRÉTTIR
MORGUNBLAÐIÐ FÖSTUDAGUR 14. FEBRÚAR 2003 11
ALMENNAR
BÍLA-
VIÐGERÐIR
Vagnhöfði 21 • 110 Reykjavík
Sími: 577 4500 • www.velaland
velaland@velaland.is
d
es
ig
n.
is
2
00
3 eva
Laugavegi 91, 2. hæð
sími 562 0625
Allt að
70%
afsláttur
Nýtt kortatímabil
DKNY - Gerard Darel - Virmani - Seller - BZR - Paul et Joe - Nicole Farhi - IKKS
ÚTSÖLULOK
um helgina
Opið sunnudag
kl. 13-17.
BLÓÐBANKINN er að taka í notk-
un nýtt boðunarkerfi sem býður upp
á fjölbreyttari leiðir og meiri skil-
virkni í tengslum við innköllun og
bókun blóðgjafa. Hægt er að velja á
milli þess að áfram verði hringt í þá
eða þeir áminntir með tölvupósti,
SMS-skeytum eða skilaboðum í
GSM-síma sem byggist á GPRS-
tækni. Bogi Þór Siguroddsson,
stjórnarformaður Framtíðartækni
ehf., sem hefur þróað þetta kerfi í
samstarfi við starfsfólk Blóðbankans,
segir það bjóða upp á mikil tækifæri á
gagnvirku sambandi við blóðgjafa.
Þeir geti bókað tíma eða staðfest boð-
un í gegnum Netið og farsíma.
Sveinn Guðmundsson yfirlæknir
segir blóðgjafana mikilvægustu við-
skiptavini Blóðbankans. Á hverju ári
gefi átta til níu þúsund manns blóð í
um 15 þúsund komum. Með nýrri
tækni sé hægt að koma til móts við
óskir hvers og eins ásamt því að auka
skilvirkni þjónustunnar. „Markmið
okkar er að minna fólk á blóðgjöf en
plaga það ekki,“ segir Sveinn. Því geti
fólk valið um að láta áfram hringja í
sig, bókað tíma í gegnum Netið eða
fengið skilaboð í símann. Allt eftir því
hvað henti hverjum og einum.
Sveinn segir að hringingar hafi
nær eingöngu verið notaðar und-
anfarin ár til að minna á blóðgjöf. Ár-
ið 1994 var gerð tilraun til að senda
bréf en lítil svörun hafi verið við þeim.
Með þessari nýju tækni vinnist mikið;
meiri hagkvæmni er innleidd í boð-
unarferlið og þjónustan er sniðin að
þörfum blóðgjafans. Mikill kostnaður
hafi áður legið í póstsendingum auk
þess sem símhringingar í farsíma séu
dýrar og kosti mikla vinnu. Til-
tölulega mörg símtöl séu á bak við
hverja komu í Blóðbankann.
Að sögn Sveins skipuleggja tveir
starfsmenn komu blóðgjafa dag
hvern. Starfsfólk hafi unnið þekvirki í
þeirri skipulagningu undanfarin ár,
t.d. í samstarfi við tengiliði innan fyr-
irtækja. Mikilvægt sé að til taks séu
blóðbirgðir til tveggja vikna og þar
búi íslenski blóðbankinn betur en
bankar í mörgum nágrannalönd-
unum. Hann sér fyrir sér að þegar ný
tækni bætist við sé hægt að auka enn
á hagræðið og komur verði jafnari yf-
ir daginn og vikuna. Það stytti líka
biðtíma eftir blóðgjöf, sem kannski
fer fram í vinnutíma. Allir njóti því
góðs af þessum breytingum.
Farsælt samstarf
Bogi Þór segir að samstarfið við
Blóðbankann hafi verið farsælt og
lærdómsríkt. Þar hafi farið saman
skemmtilegt samspil Framtíðartækni
og starfsfólks í heilbrigðisgeiranum
sem sé uppfullt af hugmyndauðgi og
áhuga. Það vilji bæta við þekkingu
sem þegar sé til staðar og auka gæði
þjónustunnar. Blóðbankinn þurfi að
stunda öflugt markaðsstarf rétt eins
og hver önnur fyrirtæki. Góð sam-
skipti við blóðgjafa er forsenda þess
að þeir komi aftur og aftur, að mati
Boga, og tryggir þannig stöðugt
framboð af blóðeiningum. Einungis
þannig geti Blóðbankinn uppfyllt
skyldur sínar gagnvart viðskipta-
vinum sínum í heilbrigðiskerfinu sem
verði að geta gengið að nægjanlegum
og réttum blóðbirgðum á hverjum
tíma.
Sveinn segir að blóðgjafahópurinn
sé að eldast. Með þessari breytingu
er því líka hægt að ná til yngra fólks
sem er vant því að nota nýjustu tækni
við daglegar athafnir. Þetta komi því
vonandi til með að stækka hóp blóð-
gjafa og breyta samsetningu hans.
Markaðssókn í Bretlandi
Hann segir búið að taka í notkun
fullkominn blóðsöfnunarbíl og áhuga-
vert sé að notfæra sér samspil þess-
arar nýju leiðar til að nálgast blóð-
gjafa. Bíllinn sé notaður til að
heimsækja stór fyrirtæki, mennta-
stofnanir og nálæg byggðarlög. Sem
dæmi nefnir Sveinn að þegar farið
var í fyrirtækið Marel voru starfs-
menn þar, sem áður höfðu gefið blóð
og skráð farsímanúmer sitt hjá Blóð-
bankanum, minntir á komu blóðsöfn-
unarbílsins daginn áður með SMS-
skeytum.
Bogi segir búið að laga kerfið, sem
kallast REV-Blood Donor, að upplýs-
ingakerfi Blóðbankans. Margar
ábendingar komu frá starfsfólki um
betrumbætur og þannig hefur þetta
þróast frá upphafi samstarfsins síð-
astliðið sumar. Hann segir hugmynd-
ina hafa þróast frá því að vera hug-
búnaðarlausn í það að vera
viðskiptatækfæri sem gefi Framtíð-
artækni tækifæri á að bjóða ekki ein-
göngu einstæða gagnvirka lausn til
innköllunar, boðunar, og bókunar
blóðgjafa. Fyrirtækið sér einnig
tækifæri í að veita ráðgjöf um það
hvernig blóðbankar geti lækkað
kostnað við hverja sótta blóðeiningu.
Með samstarfi Framtíðartækni og
Blóbankans verði þannig í raun til
þekkingarverðmæti sem væntingar
eru um að megi selja til blóðbanka
víða um heim.
„Undanfarnar vikur höfum við ver-
ið að kynna erlendum blóðbönkum
hugmyndina í símtölum og finnum
fyrir miklum áhuga, því kostnaður við
boðun blóðgjafa er mjög mikill. Í
næstu viku munum við kynna lausn-
ina fyrir blóðbönkum í Bretlandi,“
segir Bogi. Sem dæmi nefnir hann að
kostnaður skosku blóðbankastofn-
unarinnar við póstsendingar sé 20
milljónir króna. „Ávinningurinn af
netpóstsendingum og SMS-send-
ingum er því gríðarlegur, auk þess
sem rannsóknir sýna að SMS-
skilaboð og netpóstur höfða mun bet-
ur til yngri hópa.“
Hann segist vona að kynningar í
blóðbönkum í Bretlandi, Norður-
löndum og öðrum löndum í N-Evrópu
á næstu vikum leiði til sölu REV-
Blood Donor og skapi framtíð-
argrundvöll fyrir þekkingarfyrirtæki
á þessu sviði á Íslandi. Þessi vinna
hafi verið möguleg þar sem íslenski
Blóðbankinn búi yfir framsæknu
starfsfólki sem hafi gert fyrirtækinu
kleift að vinna með því að greiningu
þarfa á mjög þröngu sviði.
Blóðbankinn tekur í notkun nýja tækni til innköllunar, boðunar og bókunar blóðgjafa
Unnt að panta
tíma gegnum
farsímann
Morgunblaðið/Sverrir
Bogi Þór Siguroddsson, stjórnarformaður Framtíðartækni, og Sveinn Guðmundsson, yfirlæknir Blóðbankans,
kynntu nýju tæknina sem verið er að taka í notkun og auðveldar umsjón með blóðgjafahópnum.
LÁRA Björnsdóttir, félagsmála-
stjóri Reykjavíkurborgar, segir eng-
in ný tíðindi að liðlega 40% þeirra
sem fá fjárhagsaðstoð frá Fé-
lagsþjónustunni séu einhleypir karl-
ar. Þannig hafi það verið um árabil
og hlutfallið jafnvel verið enn hærra.
Guðrún Ebba Ólafsdóttir, borgar-
fulltrúi D-lista, gerði útgjöld vegna
fjárhagsaðstoðar að umtalsefni í
borgarstjórn fyrir skömmu og vakti
þá meðal annars athygli á hlutfalli
einhleypra karlmanna sem fá aðstoð.
Lára segir að raunin sé sú sama
alls staðar í hinum vestræna heimi,
karlarnir séu hópur bótaþega sem
eigi það sammerkt að standa einir.
„Þessir menn eiga mjög erfitt og
þurfa hjálp. Það má ekki fara út á
þær villigötur sem mér finnst oft ein-
kenna umræðuna að vera að
hneykslast á því að þeir þurfi aðstoð.
Þeir þurfa í raun og veru miklu
meira en fjárhagsaðstoð og ég er
sammála Guðrúnu Ebbu í því.“
7 af 39 njóta fjárhagsaðstoðar
Hún segir að þessir menn hafi oft
verið atvinnulausir í langan tíma af
ýmsum ástæðum, vegna veikinda,
þeir hafi verið í áfengismeðferðum,
setið í fangelsum o.s.frv. Þeir sem
lendi í því að fá fjárhagsaðstoð svo
árum skipti endi í rauninni í þeirri
stöðu að vera fátækir, bæði fé-
lagslega og efnahagslega, og það
geti jafnvel komið niður á heilsufari
þeirra. Besta leiðin til að draga úr
fjárhagaðstoð sé að vinna með þeim
sem hafa fest í kerfinu.
Frá árinu 1999 hafa verið starf-
rækt átaksverkefni hjá Félagsþjón-
ustunni þar sem reynt er að fækka í
þeim hópi sem nýtur fjárhagsaðstoð-
ar. Ráðnir hafa verið félagsráðgjaf-
ar, þroskaþjálfar og iðjuþjálfar og
aðrir sérfræðingar til þess að vinna
að því að koma fólkinu á réttan kjöl.
Alls hafa 152 tekið þátt í verkefninu
og í desember sl. voru 44 þeirra virk-
ir þátttakendur. Af 39 einstaklingum
sem voru í upphafshópnum njóta sjö
enn fjárhagsaðstoðar. Að sögn Láru
er í athugun að gefa atvinnulausum
bótaþegum kost á að komast í „at-
vinnu með stuðningi“, svipað og
reynt hefur verið með fatlaða.
Segir bestu
leiðina að vinna
með fólkinu