Morgunblaðið - 14.02.2003, Síða 12

FRÉTTIR
12 FÖSTUDAGUR 14. FEBRÚAR 2003 MORGUNBLAÐIÐ
JÓNAS Snæbjörnsson, umdæmis-
stjóri Vegagerðarinnar á Reykja-
nesi, segir ekki hægt að hefja
framkvæmdir við mislæg gatnamót
Miklubrautar og Kringlumýrar-
brautar fyrr en eftir 18 mánuði þar
sem eftir eigi að hanna gatnamótin
og setja þau í umhverfismat. Stein-
unn Valdís Óskarsdóttir, formaður
skipulags- og byggingarnefndar
Reykjavíkur, segir vissulega hægt
að hefjast handa við undirbúning
og hönnun fyrir þann tíma. Hægt
sé að flýta því ferli til að hefja
sjálfar framkvæmdirnar sem fyrst.
Að sögn Jónasar er verkið nú til
umfjöllunar í samvinnuhópi Vega-
gerðarinnar og Reykjavíkurborgar
þar sem unnið er að stefnumótun
varðandi útfærslu á gatnamótum
áður en það verður sent til verk-
fræðistofa sem síðan munu hanna
gatnamótin. Sú útfærsla sé hins
vegar ekki endanlega ákveðin.
Samkvæmt svæðisskipulagi sé
gert ráð fyrir að Kringlumýrar-
brautin verði í fríu flæði en Miklu-
braut verði á ljósum. Hins vegar
hafi komið fram hugmyndir um að
hafa báðar brautirnar í fríu flæði
en að sögn Jónasar yrði sú lausn
talsvert dýrari en hin. Kostnaður,
miðað við að aðeins Kringlumýr-
arbrautin verði í fríu flæði, sé áætl-
aður í kring um 1,5 milljarð króna.
Hann segir ljóst að framkvæmd-
in þurfi að fara í umhverfismat og
að hálft eða heilt ár sé í að hönn-
unartillaga verði tilbúin til þess.
Hann er ekki bjartsýnn á að hægt
verði að flýta ferlinu mikið. „Ég
held reyndar að það verði keyrt á
þetta á fullum krafti núna en þetta
mun samt taka marga mánuði. Það
er alveg útilokað að þetta verði
komið til framkvæmda innan 18
mánaða.“ Framkvæmdin sjálf mun
svo taka um 18 mánuði að hans
mati gangi allt greiðlega.
Ágreiningur milli Vegagerðar
og borgarinnar um útfærslu
Steinunn Valdís Óskarsdóttir,
formaður skipulags- og byggingar-
nefndar Reykjavíkur, bendir á að
vegamálastjóri hafi sagt að ekki
væri hægt að ljúka framkvæmd-
unum á 18 mánuðum. „Hins vegar
er að sjálfsögðu hægt að hefjast
handa strax við hönnun, undirbún-
ing og framkvæmdir og við höfum
sagt að það standi ekki á okkur að
hefjast handa sé vilji til þess hjá
forsætisráðherra.“
Aðspurð hvort raunhæft sé að
hefja framkvæmdir við gatnamótin
fyrr en eftir 18 mánuði þar sem
eftir eigi að hanna gatnamótin og
setja þau í umhverfismat segir
Steinunn: „Mér er sagt að það sé
alveg möguleiki ef það er vilji til að
setja fjármuni í það. Þá munum við
auðvitað hraða undirbúningi, hönn-
un og svo framvegis.“
Hún bendir á að lengi hafi verið
ágreiningur milli Vegagerðarinnar
og borgarinnar um útfærslu á
gatnamótunum. „Þeir hafa alltaf
viljað hefðbundin mislæg slaufu-
gatnamót. Við teljum hins vegar að
skipulags- og umhverfislega séð og
með tilliti til hljóðvistar komist þau
ekki fyrir á þessum stað því þetta
er alveg ofan í byggðinni í Álfta-
mýri og eins Suðurveri hinum meg-
in. Þess vegna kom fram hugmynd
um að setja umferðina þarna undir
í stokk sem er sýndur núna í að-
alskipulagi.“ Hún segir Vegagerð-
ina hins vegar aldrei hafa ljáð máls
á því að gera jarðgöng í Reykjavík
og nefnir staði eins og Hringbraut,
Miklubraut, Sæbraut og Mýrar-
götu í því sambandi.
Staða framkvæmda
á ýmsum stigum
Steinunn vísar gagnrýni Davíðs
Oddssonar forsætisráðherra um
stöðu skipulagsmála í Reykjavík
alfarið á bug. „Staða einstakra
framkvæmda í Reykjavík er auð-
vitað á ýmsum stigum skipulags-
lega séð líkt og hlýtur að eiga við
um allar framkvæmdir sem rætt
var um að fara í á landinu í
tengslum við þessar tillögur ríkis-
stjórnarinnar. Það er ekkert annað
sem á við í Reykjavík en annars
staðar á landinu. Auk þess eru
mörg önnur verkefni í vegamálum í
Reykjavík en þessi gatnamót sem
hægt væri að ráðast í með skömm-
um fyrirvara og klára. Þá hef ég
t.d. nefnt færslu Hringbrautar sem
hefur staðið til í mörg ár og skipu-
lagsþáttur þess máls er klár. Þar
er bara umhverfismatið eftir þann-
ig að það ætti að vera hægt að
hefja framkvæmdir þar í byrjun
næsta árs.“
En hvenær væri þá hægt að
hefja framkvæmdir við gatnamót
Miklubrautar og Kringlumýrar-
brautar að mati Steinunnar? „Við
eigum eftir að fara yfir það með
okkar embættismönnum. Ég ósk-
aði eftir því í skipulagsnefnd á mið-
vikudag að fá skriflegt yfirlit frá
borgarverkfræðingi um hvað þetta
myndi þýða fyrir okkur í tíma,
bæði Kringlumýrarbraut og Miklu-
braut og önnur verkefni í Reykja-
vík,“ segir hún.
Mislæg gatnamót Kringlumýrarbrautar og Miklubrautar ekki í sjónmáli
Eftir að hanna mannvirkið
og setja í umhverfismat
Morgunblaðið/Júlíus
Mislæg gatnamót Kringlumýrarbrautar og Miklubrautar hafa lengi verið í umræðunni en að sögn formanns skipu-
lagsnefndar Reykjavíkur hefur ágreiningur verið milli Vegagerðarinnar og borgarinnar um útfærslu þeirra.
Útfærsla til um-
fjöllunar í sam-
vinnuhópi Vega-
gerðarinnar og
borgarinnar
ÞJÓÐKIRKJAN hefur hafið und-
irbúning að umfangsmikilli stefnu-
mótunarvinnu þar sem ætlunin er
að greina stöðu kirkjunnar og
hvert hún skuli stefna í framtíðinni.
Háteigskirkja er í hópi fjöl-
margra kirkna um allt land sem
hafa hafið stefnumótunarvinnuna.
Að sögn Péturs Björgvins Þor-
steinssonar, fræðslufulltrúa í Há-
teigskirkju, hafa ýmsar hugmyndir
verið reifaðar undanfarna daga um
nýjungar í kirkjustarfinu.
Skemmtilegasta hugmyndin er
hins vegar, að hans mati, sú sem
fram kom á fundi sóknarnefndar á
dögunum um að endurnýja ferm-
ingarheitið. „Fólk hugsar kannski
með sér, ég komst ekki af stað með
kirkjunni þarna um árið en nú lang-
ar mig að setja í gírinn,“ segir Pét-
ur, sem segir ekki fráleitt að ætla
að hugmyndin verði einhvern tím-
ann að veruleika.
Stefnumótunarferlið er opið öll-
um áhugasömum og hafa vinnu-
gögn verið send sóknarnefndum,
félögum og stofnunum kirkjunnar
um allt land. Einnig er hægt að
nálgast gögnin á vef kirkjunnar:
www.kirkjan.is.
Stefnt er að því að ræða fram
komnar hugmyndir á málþingi
öðru hvor megin við hvítasunnu og
að þær verði síðan lagðar fyrir
Kirkjuþing í haust.
Ræða nýjungar í
starfi þjóðkirkjunnar
Ljósmynd/Steinunn Arnþrúður Björnsdóttir
Fulltrúar frá nokkrum kirkjum í Reykjavík ræða stefnumótun í Neskirkju.
Frá vinstri: Guðmunda I. Gunnarsdóttir, æskulýðsfulltrúi í Neskirkju,
Hans Guðberg Alfreðsson, æskulýðsfulltrúi í Dómkirkju, Pétur Björgvin
Þorsteinsson, fræðslufulltrúi í Háteigskirkju, Halldór Elías Guðmundsson,
framkvæmdastjóri Grensáskirkju, og Hrund V. Þórarinsdóttir djákni.
SJÓNTÆKJAFRÆÐINGAR ætla
að halda áfram að sjónmæla, þrátt
fyrir að landlæknir hafi mælst til
þess að þeir hættu mælingum með-
an ráðið verði fram úr því hvort og
þá hvenær sjóntækjafræðingar fái
að gera sjónmælingar. Félagsfund-
ur hjá Félagi íslenskra sjóntækja-
fræðinga ákvað einróma að halda
mælingunum áfram, að sögn Krist-
ins Kristinssonar, sjóntækjafræð-
ings og stjórnarmanns í félaginu.
Kristinn segir að sjóntækjafræð-
ingar séu að reyna að koma á fundi
með heilbrigðisráðherra og fái sjón-
tækjafræðingar einhver loforð frá
ráðherra sé inni í myndinni að
hætta mælingum í bili. Rúmlega 20
félagsmenn voru á fundinum á
þriðjudag, en alls eru hátt í 40 í fé-
laginu. Kristinn segir að meirihluti
þeirra, eða rúmlega 30, hafi réttindi
til að mæla sjón og þeir hafi allir
mælt sjón fyrir gleraugu, í trássi við
lög, frá því aðgerðirnar hófust.
Sammála um að halda áfram
Kristinn segir að allir hafi verið
sammála því að halda mælingunum
áfram, en tillaga um hvort ætti að
hætta þeim hafi verið rædd. „Það
hefur ekki gefist vel að láta undan
hingað til. Við erum búin að vera að
reyna að berjast fyrir þessu og
sjáum engan tilgang með því að
hætta þessu,“ segir Kristinn. Að-
spurður segir hann menn vissulega
óttast að aðgerðirnar geti haft ein-
hverjar afleiðingar í för með sér.
„Ég hef bara enga trú á því, þá þarf
landlæknir eða ráðherra að svipta
heila starfsstétt starfsleyfi.“
Kristinn segir að sjóntækjafræð-
ingar hafi mælt fyrir linsum í 35 ár
á Íslandi, allan þann tíma hafi verið
horft í gegnum fingur með það að í
raun væri það lögbrot. Kristinn seg-
ir sjóntækjafræðinga vera sér-
menntaða í sjónmælingum en augn-
lækna vera sérfræðinga í augn-
sjúkdómum. „Það er munurinn,“
segir hann.
Stál í stál
„Þá er bara stál í stál. Við erum
búin að segja að slík pressa flýtir
ekki fyrir því að við klárum þetta
mál,“ segir Haukur Valdimarsson
aðstoðarlandlæknir. Hann segir að
embættið hafi nú til umsagnar er-
indi sjóntækjafræðinga til heilbrigð-
isráðuneytisins þar sem sjóntækja-
fræðingar fara fram á að lögum
verði breytt þannig að þeir geti
mælt sjón, bæði fyrir linsum og
gleraugum.
„Við höfum sagt að erindið verði
tilbúið eftir vikur, en ekki mánuði,“
segir Haukur. Hann segir að land-
læknisembættið þurfi nú að fara ná-
kvæmlega yfir stöðu mála til að
komast að einhverri niðurstöðu.
„Það er mjög erfitt þegar farið er að
gera þetta undir svona þrýstingi, þá
snýst þetta allt og við getum ekki
unnið í þessu máli. Það sem við
lendum í núna er bara að fást við
kvartanir og kærur út af þeim og
meðan það er þá vinnum við ekki við
annað,“ segir Haukur.
Hann segir að á síðsta ári hafi
nokkrar kærur borist frá augnlækn-
um vegna starfsemi sjóntækjafræð-
inga, en engar kærur hafi borist frá
því sjóntækjafræðingar vöktu at-
hygli á því í byrjun mánaðarins að
sjóntækjafræðingar hefðu um árabil
sjónmælt í trássi við lög.
Þingmenn hvattir til
að gera lagabreytingar
Samband ungra sjálfstæðismanna
samþykkti í fyrradag ályktun þar
sem þingmenn eru hvattir til þess
að gera nauðsynlegar breytingar á
lögum svo sjóntækjafræðingum
verði gert kleift að stunda sjónmæl-
ingar óhikað. „Í 75. gr. stjórnar-
skrárinnar er atvinnufrelsið vernd-
að og löggjafanum gert óheimilt að
skerða það nema almannahagsmun-
ir krefji. Samband ungra sjálfstæð-
ismanna fær ekki séð að almanna-
hagsmunir krefjist þess að
sjóntækjafræðingum sé meinað að
sjónmæla fólk, enda eru þeir full-
færir til þess. Þvert á móti krefjast
almannahagsmunir þess að staðið sé
vörð um atvinnufrelsið og það
verndað gegn þröngum sérhags-
munum,“ segir í ályktun SUS.
Sjóntækjafræðingar
halda mælingum áfram
SETIÐ er um gistirými á Raufar-
höfn í lok maí en þá verður sólmyrkvi
sjáanlegur frá landinu. Að mati
franskra sérfræðinga er Raufarhöfn
einn ákjósanlegasti staður heims til
að fylgjast með sólmyrkvanum og er
það ekki síst vegna þess að engin
fjöll skyggja þar á.
Hótelið á Raufarhöfn er nú þegar
uppbókað en verið er að reyna að fá
heimamenn til að taka þátt í að veita
aukið gistirými. Um 50 manns eiga
bókaða gistingu á Hótel Norðurljósi
þar sem Erlingur Thoroddsen er
hótelstjóri. „Það er dálítið gaman að
sjá hvað við snúum vel að sólmyrkv-
anum. Svo er sólin svo lágt á lofti að
við erum nokkuð vel í sveit sett til að
sjá þetta,“ segir Erlingur.
Mest er um bókanir frá útlending-
um. „Bókanirnar byrjuðu að koma í
október. Strax eftir áramótin fóru
svo margar fyrirspurnir að berast á
þennan eina dag og þá fór ég að
kanna hvað væri í gangi og frétti af
sólmyrkvanum.“
Nær hámarki kl.
fjögur að morgni
Samkvæmt vefsíðu almanaks Há-
skóla Íslands er sólmyrkvinn hring-
myrkvi sem merkir að tunglið fer allt
inn fyrir sólkringluna en nær ekki að
hylja hana. Hringmyrkvinn mun ná
hámarki um kl. 4 að morgni laug-
ardaginn 31. maí og mun standa yfir
í um það bil 3,6 mínútur. Þessi sól-
myrkvi verður sá mesti sem sést hef-
ur frá Íslandi frá árinu 1986. „Hring-
myrkvinn sést fyrst við Bret-
landseyjar en skugginn færist síðan
til vesturs yfir Færeyjar, Ísland og
Grænland. Þessi myrkvastefna, frá
austri til vesturs eftir yfirborði jarð-
ar, er afar sjaldgæf og stafar af því
að skugginn frá tunglinu fer yfir
heimskautið. Annað sem er óvenju-
legt við myrkvann er hin mikla
breidd skuggasvæðisins sem nemur
meira en 1.200 km þar sem það er
breiðast, í námunda við Ísland,“ seg-
ir á vefsíðu almanaks HÍ.
Mesti sólmyrkvi
á Íslandi frá árinu 1986
Setið um
gistirými á
Raufarhöfn