Morgunblaðið - 14.02.2003, Qupperneq 25

VIÐSKIPTI
MORGUNBLAÐIÐ FÖSTUDAGUR 14. FEBRÚAR 2003 25
ÚTFLUTNINGSRÁÐ kannar nú
grundvöllinn fyrir því að útflytj-
endur á íslenskri tónlist standi að
þjóðarbás á tónlistarsýningunni
Midem, sem haldin verður í Cannes
í Frakklandi á næsta ári. Þetta
kemur fram í nýjasta tölublaði
fréttabréfs Útflutningsráðs,
Fréttaskoti.
Fulltrúar Útflutningsráðs, ásamt
fulltrúum Samtóns, samstarfsvett-
vangs höfunda, flytjenda og útgef-
enda, sóttu
Midem 2003 nú í
byrjun mánaðar-
ins. Vilhjálmur
Jens Árnason,
forstöðumaður
hjá Útflutnings-
ráði, segir í
Fréttaskoti að
sýningin sé afar
þýðingarmikil
fyrir alla sem starfi í tónlistariðn-
aði. Flest lönd sem standi að útgáfu
tónlistar séu með þjóðarbás á
Midem og því sé mikilvægt fyrir Ís-
lendinga að láta þar að sér kveða.
Gagnlegir fundir
„Fulltrúum Samtóns leist mjög
vel á sýninguna sem vettvang til að
kynna íslenska tónlist,“ segir Vil-
hjálmur. Hann segir að samhliða
sýningunni hafi farið fram ráð-
stefna, þar sem rætt hafi verið um
markaðssetningu og sölu á tónlist
frá öllum sviðum. Fundir með
fulltrúum ýmissa samtaka tónlist-
arútflytjenda hafi verið mjög gagn-
legir. „Nú er ætlunin að kanna
grundvöllinn fyrir íslenskum þjóð-
arbás á Midem 2004, en framhaldið
ræðst auðvitað af áhuga þeirra sem
starfa í tónlistariðnaðinum,“ segir
hann.
Helga Valfells, sem einnig er for-
stöðumaður hjá Útflutningsráði,
segir að mjög fróðlegt hafi verið að
kynnast því hvernig önnur lönd
ynnu að markaðsmálum á sviðum
tónlistar; einkum önnur norræn
lönd. „Í Noregi, Svíþjóð og Finn-
landi er mikil samstaða um útflutn-
ing á tónlist og af því má draga
nokkurn lærdóm,“ segir hún. „Við-
brögð manna í Cannes sýndu svo
ekki verður um villst að íslensk
tónlist er betur kynnt en margar
aðrar atvinnugreinar á Íslandi. Ís-
lensk tónlist er greinilega mikils
metin erlendis og ljóst er að mikið
brautryðjendastarf hefur verið
unnið á þessu sviði,“ segir hún.
Einar Örn Benediktsson tónlist-
armaður segist vera á þeirri skoðun
að „upphefð íslenskrar tónlistar
komi innan frá, frekar en utan frá.
Mér finnst að setja eigi smá kraft í
að gera listamönnum kleift að fara
til útlanda með tónlist sína, frekar
en að setja tónlistina á einhvern
bás á erlendri sýningu. Það held ég
að verði seint vænlegt til vinnings
og hefur hingað til ekki skilað þeim
árangri sem búast hefði mátt við,“
segir hann.
Einar Örn segir að ef til vill skili
vera á Midem árangri fyrir heild-
sala og smásala í tónlistargeiran-
um. „Kannski skilar þetta starf
betri kjörum og lægra verði í inn-
flutningi á tónlist, en varla hærra
verði í útflutningi,“ segir hann.
Einar segir að nær væri að stofna
einhvers konar upplýsingar- eða
þjónustumiðstöð um íslenska tón-
list hér á landi, sem listamenn og
útgefendur stæðu að. Þangað gætu
erlendir aðilar, sem áhugasamir
væru um íslenska tónlist, leitað.
„Vel mætti hugsa sér bás, einhvers
staðar á hlutlausu belti hér á landi,
sem væri þá um leið tónleikastaður,
svo dæmi sé nefnt,“ segir hann.
Grundvöllur fyrir
þjóðarbás á Midem
2004 kannaður
Umfram-
eftirspurn
eftir skulda-
bréfum Stoða
SKULDABRÉF að nafnvirði 2,3
milljarðar króna seldust í lokuðu
skuldabréfaútboði til fagfjárfesta
sem Kaupþing banki lauk í þessari
viku fyrir Fasteignafélagið Stoðir.
Mikil umframeftirspurn var eftir
bréfunum og var útboðið því stækk-
að um 950 milljónir að því er fram
kemur í fréttatilkynningu frá Kaup-
þingi banka hf. Útboðið var liður í
endurfjármögnun skammtíma-
skulda Stoða.
Í tilkynningunni segir að í boði
hafi verið verðtryggð vaxtagreiðslu-
bréf til átta ára og óverðtryggð ein-
greiðslubréf til þriggja ára. Upphaf-
lega stóð til að selja fyrir samtals
1.350 m.kr. að nafnverði en vegna
mikillar umframeftirspurnar var
ákveðið að stækka útboðið um 950
m.kr. að nafnverði og voru því sam-
tals 2.300 m.kr. að nafnverði seldar
til fagfjárfesta.
Kaupþing banki mun sækja um
skráningu skuldabréfanna í Kaup-
höll Íslands og mun jafnframt taka
að sér viðskiptavakt með skuldabréf-
in.
Skuldabréfamarkaður að verða
hagkvæm og mikilvæg leið
Jónas Þorvaldsson, framkvæmda-
stjóri Fasteignafélagsins Stoða hf.,
segir í fréttatilkynningunni að nið-
urstaða skuldabréfaútboðsins hafi
farið fram úr björtustu vonum og
beri vott um traust á rekstri og
eignastöðu félagsins.
Stefán Ákason, forstöðumaður
Skuldabréfamiðlunar Kaupþings,
segir að mikil eftirspurn væri skýrt
merki um að fagfjárfestar séu í
auknum mæli farnir að horfa á
skuldabréf traustra fyrirtækja sem
góða viðbót í eignasafn sitt. „Með
lækkandi markaðsvöxtum er skulda-
bréfamarkaður að verða hagkvæm
og mikilvæg leið fyrir traust íslensk
fyrirtæki til fjármögnunar,“ segir
Stefán í fréttatilkynningunni.