Morgunblaðið - 21.02.2003, Qupperneq 1
KRAKKARNIR í Austurbæjarskóla nutu
veðurblíðunnar til hins ýtrasta í gær og
brugðu á leik á skólalóðinni í frímín-
útunum. Þau dóu ekki ráðalaus, þótt þau
hefðu ekki snjóþotu og gripu það sem
hendi var næst og gott að renna sér á.
Þessi unga stúlka hefur til að mynda
fundið plastpoka, sem getur verið hinn
fínasti sleði þegar ekkert annað býðst.
Til að maður meiði sig ekki á botninum
er þó mikilvægt að aðgæta að brekkan sé
alveg rennislétt, eins og í þessu tilviki,
því það getur verið hættulegt að lenda á
grjóthnullungi á mikilli ferð.
Einnig er mikilvægt að börn gæti sín á
umferðinni – og að sjálfsögðu að öku-
menn séu vakandi fyrir því að börn séu
að leik í brekkum nálægt umferð-
argötum.
Morgunblaðið/Sverrir
Ráðagóðir
Austurbæingar
STOFNAÐ 1913 50. TBL. 91. ÁRG. FÖSTUDAGUR 21. FEBRÚAR 2003 mbl.is
Nútímaverk
á fjölunum
Íslenski dansflokkurinn frum-
sýnir þrjú ný verk Listir 26
Vörn gegn
farsímabylgjum
Eva María og Óskar nota heima-
tilbúinn símabúnað Daglegt líf 1
Coldplay
sigursæl
Mikið var um dýrðir á Brit-
hátíðinni í gærkvöldi Fólk 60
ÍGOR Ívanov, utanríkisráðherra
Rússlands, sagði í gær að Rússar
hefðu fengið „uggvekjandi upplýs-
ingar“ um að Bandaríkjamenn beittu
vopnaeftirlitsmenn Sameinuðu þjóð-
anna miklum þrýstingi til að fá þá til
að leggja fram skýrslu sem hægt
væri að nota sem „afsökun til að
beita hervaldi“ í Írak.
Ívanov lagði áherslu á að örygg-
isráð Sameinuðu þjóðanna þyrfti að
fá „óvilhallar upplýsingar“ frá eftir-
litsmönnunum og hvatti þá til að
halda áfram að gæta hlutleysis.
Háttsettur embættismaður í
Washington sagði að tillaga um nýja
ályktun um Íraksmálið yrði lögð
fram í öryggisráðinu í næstu viku. Í
ályktuninni yrði því lýst yfir að Írak-
ar hefðu gerst sekir um skýlaus brot
á fyrri ályktunum öryggisráðsins.
Ívanov gaf til kynna að Rússar
myndu beita neitunarvaldi sínu gegn
slíkri ályktun.
Tyrkir draga
Powell á svarinu
Powell bjóst í gær við svari frá
Tyrkjum við beiðni Bandaríkja-
manna um að fá að nota flugvelli í
Tyrklandi til árása á Írak. Yasar
Yakis, utanríkisráðherra Tyrklands,
sagði hins vegar að tyrkneska stjórn-
in myndi ekki svara beiðninni strax.
Tyrkir krefjast trygginga fyrir því
að Bandaríkin veiti þeim fjárhagsað-
stoð komi til stríðs í Írak.
Rússar
gefa til
kynna
andstöðu
Moskvu, Washington. AFP.
Ný ályktun í
Íraksmálinu lögð
fram í næstu viku
Fjölgun eftirlitsmanna/17
EKKI hefur verið hægt leggja bráðveika unglinga
inn á barna- og unglingageðdeild Landspítalans
(BUGL) svo vikum og mánuðum skiptir og eru
dæmi um að foreldrar hafi þurft að sitja yfir börn-
um sínum allan daginn vegna þessa. Ólafur Ó. Guð-
mundsson, yfirlæknir á deildinni, segir „ástandið
skelfilegt. Þetta hefur ekki bara áhrif á geðheilsu
unglingsins heldur allrar fjölskyldunnar. Ég veit að
margir foreldrar eiga í miklum vanda út af þessu.“
Ólafur segir að í vetur hafi 10–15 unglingar að
jafnaði verið á biðlista eftir að komast á legudeild
þrátt fyrir að marga hafi þurft að leggja inn taf-
arlaust. Um 50–60 börn séu á biðlista göngudeildar.
Erfið bið eftir þjónustu
Jón Kristjánsson heilbrigðisráðherra segir að af
hálfu Landspítala verði farið grannt ofan í málið en
nefnir jafnframt að það sé umhugsunarefni hvers
vegna eftirspurn eftir þjónustu við geðsjúk börn
hafi aukist eins mikið og raun ber vitni.
Kristín Anna Jónsdóttir á tvö börn og hefur feng-
ið að kenna á ástandinu. Barnalæknir vísaði tíu ára
gömlum syni hennar inn á dagdeild barna- og ung-
lingageðdeildar í fyrravor en drengurinn er ofvirk-
ur, með athyglisbrest og hefur auk þess þjáðst af
þunglyndi og kvíða. Engin leið var að koma honum
inn á BUGL um vorið en Kristínu var tjáð að hann
kæmist líklega inn um jólin Hún segir líðan sonar
síns hafa stöðugt versnað þegar leið á sumarið og
um vorið hafi hún þurft að taka frí í sautján daga frá
vinnu vegna veikinda hans og nánast allt sumarfríið
hafi verið notað til sinna honum. Um haustið hafi
hún loks komið barninu inn „með frekjunni“ en þá
hafi í raun verið um algjört neyðarástand að ræða.
Sonur hennar fór á göngudeild BUGL og hlaut þar
meðferð og frekari greiningu. Segir Kristín að hann
hafi tekið greinilegum framförum en biðin hafi hins
vegar tekið verulega á, bæði fyrir soninn og aðra í
fjölskyldunni.
Átta ára gömul dóttir Kristínar er með asberger-
heilkenni og ofvirk og þurfti hún að bíða í 6–7 mán-
uði eftir greiningu á BUGL. Henni var síðan vísað í
taugasálfræðilegt mat og tók um ár að bíða eftir því.
Þá var henni vísað á ráðgjafar- og greiningarstöð
ríkisins, sú bið hafi þegar tekið 6–7 mánuði og enn
sé beðið. Kristín segir verst að vita ekki hvað ami að
börnunum og þar með sé ekki hægt að bregðast á
réttan hátt við veikindunum. Til dæmis fái grunn-
skólar ekki úthlutað fé til sérkennslu fyrr en grein-
ing liggi fyrir og tafir á greiningu þýði því að börnin
fái ekki kennslu við hæfi.
Kristín segir lækna á BUGL greinilega hafa mik-
ið að gera og stundum sé ótrúlega erfitt að ná í þá.
„Þeir eru allir af vilja gerðir, það vantar ekki. Það er
bara erfitt að komast að,“ segir hún. Sem dæmi um
álagið nefnir hún að læknar svari oft skilaboðum
klukkan átta eða níu á kvöldin og taki á móti börn-
um á laugardögum. „Þetta er náttúrlega ekki í lagi.“
Yfirlæknir barna- og unglingageðdeildarinnar segir að ekki hafi verið hægt
að leggja bráðveika unglinga inn á deildina svo vikum og mánuðum skiptir
„Ástandið skelfilegt“
Ekki nýtt/6
KRISTJÁN Jóhannsson tenór-
söngvari er staddur í Hamborg
þar sem hann mun syngja í gala-
sýningu Staatsoper á óperunum
Cavalleria Rusticana og I Pagli-
acci. Kristján var við æfingar á
sömu óperum á Ítalíu þegar vinur
hans Jose Cura, sem er stjórnandi
sýningarinnar, bað hann um að
koma í skyndi til Hamborgar og
taka þátt í sýningunni. Áður
höfðu aðrir söngvarar verið vald-
ir í hlutverkin en Cura þótti þeir
ekki nógu góðir.
„Mér var boðið að syngja í sýn-
ingunni fyrir ári en ég hef sungið
hérna í yfir fimmtán ár,“ sagði
Kristján í gærkvöldi er hann var
nýlentur í Hamborg. „Ég hef ekki
sungið hérna í tvö ár, ég þótti of
dýr, en Þjóðverjar eins og margir
aðrir, hafa skorið mikið niður.
Það hefur svo þýtt að gæðin hafa
minnkað. Fólkið er ekki þeirrar ánægju aðnjótandi
að hafa hér sína listamenn sem þeir hafa dáð jafnvel í
mörg ár.“
Kristján segir sýninguna í Hamborg merkilega
m.a. að því leyti að Jose Cura, sem er þekktur söngv-
ari, stjórni henni. „Það kom upp úr dúrnum að hann
er það kröfuharður að hann gat ekki sætt sig við þá
söngvara sem búið var að velja og óskaði eftir mér í
þessa sýningu. Ég þekki verkin eins og höndina á
mér. Ég er búinn að syngja þau tólf eða fjórtán sinn-
um áður hér í Hamborg.“
Kristján er að æfa sömu óperurnar á Ítalíu. „Svo
þetta kemur vel heim og saman og ég gat fengið mig
lausan á Ítalíu þegar kallið kom.“
Hann segir ákvörðun Cura að boða hann til Ham-
borgar vera til marks um það að ástandið í óp-
eruheiminum sé að lagast. „Það er alveg vitlaust að
gera. Ég er mjög bjartsýnn og þetta ár lofar góðu. Ég
held að þrátt fyrir stríðshótanir og annað sé að birta
til. Ég er sjálfur í góðu formi og kvíði engu, nema síð-
ur sé. Það væri síðan gaman að syngja Cavalleria og I
Pagliacci á Íslandi. Það hef ég enn ekki gert.“
Jose Cura
Kristján
Jóhannsson
Jose Cura
kallar Kristján
til Hamborgar