Morgunblaðið - 04.03.2003, Blaðsíða 12

Illugi Gunnarsson,
aðstoðarmaður
forsætisráðherra
Frásögn
Davíðs
nákvæm
og rétt
ILLUGI Gunnarsson, aðstoðar-
maður forsætisráðherra, segir
fullyrðingar Hreins Loftssonar,
stjórnarformanns Baugs, um að
hann hafi ekki verið viðstaddur
samtal Hreins og Davíðs Odds-
sonar forsætisráðherra um Baugs-
veldið vera rangar.
„Það getur vel verið að þeir hafi
hist eitthvað áður og talað saman
en ég var viðstaddur þegar þeir
tóku þetta mál upp,“ segir Illugi.
„Eins og ég hef áður sagt þá er
frásögn forsætisráðherra af mál-
inu bæði nákvæm og rétt og það
þýðir lítið fyrir Hrein Loftsson að
halda því fram að ég hafi ekki
heyrt það tal,“ segir hann. Annars
sagði hann Hrein Loftsson verða
að eiga það við sína samvisku hvað
hann segi um málið.
Hreinn sendi frá sér yfirlýsingu
í gærdag þar sem hann segir þá
Davíð hafa setið eina á tveggja til
þriggja tíma löngum fundi þegar
málið kom upp og að Illugi geti
ekki vitað hvað fram hafi farið á
fundinum þar sem hann hafi verið
staddur annars staðar. Illugi hafi
hins vegar snætt með þeim kvöld-
verð síðar sama dag.
Illugi sagði hárrétt hjá Hreini að
hann hafi snætt með þeim kvöld-
verð umræddan dag en að það
væri ekki rétt að hann hefði ekki
orðið vitni að þessu tali. Hann vildi
að öðru leyti ekki tjá sig um málið.
FRÉTTIR
12 ÞRIÐJUDAGUR 4. MARS 2003 MORGUNBLAÐIÐ
JÓN Ásgeir Jóhannesson, forstjóri
Baugs, segir það ekki fyndið að
hafa hugsanlegar mútur til for-
sætisráðherra í flimtingum. Ein-
hvern tíma kunni orð í gríni að hafa
fallið, í þá veru hvort Baugur ætti
að athuga með sérstakar greiðslur
til forsætisráðherra, „en þau orð
eru ekki úr mínum munni komin,“
segir Jón Ásgeir. Forstjórinn segir
það ekki gott, að hann og Hreinn
Loftsson, stjórnarformaður Baugs,
séu ekki sammála um hver forsaga
málsins er. Jón Ásgeir segir jafn-
framt að honum hafi ekki verið
skemmt, þegar hann sá Fréttablað-
ið á laugardag; um fundargerðir
Baugs og önnur gögn félagsins eigi
að ríkja fullkominn trúnaður.
– Hvað vilt þú, Jón Ásgeir, segja
um þau ummæli forsætisráðherra í
morgunþætti RÚV í morgun, um að
Hreinn Loftsson hafi á fundi sínum
með forsætisráðherra í London í
janúar í fyrra, sagt að þú hafir sagt
við hann, að það þyrfti að bjóða for-
sætisráðherra 300 milljónir króna
gegn því að hann léti af ímyndaðri
andstöðu við Baugs-fyrirtæki?
„Þetta er einfaldlega alrangt, í
öllum atriðum. Það má hugleiða
hvers vegna forsætisráðherra kem-
ur fram með slíkar ásakanir núna,
snemma á mánudagsmorgni. Mér
sýnist að forsætisráðherra hafi
kannski lent í einhverjum vandræð-
um með það hvernig hann ætti að
svara því sem kom fram í Frétta-
blaðinu á laugardaginn, um að hann
hafi á þessum fundi með Hreini í
fyrra rætt um Jón Gerald Sullen-
berger og Nordica. Því tel ég að
forsætisráðherra hafi samið þessa
sögu á helginni og mætt með hana í
morgunútvarpið.
Ég veit ekki hvað Hreinn Lofts-
son og Davíð Oddsson voru að gant-
ast með, yfir vínglasi í London á
sínum tíma, en í fyrsta lagi þori ég
að fullyrða að þessi ummæli um 300
milljónirnar eru ekki frá mér komin
og í öðru lagi, að hafi Hreinn Lofts-
son hent einhverju slíku á loft, þá
hefur það verið í ábyrgðarlausu
glensi og nákvæmlega engin alvara
þar að baki.“
– Hreinn Loftsson hefur sjálfur
sagt að þetta hafi verið sagt í hálf-
kæringi, hefur þú einhvern tíma, í
hálfkæringi eða ekki hálfkæringi,
ýjað að því að þú værir reiðubúinn
til þess að greiða forsætisráðherra
mútur?
„Ég hef verið að fara yfir helstu
kjaftasögur í þjóðfélaginu, undan-
farin misseri, bæði þær sem snúa
að mér og mínu fyrirtæki og svo
aðrar kjaftasögur, eins og þá
kjaftasögu, að ákveðið fyrirtæki hér
í borg, hafi greitt forsætisráðherra
100 milljónir króna inn á erlendan
bankareikning, fyrir velvild og fyr-
irgreiðslu í garð fyrirtækisins.
Vel má vera að einhvern tíma
hafi einhver orð verið látin falla og
þá í fullkomnu gríni, að við hjá
Baugi ættum hugsanlega að kanna
slíka leið, en þau orð eru ekki úr
mínum munni komin.
Svona lagað hef ég aldr-
ei nokkurn tíma sagt,
enda er það ekki einu
sinni fyndið, að hafa
hugsanlegar mútur til
forsætisráðherra í flimt-
ingum.“
– Hvað segir þú þá
um það að stjórnarfor-
maður þíns eigin fyrir-
tækis, Hreinn Loftsson,
skuli hafa slíkt eftir þér
í samtali við forsætis-
ráðherra?
„Það er náttúrlega
ekki gott að við erum
ekki sammála um það
hvernig þetta fór fram og hver for-
saga málsins er, en við erum sam-
mála um að það, að þótt Hreinn hafi
látið þessi orð falla úti í London, þá
var það ekkert annað en ábyrgð-
arlaust glens, enda hefur Hreinn
þegar staðfest það.“
– En er það ekki óþægilegt fyrir
þig, sem forstjóra Baugs, að Hreinn
leggi þér þessi orð í munn, í samtali
sínu við forsætisráðherra, hversu
mikil alvara sem svo var á bak við
orðin?
„Það er auðvitað óþægilegt, en
það er einfaldlega staðreynd, að ég
hef aldrei sagt neitt í þessa veru.“
– Forsætisráðherra vitnar í orð
Hreins, þegar hann upplýsir um
efnisatriði fundarins í London. Þú
hefur þegar lýst því yfir, að þú
munir höfða meiðyrðamál – meið-
yrðamál á hendur hverjum – for-
sætisráðherra eða þínum eigin
stjórnarformanni?
„Ég mun stefna forsætisráðherra
fyrir þessi ummæli og höfða meið-
yrðamál á hendur honum, því efn-
islega getur hann ekki einvörðungu
skjaldað sig með meintum umælum
Hreins. – Er ekki kominn upp trún-
aðarbrestur á milli þín og stjórn-
arformanns Baugs?
„Það er auðvitað mjög óþægilegt
ef einhver gengur á fund annars
manns með eitthvað í farteskinu,
sem er ekki rétt, svo einfalt er það.
Þó að nú sé sagt, að þessu hafi verið
varpað fram í hálfkæringi, í
ákveðnu samhengi, við kvöldverð-
arborð á kínverskum veitingastað í
London, þá breytir það engu um
það, að þetta er bæði
óheppilegt og óþægi-
legt. Ég lít þannig á,
að það sé ekki hægt
að hafa mútu-
greiðslur til for-
sætisráðherra að
gamanmálum.
Eftir stendur, að
ég sagði þetta aldrei
og ég tel að ef for-
sætisráðherra hefur
talið, þegar Hreinn
varpaði þessu fram,
að þetta væri raun-
veruleg tilraun til
þess að bera á hann
mútur, þá bar honum
að tilkynna réttbærum yfirvöldum
um þessa tilraun samdægurs.“
– Hann sagði í útvarpinu í morg-
un, að hann hefði komið þessum
upplýsingum með óformlegum
hætti til lögreglu hér á landi.
„Þetta stenst ekki skoðun hjá
forsætisráðherra. Hefði hann gert
það og yfirvöld tekið mark á hon-
um, þá hefði tafarlaust verið hafin
rannsókn á málinu og haft samband
við mig og upplýsinga aflað um mál-
ið.
Ég tel að fyrst Davíð Oddsson
kaus að bíða í rúmlega þrettán
mánuði með þessa frásögn sína, þá
hafi hann ekki tekið orð Hreins
Loftssonar ýkja alvarlega í upphafi.
Hann hafi sem sé áttað sig á gríntil-
raunum Hreins.
Davíð sagðist í viðtali í dag hafa
rætt við lögreglu með óformlegum
hætti og segist ekki hafa getað
komið fram með málið þar sem orð
stæði gegn orði. Síðar í dag segir
hann hins vegar að aðstoðarmaður
hans hafi verið vitni, sem ætti þar
með að hafa getað staðfest útgáfu
Davíðs, ekki satt?“
– Hvaða ástæður tilgreindi
Hreinn Loftsson við þig, þegar
hann í fyrra greindi þér frá því að
hann hygðist láta af stjórnarfor-
mennsku í Baugi?
„Það var eftir stjórnarfund
Baugs í Svíþjóð 3. maí í fyrra, sem
Hreinn tilkynnti mér að hann vildi
láta af stjórnarformennsku, í kjöl-
far þess, að ákveðið var að fara í
innri skipulagsbreytingar á félag-
inu og skipta því upp í þrjár ein-
ingar. Hreini fannst að með þessari
skipulagsbreytingu myndi hann
fjarlægjast reksturinn á Íslandi og
væri í raun og veru ekki í stjórn
þar, ef hann sæti áfram sem stjórn-
arformaður félagsins, sem var
raunar með þessari breytingu orðið
eignarhaldsfélag. Þessar ástæður
voru þær einu sem hann tilgreindi
fyrir afsögn sinni.
Einnig fannst honum sem eign-
arhaldsfélagið væri yfirmannað
með mig sem forstjóra og Tryggva
sem aðstoðarforstjóra.“
– Er kominn upp trúnaðarbrest-
ur innan stjórnar Baugs, eftir að
Þorgeir Baldursson og Guðfinna
Bjarnadóttir hafa greint frá því að
frásögn Fréttablaðsins af stjórnar-
fundi Baugs þann 12. febrúar í
fyrra sé tekin úr samhengi og end-
urspegli ekki þær umræður sem
fram fóru á fundinum?
„Þetta eru ekki skemmtileg mál
og mér var ekki skemmt þegar ég
sá Fréttablaðið á laugardaginn.
Menn eru að gefa sér það í dag, að
ekki hafi verið tekist á um þessi mál
um helgina, sem er rangt. Það er
slæmt fyrir okkur og fyrirtæki okk-
ar, að hluti úr fundargerðum félags-
ins og tölvupósti komist í dagblöð.
Um slík mál á að ríkja trúnaður.“
– Hver lét Fréttablaðinu í té þær
upplýsingar sem stuðst var við í
frásögn Fréttablaðsins á laugar-
dag?
„Ég veit bara, að það var ekki ég.
Mín eina aðkoma að þessari um-
fjöllun Fréttablaðsins var sú, að
ákveðinni spurningu var beint til
mín frá blaðinu sl. mánudag.“
– Þarf ekki að rannsaka hvaðan
lekinn úr stjórn Baugs er?
„Stjórn Baugs mun hittast á
fundi á fimmtudaginn og þar mun-
um m.a. fara gaumgæfilega yfir
þessi mál. Ég á von á því að við
munum breyta og herða okkar
vinnureglur, því það er ekki minn
vilji að svona upplýsingar, eins og
hlutar úr fundargerðabókum
stjórnar Baugs, berist til fjölmiðla.
Það eru um tuttugu manns sem
með einum eða öðrum hætti geta
haft aðgang að slíkum gögnum og
þetta kallar á breytingar sem upp-
ræta svona vinnubrögð.“
– Getur orðið uppstokkun í stjórn
Baugs á allra næstu dögum?
„Hér situr stjórn sem hefur
gengið í gegnum margt með félag-
inu og fyrir mig sem forstjóra er
ómetanlegt að hafa öfluga stjórn
með sér. Síðustu dagar hafa verið
okkur stjórnendum og starfsfólki
erfiðir og það er virkilega sárt að
sjá Davíð Oddson ráðast á þetta
fyrirtæki með þessum hætti. Það
stenst ekki að forsætisráðherra geti
með dylgjum einum saman reynt að
leggja 2.500 manna fyrirtæki að
velli. Enn og aftur gerist hann sek-
ur um árásir á okkur án þess að
hafa neinar sannanir nema Gróu á
Leiti.“
Ekki fyndið að hafa
mútur til forsætisráð-
herra í flimtingum
Jón Ásgeir Jóhannesson, forstjóri Baugs,
segist aldrei nokkurn tíma hafa reifað
nokkra hugmynd í þá veru, að gerð væri
tilraun til þess að bjóða Davíð Oddssyni
forsætisráðherra greiðslu, gegn því að hann
léti af andstöðu við Baugs-fyrirtæki. Agnes
Bragadóttir ræddi við Jón Ásgeir um
atburði helgarinnar og viðtal RÚV við
forsætisráðherra í gærmorgun.
agnes@mbl.is
Jón Ásgeir Jóhannesson
Yfirlýsing Hreins Lofts-
sonar vegna ummæla
Illuga Gunnarssonar
Var ekki
viðstaddur
fund okkar
Davíðs
HREINN Loftsson, stjórnar-
formaður Baugs, sendi frá sér eft-
irfarandi yfirlýsingu í gær vegna
ummæla Illuga Gunnarssonar, að-
stoðarmanns forsætisráðherra,
um samtal Davíðs Oddssonar
forsætisráðherra og Hreins í
London 26. janúar 2002:
„Illugi heldur því fram að hann
hafi verið viðstaddur fund okkar
Davíðs Oddssonar forsætisráð-
herra í Lundúnum hinn 26. janúar
2002 og geti staðfest frásögn
Davíðs af þeim fundi. Hið rétta er
að við Davíð sátum einir á
tveggja til þriggja tíma löngum
fundi um hádegisbil þennan dag.
Illugi var þá staddur annars stað-
ar og getur því ekki vitað hvað
fram fór á fundi okkar Davíðs.
Hann snæddi hins vegar með okk-
ur kvöldverð þennan dag. Ég tel
að inngrip Illuga nú breyti í engu
því sem ég hef áður sagt um efni
samtala okkar Davíðs.“
ÞORGEIR Baldursson, stjórnarmaður í Baugi,
segist lítið geta tjáð sig um ummæli Davíðs
Oddssonar forsætisráðherra um samtal hans
og Hreins Loftssonar, stjórnarformanns
Baugs, varðandi hugsanlegar mútugreiðslur.
Málið sé alfarið á milli Davíðs og Hreins.
Hvað varðar aðgang Fréttablaðsins að
fundargerðum og öðrum trúnaðargögnum
Baugs segir Þorgeir: „Þarna er algjör trún-
aðarbrestur og ég vil að það verði rannsakað
hvaðan þessar upplýsingar koma.
Það er náttúrulega óþolandi ef það er ein-
hver leki einhvers staðar þannig að það sé
ekki hægt að treysta því að trúnaðargögn fái
að vera í friði. Ég sætti mig ekki við að sitja
undir þessu því við í stjórninni og aðrir starfs-
menn liggjum svosem öll undir grun.“
Í fjölmiðlum í gær hélt forsætisráðherra því
fram að Hreinn Loftsson hefði lesið yfir um-
fjöllun Fréttablaðsins áður en hún birtist.
„Mér þykir það með ólíkindum ef það er rétt,“
segir Þorgeir. „Ég verð að játa að mér finnst
það mjög ólíklegt en ég rengi það svosem ekki
ef menn telja sig vita þetta.“
Hann segist því munu fara fram á það á
næsta stjórnarfundi að málið verði rannsakað.
Ekki sé búið að boða fundinn en til standi að
halda hann um leið og stjórnarformaður fyr-
irtækisins komi aftur til landsins.
Ummæli gripin úr samhengi og stílfærð
Guðfinna Bjarnadóttir, stjórnarmaður í
Baugi, segist líta á það sem alvarlegan trún-
aðarbrest að Fréttablaðið hafi fengið aðgang
að fundargerðum og öðrum gögnum fyrirtæk-
isins enda um trúnaðarmál að ræða. „Í öðru
lagi voru ummælin gripin úr samhengi og stíl-
færð á einhvern veg sem mér hugnaðist alls
ekki,“ segir hún.
Hún segir of snemmt að segja til um hvort
hún muni fara fram á rannsókn á því, hvaðan
blaðið fékk upplýsingarnar, þar sem stjórn
fyrirtækisins hafi ekki hist ennþá. „En það er
alveg ljóst að það þarf að gera eitthvað í þess-
um málum.“ Hún segir ekki búið að boða
formlega til fundar í stjórninni en ljóst sé að
hún muni koma saman fljótlega. Fram kemur
í viðtali við Jón Ásgeir Jóhannesson, í Morg-
unblaðinu í dag, að stjórnarfundur verði hald-
inn næstkomandi fimmtudag.
Guðfinna vill ekkert tjá sig um ummæli
Davíðs Oddssonar í fjölmiðlum í gær.
Ætlar að óska eftir rann-
sókn á upplýsingaleka
♦ ♦ ♦