Morgunblaðið - 04.03.2003, Blaðsíða 27

UMRÆÐAN
MORGUNBLAÐIÐ ÞRIÐJUDAGUR 4. MARS 2003 27
VIÐ Garðbæingar höfum staðið
frammi fyrir þeim vanda að finna
stað undir nýjan grunnskóla sem
þjóna á Ásahverfi og hinu óbyggða
Sjálandi. Fyrir kosningarnar í vor
var tekist á um tvær leiðir, annars
vegar að reyna með öllum ráðum
að finna skólanum stað í Ásahverfi
eða í útjaðri þess. Hins vegar á lóð
við sjóinn nokkuð fjarri nýbygg-
ingasvæðunum. Sjálfstæðisflokkur-
inn hraktist í afstöðu sinni þegar
frambjóðendur flokksins fundu
óánægju með staðsetningu allfjarri
íbúum. Þannig lofaði bæjarstjórinn
því skömmu fyrir kosningar m.a. í
Morgunblaðsgrein að „staðsetning
skólans verði ákveðin í sátt og sam-
vinnu við íbúa skólahverfisins“.
Tveir kostir
vænlegastir
Frá kosningum hafa nýjar hug-
myndir fæðst og öðrum verið ýtt út
af borðinu. Haldið var íbúaþing í
október sl. þar sem m.a. var fjallað
um staðsetningu skólans. Þær tvær
nýju hugmyndir sem valið stendur
nú á milli eru annars vegar að skól-
inn rísi við útfall Arnarneslækjar
þar sem nú standa íbúðarhús við
Ránargrund en einnig iðnaðarhús
sem bærinn hefur keypt fyrir 59
millj.kr. í tengslum við byggð á
Sjálandi. Hinn kosturinn er sá að
skólinn komi á hluta Héðinslóðar,
en þá er gert ráð fyrir að fyrirtæk-
ið Héðinn haldi áfram starfsemi
sinni á hluta lóðarinnar. Til reiðu
undir skóla eru 20.000 fermetrar af
þessari gríðarstóru lóð og yrði
kostnaður bæjarins við uppkaup
eigna og réttinda sambærilegur við
fyrrnefnda kostinn.
Kynningarfundi hafnað
Brátt líður að ákvarðanatöku.
Hér gefst ekki ráðrúm til að bera
saman þessa tvo kosti en hvorugur
er gallalaus. Þó hefur komið fram í
umræðum í bæjarstjórn að við
fulltrúar óháðra og framsóknar í
bæjarstjórninni aðhyllumst frekar
staðsetningu á Héðinslóðinni á
meðan sjálfstæðismenn stefna að
skóla við Ránargrund.
Það sem vakið hefur hvað mesta
furðu hjá mér eru yfirlýsingar og
vinnubrögð Ásdísar Höllu Braga-
dóttur bæjarstjóra. Nú kemur á
daginn að áður boðað samráð við
íbúana skiptir litlu, því að hennar
undirlagi var felld tillaga í bæjar-
stjórn um kynningarfund meðal
íbúa á þessu svæði um áðurnefnda
tvo valkosti. Borið er við nægu
samráði frá kosningum m.a. með
íbúaþingi. Gallinn er sá að þá voru
skólahugmyndirnar heldur skammt
gengnar og ómótaðar. Hitt var
einnig bagalegt hve fáir íbúar tóku
þátt í störfum hóps á þinginu sem
ætlað var að fjalla um staðsetningu
skólans. Verst var þó að bæjar-
stjórinn tók sjálfur þátt í störfum
hópsins og hafði áhrif á niðurstöður
hans. Okkur bæjarfulltrúum var
uppálagt að taka ekki beinan þátt í
íbúaþinginu eins og Ásdís Halla
orðaði það í grein í Morgunblaðinu
eftir þingið „Við, sem frá degi til
dags störfum í þágu bæjarbúa, sát-
um á hliðarlínunni og fylgdumst
spennt með.“ Bæjarstjórinn gerði
nokkru síðar í bæjarstjórn játningu
þess efnis að hún hefði ekki staðið á
hliðarlínunni eins og hún hafði áður
fullyrt heldur blandað sér í umræð-
ur í skólahópnum. Eftir þetta á ég
afar erfitt með að treysta orðum
bæjarstjórans. Íbúarnir geta það
ekki heldur þar sem stóra kosn-
ingaloforðið um samráðið og sam-
vinnuna um staðsetningu skólans
er svikið án sýnilegs tilefnis.
Má treysta orðum bæj-
arstjórans í Garðabæ?
Eftir Einar
Sveinbjörnsson
„Kosninga-
loforðið um
samráðið og
samvinnuna
um stað-
setningu skólans er
svikið.“
Höfundur er bæjarfulltrúi
af B-lista í Garðabæ.
Í LOK árs 2001 samþykktu hlut-
hafafundir í Kaupþingi banka og
Frjálsa fjárfestingarbankanum að
sameina bankana. Við samein-
inguna fengu hluthafar Frjálsa
fjárfestingarbankans hlutabréf í
Kaupþingi banka.
Í reikningsskilum sameinaðs
banka var notuð svokölluð sam-
legðaraðferð en þá eru efnahags-
reikningar bankanna lagðir saman
en engin viðskiptavild bókuð í
reikningum þrátt fyrir að mark-
aðsverð beggja bankanna væri
hærra en bókfært eigið fé þeirra.
Þessi aðferð er í samræmi við ís-
lensk lög og hefur margoft verið
notuð við sameiningu fyrirtækja á
íslenskum verðbréfamarkaði. Önn-
ur leið, svo kölluð kaupaðferð,
hefði verið að færa viðskiptavild til
eignar í efnahagsreikningi samein-
aðs banka en viðskiptavildin hefði
verið mismunur á bókfærðu verði
og markaðsverði Frjálsa fjárfest-
ingarbankans á þeim tíma. Áhrif á
fjárhagsstöðu sameiginlegs banka
hefði verið hærra bókfært eigið fé.
Söluhagnaður
sérgreindur
Á þriðja ársfjórðungi síðasta árs
seldi Kaupþing öll hlutabréf sín í
Frjálsa fjárfestingarbankanum. Á
þeim tíma sem Kaupþing átti
bankann breyttist rekstur hans
mjög mikið. Bankinn hafði verið
rekinn með 169 milljóna króna tapi
árið 2000, hafði yfir sextíu starfs-
menn, rak verðbréfamiðlun og
eignastýringu og átti hlutabréf í
skráðum og óskráðum félögum
fyrir tæpa þrjá milljarða. Bankinn
sem Kaupþing seldi var hins vegn-
ar sérhæfður útlánabanki sem var
rekinn með 483 milljóna króna
hagnaði árið 2002, var með 22
starfsmenn og átti eingöngu vaxta-
berandi eignir.
Söluverð Frjálsa fjárfestingar-
bankans var 3,8 milljarðar, sem er
í samræmi við verðmat á bank-
anum sem Deloitte & Touche hef-
ur unnið og KPMG yfirfarið. Sölu-
hagnaður Kaupþings var
umtalsverður og var hann sér-
greindur í níu mánaða uppgjöri fé-
lagsins sem birt var 1. nóvember
síðastliðinn. Þessu til viðbótar var
birt hver afkoma bankans væri ef
ákveðið hefði verið árið 2001 að
nota kaupaðferð en ekki samlegð-
araðferð við sameiningu bankanna.
Kaupþing hefur í öllum uppgjörum
sem birt hafa verið eftir söluna
upplýst hluthafa og markaðsaðila
um áhrif mismunandi reiknings-
skilaaðferða á afkomu bankans.
Flýtir upplýsingaþróun
Skráning Kaupþings í kauphöll-
inni í Stokkhólmi hefur tekist
mjög vel. Ekki nóg með að mörg
þúsund sænskir hluthafar hafi
bæst við hlutahafahóp Kaupþings
heldur hafa viðskipti með bréf fé-
lagsins verið tíð og Kaupþing verið
í hópi þeirra félaga á O-lista kaup-
hallarinnar sem hve oftast er átt
viðskipti með. En skráningin á
Kaupþingi í Kauphöllinni í Stokk-
hólmi hefur ekki einungis góð
áhrif fyrir Kaupþing og hluthafa
bankans. Ákvörðun stjórnar Kaup-
þings um að samhliða skrá hluta-
bréfin í annarri alþjóðlegri kaup-
höll mun flýta fyrir allri þróun á
íslenskum verðbréfamarkaði, hvort
heldur varðar ítarlegri upplýsinga-
gjöf um launakjör æðstu stjórn-
enda eða upplýsingagjöf um mis-
mun á íslenskum og alþjóðlegum
reikningsskilum.
Betri og
ítarlegri upp-
lýsingagjöf
Eftir Hreiðar Má
Sigurðsson
Höfundur er aðstoðarforstjóri
Kaupþings banka.
„Höfum upp-
lýst hluthafa
og markaðs-
aðila um
mismun á
íslenskum og alþjóð-
legum reikningsskila-
venjum.“
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.is
Allt fyrir baðherbergið
Sendum grænmetismat
í hádeginu
til fyrirtækja
Sími 552 2028 fyrir hádegi
ÉG rakst um daginn á harla sér-
kennilega grein sem Hjörtur Gísla-
son skrifaði í Morgunblaðið hinn 6.
febrúar s.l. Í greininni fann hann
fiskveiðum í Atlantshafi flest til for-
áttu, nema þeim íslensku. Það sem
hljóp svona í skapið á Hirti var
skýrsla sem gerði úttekt á fiskveið-
um þjóðanna við Norður-Atlantshaf.
Það að Færeyingar voru þar taldir
fremstir í flokki hneykslaði Hjört
ákaflega og fullyrti hann að Færey-
ingar stunduðu ofveiði.
Þar sem ég þekki nokkuð til að-
stæðna í Færeyjum finnst mér eðli-
legt að Hjörtur útskýri hvað hann á
við með fullyrðingum sínum um „of-
veiði“. Sá skilningur sem að öllu
jöfnu er lagður í þetta hugtak er að
veitt sé það mikið úr tilteknum stofni
að hann minnki og að honum stafi
bein hætta af sóknarmynstrinu. Sá
möguleiki er vissulega fyrir hendi að
það hafi farið framjá Hirti að þorsk-
og ýsustofninn hefur verið að stækka
við Færeyjar á undanförnum árum
og er um þessar mundir í sögulegum
hámörkum.
Mig finnst viðeigandi í þessu sam-
hengi að benda á að íslenskum
stjórnvöldum, sem í tæp 20 ár hafa
farið að vísindalegum ráðum fiski-
fræðinga og að auki notað besta fisk-
veiðikerfi í heimi, hefur tekist svo
hönduglega til að minnka þorskveið-
ar við Íslandsstrendur úr 438 þús.
tonnum á ári niður í 179 þús. tonn.
Þetta er árangur sem verður að telj-
ast ákaflega markverður.
Ég vona að Hjörtur jafni sig fljótt
og vel á skýrslunni góðu og að hann
geti sætt sig við þá staðreynd að
hægt sé að stjórna fiskveiðum öðru-
vísi en með íslensku kvótakerfi og
það jafnvel svo að árangur náist.
En hvað sem því líður bíð ég
spenntur eftir útskýringum Hjartar
Gíslasonar á ofveiðinni við Færeyj-
ar.
Sjálfbær (of)veiði
Eftir Auðun
Konráðsson
Höfundur er formaður Meginfélags
útróðrarmanna, Færeyjum.
„Þorsk-
og ýsustofn-
inn hefur
verið að
stækka við
Færeyjar.“
Innlit • matur • ljós • hillur • glös • lítil rými • kaffi • hönnun
lif
u
n
Fylgir Morgunblaðinu á morgun
lifun
tímarit um heimili og lífsstíl
númer tvö 2003