Morgunblaðið - 04.03.2003, Blaðsíða 47

ÍÞRÓTTIR
MORGUNBLAÐIÐ ÞRIÐJUDAGUR 4. MARS 2003 47
FÓLK
 STOKE City er á höttunum eftir
danska landsliðsmanninum Stig Töft-
ing sem er á mála hjá Bolton. Töfting
hefur ekki verið í náðinni hjá Sam All-
ardyce, knattspyrnustjóra Bolton, og
er Stoke að reyna að fá miðjumann-
inn öfluga að láni. Stoke mætir
Brighton annaðkvöld í sannkölluðum
fallbaráttuslag. Stoke er í næstneðsta
sæti með 28 stig, stigi minna en
Brighton sem er í fjórða neðsta sæti.
 TONY Pulis, knattspyrnustjóri
Stoke, segist hafa fengið grænt ljós
hjá Gunnari Þór Gíslasyni, stjórnar-
formanni félagsins, að styrkja leik-
mannahópinn fyrir lokasprettinn í 1.
deildinni. „Við þurfum að styrkja liðið
áður en það verður of seint og von-
andi tekst mér að fá tvo til þrjá sterka
leikmenn til okkar á næstunni,“ segir
Pulis.
 BRASILÍUMAÐURINN Lucio
skrifaði í gær undir nýjan samning
við þýska 1. deildarliðið Bayer Lever-
kusen. Lucio, sem er 24 ára gamall
varnarmaður og var í heimsmeistara-
liði Brasilíumanna síðastliðið sumar,
gerði samning til ársins 2007.
 LUCIO er sem stendur á sjúkralist-
anum vegna ökklameiðsla en forráða-
menn Leverkusen vonast til að fá
hann til leiks á næstunni og að hann
geti hjálpað liðinu í þeirri hörðu fall-
baráttu sem það er í.
 LEE Bowyer miðvallarleikmaður
West Ham missir af næstu tveimur
leikjum sinna manna sem eru á móti
Everton og Sunderland. Bowyer
fékk að líta sitt 10. gula spjald á leik-
tíðinni í leik West Ham og Tottenham
og verður þar með að taka út tveggja
leikja bann.
 ARNE Erlandsen, þjálfari norska
knattspyrnuliðsins Lilleström, segir
að engin félög í deildinni komi til að
standast Rosenborg snúninginn á
komandi leiktíð sem hefst eftir sex
vikur. Erlandsen segir að Rosenborg
sé með yfirburðarlið og öruggt að það
vinni meistaratitilinn tólfta árið í röð.
 TRYGGVI Guðmundsson lék allan
leikinn fyrir Stabæk í gær sem gerði
markalaust jafntefli við Helsingborg
á æfingamóti á La Manga.
 Á sama móti skildu Lilleström og
sænska liðið Guif Sundsvall jöfn, 1:1.
Gylfi Einarsson og Indriði Sigurðs-
son léku báðir allan leikinn fyrir Lille-
ström en Davíð Þór Viðarsson lék
síðasta stundarfjórðunginn. Paul
Strand skoraði mark Lilleström en
Sundsvall jafnaði metin úr víta-
spyrnu sem dæmd var á Indriða.
 ALVIN Gentry var í gær rekinn úr
starfi þjálfara hjá Los Angeles Clipp-
ers í NBA-deildinni í körfuknattleik. Í
hans stað var ráðinn aðstoðarþjálfar-
inn Dennis Johnson. Clippers hefur
vegnað illa og situr í neðsta sæti
kyrrahafsriðilsins með 19 leiki unna
og 39 tapaða. Gentry tók við liði
Clippers tímabilið 2000-2001 en var
áður hjá Detroit og Miami.
ÓLAFUR Stefánsson er einn níu
handknattleiksmanna sem hafa
verið útnefndir í kjöri Alþjóða
handknattleikssambandsins, IHF,
í kjöri á handknattleiksmanni
ársins 2002, en blað IHF, Hand-
ball Magazine, stendur fyrir kjör-
inu nú eins og undanfarin ár og
hafa lesendur áhrif á niðurstöð-
una með atkvæði sínu. Tilkynnt
verður í byrjun apríl hver hrepp-
ir hnossið.
Þeir sem koma til álita þetta
árið eru Þjóðverjinn Daniel
Stephan, Lars Christiansen, frá
Danmörku, Frakkinn Bertrand
Gille, Rússinn, Denis Krivochly-
kov, Mladan Matic frá Júgóslavíu,
S-Kóreubúinn Won-Chul Paek,
Sobhi Sioud frá Túnis, Magnus
Wislander, Svíþjóð, og Ólafur
Stefánsson.
Suður-Kóreumaðurinn Kyung-
Shin Yoon, leikmaður hjá Gumm-
ersbach, varð fyrir valinu í fyrra
vegna ársins 2001, en hann er
ekki á listanum að þessu sinni
þótt hann hafi farið á kostum
með liði sínu í Þýskalandi og m.a.
verið markahæsti leikmaður
þýsku 1. deildarinnar enn eitt ár-
ið.
Íslenskir handknattleiksmenn
hafa áður verið í kjöri og
skemmst að minnast Kristjáns
Arasonar og Valdimars Gríms-
sonar. Hvorugur þeirra hlaut þó
útnefninguna á sínum tíma.
Ólafur í kjöri á
leikmanni ársins
GUÐMUNDUR Hrafnkelsson,
landsliðsmarkvörður í hand-
knattleik, sagði í samtali við
Morgunblaðið í gær að hann
ætti von á tilboði í vikunni
frá þýska 2. deildarliðinu
Kronau/Östringen en eins og
Morgunblaðið greindi frá
var Guðmundur í Þýskalandi
á dögunum og átti þar við-
ræður við forráðamenn fé-
lagsins auk þess sem hann
skoðaði aðstæður hjá því.
Kronau/Östringen á góða
möguleika á að komast upp í
Bundesliguna en eftir leiki
helgarinnar er liðið með 41
stig í efsta sæti suðurriðils-
ins í 2. deildinni, Düsseldorf
hefur 39 stig og Melsungen
31 og á Kronau/Östringen
leik til góða. Efsta liðið
tryggir sér sæti í Bundeslig-
unni.
Guðmundur lék ekki með
Conversano á sunnudag þeg-
ar liðið sigraði Trieste,
35:26, í ítölsku 1. deildinni í
handknattleik. Conversano á
deildarmeistaratitilinn næsta
vísan en þegar þremur um-
ferðum er ólokið er liðið
með 47 stig, Prato í öðru
sæti með 41 og Trieste í
þriðja með 37 stig.
Tilboð á
leið til Guð-
mundar
Það var ekki laust við að kvíðagætti fyrir leikinn í huga
áhorfenda sem voru á bandi
heimamanna. Eng-
inn Darrel Lewis,
sem hefur verið
jafnbesti leikmaður
Grindvíkinga und-
anfarið, en hann er ekki leikfær og
fæst úr skorið á morgun með
framhald mála hjá honum. Svipaða
sögu væri sjálfsagt hægt að segja
um leik heimamanna í byrjun því
ekkert virtist ætla að ganga og
Grindvíkingar tóku leikhlé eftir
fimm mínútna leik í stöðunni 2:12.
Haukamenn settu niður þrist í
kjölfarið og útlitið var svart. Þá
lokuðu heimamenn vörninni og
settu næstu tíu stig þannig að leik-
hlutanum lauk 12:15.
Í öðrum leikhluta hrökk Stevie
Johnson, leikmaður Hauka, í flug-
gír og setti niður 16 stig en Helgi
Jónas Guðfinnsson var ekki á því
að láta Stevie einan um hitunina
og setti niður 14 stig. Eftir tölu-
verðar sveiflur fóru heimamenn
með sex stiga forskot inn í hálf-
leik, 44:38.
Í seinni hálfleik má segja að
heimamenn hafi lokað endanlega
fyrir allar sóknir Haukamanna en
öll skot rötuðu niður hjá heima-
mönnum, sem bættu jafnt og þétt
við forskot sitt þannig að um miðj-
an fjórða leikhluta náðu heima-
menn 30 stiga forustu og Haukar
hentu hvíta handklæðinu inn á
með því að setja þá leikmenn inn á
sem lítið höfðu fengið að spreyta
sig. Leiknum lauk svo með glæsi-
legum liðssigri 105:80.
Náðum góðri
stemningu
„Flott að þetta skuli vera búið,
en spenna hafði verið að byggjast
upp í langan tíma því við höfum
fengið nokkur tækifæri til að landa
þessum titli. Við náðum að berja
okkur saman og ná upp góðri
stemningu eftir slaka byrjun.
Þetta var ótrúlegur leikur – eig-
inlega allt ofan í,“ sagði kampakát-
ur fyrirliði Grindvíkinga, Páll Axel
Vilbergssson.
Viljinn mikill
„Þetta var fyrst og fremst trú á
vörnina, viljinn var mikill, mörg
sóknarfráköst þannig að við feng-
um oft nokkur tækifæri á skoti.
Við lokuðum eiginlega vörninni á
meðan við vorum að stilla miðið.
Ég er gríðarlega ánægður með
strákana í þessum leik,“ sagði
Friðrik Ingi Rúnarsson, þjálfari
Grindvíkinga.
Liðsheildin var áberandi hjá
heimamönnum og áttu þeir allir
hreinan stórleik. Hjá Haukunum
átti Stevie Johnson ágætan leik og
Sævar Haraldsson einnig.
Morgunblaðið/Árni Torfason
Páll Axel Vilbergsson, fyrirliði Grindvíkinga, lyftir bikarnum sem Grindvíkingar fengu í gær fyrir
að tryggja sér sigur í deildarkeppninni í úrvalsdeild karla í körfuknattleik.
Grindvíkingar
deildarmeistarar
GRINDVÍKINGAR lönduðu deildarmeistaratitlinum á sannfærandi
hátt í Röstinni í gærkvöldi. Eftir miklar sveiflur í fyrri hálfleik settu
heimamenn í fluggír og rúlluðu gestunum í Haukum upp, 105:80.
Fyrir lokaumferðina á fimmtudagskvöldið eru Grindvíkingar með 34
stig og Keflvíkingar 32, en Grindavík stendur betur í innbyrðisvið-
ureignum liðanna fari svo að félögin endi með jafnmörg stig.
Garðar Páll
Vignisson
skrifar