Morgunblaðið - 04.03.2003, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 4. MARS 2003 VERÐ Í LAUSASÖLU 190 KR. MEÐ VSK.
ÞAÐ eru áhöld um hvort veðurfar á Íslandi bjóði upp á útikaffihús á sumrin, hvað þá
í byrjun mars að nýloknum þorra. Aðstæður virðast hins vegar ákjósanlegar fyrir
slíkt um þessar mundir enda minnir veðurblíðan miklu fremur á ilmandi vor en há-
vetur. Þessi stúlka naut veitinga útivið í Nauthólsvíkinni í gær á meðan aðrir nýttu
tækifærið til göngutúra á stígnum sem liggur meðfram víkinni. Það er því óhætt að
segja að sannkölluð sumarstemning hafi ríkt hjá borgarbúum í gær.
Morgunblaðið/ RAX
Vorblíða í marsbyrjun
STÓR vélageymsla við bæinn Ber-
serkseyri, mitt á milli Grundar-
fjarðar og Stykkishólms, brann
nánast til grunna eftir að eldur kom
þar upp laust fyrir klukkan átta í
gærkvöld.
Hvorki fólk né búfénaður var í
hættu vegna eldsins en eignatjón er
verulegt. Slökkvistarfið tók um einn
og hálfan tíma en vakt var við stað-
inn í nokkurn tíma á eftir.
Vélageymsla
brann
til grunna
ÍSLANDSBANKI er vænlegri kost-
ur fyrir erlenda fjárfesta en Lands-
banki og Búnaðarbanki vegna þess að
eignaraðild að bankanum er dreifð.
Þetta segir hlutabréfasérfræðingur
sem starfar fyrir svissneska fjárfest-
ingarbankann Fox-Pitt, Kelton
(FPK) sem nýverið gerði greiningu á
Íslandsbanka.
Hann segir að það sé mikilvægt
fyrir erlenda fjárfesta, svo sem lífeyr-
issjóði og fleiri sem hugsanlega vilja
fjárfesta í íslenskum bönkum, að allt
hlutafé tiltekins banka geti gengið
kaupum og sölum. Algengt sé í bönk-
um á Norðurlöndum að einn eða tveir
fjárfestar eigi hlut sem ekki sé til sölu.
Þannig minnki kjölfestufjárfestarnir
það hlutafé sem öðrum fjárfestum
stendur til boða hverju sinni og geri
bankann óáhugaverðan kost.
Í greiningarskýrslunni kemur fram
að FPK mælir með kaupum á bréfum
í Íslandsbanka og telur bankann eiga
góða möguleika á að vaxa og auka
hagnað á næstunni.
Dreifð
eignarað-
ild eykur
áhuga
 Hlutabréfagreining/14
FLUGFÉLAGIÐ Atlanta hefur
fengið ný verkefni í Frakklandi og
eru nær allar 25 flugvélar félagsins
bókaðar út árið, að sögn Lindu Svan-
bergsdóttur, sölu- og markaðsfull-
trúa fyrirtækisins.
Linda segir að gjaldþrot franska
félagsins Air Liberté í febrúar hafi
aukið spurn eftir leiguvélum í
Frakklandi og verði tvær af vélum
Air Atlanta því í verkefnum fyrir
frönsku flugfélögin Air France og
Corsair, sem Air Liberté hefði ann-
ars sinnt. Linda segir að Atlanta hafi
þegar tekið að sér verkefni í Frakk-
landi en frá og með maímánuði verði
önnur þessara véla í verkefnum fyrir
Corsair og hin til taks á Orly-flug-
velli frá maí fram í október.
Stór hluti flugflota Atlanta er
bundinn í langtímaverkefnum fyrir
flugfélögin Excel Airways og Virgin
Atlantic í Bretlandi, Southern Winds
í Argentínu, Malaysian Cargo í Mal-
asíu og Aeromar-flugfélagið í Dóm-
iníska lýðveldinu. Air Atlanta leigir
auk þess vélar sínar til annarra flug-
félaga og ferðaskrifstofa víðs vegar
um heiminn, en auk vélanna leigir fé-
lagið áhöfn og annast viðhald og
tryggingar.
Linda segir að Atlanta sé stærst
sinnar tegundar í heiminum, sama
hvort miðað sé við stærð flugflota
eða fjölda útleigðra tíma. Í flota fé-
lagsins eru fimmtán vélar af gerðinni
Boeing 747, átta af gerðinni Boeing
767 og tvær Boeing 757, en þriðja
Boeing 757-vélin verður afhent í apr-
ílmánuði. Um 250 flugmenn og flug-
vélstjórar, um 500 þjónustuliðar og
um 315 starfsmenn á jörðu niðri
vinna hjá Atlanta, sem er með tíu
starfsstöðvar í átta löndum, Bret-
landi, Argentínu, Indónesíu, Malas-
íu, Sádi-Arabíu, Dóminíska lýðveld-
inu, Nígeríu og Íslandi.
Vélar Atlanta nán-
ast bókaðar út árið
Ein af 15 B747 vélum Atlanta undir merkjum Virgin Atlantic.
Ný verkefni
fyrirtækisins
í Frakklandi
GUNNAR Snorri Gunnarsson,
ráðuneytisstjóri utanríkisráðu-
neytisins, og Gerhard Sabathil,
sendiherra framkvæmdastjórn-
ar Evrópusambandsins (ESB)
gagnvart Íslandi og Noregi,
deildu í gær um þær forsendur
sem fulltrúar ESB byggja á af
sinni hálfu í viðræðunum um að-
lögun EES-samningsins að
stækkun ESB.
Á ráðstefnu um Ísland og
stækkun ESB og EES sem fór
fram á Hótel Loftleiðum í gær
andmælti Gunnar Snorri því
sem Sabathil hélt fram um að
það væri sanngjörn krafa af
hálfu ESB, að Ísland og hin
EFTA-ríkin í EES greiddu svip-
að hlutfall af þjóðartekjum og
aðildarríki ESB til að standa
straum af þeim kostnaði sem
fylgir því að taka fátæk fyrrver-
andi austantjaldsríki inn í ESB
og EES.
Gunnar Snorri sagði fram-
kvæmdastjórnina vera með
kröfum sínum að reyna að láta
aðrar grundvallarforsendur
gilda í viðræðunum sem nú
standa yfir um stækkun EES en
hún lætur gilda í samningavið-
ræðum um stækkun ESB. EES-
samningurinn væri hluti af gild-
andi lagaskuldbindingum ESB.
En nú reyndi ESB að breyta
þessari forsendu til hagstæðari
vegar fyrir sig, með því að gera
kröfu um breytingar á þeim
samningum sem nú eru í gildi
milli ESB og EFTA-ríkjanna
um framlög í þróunarsjóði og
setja þessa kröfu sem skilyrði
fyrir eiginlegri aðlögun EES-
samningsins að stækkuninni.
Fá út svipaðar
tölur um framlög
Á ráðstefnunni sagði Sabathil
að í bráðabirgðaútreikningum
framkvæmdastjórnarinnar á því
hvert hugsanlegt framlag Ís-
lands yrði í uppbyggingar- og
jöfnunarsjóði ESB, ef landið
væri aðili að sambandinu, væri
komizt að mjög svipuðum niður-
stöðum og gert er í nýlegri
skýrslu Deloitte & Touche um
hugsanleg heildarframlög Ís-
lands í sjóði ESB, sem unnin var
að beiðni Halldórs Ásgrímsson-
ar utanríkisráðherra.
Deilt um for-
sendur stækk-
unar EES
 Ísland nýtur/17
Í MÝVATNSSVEIT var
fyrir nokkrum dögum
stærsta snjóhús landsins.
Húsið var um 200 fermetr-
ar að stærð og lofthæðin
þrír metrar. Veggir húss-
ins voru tæpir þrír metrar
á þykkt við jörðu en rúm-
lega metri þegar ofar dró.
Þetta var ekkert venjulegt
snjóhús, heldur ísveitinga-
staður sem opna átti um
síðustu helgi. En sunn-
anáttirnar komu í veg fyr-
ir að þær áætlanir yrðu að
veruleika.
Eigendur hússins eru þó ekki af
baki dottnir, þeir ætla að setja í
það kælikerfi og segja enn ekki
loku fyrir það skotið að veitingar
verði framreiddar í fimm gráðu
frosti áður en farfuglarnir lenda
við Mývatn.
Húsið var byggt utan um járn-
grind en eins og hvert annað snjó-
hús er snjór og ís helsta bygging-
arefnið.
„Við byrjuðum að hanna húsið
síðasta sumar,“ segir Yngvi Ragn-
ar Kristjánsson, hótelstjóri Selhót-
els í Mývatnssveit.
Búið var að byggja snjóhúsið
upp í þriggja metra hæð og um
viku vinna eftir í byggingunni.
„Þá byrjuðu þessar blessuðu sunn-
anáttir að stríða okkur. Húsið virt-
ist ætla að standa þetta vel af sér
en svo héldu sunnanáttirnar áfram
og eina nóttina hrundi það niður.“
Yngvi segir hugmyndina að ís-
veitingahúsinu komna frá Finn-
landi en Selhótel í samvinnu við
Sportferðir á Akureyri ætla að
reka húsið. „Fysta árið átti að
vera bar í húsinu og framreiða átti
léttan pinnamat,“ útskýrir Yngvi.
Sunnanáttin bræddi
veitingahúsið
Snjóhúsið, sem var um 200 fermetrar, í
byggingu á dögunum þegar allt lék í lyndi.
♦ ♦ ♦
HÆTT hefur verið við fram-
leiðslu kvikmyndarinnar Sólon
Íslandus. Unnið hefur verið að
myndinni í um fjögur ár en nú
er svo komið að allar leiðir eru
lokaðar hvað fjármögnun
varðar. Meginástæðan fyrir
þessum endalokum er sú að
ekkert varð af styrkveitingu
frá Þýskalandi. Því neyðast
aðstandendur til að skila styrk
frá Kvikmyndasjóði.
Margrét Rún Guðmunds-
dóttir, leikstjóri myndarinnar,
segir íslenska kvikmynda-
menningu um margt í öng-
stræti og styrkja þurfi innviði
hennar hérlendis.
Hætt við kvikmyndina
Sólon Íslandus
 Ekkert fjármagn/25
♦ ♦ ♦