Morgunblaðið - 09.03.2003, Blaðsíða 48

48 SUNNUDAGUR 9. MARS 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÁGÆTI Kristinn Pétursson!
Í Mbl. 19. jan. segir þú tímabært að
hætta að deila um Kárahnjúkavirkj-
un og jafnframt að minnihlutahópur
um öfgafulla friðun hálendisins verði
að sýna þann þroska að kunna að
tapa! Ertu ekki að skjóta sjálfan þig í
fótinn? Þú, helsti andstæðingur
kvótakerfisins í fiskveiðum þar sem
þó er unnið eftir lögum sem Alþingi
hefur sett og við skulum þá ætla að
meirihluti þjóðarinnar fylgi. Virtir
vísindamenn og alþjóðastofnanir hafa
lagt blessun sína yfir fyrirbærið þó að
þeir séu að sjálfsögðu ekki „konung-
legir kjánar“! Herfa niður ójöfnur á
botninum og jafna hann – gott mál,
þetta grær upp aftur! Rækta smáfisk
– fínt – þorskur í dós! Vitlaus dán-
arstuðull – „neikvæð áróðurstilgáta“!
Skipting kvótans – sanngjörn – „að
meðaltali“! Er ekki mál að láta af
þessari andsöðu þinni við vilja meiri-
hlutans um fiskveiðistjórnina?
Andstæðingar virkjunar og álvers
hafa (eins og þú um fiskinn!) verið
málefnalegir og heiðarlegir í mál-
flutningi sínum og enn er málið ekki
frágengið svo það er ótímabært að
gefast upp! Þar við bætist að það
kemur virkjun eftir þessa! Því hefur
aldrei verið haldið fram að Lands-
virkjun gangi ekki vel um, en óspillt
náttúra er allt annað en manngert
umhverfi – það er ekki náttúra! Þú
talar um sauðkindurnar í Mývatns-
sveit sem bíti grasið meðan gæsin rífi
það upp! Það er nú eins og mig minni
að eitthvað vanti af tönnum í kind-
urnar svo þær verða víst að rífa líka
en vera má að þeirra hlutur í upp-
blæstrinum hafi verið ofmetinn hin
seinni ár.
Varðandi framburð jökulánna og
uppgufun þá hlýnar Lögurinn varla
við að fá Jökulsá á Brú í sig til við-
bótar Jökulsá á Dal og þó ég sé nú
ekki vel kunnugur þarna þá minnir
mig að sú fyrrnefnda sé hið mesta
drulluskólp og miklu nær því að vera
„la natural drulla“. Hún kemur nú í
Löginn í fyrsta sinn! Er ekki frekar
líklegt að hitastig hans lækki og upp-
gufun minnki ef gegnumstreymið
eykst um meira en helming? Sé Lög-
urinn yfir 100 m djúpur – botninn er
nú varla „um 100 m neðar en yfirborð
sjávar“ – þá er það alla vega mikill
munur frá Hálslóni sem víða verður
aðeins 2–4 m að dýpt og vatnsborðið
breytist um tugi metra frá hausti til
vors! Lónið er jökulvatn í um 600 m
hæð yfir sjó svo uppgufun verður
varla til að auka loftraka á svæðinu
umfram það sem núverandi gróður
og vötn gefa. Þegar búið er að eyða
200 milljörðum í virkjun og álver –
með ríkisábyrgðum og skattafríðind-
um, verður þá ekki lítið eftir til að
byggja upp annan atvinnurekstur –
alla vega á sömu kjörum og virkjunin
fær? Þar vantar kjölfestufjárfesta!
Mundu kvótakóngarnir vilja leggja
eitthvað af mörkum til uppbyggingar
atvinnurekstrar – þeir eiga víst ein-
hvern aur?
Uppbyggðir vegir með bundnu slit-
lagi á hálendinu er ekki það sem nátt-
úruverndarfólk vill, a.m.k. vil ég frek-
ar sleppa því að sjá þetta land ef
heilsan þolir ekki þær koppagötur
sem nú eru!
Auðvitað munum við gera það
besta úr málinu ef virkjunin rís en
þangað til er stríð!
RAGNAR EIRÍKSSON,
Lindargötu 15, Sauðárkróki.
Að skjóta sig
í fótinn!
Frá Ragnari Eiríkssyni:
STUNDUM mætti ætla að Suður-
nesjamenn væru að því leyti öðru
vísi en annað fólk að láta bókstaflega
allt yfir sig ganga. Í Morgunblaðinu
4. mars sl. er „frétt“ undir fyrirsögn-
inni „Læknislaust á heilsugæslunni“
en í Reykjanesbæ hefur ekki verið
eðlileg læknisþjónusta svo mánuðum
skiptir – eftir að læknar á Heilbrigð-
isstofnun Suðurnesja gengu út og
réðu sig annars staðar.
Í þessari makalausu „frétt“ er haft
eftir forstjóra Heilbrigðisstofnunar-
innar að ráðnir hafi verið nýir starfs-
menn, þ.á m. barnalæknir í hluta-
starf, fjármálastjóri, hjúkrunar-
fræðingur og næringarráðgjafi – og
það má skilja forstjórann á þann hátt
að heilsugæslan sé nú bara í nokkuð
góðu lagi þótt vanti læknana!
Ég vil benda stjórn Heilbrigðis-
stofnunarinnar á þá staðreynd að
heilsugæslustöðvar eru mannaðar
læknum annars staðar á landinu en á
Suðurnesjum, m.a. læknum í fullu
starfi, og stjórn stofnunarinnar er
því vorkunnarlaust að semja við
lækna eins og gert er annars staðar á
landinu í stað þess að standa í þrá-
kelknislegu karpi, jafnvel í fjölmiðl-
um, eftir að hafa málað sig út í horn.
Fólk á Suðurnesjum á, lögum
samkvæmt, rétt á eðlilegri læknis-
þjónustu og ef stjórnandi og stjórn
Heilbrigðisstofnunar Suðurnesja
geta ekki tryggt hana er þess ein-
faldlega krafist að þeir segi af sér
störfum tafarlaust.
Núverandi ástand í heilsugæslu-
málum á Suðurnesjum er hættulegt.
Það þarf ekki stórslys til að um
mannslíf verði að tefla. Þá er ljóst að
öryggisleysið og fyrirhöfnin, sem
þetta ástand skapar í sveitarfé-
laginu, t.d. fyrir aldrað fólk og fólk
með veik börn, er gjörsamlega óþol-
andi.
Ábyrgðarleysi, ef ekki hreinn og
klár glannaskapur, stjórnenda Heil-
brigðisstofnunar Suðurnesja er með
ólíkindum og Suðurnesjamenn hljóta
að lýsa fullri ábyrgð á hendur þeim
og stjórnendum Reykjanesbæjar í
þessu máli. Taki hvorugir af skarið
nú þegar er hér með farið fram á að
heilbrigðisráðherra taki af þeim
völdin og komi þessari sjálfsögðu
þjónustu aftur í eðlilegt horf.
LEÓ M. JÓNSSON,
tæknifræðingur,
Höfnum, Reykjanesbæ.
Hættuleg heil-
brigðisstofnun!
Frá Leó M. Jónssyni: