Morgunblaðið - 03.04.2003, Side 51

FRÉTTIR
MORGUNBLAÐIÐ FIMMTUDAGUR 3. APRÍL 2003 51
Nýtt
Framtíð án elli
Perfectionist Correcting Serum for Lines/Wrinkles
Sértu að spá í leysigeislameðferð, húðslípun eða hrukkusprautur,
því þá ekki að íhuga mildari valkost, án retínóls. Perfectionist er fljótvirkt, árangursríkt
og áhrifin endast lengi. Uppistaðan í því er hið einstaka BioSync Complex.
Eftir daginn: Fíngerðar þurrklínur hverfa.
Eftir viku: Dýpri línur grynnka og húðin sléttist.
Eftir mánuð: Endurheimtur æskuljómi.
Gjöfin þín
Gefðu húð þinni þá frábæru meðferð sem hún á skilið. Kannaðu hvað nýjasti
farðinn gerir fyrir þig. Finndu angan vors og blóma í yndislegum ilmi.
Kaupirðu Estée Lauder vörur fyrir 3.900 kr. eða meira í Clöru Kringlunni
færðu fallega gjöf með eftirfarandi glaðningi:*
2 Pure Color augnskuggum
Illusionist maskara
Pure Color varalit
Resilience Lift næturkremi
Estée Lauder Pleasures EDP spray
Nýtt: Perfectionist -
fljótvirkt á línur og hrukkur
*meðan birgðir endast
www.esteelauder.com
Kringlunni, sími 568 9033
GJÖFIN ÞÍN
Opið hús í KHÍ í dag, fimmtudaginn
3. apríl, kl. 15.30–18 verður opið hús
í Kennaraháskóla Íslands við
Stakkahlíð. Kennarar, stúdentar og
námsráðgjafar munu kynna náms-
framboð í grunndeild og svara fyrir-
spurnum. Í tengslum við þá kynn-
ingu verða einnig til sýnis námsgögn
sem notuð eru á hinum ýmsu náms-
brautum sem og sýningar á verkum
stúdenta, aðallega þeirra sem
stunda nám í listgreinum. Stúdentar
á íþróttabraut bjóða fólki m.a. upp á
húðfitu- og uppstökksmælingar. Í
fyrirlestrasalnum Bratta munu
námsbrautarstjórar kynna brautir
sínar kl. 16–17.30. Í fyrirlestrasaln-
um Skriðu verður kynning kl. 16 á
verkefninu námUST. Einnig verður
kynning á Mentor-verkefninu Vin-
áttu. Sjá nánari dagskrá á khi.is.
Málstofa Rannsóknarstofnunar
KHÍ Jörgen Svedbom framhalds-
skólakennari heldur málstofu á veg-
um Rannsóknarstofnunar KHÍ í
dag, fimmtudaginn 3. apríl, kl. 13.15
í salnum Bratta í Kennaraháskóla
Íslands v/Stakkahlíð og er öllum op-
in. Málstofan fjallar um ólíkar leiðir í
kennslu um heilsufar og heilbrigði
og hvaða áhrif mismunandi kennslu-
aðferðir hafa á nám. Málstofan fer
fram á ensku.
Tourette-samtökin verða með op-
ið hús í kvöld, fimmtudagskvöldið
3.apríl, í kaffiteríunni á jarðhæð að
Hátúni 10b (austasta ÖBÍ blokkin)
kl. 20:30. Ragna Freyja Karlsdóttir,
sérkennari, fjallar um kennslu barna
með hegðunarvanda og svarar fyrir-
spurnum.
Í DAG
Doktorsvörn í lyfjafræðideild við
Háskóla Íslands fer fram á morgun,
föstudaginn 4. apríl, kl. 18 í Hátíðasal
Háskólans. Þorsteinn Þorsteinsson
lífefnafræðingur ver þá ritgerð sína
Fatty acid derivatives as lipophilic
prodrugs and as soft antibacterial
agents (Fitusýruafleiður sem fitu-
sækin forlyf og mjúk bakteríudrep-
andi efni). Fjallar ritgerðin um efna-
smíði á fitusæknum forlyfjum og
mjúkum efnum og lyfjafræðilegar
prófanir á þessum efnum. Var rann-
sóknin unnin undir leiðsögn Þor-
steins Loftssonar prófessors. And-
mælendur eru Nicholas Bodor
prófessor frá University of Florida
og Sigmundur Guðbjarnason, pró-
fessor emeritus. Þórdís Kristmunds-
dóttir, forseti lyfjafræðideildar,
stjórnar athöfninni Athöfnin er öllum
opin.
Utanríkisráðuneytið og Samband
íslenskra sveitarfélaga efna til
ráðstefnu föstudaginn 4. apríl um
nýja stjórnunarhætti hjá ESB og
áhrif þeirra á sveitarstjórnarstigið.
Erindi halda innlendir og erlendir
sveitarstjórnarmenn og sérfræð-
ingar. Ráðstefnan er haldin á Nor-
dica hóteli (áður Hótel Esja), Suður-
landsbraut 2, og hefst kl. 13 með
ávarpi Halldórs Ásgrímssonar utan-
ríkisráðherra. Skráning á ráðstefn-
una fer fram hjá Sambandi ísl. sveit-
arfélaga, sigridur@samband.is.
Ráðstefnan er öllum opin.
Ráðstefna um framtíð borga(r) á
vegum Sagnfræðingafélags Íslands
og Borgarfræðaseturs undir yfir-
skriftinni „Hvað er borg?“ verður
haldin á morgun, föstudaginn 4. apríl,
kl. 13.15–16 í Norræna húsinu. Um-
ræðustjóri verður Stefán Ólafsson
forstöðumaður Borgarfræðaseturs.
Erindin flytja: Páll Björnsson, sagn-
fræðingur við Hugvísindastofnun HÍ,
Ásgeir Jónsson, hagfræðingur við
Hagfræðistofnun HÍ, Halldór Gísla-
son, arkitekt og deildarstjóri hönn-
unardeildar LHÍ, og Salvör Jóns-
dóttir, sviðsstjóri skipulags- og
byggingarsviðs Reykjavíkurborgar.
Í pallborði verður, auk Halldórs
Gíslasonar og Salvarar Jónsdóttur,
Trausti Valsson, prófessor við verk-
fræðideild HÍ. Ráðstefnan er öllum
opin og er aðgangur ókeypis.
Ráðstefna um rekstur fé-
lagslegra leiguíbúða sveitarfélag-
anna verður haldin á vegum Sam-
bands íslenskra sveitarfélaga og
félagsmálaráðuneytisins á morgun,
föstudaginn 4. apríl. Ráðstefnan
verður haldin á Nordica hóteli, Suð-
urlandsbraut 2, og hefst hún kl. 9.
Skýrt verður frá reynslu nokkurra
sveitarfélaga af þessum málum o.fl.
Vilhjálmur Þ. Vilhjálmsson formaður
Sambands ísl. sveitarfélaga setur
ráðstefnuna. Fyrirlesarar verða: Sig-
urður Friðriksson, framkvæmda-
stjóri Félagsbústaða, Þórarinn
Magnússon forstöðumaður fram-
kvæmdasviðs Félagsbústaða, Lára
Björnsdóttir félagsmálastjóri, Ellert
Eiríksson formaður stjórnar fast-
eignafélags Reykjanesbæjar, Gísli
Jón Hjaltason, framkvæmdastjóri
Fasteignafélags Ísafjarðarbæjar,
Guðmundur Bjarnason fram-
kvæmdastjóri Íbúðarlánasjóðs,
Garðar Jónsson stjórnarformaður
Varasjóðs húsnæðismála og Gunn-
laugur Júlíusson sviðsstjóri Sam-
bands íslenskra sveitarfélaga.
Fyrirlestur um atferlisfræði sjó-
birtings verður á Líffræðistofnun
Háskólans á Grensásvegi 12 í stofu
G-6 föstudaginn 4. apríl kl. 12.20. Er-
indi heldur Jóhannes Sturlaugsson
hjá Laxfiskum ehf. Greint verður frá
niðurstöðum rannsókna á atferlis-
vistfræði sjóbirtings úr Grenlæk er
fram fóru árin 1995–2001.
Á MORGUN
ISO 9000 – Lykilatriði, uppbygg-
ing og notkun Staðlaráð Íslands
stendur fyrir námskeiði fimmtudag-
inn 10. apríl fyrir þá sem vilja læra á
nýja útgáfu ISO 9000 gæðastjórn-
unarstaðlanna. Námskeiðið fer fram
hjá Staðlaráði Íslands, Laugavegi
178, kl. 8.30-14.45. Markmið nám-
skeiðsins er að þátttakendur geti
gert grein fyrir megináherslum og
uppbyggingu kjarnastaðlanna í ISO
9000:2000 röðinni og þekki hvernig
þeim er beitt við að koma á og við-
halda gæðastjórnunarkerfi. Auk
þess að skýra uppbyggingu staðl-
anna, notkun og kröfurnar í ISO
9001, verður farið yfir tengsl staðl-
anna og gæðastjórnunarkerfis sam-
kvæmt ISO 9000. Þátttakendur
leysa hópverkefni í gerð verklags-
reglna. Nánari upplýsingar og
skráning á vef Staðlaráðs,
www.stadlar.is.
Fegurðarsamkeppni Austurlands
verður haldin í Egilsbúð laugardag-
inn 5. apríl kl. 19. Sjö stúlkur taka
þátt í keppninni. Hársnyrtifólk í
Neskaupstað verður með hár-
greiðslusýningu, verslanirnar Syst-
em og Sentrum verða með tískusýn-
ingu og sýnt verður atriði úr Rauðu
myllunni. Kynnir á keppninni verður
Hálfdán Steinþórssson. Hljóm-
sveitin Ber og Páll Óskar Hjálmtýs-
son skemmta gestum á dansleik.
Vistvernd í Borgarfirði Hópur sem
kallar sig Grænu síðuna og hefur
tekið þátt í Vistvernd í verki, al-
þjóðlegu umhverfisverkefni fyrir
heimili, heldur kynningarfund fyrir
íbúa Hvítársíðu og nærliggjandi
sveitir sunnudaginn 6. apríl. Fund-
urinn verður haldinn í félagsheim-
ilinu Brúarási kl. 15 og verður boðið
uppá kaffiveitingar. Nánari upplýs-
ingar um verkefnið er hægt að fá á
skrifstofu Landverndar í síma og á
vefnum www.landvernd.is/vistvernd.
Á NÆSTUNNI
Teppi á stigaganga
Ármúla 23, sími 533 5060
FERÐASKRIFSTOFAN Ultima
Thule fagnar um þessar mundir 10
ára afmæli sínu á sviði ævintýra-
ferða. Af því tilefni verður efnt til
ferðaleiks á heimasíðu fyrirtæk-
isins, www.ute.is, þar sem í boði
eru sjókajakferðir um Ísland og
Austur-Grænland ásamt fleiri vinn-
ingum.
Einnig hefur verið opnuð kajak-
verslun á Bíldshöfða 16 í Reykjavík
og er markmiðið að bjóða upp á
traustar kajakvörur sem ferða-
skrifstofan þekkir af eigin raun úr
ferðum og námskeiðum undanfar-
inna ára. Fararstjórar og leiðbein-
endur aðstoða við val á búnaði, seg-
ir í fréttatilkynningu.
Ultima Thule 10 ára
Fyrir almennan markað
Í frétt í blaðinu á mánudag var frá
því skýrt að bygging íbúðarhúsa væri
að hefjast á Neskaupstað eftir 12 ára
hlé. Athygli blaðsins hefur verið vakin
á því að fyrir tveimur árum byggði
sveitarfélagið þrjár félagslegar íbúð-
ir, sem í dag eru leigðar til fatlaðra
einstaklinga. Réttara hefði verið að
segja í fréttinni að bygging íbúðar-
húsa fyrir almennan markað væri að
hefjast eftir 12 ára hlé.
Rangt verð
Í samanburðartöflu sem birtist
með umfjöllun um Nissan Patrol-
jeppann í síðasta bílablaði var gefið
upp rangt verð fyrir Luxury-útgáf-
una. Rétt verð er 4.790.000 kr. eins og
kom réttilega fram í sjálfri umfjöll-
uninni.
Sigurður Skúli Bergsson
Sigurði Skúla Bergssyni forstöðu-
manni tollgæslusviðs tollstjórans í
Reykjavík var fyrir mistök gefið milli-
nafnið Snorri í frétt blaðsins í gær.
Beðist er velvirðingar á mistökunum.
LEIÐRÉTT