Morgunblaðið - 02.05.2003, Blaðsíða 1

STOFNAÐ 1913 117. TBL. 91. ÁRG. FÖSTUDAGUR 2. MAÍ 2003 PRENTSMIÐJA ÁRVAKURS HF. mbl.is
Tákn um
fagmennsku
Íslensk upptaka með Strokes
á nýja safnplötu Fólk 56
Háski eða
heilsubót
Hvaða áhrif hafa háir hælar
á líkamann? Daglegt líf 20
Dansinn
á Sikiley
Steinunn Sigurðardóttir á
bíókvöldi í París Listir 14
GEORGE W. Bush Bandaríkjafor-
seti segir að það hafi verið mik-
ilvægur áfangi í baráttunni gegn
hryðjuverkastarfsemi að steypa
Saddam Hussein af stóli í Írak. Lýð-
ræðisþróun í Írak muni taka sinn
tíma en sé þess virði og bandalagið,
sem stóð að herförinni gegn Saddam,
muni ekki hætta fyrr en því verki sé
lokið.
Bush var í gær staddur um borð í
bandaríska flugmóðurskipinu Abra-
ham Lincoln sem var á leið í heima-
höfn í San Diego á vesturströndinni.
Gert var ráð fyrir að hann flytti
ræðu um borð skömmu eftir mið-
nætti að íslenskum tíma þar sem
hann myndi lýsa því yfir að öllum
meiriháttar hernaðaraðgerðum væri
lokið í Írak þótt margt væri þar enn
ógert.
„Frelsun Íraks er mikilvægur
áfangi í baráttunni gegn hryðjuverk-
um. Við höfum fjarlægt bandamann
(hryðjuverkasamtakanna) al-Qaeda
og lokað fyrir fjármögnunarleið til
hryðjuverkamanna,“ segir í ræðunni
sem Bush átti að flytja sl. nótt.
Bush um Írak
Lýðræð-
isþróun
mun taka
sinn tíma
Flugmóðurskipinu Abraham Lincoln. AFP.
TREVOR Adams, verkefnisstjóri
Alcoa við byggingu álvers á Reyð-
arfirði segir líklegt að hafist verði
handa við að ráða í störf í ál-
verinu seinni hluta árs 2006 en
framleiðsla í því á að hefjast árið
2007. Enn sé ekki að fullu ákveðið
hvernig þjálfun fari fram en búast
megi við að hluti af starfsfólkinu
hljóti þjálfun við álver Alcoa er-
lendis.
Adams er Ástrali og er sér-
fræðingur í málmvinnslu. Hann
hefur unnið
fyrir Alcoa í
um 25 ár en tók
við þessu starfi
í desember. Í
samtali við
Morgunblaðið í
gær sagðist
hann sinna
ýmsum ábyrgð-
arstörfum við
byggingu nýrra álvera fyrir Alcoa
en álverið í Reyðarfirði væri hans
mikilvægasta verkefni um þessar
mundir. Adams býst við að koma
til landsins af og til á fram-
kvæmdatímanum en þegar fram
líði stundir verði einnig ráðinn
verkefnisstjóri sem hafi aðsetur á
Íslandi.
Adams segir hlutverk sitt að
tryggja að verkefnið gangi að
óskum og að rétta fólkið sé ráðið
til starfans. Hann muni einnig
eiga samskipti við íbúa Autur-
lands og þau fyrirtæki sem að
verkefninu koma. Gert er ráð fyr-
ir að framkvæmdir við álverið
hefjist af fullum krafti árið 2005
og nái hámarki ári síðar. Adams
gerir ráð fyrir að þá muni allt að
1.500 manns vinna að fram-
kvæmdum, en sú tala gæti þó
lækkað eða hækkað um nokkur
hundruð eftir því sem áætlana-
gerð vindur fram. Aðspurður seg-
ist hann búast við að ráðið verði í
föst störf við álvinnslu frá og með
síðari hluta árs 2006.
Verkefnisstjóri Alcoa á Íslandi segir ráðið í föst störf síðari hluta 2006
Allt að 1500 manns vinna
við álversframkvæmdir
Trevor Adams
LEITARMENN í austurhluta
Tyrklands háðu í gærkvöldi ör-
væntingarbaráttu við tímann er
þeir reyndu að finna fleira fólk í
rústum húsa sem hrundu í jarð-
skjálftanum sem reið yfir skömmu
fyrir fjögur aðfaranótt fimmtudags
að staðartíma.
Talið var í gærkvöldi að 100
manns hefðu farist á svæðinu öllu
en óttast að þeir gætu verið fleiri,
allt að þúsund eru taldir slasaðir.
Að sögn breska útvarpsins, BBC,
munu tugir manna enn vera lok-
aðir undir rústum svefnskála
heimavistarskóla fyrir börn og
unglinga í bænum Celtiksuyu.
Leitarmenn heyrðu sums staðar
enn grát og kjökur í börnum en of-
an á þeim var brakið úr tveim efri
hæðum hússins. En á milli heyrð-
ust gleðihróp þegar komið var með
lifandi barn, klætt náttfötum, á
börum úr rústunum.
„Við heyrum þau hrópa: „Hjálp-
ið okkur! Gefið okkur vatn!“ sagði
einn leitarmannanna. „Þetta nísti
hjartað í manni.“ Einum drengj-
anna tókst að rétta aðra höndina út
um gat í grjóthrúgunni og fá vatn
sem hann deildi með sjö herberg-
isfélögum sínum. Allir höfðu þeir
lifað af, sagði drengurinn. En
þykkt lag af braki lá yfir staðnum
og því ljóst að þeim yrði ekki bjarg-
að strax. Haldið var áfram leit þótt
sól gengi til viðar, menn notuðust
við ljóskastara.
„Ég lenti í holrúmi milli kojunn-
ar og veggjarins,“ sagði 14 ára
drengur, Ersin Besbelli, þar sem
hann lá á bráðabirgðabörum. Hann
mun hafa sloppið óskaddaður.
Upptök skjálftans sem var 6,4
stig á Richter-kvarða, voru rétt hjá
borginni Bingol og stóð hann í 17
sekúndur en þá tóku við allmargir
eftirskjálftar. Víða urðu skemmdir
í Bingol, þar hrundu nokkrar íbúð-
arblokkir og tugir manna fórust.
Tugir fórnarlamba enn
grafnir undir braki
Reuters
Björgunarmenn flýta sér með dreng sem komst af þegar heimavistarskólinn í Celtiksuyu hrundi.
Óttast að yfir
hundrað manns
hafi farist í jarð-
skjálftunum í
Tyrklandi
Celtiksuyu í Tyrklandi. AP, AFP.

Tyrknesk/12
GRANNAR Tyrkja, Grikkir, urðu
meðal fyrstu þjóða til að bjóða að-
stoð vegna hamfaranna í Austur-
Tyrklandi. Sögðust þeir senda
flugvél með hjálpargögn, þ.á m.
tjöld og teppi, um leið og tyrk-
nesk stjórnvöld veittu samþykki
sitt, auk þess yrði veitt fjárhags-
aðstoð. Einnig hétu Ísraelar og
fleiri þjóðir aðstoð.
Svonefnd hamfaramatsstöð
Sameinuðu þjóðanna, UNDAC,
sendi þegar út beiðni til aðild-
arríkjanna um að hjálparstofn-
anir, þ. á m. Slysavarnafélagið
Landsbjörg, legðu til menn til að
sinna rústabjörgun. Síðar var
beiðnin afturkölluð þar sem Tyrk-
ir hefðu sagt að þeir þyrftu aðeins
fjóra menn.
Margir bjóða fram aðstoð
ÁKVEÐIÐ hefur verið að Daninn Ole
Wøhlers Olsen stjórni borgaralegum mál-
efnum í Basra-héraði sem breskir hermenn
tóku í Íraksstríðinu, að
sögn Berlingske Tid-
ende. Basra-svæðið verð-
ur eitt af fjórum væntan-
legum stjórnsvæðum
hernámsliðsins í Írak
sem verður við völd þar
til innlendir aðilar taka
við.
Wøhlers Olsen, sem er
61 árs lögfræðingur, er
nú sendiherra Danmerk-
ur í Sýrlandi og var áður í átta ár sendi-
herra í Sádi-Arabíu. Hann er giftur lækn-
ismenntaðri konu frá Alsír og eiga þau
tvær uppkomnar dætur.
Olsen talar reiprennandi arabísku og er
sagður afburða vel að sér um arabaþjóðir,
sögu þeirra og menningu. Hann gerðist á
sínum tíma múslími, er mikill ferðagarpur
og hefur farið í pílagrímsferð til Mekka.
Gerðist það er hann var sendiherra í
Riyadh, höfuðborg Sádi-Arabíu. Olsen hjól-
aði þá um 900 kílómetra leið frá borginni til
hinnar helgu borgar allra múslíma, Mekka.
Danskir ráðamenn segja að Bretar hafi
talið afar heppilegt að Dani tæki við stöð-
unni fremur en Breti. Er Tyrkjaveldi leyst-
ist upp í fyrri heimsstyrjöld varð Írak, sem
var hluti veldisins, um hríð bresk nýlenda.
Þjóðernisstefna í Írak varð til á þeim árum
og minningar um baráttu gegn Bretum
móta mjög seinni tíma sögu Íraka.
Dani tekur
við í Basra
Ole Wøhlers Olsen