Morgunblaðið - 02.05.2003, Page 11

VIÐSKIPTI/ATHAFNALÍF
MORGUNBLAÐIÐ FÖSTUDAGUR 2. MAÍ 2003 11
BANDARÍSKA líftæknifyrirtækið
Nimblegen Systems, sem hefur ver-
ið með rannsóknarstofu á Íslandi frá
því í febrúar á síðasta ári, hefur ver-
ið að færa út kvíarnar að undan-
förnu. Fjárfestar hafa nýlega fjár-
fest 12,5 milljónir Bandaríkjadala í
fyrirtækinu, jafnvirði um 950 millj-
óna íslenskra króna, en alls hefur
fyrirtækið orðið sér úti um 32,5
milljónir dala frá stofnun á árinu
1999, eða tæpa 2,5 milljarða ís-
lenskra króna. Auk þessa hefur
Nimblegen Systems gert samning
við japanska fyrirtækið GeneFron-
tier um dreifingu á framleiðsluvör-
um og þjónustu fyrirtækisins í Jap-
an.
Framleiðsla og þjónusturann-
sóknir Nimblegen Systems fara
fram hér á landi. Robert Palay,
stjórnarformaður fyrirtækisins, seg-
ir að ástæðan fyrir því að Ísland hafi
orðið fyrir valinu fyrir staðsetningu
framleiðslunnar sé þríþætt. Í fyrsta
lagi sé hæfni starfsfólksins hér á
landi með því besta sem gerist í
þessum efnum í heiminum. Í annan
stað hafi verið auðvelt að koma starf-
semi af þessu tagi á fót hér á landi,
m.a. vegna einkaréttarmála. Í þriðja
lagi sé umhverfið fyrir nýsköpun í
líftækniiðnaði hagstætt hér á landi.
Sigríður Valgeirsdóttir, sem er
doktor í sameindalíffræði, veitir
rannsóknarstofunni hér á landi for-
stöðu, en starfsmenn fyrirtækisins
hér eru níu talsins, líffræðingar, líf-
efnafræðingar, meinatæknar, tækni-
fræðingur og fjármálarekstrarfræð-
ingur. Hún segir að lyfjafyrirtæki og
rannsóknarhópar víðs vegar um
heiminn kaupi örflögurnar af
Nimblegen Systems. Fyrirtækið sé
með nokkra samninga í gangi og
horfur séu góðar.
Fjölgun starfsfólks á döfinni
Robert Palay segir að það fjár-
magn sem Nimblegen Systems hafi
orðið sér úti um nýlega auki vaxta-
möguleika fyrirtækisins umtalsvert.
Reikna megi með að umsvif rann-
sóknarstofunnar hér á landi muni
aukast og að starfsfólki verði fjölgað.
Hann segir að rannsóknarstofan
hér sé meginuppistaðan í fram-
leiðslu og þjónustu fyrirtækisins en í
Madison í Wisconsin í Bandaríkjun-
um starfi um 30 manns við stjórnun
og rannsóknir.
Að sögn Palay eru helstu við-
skiptavinir Nimblegen Systems
bandarísk fyrirtæki. Þar á eftir
koma fyrirtæki í Evrópu og með
samningi Nimblegen Systems við
japanska fyrirtækið GeneFrontier
séu miklar vonir bundnar við Asíu.
Palay segist ákaflega ánægður
með starfsemi Nimblegen Systems á
Íslandi. Sigríður og aðrir starfs-
menn fyrirtækisins hér á landi hafi
komið starfseminni á fót á ótrúlega
skömmum tíma og gæði framleiðsl-
unnar séu með því besta sem völ sé á
í heiminum á þessu sviði.
Örflögur til rannsókna
Nimblegen Systems framleiðir
DNA örflögur til erfðafræðirann-
sókna og fer öll framleiðsla fyrirtæk-
isins fram hér á landi. DNA örflaga
er glerplata á stærð við smásjárgler
með þéttriðnu neti erfðaraða. DNA
er búið til úr fjórum niturbösum og
er þeim blandað saman til að búa til
DNA búta af mismunandi stærð en
örflögurnar eru notaðar til rann-
sókna í lyfja- og læknisfræði.
Rannsóknarstofa Nimblegen á Ís-
landi er við Snorrabraut í Reykjavík.
Færir út kvíarnar
Stjórnarformaður Nimblegen Systems segir Ísland hafa orðið fyrir valinu
fyrir framleiðslu og þjónustu fyrirtækisins m.a. vegna hæfni starfsfólksins
Morgunblaðið/Sverrir
Sigríður Valgeirsdóttir, forstöðumaður rannsóknastofu Nimblegen Systems, þriðja frá vinstri, og Róbert Palay,
stjórnarformaður fyrirtækisins, þriðji frá hægri, ásamt hluta starfsfólksins.
SJÁVARÚTVEGSRÁÐHERRAR
Íslands og Máritaníu hafa und-
irritað samning um framtíðarsam-
vinnu landanna á sviði sjávar-
útvegs. Með samningnum er
íslenskum fyrirtækjum veitt tæki-
færi til þátttöku í sjávarútvegi við
Máritaníu bæði hvað varðar veiðar,
vinnslu og fjárfestingar í þarlend-
um fyrirtækjum.
Samningurinn kveður og á um
samvinnu á sviði fiskveiðistjórn-
unar, rannsókna, eftirlits og mennt-
unar í sjávarútvegi. Þá var ákveð-
inn farvegur fyrir áframhaldandi
samvinnu með því að stofnuð verð-
ur sameiginleg nefnd Íslands og
Máritaníu sem ætlað er að fylgja
samningnum eftir og stuðla að sam-
starfsverkefnum
Sjávarútvegsráðherra Máritaníu
Ahmedou Auld Ahmedou var hér á
landi í þessari viku ásamt sendi-
nefnd í opinberri heimsókn í boði
Árna M. Mathiesen sjávarútvegs-
ráðherra. Ráðherrarnir fóru yfir
ýmis mál er varða möguleika á
samstarfi á milli Íslands og Márit-
aníu á sviði sjávarútvegs. Ahmedou
fór víða og kynnti sér sjávarútvegs-
málin hér á landi. Heimsótti hann
Hafrannsóknastofnunina, Fiski-
stofu og Sjávarútvegsskóla samein-
uðu þjóðanna. Þá fór ráðherrann í
heimsókn í ýmis fyrirtæki á Eyja-
fjarðarsvæðinu eins og Brim, Sam-
herja og Sæplast. Einnig voru sótt
heim Hampiðjan og Sjóli en Sjóli er
nú þegar með mikil umsvif á sviði
sjávarútvegs í Máritaníu.
Morgunblaðið/Jón Svavarsson
Sjávarútvegsráðherra Máritaníu, Ahmedou Auld Ahmedou, og Árni
Mathiesen sjávarútvegsráðherra, handsala samninga um samstarf.
Samningar
undirritaðir
NÚ virðist sjá fyrir endann á
langri og strangri deilu um-
hverfisverndarsinna og útgerð-
armanna um takmarkanir á
fiskveiðum til verndar sæ-
ljónum. Sáttatilboð var lagt
fram í alríkisréttinum í Seattle
í málinu af samtökum útvegs-
manna og eftirlitsmanna. Fall-
ist dómarinn á sáttina, er deil-
an úr sögunni.
Það eru fimm ár síðan um-
hverfisverndarsinnar hófu mál-
sóknina, en hún leiddi þá þegar
til verulegrar takmarkana á
veiðum á alaskaufsa, þorski, og
makríl í Beringshafi og á
Alaskaflóa. Einnig leiddi málið
til þess að Ted Stevens, óld-
ungardeildarþingmanni, tókst
að fá tuga milljóna dollara fjár-
veitingu til rannsókna á sæ-
ljónum og til að bæta sjómönn-
um, fiskvinnslunni og höfnum
fjárhagslegan skaða vegna
bannsins.
Samkvæmt sáttatillögunni
eiga allir málsaðilar að falla frá
kröfum sínum og útgerðin
stendur að því að hefja og efla
rannsóknir á áhrifum veiðanna
á sæljónin.
Takmarkanirnar á veiðun-
um, sem skila um 80 milljarða
króna tekjum árlega, leiddu til
lokunar margra svæða í ná-
lægð við sæljónabyggðir á
klettaeyjum og skerjum, til
þess að veiðarnar skertu ekki
fæðuframboð fyrir sæljónin.
Hætt að
deila um
sæljón?