Morgunblaðið - 06.05.2003, Blaðsíða 20
ERLENT
20 ÞRIÐJUDAGUR 6. MAÍ 2003 MORGUNBLAÐIÐ
AÐ MINNSTA kosti 32 fórust
þegar skýstrokkar gengu yfir ríkin
Kansas, Missouri og Tennessee í
Bandaríkjunum í fyrradag. Átta
manna var enn saknað í bænum
Pierce City í Missouri í gær.
Hús splundruðust í óveðrinu, tré
rifnuðu upp með rótum og vegir
lokuðust vegna brotinna trjáa og
braks. Ferðamönnum var skipað
að fara út úr flugstöðvum aðal-
flugvallar Kansas City og bíða í
neðanjarðargöngum meðan óveðr-
ið geisaði.
Að minnsta kosti fjórtán manns
létu lífið í Missouri, ellefu í
Tennessee og sjö í Kansas.
Skýstrokkarnir virðast hafa
valdið mestu tjóni í Lawrence-
sýslu í Missouri. Fregnir hermdu
að öll hús í Pierce City, um 1.400
manna bæ í sýslunni, hefðu
skemmst eða eyðilagst og ekki
hefði verið hægt að ganga á göt-
unum vegna braks.
Tvö lík fundust í rústum vopna-
búrs bandaríska þjóðvarðliðsins í
Pierce City þar sem nokkrir íbú-
anna höfðu leitað skjóls.
Átta manna var enn saknað og
óttast var í fyrstu að þeir hefðu
látið lífið í vopnabúrinu en björg-
unarmenn sögðust í gær telja að
fleiri lík myndu ekki finnast í
byggingunni.
„Ég hef aldrei lent í öðru eins.
Þetta var algjör hryllingur,“ sagði
skrifstofumaður sem leitaði skjóls
í vopnabúrinu í Pierce City.
Lýst yfir neyðarástandi
Skýstrokkarnir mynduðust í
miklu óveðri sem geisaði í miðvest-
urríkjum Bandaríkjanna og hluta
suðurríkjanna. Skýstrokkar mynd-
uðust einnig í Arkansas, Suður-
Dakóta og Nebraska.
Hús eyðilögðust í Arkansas og
rafmagnslaust varð á nokkrum
stöðum í ríkinu. Þrumuveður var á
svæðinu í gær.
Lýst var yfir neyðarástandi í
Madison-sýslu í Tennessee, meðal
annars í borginni Jackson.
Skemmdir urðu á nokkrum opin-
berum byggingum og þak vopna-
búrs þjóðvarðliðsins rifnaði af. Ell-
efu lík höfðu verið flutt á
sjúkrahús í Jackson í gær.
Skýstrokkar ollu tjóni í sjö
sýslum í Kansas. Bílar lentu ofan í
gili í grennd við Kansas City og
miklar skemmdir urðu á nokkrum
húsum.
Um þriðjungur húsa bæjarins
Franklin í Kansas eyðilagðist í
óveðrinu, að sögn almannavarna-
yfirvalda.
Embættismenn ákváðu að loka
alþjóðaflugvelli Kansas City og
flugstöðvarnar voru rýmdar. Far-
þegunum var vísað inn í göng að
bílageymslum flugvallarins og þeir
biðu þar þangað til óveðrinu slot-
aði.
Allt að 30 íbúðarhús skemmdust
eða eyðilögðust í bænum
Northmoor í Missouri og skemmd-
ir urðu einnig á ráðhúsi og lög-
reglustöð bæjarins.
„Ég þurfti að halda mér af öllu
afli,“ sagði einn bæjarbúanna sem
var með unnustu sinni og fimm
börnum þegar óveðrið skall á.
„Þetta var skelfilegt. Það var eins
og húsið snarsnerist.“
Skýstrokkar
valda miklu
manntjóni APFjölskylda í bænum Franklin í Texas skoðar rústir húss síns eftir að það splundraðist í skýstrokki á sunnudag.
AP
Íbúi bæjarins Pierce City í Missouri skoðar byggingu sem skýstrokkur
lagði í rúst á sunnudag. Öll hús bæjarins skemmdust eða eyðilögðust.
DEB#FDD<# C 2<=><#CDGH=H
= , + ) *( *
2 * -
3 (
D
I D
!!
!" #$%&
'!()!* +
+,+$!
< -./
!+ "
B)))) ++
Pierce City. AP.
STJÓRNVÖLD í Kína hafa látið
einangra áttatíu vatnsból í nágrenni
höfuðborgarinnar Peking en að-
gerðirnar eru liður í viðleitni til að
kveða niður bráðalungnabólgufar-
aldurinn í landinu, sem kostað hef-
ur 206 Kínverja lífið. Lögregla
varnar fólki nú aðkomu að vatns-
bólunum en markmið aðgerðanna
er að verja drykkjarvatn borgarbúa
og koma í veg fyrir hugsanlega
smithættu.
Kínversk stjórnvöld tilkynntu í
gær að níu manns til viðbótar hefðu
látist af völdum lungnabólgunnar
(HABL) og 160 smitast. Þá hafa,
sem fyrr segir, 206 látist í Kína og
alls 4.280 orðið fyrir smiti. Aðeins
var tilkynnt um átta ný tilfelli í
Hong Kong og virðist veikin vera í
rénun þar. Varaði Margaret Chan
heilbrigðismálaráðherra menn þó
við því að fagna sigri á sjúkdóm-
inum of snemma.
Í Kanada var aðeins tilkynnt um
eitt nýtt „hugsanlegt“ tilfelli á
sunnudag og tveir sólarhringar eru
liðnir síðan síðast var tilkynnt um
nýtt tilfelli í Singapore. Hins vegar
greindu yfirvöld þar frá því í gær
að einn maður til viðbótar hefði lát-
ist af völdum veikinnar, og hafa þá
alls 27 látist í Singapore. Stjórnvöld
í Taívan tilkynntu að tveir til við-
bótar hefðu látist og hafa þá tíu lát-
ist þar í landi. Í heildina hafa 6.300
manns um víða veröld veikst af
HABL, þar af hafa 464 látist.
Mikil reiði í Zhejiang-héraði
Til átaka kom í borginni Xiande í
Zhejiang-héraði í austurhluta Kína
þegar hópur íbúa lét í ljós reiði sína
vegna stefnu yfirvalda á staðnum
varðandi bráðalungnabólguna.
Fólkið gekk í skrokk á embætt-
ismönnum, braut glugga og
skemmdi húsgögn í stjórnarbygg-
ingum.
Nokkur þúsund manns hófu mót-
mæli í Xiande um helgina fyrir
framan stjórnarbyggingu þar sem
meintir HABL-sjúklingar eru í
sóttkví. Einn þorpsbúa sagði í sam-
tali við AP-fréttastofuna: „Þeir
hefðu ekki átt að setja sjúklinga inn
í stjórnarbyggingu þar sem engin
aðstaða er til meðhöndlunar og
engir læknar eða hjúkrunarfræð-
ingar.“
Talsmenn öryggissveita segja að
tveir menn, sem fóru fyrir hópnum,
hafi verið handteknir og að þeir
myndu verða í haldi í 5–7 daga.
Fyrirskipa einangrun
vatnsbóla Peking-borgar
HABL virðist í rénun
í Hong Kong og Kanada
Peking. AP.
KÖFNUN virðist hafa verið
dánarorsök kínversku sjólið-
anna sjötíu, sem voru í áhöfn
kafbáts sem varð fyrir alvar-
legu slysi við heræfingar kín-
verska flotans í Gulahafi. Frá
þessu var greint í dagblaðinu
Wen Wei Po, sem gefið er út í
Peking og nýtur stuðnings
kommúnistastjórnarinnar.
Samkvæmt frétt blaðsins
fundust allir sjóliðarnir látnir
við starfsstöðvar sínar í kaf-
bátnum, sem bar kenninúmerið
361, en hvorki hafa fundizt um-
merki um sprengingu né leka
að bátnum. Báturinn kvað hafa
verið dreginn til ótilgreindrar
hafnar eftir að slysið varð.
Hið dularfulla slys í þessum
stóra kafbát, sem er sagður
vera af svokallaðri Ming-gerð
og knúinn hefðbundnum dísil-
vélum, átti sér stað eftir að upp
kom „tæknileg bilun“ sem ekki
hefur verið nánar skýrð.
Vestrænir sérfræðingar
segja þetta fyrsta alvarlega
kafbátaslysið, sem kínversk yf-
irvöld viðurkenna opinberlega,
allt frá því kínverska Alþýðu-
lýðveldið var stofnað árið 1949.
Varð fyrir allt að mánuði
Ekki er enn ljóst hvenær
slysið varð nákvæmlega, þótt
Jiang Zemin, fyrrverandi for-
seti Kína, sem nú fer fyrir her-
málanefnd kommúnistaflokks-
ins og er þar með í raun æðsti
yfirmaður heraflans, hafi sent
aðstandendum sjóliðanna
föllnu samúðarbréf dagsett 2.
maí.
Í upprunalegri tilkynningu
ríkisfréttastofunnar Xinhua um
slysið, sem birt var á föstudag,
sagði að það hefði átt sér stað
„nýlega“. Vitað er að heræfing-
ar voru haldnar á síðustu mán-
uðum á hafsvæðinu þar sem
sagt er að slysið hafi orðið – í
Bohai-hafi austur af Shandong-
héraði í NA-Kína, skammt und-
an mörkum lögsögu Norður-
Kóreu – og því geta vestrænir
sérfræðingar sér þess til að allt
að heill mánuður sé liðinn frá
slysinu.
Kafbátsslysið í Kína
Köfnun
líkleg
dánar-
orsök
Hong Kong, Peking. AFP, AP.