Morgunblaðið - 28.05.2003, Blaðsíða 13
VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 28. MAÍ 2003 13
Fyrirlestraröð Kvennahlaups ÍSÍ
og samstarfsaðila Ísland á iði
Mikilvægi góðrar sjálfsmyndar
í kvöld kl. 20-21:30 í fundarsal Íþrótta- og
Ólympíusambands Íslands,
Íþróttamiðstöðinni í Laugardal (3. hæð).
Sjálfsmynd - geðheilsa - vellíðan.
Fjallað verður um tengsl slæmrar sjálfsmyndar við
streitu, kvíða og þunglyndi. Farið verður yfir þau
atriði sem móta sjálfsmyndina og mikilvægi þess
að styrkja sjálfsmyndina til að geta lifað í sátt við
sjálfa sig og aðra/umhverfið.
Fyrirlesari: Dóra Guðmundsdóttir
verkefnisstjóri Geðrækar.
Góð sjálfsmynd - betra sjálfsmat.
Allir hafa skoðun á sjálfum sér og öll getum við lært
að efla sjálfsvirðingu okkar og bæta sjálfsmyndina.
Við þurfum að bjóða „hugarpúkanum“ birginn og
leyfa okkar að hugsa jákvætt og haga okkur
skynsamlega.
Fyrirlesari: Anna Valdimarsdóttir sálfræðingur,
höfundur metsölubókarinnar Leggðu rækt
við sjálfan þig.
Umsjón: Lovísa Einarsdóttir íþróttakennari,
Kvennahlauspnefnd ÍSÍ.
Kvennahlaup ÍSÍ fer fram laugardaginn 21. júní á yfir 100 stöðum
hérlendis og erlendis. Nánari upplýsingar um gönguhópa,
fræðslufyrirlestra, myndir o.fl. á www.sjova.is.
SLÁTTUTRAKTORAR
12,5 hp - 17 hp
VIÐSKIPTASÉRLEYFI (Franch-
ise) er sú aðferð viðskipta sem er í
mestum vexti í heiminum í dag, að
sögn Roberts T. Justis prófessors
við Louisiana State University í
Bandaríkjunum. Þetta kom fram í
erindi sem Justis hélt á fundi um við-
skiptasérleyfi sem Samtök verslunar
og þjónustu stóðu fyrir á Nordica-
hóteli í gær.
Justis sagði jafnframt að í Banda-
ríkjunum opnaði nýtt sérleyfisútibú
á 8 mínútna fresti, sem þýddi að 180
útibú væru opnuð þar í landi á degi
hverjum og að eitt af hverjum tólf
fyrirtækjum í smásöluverslun í
Bandaríkjunum færði út kvíarnar
með viðskiptasérleyfum. Að sögn
Justis veltir viðskiptasérleyfisiðnað-
urinn í Bandaríkjunum einni trilljón
Bandaríkjadala á ári eða milljón
milljónum dala. Þessi velta fer fram í
320.000 útibúum í 75 mismunandi
greinum, að sögn Justis. Ennfremur
sagði hann að viðskiptasérleyfis-
reksturinn væri ábyrgur fyrir 40% af
allri smásöluverslun í landinu og við-
skiptaaðferðin veitti átta milljónum
manna atvinnu.
Farsæll rekstur
Justis sagði að reynslan sýndi að
rekstur með viðskiptasérleyfi væri
sérstaklega farsæll í samanburði við
rekstur hefðbundinna fyrirtækja.
Bæði væri lítið um að menn hættu
rekstri eða að reksturinn gengi ekki
upp. Í máli hans kom einnig fram að
mesti vöxturinn á þessu sviði væri í
þjónustufyrirtækjum ýmiskonar,
eins og til dæmis fyrirtækjum sem
sjá um þrif, ráðgjöf eða annað, auk
þess sem slík fyrirtæki væru að gefa
meira af sér í dag heldur en fyrir-
tæki í verslunar- og veitingarekstri,
en þau hafa hingað til verið útbreidd-
ust á þessu viðskiptaformi.
Justis sagði til dæmis um hagnað,
sem hægt væri að hafa út úr rekstri
útibús með viðskiptsérleyfi, að að
meðaltali væri útibú frá vinsælustu
viðskiptasérleyfiskeðju heims,
McDonalds, með 1,5 milljóna Banda-
ríkjadala veltu á ári og hagnað upp á
150 þúsund dali, eða rúmar 10 millj-
ónir króna, sem er að hans mati dá-
góð afkoma á bandarískan mæli-
kvarða.
Fjölgun hér á landi
Á fundinum kom fram að útibúum
með viðskiptasérleyfi hefur fjölgað á
Íslandi á undanförnum árum og eru
þau nú fleiri en 200 talsins, mest
megnis veitingahús, t.d. McDonalds
og Subway, og verslanir eins og t.d.
Next og Vero Moda.
Á vefsíðu Félags um viðskiptasér-
leyfi, www.franchise.is, segir að við-
skiptasérleyfi feli í sér leigu á við-
skiptahugmynd og megi nota
aðferðina í næstum hvaða geira at-
vinnulífsins sem er, þar sem um sé
að ræða sölu á vörum og/eða þjón-
ustu.
Einnig segir þar að áhættan af því
að reka fyrirtæki með viðskiptasér-
leyfi sé minni en við rekstur hefð-
bundins fyrirtækis vegna þess að
fyrirtækið starfar í umhverfi sem
hefur verið reynt með góðum ár-
angri annarstaðar. „Sérleyfistakinn
greiðir sérleyfisgjafanum venjulega
eina fasta upphæð í byrjun fyrir leyf-
ið. Síðar er greitt notendagjald
reglulega, svokallað leyfisgjald, sem
er oftast hlutfallsleg greiðsla og
byggir á veltu fyrirtækisins,“ segir
um viðskiptasérleyfishugmynda-
fræðina á vefsíðu félagsins.
Morgunblaðið/Arnaldur
Í Bandaríkjunum er opnað nýtt sérleyfisútibú á 8 mínútna fresti sem þýðir
að 180 útibú eru opnuð þar í landi á degi hverjum.
Vöxturinn mestur í
viðskiptasérleyfum
SÍF hf. skilaði 1,6 milljóna evra
hagnaði eftir skatta, sem svarar til
131 milljónar króna, á fyrstu þrem-
ur mánuðum ársins. Það er minni
hagnaður en á fyrsta ársfjórðungi í
fyrra en þá nam hann 1,7 milljónum
evra. Hagnaður fyrir afskriftir og
fjármagnsliði, EBITDA, nam 6,0
milljónum evra, eða 502 milljónum
króna, á tímabilinu og dróst saman
úr 6,5 milljónum evra í fyrra.
SÍF gerir ráð fyrir lítilsháttar
tapi á öðrum og þriðja ársfjórðungi
2003, en hagnaði á fjórða ársfjórð-
ungi. Þrátt fyrir ákveðinn slaka í
eftirspurn eftir sjávarafurðum í
Evrópu séu horfur fyrir rekstur SÍF
nokkuð góðar á komandi mánuðum.
Framlegð úr 10% í 10,5%
Rekstrartekjur SÍF samstæðunn-
ar á fyrsta fjórðungi þessa árs eru
tæpar 177 milljónir evra og dragast
lítillega saman miðað við sama tíma-
bil í fyrra. Framlegð félagsins á
sama tíma eykst úr 10% í 10,5%, að
því er segir í tilkynningu félagsins
til Kauphallarinnar.
Almennur rekstrarkostnaður
samstæðunnar lækkar um tæpa
hálfa milljón evra eða rúm 3% frá
sama tímabili árið áður, en almenn-
ur rekstrarkostnaður SÍF samstæð-
unnar lækkaði verulega á milli ár-
anna 2001 og 2002, eins og áður
hefur komið fram.
Þá skilaði rekstur samstæðunnar
á fyrstu þremur mánuðum ársins
veltufé frá rekstri að upphæð 3,6
milljónir evra, eða 304 milljónir
króna, sem er það sama og árið áð-
ur.
Í tilkynningu segir að breyting
hafi orðið til batnaðar á rekstri dótt-
urfélaganna SIF France og SIF
Spain samanborið við rekstur þeirra
á fyrsta ársfjórðungi 2002. Þá gangi
rekstur SÍF í Bandaríkjunum vel og
sé í samræmi við áætlanir.
Eiginfjárhlutfall samstæðunnar
var 15,24% í marslok og arðsemi eig-
in fjár 14%. Hvort tveggja er örlítið
minna en árið áður.
SÍF birtir árshlutauppgjör sitt nú
í evrum en ekki er tekið tillit til
áhrifa verðlagsbreytinga í uppgjör-
inu, þrátt fyrir lagaheimild þess efn-
is.
Hluthafar í SÍF voru 1.420 talsins
í lok mars 2003. Tveir þeirra áttu yf-
ir 10% hlut, Burðarás (um 16%) og
Íslandsbanki (um 15%).
Hagnaður SÍF
1,6 milljónir evra
VÆNTINGAVÍSITALA Gallup
mældist 136,8 stig í maí og hækkar
um 11 stig frá í apríl. Þetta er fimmta
mánuðinn í röð sem vísitalan hækkar
og hefur hún ekki áður mælst svo há.
Mælingin fór fram dagana 7.-20. maí
og athygli vekur að vísitalan mælist
lægri í seinni mælingarvikunni.
Væntingavísitala Gallup mælir
tiltrú og væntingar fólks til efna-
hagslífsins, atvinnuástandsins og
heildartekna heimilisins. Er hún
mæld á sama hátt og Consumer
Confidence Index í Bandaríkjunum
og þar í landi er hún talin hafa gott
forspárgildi um þróun á einkaneyslu.
! "
#$
Væntingavísi-
talan hækkar
fimmta
mánuðinn
www.fotur.net