Morgunblaðið - 28.05.2003, Blaðsíða 45

KNATTSPYRNA
MORGUNBLAÐIÐ MIÐVIKUDAGUR 28. MAÍ 2003 45
Opna
Kynnisferða mótið
Fimmtudaginn 29.maí
Verðlaun
1. sæti m. forgj. Flug fyrir einn á einhvern af áfangastöðum Icelandair.
2. sæti m. forgj. Flug f. tvo á einhvern af áfangastöðum Fluglélags íslands.
3. sæti m. forgj. Gisting fyrir tvo á Nordica hótelinu.
1. sæti án forgj. Flug fyrir einn á einhvern af áfangastöðum Icelandair.
2. sæti án forgj. Bílaleigubíll frá bílaleigu Flugleiða Hertz í tvo daga.
3. sæti án forgj. Gisting fyrir tvo á Nordica hótelinu.
Nándarverðlaun á 16 braut í fyrsta höggi og á 18 braut í öðru höggi.
Keppnisgjald kr. 2.500
Ræst út kl. 08:00 - 15:00
Skráning fer fram á www.golf.is og í síma 421-4100.
Punktakeppni með og án forgjafar.
Hámarksforgj. karlar 24, konur 28.
Leikbann Nedveds hefur veriðmál málanna í aðdraganda
leiksins og jafnvel gengið út í þær
öfgar að sett var í
gang herferðin Fat-
elo giocare, látið
hann leika, í nafni
þeirrar sanngirnis-
kröfu allra aðdáenda fallegrar knatt-
spyrnu að ömurlega ósanngjarnt
væri að annar eins boltkúnstner og
Nedved fengi ekki að heilla hundruð
milljóna manna um allan heim í úr-
slitaleiknum! Vissulega sérkennileg
uppákoma þótt svekkelsi aðdáenda
Juventus sé skiljanlegt og vissulega
megi færa fyrir því sterk rök að regl-
an sem segir að menn fái leikbann
fyrir tvö gul spjöld í jafn langri
keppni, orki tvímælis. Segið Roy
Keane allt um það, hann missti jú af
úrslitaleiknum gegn Bayern 1999
eftir að hafa fengið spjald gegn Juv-
entus í undanúrslitunum.
Nedved eða ekki Nedved,
þar liggur munurinn
Rétt eins og margir töldu að Bay-
ern, með jaxlana Lothar Matthäus
og Stefan Effenberg, myndi rúlla yf-
ir miðju Man. Utd., sem vantaði
þungavigtarmanninn Keane í þeim
fræga leik 1999, þá er talið að fjar-
vera Nedveds eigi eftir að koma nið-
ur á leik Juventus, þar sem hann hef-
ur verið besti leikmaður Juventus í
vetur og jafnframt besti leikmaður
deildarinnar, sem Juventus vann
sannfærandi. Án hans er vissulega
skarð fyrir skildi, en þó eru þeir sem
benda á að fjarvera hans geti þjapp-
að leikmönnum Juventus saman og
eytt í huga þeirra hugmyndinni um
að þeir séu sigurstranglegri í leikn-
um.
„Ég á ekki von á að fjarvera Ned-
veds vinni með okkur. Frekar að hin-
ir vinnusömu miðjumenn Juventus
muni leggja sig enn meira fram og
líta á sig sem litlu karlana, sem allt
hafi að vinna í þessum leik,“ segir
Hollendingurinn Clarence Seedorf,
sem hefur átt skínandi leiktíð með
AC Milan. Hann stefnir að einstæðu
afreki í úrslitaleiknum – að verða
fyrsti leikmaðurinn til að vinna Evr-
ópumeistaratitil með þremur fé-
lögum, en áður hefur hann lyft bik-
arnum með Ajax og Real Madrid.
Fjarvera Nedveds hristir þannig
kannski upp í leiknum sem vissulega
er hætta á að verði afar varfærnis-
lega leikinn. Hvorugir vilja tapa!
„Það verður erfiðara að leggja
Milan að velli heldur en Real Madr-
id,“ segir Ciro Ferrara, hinn þraut-
reyndi 36 ára gamli varnarjaxl, sem
á dögunum vann sinn sjöunda meist-
aratitil á Ítalíu – þann fimmta með
Juventus en áður hafði hann unnið
tvo með gullaldarliði Napólí. „Leik-
menn liðanna þekkjast mjög vel og
það gerir það ólíklegt að um opinn
leik verði að ræða. Fjarvera Ned-
veds hefur auðvitað mikil áhrif en
kannski býður hún uppá að eitthvað
óvænt gerist.“
Milan, tákn glæsileika –
Juventus, tákn stöðugleika
Juventus er langsigursælasta fé-
lagið í sögu ítölsku deildarkeppninn-
ar, Serie A. Samtals 27 meistaratitl-
ar segja allt sem segja þarf og vantar
nú aðeins tvo uppá að liðið hafi unnið
jafn marga titla og Mílanóliðin tvö til
samans!
Í Evrópumótunum hefur AC Mil-
an hins vegar vinninginn, með fimm
Meistaradeildartitla á móti tveimur
Juventus. Alls hefur Milan komist
átta sinnum í úrslitaleikinn, Juvent-
us sex sinnum. „Ég hef einu sinni
stýrt liðinu til sigurs í úrslitaleikn-
um, en tvisvar farið tómhentur heim.
Mér þætti það nú ekki skemmtilegt
að hafa það á ferilskránni hjá mér að
tapa í þriðja sinn. Einn sigur í fjórum
leikjum lítur ekki vel út!“ segir þjálf-
ari Juventus, Marcello Lippi, sem
hefur átt glæsilega endurkomu til fé-
lagsins og landað tveimur titlum í
beit eftir misheppnaða dvöl við stýr-
ið hjá Internazionale.
Lippi hefur náð að endurvekja
hinn gamalkunna og trausta leik
Juventus. Traustan varnarleik,
kraftafótbolta á miðjunni og hraðan
framlínuleik. Kunnugleg uppskrift
þar á bæ. Hins vegar er það ósann-
gjarnt að segja lið Juventus leiðin-
legt, liðið hefur leikið oft á tíðum
glimrandi fótbolta í vetur og var síð-
ari leikurinn gegn Real Madrid
besta dæmið þar um.
Milan hefur hins vegar átt rysjótta
leiktíð, byrjaði með látum og leit út
fyrir að fram væri kominn verðugur
arftaki gullaldarliðsins frá því í
kringum 1990. Heima fyrir rann þó
allt út í sandinn þótt liðið stæði sig
vel í Evrópu. Sjaldan mikill glans á
leik liðsins og má segja að þeir sem
hafi viljað stilla Milan upp sem
„skemmtilega liðinu“ í úrslitaleikn-
um séu fastir í viðjum sögunnar, eða
helteknir af hinum áferðarfallega
leikmannalista félagsins þar sem
hvern snillinginn á fætur öðrum er
að finna. Gallinn er bara sá að það
hefur heldur lítið farið fyrir tilþrif-
unum hjá frægum köppum á borð við
Rivaldo í vetur.
Dagsformið eða
kænska í uppstillingu?
„Það er ekki margt sem skilur á
milli liðanna og þetta mun ráðast af
dagsforminu,“ segir Manuel Rui
Costa, leikstjórnandi Milan. „Juv-
entus er líkamlega mjög sterkt lið og
þeir þjappa sér geysilega vel saman
á miðjunni. Við þurfum að eiga nær
fullkominn leik til að sigra.“
Flestir sparkblaðamenn á Ítalíu
taka undir orð Rui Costa og telja að
tilviljanir og heppni muni ráða mestu
um hver fer með sigur af hólmi. Þó
verður spennandi að sjá hvernig
þjálfarar liðanna munu stilla leik-
mönnum upp, sérstaklega hjá Juv-
entus sem þarf að fylla skarð Ned-
veds, eins og margoft hefur komið
fram hér og annars staðar!
Einvígi þjálfaranna er kryddað
þeirri staðreynd að Ancelotti tók við
af Lippi og stýrði Juventus um tæp-
lega þriggja ára skeið með ófull-
nægjandi árangri að mati stjórnenda
liðsins, sem viku honum úr starfi
með heldur hryssingslegum hætti.
Ancelotti hefur verið talinn varnar-
sinnaður þjálfari en sagt er að Silvio
Berlusconi, forsætisráðherra Ítalíu
og eigandi Milan, hafi tekið það lof-
orð af honum í haust að blásið yrði til
sóknarleiks og virtist Ancelotti hafa
tekið yfirmann sinn á orðinu svona
fyrsta kastið þótt undanfarið hafi
Milan leikið eins og liðum Ancelotti
hefur verið tamt í gegnum tíðina:
heldur varfærnislega.
Keyrir Juve á vængspilið?
Aðalspurningin í uppstillingu Juv-
entus er hvort Lippi ákveður að tefla
fram vængmönnunum Zambrotta og
Camoranesi eða hvort hinn trausti
Pessotto kemur inn í liðið ásamt
kraftakarlinum króatíska Igor Tud-
or.
La Gazzetta dello Sport telur
langlíklegast að Gianluca Zambrotta
verði færður fram í stöðu Nedveds
og Alessandro Birindelli leysi
Zambrotta af í vinstri bakverðinum.
Camoranesi verði svo á hægri kant-
inum. Þetta er djörf uppstilling og
einhvernveginn ekki mjög sennileg í
svona mikilvægum leik. Annað er
nokkuð eftir bókinni; Buffon verður
að sjálfsögðu í markinu og Thuram,
Ferrara og Montero fyrir framan
hann. Á miðjunni Tacchinardi og
Davids og frammi Del Piero og
Trezeguet.
Uppstilling AC Milan er heldur
fyrirsjáanlegri og fátt nema meiðsli
á ögurstundu virðist geta breytt því
að Ancelotti stilli upp nánast sama
liði og í síðari leiknum gegn Inter í
undanúrslitunum. Brasilíumaðurinn
Dida, sem hefur leikið flesta leiki
allra Milan-leikmanna í vetur, er
reyndar kominn í markið aftur eftir
meiðsli.
Kaladze, Nesta og Maldini verða
örugglega í vörninni og hinn 37 ára
gamli Billy Costacurta í stöðu bak-
varðar en hann á reyndar við smá-
vægileg meiðsli að stríða og gæti
Brasilíumaðurinn Roque Junior
leyst hann af hólmi. Frammistaða
Costacurta í vetur er hreint maka-
laus, hann hafði yfirgefið félagið sl.
sumar og ætlaði að ljúka ferlinum í
Bandaríkjunum, en sagt er að fyr-
irliðinn Maldini hafi sjálfur hringt í
hann og beðið hann að koma og
hjálpa til í vörninni sem honum þótti
ekki sannfærandi í haustleikjunum.
Merkilegast er að Costacurta hefur
nær allan ferilinn leikið sem mið-
vörður og menn skilja ekkert í því
hvar hann gróf upp hraðann sem
hann hefur beitt við að spæna upp
kantinn undanfarna mánuði.
Á miðjunni verður Pirlo aftastur
og Gattuso og Seedorf á köntunum.
Rui Costa leikur svo fyrir aftan
framherjana tvo, Inzaghi og Shevch-
enko. Ekkert pláss fyrir Rivaldo
frekar en fyrri daginn en meiðsli
Jons Dahl Tomassons auka þó lík-
urnar á því að hann verði fyrsti kost-
ur Ancelotti til að skerpa á sókninni,
gangi hún ekki nógu vel.
Hverjir taka vítin?
Ítalir hafa gaman af því að spá í
alla hugsanlega möguleika varðandi
leikinn og eitt atriðið er hverjir muni
taka vítaspyrnur liðanna komi til
vítakeppni. Á lista Juve verða örugg-
lega Del Piero, Trezeguet og Ferr-
ara, síðan Camoranesi, Pessotto eða
Birindelli ef þeir spila. Hjá Milan,
sem hefur brennt af óheyrilegum
fjölda vítaspyrna í vetur, verða
væntanlega kallaðir til Pippo Inz-
aghi, Shevchenko, Rui Costa og
Pirlo. Fimmti spyrnumaður gæti
orðið Rivaldo verði hann á vellinum,
Serginho eða Brocchi.
Tvö af frægustu liðum Ítalíu mætast í Evrópumeistaraorrustu á Old Trafford í Manchester
Spennan
að nálgast
suðumark
AP
Tékkneski landsliðsmaðurinn Pavel Nedved er mættur til Man-
chester, en því miður fyrir Juventus getur hann ekki leikið með
liðinu gegn AC Milan þar sem hann er í leikbanni.
TVÖ sigursælustu lið ítalskrar knattspyrnu mætast í úrslitaleik
Meistaradeildarinnar í kvöld á Old Trafford í Manchester og er
spennan á Ítalíu að nálgast suðumark. Allir Ítalir og flestir knatt-
spyrnuaðdáendur um víða veröld hafa skoðun á þessum leik og
skiptast í tvær álíka stórar fylkingar. Juventus er best studda lið
Ítalíu, en Milan kemur þar skammt á eftir og bæði eiga liðin milljónir
stuðningsmanna um allan heim. Flestir eru á því að möguleikar lið-
anna séu nokkuð jafnir. „Með Pavel Nedved innanborðs hefði
Juventus verið mun sigurstranglegra, án hans skilur lítið á milli lið-
anna,“ segir íþróttablaðið Tuttosport sem gefið er út í heimaborg
Juventus, Tórínó.
Einar Logi
Vignisson
skrifar